Yoˇhaˬ 5:21 - Akha

²¹ Aˬda-aˬ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-awˇ, dehꞈ-eu jeˬ biꞈ-eu loꞈ-ehˇ, Zaˬmaˇ kʼawꞈ, aˬ yawꞈ biꞈ mawꞈ-eu tsawˇ haˬ-ahˇ dehꞈ-eu jeˬ biꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ “Aqda, shir-euq tsawrhaq-anr bi ghofdaef lar-awr, daef-eu jeq bif-euq lof-aer, Zaqyo khawf, aqyawf nuima tsaq-eu tsawrhaq-anr daef-eu jeq bif-eu mae.

Yoˇhaˬ 5:21 Iomraidhean Croise

1 Sahˬpaˬ 17:21

Kʼoeˇ naˇ, aˬ li kʼoeˇ gʼaˬ kʼoeˇ taˆ Eˇliˇyaˆ smˬ poˆ keuˆ ni ga byaˆ-awˇ, “Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, aˬ li heu li-ahˇ paˇ bi gʼoꞈ dehꞈ laˇ-awˬ” lehˇ guiˬ lahˬ shaˇ-euˬ meh.

2 Sahˬpaˬ 5:7

Sahˬ boꞈ kʼoeˇ taꞈ-ahˇ Iˇsaˬleˬlaˆ sahˬ paˬ gui gʼaˬ ngeh, aˬ yawꞈ dm luꞈ-eu mehˬ tsoeˬ cehˬ pyaˬ-awˇ ehˇ-eu, “Tsawˇ haˬ heu gʼaˬ-euˬ naˇ gawˇ laˆ saˆ taˬ nehˬ-awˬ lehˇ, Suˇliˆ sahˬ paˬ ngaˬ-ahˇ aˬ joˆ-ehˇ ehˇ nya-eu nga. Ngaˇ-aˬ, tsawˇ haˬ-ahˇ laˆ dehꞈ laˆ shiˇ nya-eu baoˬ ahˇ-eu miˬyehˇ nga lehˇ aˬ yawꞈ noeˬ ta loˇ. Aˬ yawꞈ ngaˬ-ahˇ nui ma laˆ pehˇ-awˇ, ceh dzaˬ-eu gaˇ ma poˆ-eu lehˇ gʼeh-eu ngaˇ.”

Yoˇhaˬ 11:25

Yeˬsuˇ ehˇ-eu, “Ngaˇ-aˬ, gʼoꞈ dehꞈ laˇ-eu jeˬ hawˇ-eu saꞈ laˇ dehꞈ-eu jeˬ pyeuꞈ-eu ma. Ngaˬ-ahˇ kʼaˇ jah-eu tsawˇ haˬ-aˬ, shiˇ-euˬ kʼawꞈ, dehꞈ tehꞈ-a.

Yoˇhaˬ 17:2

Aˬ jeˬ miˇ neh ehˇ naˇ, nawˬ neh aˬ yawꞈ-ahˇ kʼaˇ a nehˬ taˬ-euˬ tsawˇ haˬ dawˬ tawˆ luꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ biꞈ nya ni, miˇ tsaˬ tsawˇ jeuˬ dawˬ tawˆ luꞈ kʼoeˇ taˆ aˬ yawꞈ-ahˇ nawˇ baoˬ biꞈ taˬ-euˬ meh.

Yoˇhaˬ 6:63

Naw maꞈ-ahˇ dehꞈ-eu saꞈ laˇ biꞈ-euˬ-aˬ, Miˬyehˇ-euˬ Yaw sahˇ meh. Tsawˇ haˬ zaˬ-euˬ baoˬ neh tiˬ jeˬ-iˬ maˬ gʼeh nya-a. Ngaˬ neh naw maꞈ-ahˇ ehˇ-euˬ gaˇ kawˆ heu-aˬ, dehꞈ-eu saꞈ laˇ biꞈ-eu Miˬyehˇ-euˬ Yaw sahˇ-ahˇ naw maꞈ bi za nya-eu gʼaˇ duˬ pyeuꞈ-eu ma.

Gʼaˬkʼehˇ 26:8

Aˬ jeˬ miˇ neh naw maꞈ heu gaˇ uiˬ laˇ taˬ-euˬ tsawˇ haˬ deuˬ, shiˇ-euˬ tsawˇ haˬ-ahˇ Miˬyehˇ bi gʼoꞈ dehꞈ laˇ nya meh lehˇ ehˇ gaˇ maˬ jah coeˇ te.”

Lormav 8:11

Yeˬsuˇ-ahˇ shiˇ-euˬ gaˇ bi gʼoꞈ dehꞈ laˇ-euˬ Miˬyehˇ-euˬ Yaw sahˇ kʼoeˇ naw maꞈ-euˬ laꞈ kʼoeˇ jawˇ naˇ, Ka li-ahˇ shiˇ-euˬ gaˇ bi gʼoꞈ dehꞈ laˇ-euˬ kʼoeˇ gʼaˬ naw maꞈ-euˬ laꞈ kʼoeˇjawˇ-eu aˬ yawꞈ-euˬ Yaw sahˇ Miˬyehˇ-ahˇ gʼoe-awˇ, shiˇ nya-eu naw maꞈ-euˬ gʼawˇ mawˇ-ahˇ dehꞈ-eu jeˬ biꞈ nehˬ laꞈ tehꞈ-a.

1 Gawˇliˬtu 15:45

Aˬ jeˬ miˇ neh ehˇ naˇ, “Tsawˇ haˬ zaˬ yaw beh gʼaˬ pyeuꞈ-eu Aˬdaˬ-ahˇ, yaw dehꞈ bi dehꞈ-eu gʼaˇ duˬ beh taˬ-euˬ meh” lehˇ, Jaˇliꞈ laꞈ kʼoeˇ boꞈ taˬ-euˬ meh. Ehˇ kʼawꞈ, aˇ saˬ saˬ-eu gʼaˬ pyeuꞈ-eu Aˬdaˬ yawˬ gʼaˬ yawˬ-aˬ, dehꞈ-eu jeˬ biꞈ-eu Yaw sahˇ pyeuꞈ-eu meh.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.