Yoˇhaˬ 5:15 - Akha

¹⁵ Kʼoeˇ naˇ, tsawˇ haˬ kʼoeˇ gʼaˬ doˆ-iˇ-awˇ, aˬ yawꞈ-ahˇ naˇ gawˇ laˆ taˬ nehˬ-euˬ gʼaˬ Yeˬsuˇ pyeuꞈ-eu gaˇ kawˆ, Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ehˇ nehˬ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Khoernar-aq, khoerghaq, Yurdav tsawrhaq jawr-eu gar ir-awr aer-eu, “Ngaq-anr bi taqler-euq khoerghaq-aq Yeqsur mae.”

Yoˇhaˬ 5:15 Iomraidhean Croise

Maˬkuˆ 1:45

Ehˇ kʼawꞈ, tsawˇ haˬ kʼoeˇ gʼaˬ gʼoꞈ-iˇ-awˇ, gaˇ kawˆ kʼoeˇ yawˬ gaˇ na luꞈ ja doe-iˇ-euˬ meh. Aˬ yawꞈ neh aˇ dzehˬ ja byah dzeuˇ-euˬ miˇ neh, Yeˬsuˇ aˬ cawˬ mawˇ mawˇ-ehˇ meuˬ laꞈ kʼoeˇ maˬ iˇ nya ni pyeuꞈ-iˇ-euˬ meh. Meuˬ-euˬ laꞈ nyiˇ paw ciˬ cuˇ ni gʼeh gaˇ tehꞈ-ehˇ aˬ yawꞈ jawˇ-awˇ, yawˬ paw na luꞈ jawˇ-eu tsawˇ haˬ deuˬ aˬ yawꞈ jawˇ gaˇ laˇ-euˬ meh.

Yoˇhaˬ 1:19

Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ neh, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Yoˇhaˬ jawˇ gaˇ kʼehˇ gʼeh-awˇ, “Nawˇ aˬ suˇ gʼaˬ te” lehˇ bi naˇ haˬ-iˇ-euˬ meh.

Yoˇhaˬ 4:29

“Ngaˬ neh kʼaˇ mˇ dzeuˇ yaꞈ-euˬ yawˬ jeˬ na luꞈ ehˇ mehˬ laꞈ nya-eu tsawˇ haˬ tiˬ gʼaˬ-ahˇ haw le sheˇ. Meˬsiˇya maˬ ngeuˇ nga lehˇ maˬ ehˇ nya luꞈ-a.”

Yoˇhaˬ 5:10

Kʼoeˇ miˇ neh, Yuˇdaˆ tsawˇ haˬ aˬ yuiꞈ aˬ tsu deuˬ naˇ gawˇ taˬ leˇ-euˬ tsawˇ haˬ kʼoeˇ gʼaˬ-ahˇ ehˇ nehˬ-eu,“Iˬ nah Jawˇ nah pyeuꞈ-eu miˇ neh, nawˬ-euˬ gawˬ pu baꞈ-awˇ cah-eu teu zahˇ dawˬ kʼoꞈ dawˬ-ahˇ bahˬ-eu meh.”

Yoˇhaˬ 5:12

Aˬ yawꞈ maꞈ ehˇ-eu, “Nawˬ-ahˇ gawˬ pu baꞈ-awˇ cah-awˬ lehˇ ehˇ-eu aˬ suˇ gʼaˬ-a.”

Yoˇhaˬ 5:16

Kʼoeˇ ngeh neh naˇ, aˬ yawꞈ maꞈ Yeˬsuˇ-ahˇ laˆ shaˬ-eu jeˬ aˇ dahˬ beh-euˬ meh. Aˬ jeˬ miˇ neh ehˇ naˇ, Jawˇ nah ngeh nah aˬ yawꞈ aˬ cawˬ-ahˇ naˇ gawˇ laˆ taˬ nehˬ-euˬ meh.

Yoˇhaˬ 5:18

Aˬ yawꞈ kʼoeˇ loꞈ-ehˇ ehˇ-eu miˇ neh, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ-eu gʼaˇ duˬ noeˬ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ, Jawˇ nah-ahˇ maˬ mˇ kʼmˬ-eu jeˬ mˇ-eu tehꞈ-ehˇ maˬ loꞈ ni, Miˬyehˇ-aˬ aˬ yawꞈ-euˬ Aˬ da ma lehˇ ehˇ-eu laꞈ kʼoeˇ, Miˬyehˇ hawˇ-eu aˬ yawꞈ tiˬ kawˆ ma lehˇ ehˇ gaˇ duˇ leˇ-euˬ meh.

Yoˇhaˬ 9:15

Aˬ joˆ-ehˇ jahˇ-awˇ myaˆ nuiˆ mawˇ laˇ-euˬ gaˇ kawˆ, tsawˇ haˬ kʼoeˇ gʼaˬ-ahˇ Paˬliˬsehˇ deuˬ paˇ naˇ haˬ-euˬ meh. Aˬ yawꞈ ehˇ-eu, “Aˬ yawꞈ ngaˬ-euˬ myaˆ nuiˆ-ahˇ shaˬ jehˆ lehꞈ nehˬ laꞈ-awˇ, ngaˇ myaˆ duꞈ puꞈ shawˇ-iˇ ngeh, myaˆ nuiˆ mawˇ laˇ-euˬ ma.”

Yoˇhaˬ 9:25

Tsawˇ haˬ kʼoeˇ gʼaˬ ehˇ-eu, “Aˬ yawꞈ iˬ baˇ zaˬ ngeuˇ-eu maˬ ngeuˇ-eu kʼoeˇ law nmˇ-aˬ ngaˇ maˬ siˬ. Ngaˇ siˬ nya-eu-aˬ, yaw beh ngaˇ myaˆ behꞈ behꞈ-euˬ kʼawꞈ, nymˬ-mˇ myaˆ nuiˆ mawˇ laˇ-euˬ heu tiˬ hmˬ tehꞈ ma.”

Yoˇhaˬ 9:30

Myaˆ nuiˆ mawˇ laˇ-euˬ tsawˇ haˬ kʼoeˇ gʼaˬ ehˇ-eu, “Naw maꞈ ngehˬ-eu dawˬ teu dawˬ-ahˇ ngaˇ zahˬ dui dui leˇ nya. Aˬ yawꞈ ngaˬ-ahˇ myaˆ nuiˆ bi mawˇ laˇ ngeh keuˆ ni, aˬ yawꞈ aˬ gaˇ neh oe-euˬ naw maꞈ maˬ siˬ nya nya lehˇ la.

Yoˇhaˬ 9:34

Aˬ yawꞈ maꞈ aˬ yawꞈ-ahˇ ehˇ-eu, “Nawˇ loꞈ-ehˇ gʼeh-eu iˬ baˇ laꞈ kʼoeˇ dehꞈ le-awˇ huiˬ laˇ-euˬ tsawˇ haˬ tiˬ gʼaˬ nga maꞈ-ahˇ paˇ mehˬ paˇ tsoˆ-eu gʼeh te loˇ.” Kʼoeˇ naˇ, aˬ yawꞈ-ahˇ Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh nehˬ-euˬ meh.