Yoˇhaˬ 5:16 - Akha

¹⁶ Kʼoeˇ ngeh neh naˇ, aˬ yawꞈ maꞈ Yeˬsuˇ-ahˇ laˆ shaˬ-eu jeˬ aˇ dahˬ beh-euˬ meh. Aˬ jeˬ miˇ neh ehˇ naˇ, Jawˇ nah ngeh nah aˬ yawꞈ aˬ cawˬ-ahˇ naˇ gawˇ laˆ taˬ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Heu-euq baqda’nae, Yurdav tsawrhaq, Yeqsur-anr khaeq-eu ardanq bae-awr Yeqsur-anr saef-eu laer sharpov-eu mae. Aqjeq mirnae aernar-aq, Yeqsur, landaw jawrnan ngae nan khoerlof-aer ghae-eu jeq mr-euq mae.

Yoˇhaˬ 5:16 Iomraidhean Croise

Maꞈtehˬ 12:13

Kʼoeˇ naˇ, aˬ laꞈ tiˬ pyawˬ shiˇ-euˬ tsawˇ haˬ kʼoeˇ gʼaˬ-ahˇ, “Aˬ laꞈ caw ja-awˬ” lehˇ Yeˬsuˇ ehˇ nehˬ-euˬ meh. Tsawˇ haˬ kʼoeˇ gʼaˬ aˬ laꞈ cawˬ ja ngeh, aˬ laꞈ yawˬ pyawˬ yawˬ loꞈ-ehˇ paˇ muiˬ kʼoꞈ laˇ-euˬ meh.

Maˬkuˆ 3:6

Kʼoeˇ ngeh, Paˬliˬsehˇ deuˬ uˬ duˬ tahˬ nymˇ laꞈ kʼoeˇ neh doˆ-iˇ-awˇ, Heˬloˆ aˇ muˇ laꞈ kʼoeˇ uˇ-eu tsawˇ haˬ deuˬ nehˬ-ehˇ tahˬ dzoeˇ-awˇ, Yeˬsuˇ-ahˇ sehꞈ-eu gʼaˇ duˬ bawˬ dzaˬ-euˬ meh.

Luˇkaꞈ 6:11

Ehˇ kʼawꞈ, tsawˇ haˬ kʼoeˇ deuˬ nui ma pehˇ dui dui-awˇ, Yeˬsuˇ-ahˇ aˬ joˆ-ehˇ jahˇ nehˬ paˬ nga lehˇ, aˬ yawꞈ maꞈ yaw kaˬ bawˬ dzaˬ-euˬ meh.

Yoˇhaˬ 1:19

Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ neh, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Yoˇhaˬ jawˇ gaˇ kʼehˇ gʼeh-awˇ, “Nawˇ aˬ suˇ gʼaˬ te” lehˇ bi naˇ haˬ-iˇ-euˬ meh.

Yoˇhaˬ 10:39

Kʼoeˇ ngeh, aˬ yawꞈ maꞈ Yeˬsuˇ-ahˇ nyehꞈ-eu lehˇ paˇ leh jeh-eu meh. Ehˇ kʼawꞈ, aˬ yawꞈ maꞈ neh maˬ bi nyehꞈ mi ni law-iˇ-euˬ meh.

Yoˇhaˬ 15:20

‘Baw leˬ naˆ maˬ tseˇ huiˬ dzehˬ-eu zaˬ kʼaˆ maˬ jawˇ-a’ lehˇ ngaˬ neh naw maꞈ-ahˇ ehˇ nehˬ-euˬ dawˬ-ahˇ taˬ ngehˇ. Aˬ yawꞈ maꞈ ngaˬ-ahˇ kʼehˬ nehˬ kʼaˆ nehˬ laꞈ-euˬ-aˬ, naw maꞈ-ahˇ kʼawꞈ kʼehˬ nehˬ kʼaˆ nehˬ laꞈ tehꞈ-a. Aˬ yawꞈ maꞈ ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ naˇ, naw maꞈ neh mehˬ nehˬ tsoˆ nehˬ-euˬ dawˬ-ahˇ kʼawꞈ naˆ haˬ geuꞈ tehꞈ -a.

Yoˇhaˬ 5:10

Kʼoeˇ miˇ neh, Yuˇdaˆ tsawˇ haˬ aˬ yuiꞈ aˬ tsu deuˬ naˇ gawˇ taˬ leˇ-euˬ tsawˇ haˬ kʼoeˇ gʼaˬ-ahˇ ehˇ nehˬ-eu,“Iˬ nah Jawˇ nah pyeuꞈ-eu miˇ neh, nawˬ-euˬ gawˬ pu baꞈ-awˇ cah-eu teu zahˇ dawˬ kʼoꞈ dawˬ-ahˇ bahˬ-eu meh.”

Yoˇhaˬ 5:13

Naˇ gawˇ taˬ leˇ-euˬ tsawˇ haˬ kʼoeˇ gʼaˬ, Yeˬsuˇ aˬ geu gʼaˬ pyeuꞈ-eu maˬ siˬ nya-a. Aˬ jeˬ miˇ neh ehˇ naˇ, kʼoeˇ gaˇ tsawˇ haˬ gʼawˬ mya ni jawˇ-eu miˇ neh, aˬ cawˬ-euˬ yaw kaˬ-ahˇ Yeˬsuˇ cah byoˆ-euˬ meh.

Yoˇhaˬ 5:15

Kʼoeˇ naˇ, tsawˇ haˬ kʼoeˇ gʼaˬ doˆ-iˇ-awˇ, aˬ yawꞈ-ahˇ naˇ gawˇ laˆ taˬ nehˬ-euˬ gʼaˬ Yeˬsuˇ pyeuꞈ-eu gaˇ kawˆ, Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ehˇ nehˬ-iˇ-euˬ meh.

Yoˇhaˬ 5:17

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ Da nymˬ-mˇ keuˆ ni maˬ tsehˆ leˇ ni gaˇ mˇ luꞈ-eu miˇ neh, ngaˇ kʼawꞈ ya mˇ meh.”

Yoˇhaˬ 5:18

Aˬ yawꞈ kʼoeˇ loꞈ-ehˇ ehˇ-eu miˇ neh, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ-eu gʼaˇ duˬ noeˬ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ, Jawˇ nah-ahˇ maˬ mˇ kʼmˬ-eu jeˬ mˇ-eu tehꞈ-ehˇ maˬ loꞈ ni, Miˬyehˇ-aˬ aˬ yawꞈ-euˬ Aˬ da ma lehˇ ehˇ-eu laꞈ kʼoeˇ, Miˬyehˇ hawˇ-eu aˬ yawꞈ tiˬ kawˆ ma lehˇ ehˇ gaˇ duˇ leˇ-euˬ meh.

Yoˇhaˬ 7:21

Yeˬsuˇ ehˇ-eu, “Ngaˇ zahˬ leˇ paˬ-ehˇ gʼeh-eu jeˬ mˇ mehˬ ngeh, naw maꞈ zahˬ leˇ-eu meh.

Yoˇhaˬ 7:25

Yeˬluˇsaˬlehˬ meuˬ-ahˇ jawˇ-eu tsawˇ haˬ tiˬ paˆ na deuˬ ehˇ-eu, “Aˬ yuiꞈ aˬ tsu deuˬ sehꞈ-eu lehˇ poˆ luꞈ-eu kʼoeˇ heu gʼaˬ-ahˇ poˆ-eu maˬ ngeuˇ-a loˇ.