Yoˇhaˬ 5:10 - Akha

¹⁰ Kʼoeˇ miˇ neh, Yuˇdaˆ tsawˇ haˬ aˬ yuiꞈ aˬ tsu deuˬ naˇ gawˇ taˬ leˇ-euˬ tsawˇ haˬ kʼoeˇ gʼaˬ-ahˇ ehˇ nehˬ-eu,“Iˬ nah Jawˇ nah pyeuꞈ-eu miˇ neh, nawˬ-euˬ gawˬ pu baꞈ-awˇ cah-eu teu zahˇ dawˬ kʼoꞈ dawˬ-ahˇ bahˬ-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoermirnae, Yurdav tsawrhaq, taqler-euq khoerghaq-anr aernaeq-eu, “Iqnan-aq, landaw jawrnan mae. Nawr yufzar baf-awr maq cankhmq-a.”

Yoˇhaˬ 5:10 Iomraidhean Croise

Iˇsaˬyaˇ 58:13

Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ nah muiˬ-eu shawˇ-eu meh lehˇ siˬ-awˇ, yawˬ ha-euˬ nui kʼahˇ maˬ poˆ ni jawˇ-eu uˬ taꞈ, ngaˬ-euˬ nah muiˬ nah shawˇ-ahˇ taˬ huiˬ-eu laꞈ kʼoeˇ, maˬ mˇ maˬ shaˇ maˬ iˇ maˬ laˇ tsehˆ ni jawˇ-awˇ, maˬ muiˬ dawˬ doeˇ maˬ ngehˬ maˬ tmˇ doˆ ni jawˇ naˇ,

Yeˬlaˬmiˇ 17:21

Aˬ yawꞈ maꞈ maˬ shiˇ-ehˇ dehꞈ mawꞈ naˇ, jawˇ nah ngeh nah-ahˇ myawˬ ma ya baꞈ maˬ ya pi-a lehˇ ehˇ nehˬ-awˬ. Jawˇ nah ngeh nah-ahˇ Yeˬluˇsaˬlehˬ meuˬ-euˬ lahˇ kʼehˬ deuˬ-ahˇ neh myawˬ maˬ ya sha ahˇ-a.

Yeˬlaˬmiˇ 17:27

Ehˇ kʼawꞈ, aˬ yawꞈ maꞈ ngaˬ-euˬ ehˇ dawˬ ya naˇ haˬ-awˇ, jawˇ nah-ahˇ nah muiˬ nah shawˇ aˇ nah loꞈ-ehˇ ya lah ya daw tehꞈ-a. Jawˇ nah ngeh nah-ahˇ Yeˬluˇsaˬlehˬ meuˬ-euˬ lahˇ kʼehˬ deuˬ laꞈ kʼoeˇ myawˬ sha doˆ sha ahˇ-eu jeˬ maˬ ya mˇ-a. Aˬ yawꞈ maꞈ kʼoeˇ loꞈ-ehˇ jahˇ naˇ, Yeˬluˇsaˬlehˬ meuˬ-euˬ lahˇ kʼehˬ deuˬ-ahˇ ngaˇ miˬ dzaˬ keuˬ dzeh-awˇ, miˬ dzaˬ kʼoeˇ Yeˬluˇsaˬlehˬ meuˬ laꞈ kʼoeˇ jaˆ-eu sahˬ paˬ-euˬ nymˇ deuˬ-ahˇ puiˆ-awˇ, tiˬ gʼaˬ-iˬ maˬ laˆ miˇ nya ni puiˆ dzaˬ jiˇ tehꞈ-a.”

Maꞈtehˬ 12:10

Aˬ laꞈ tiˬ pyawˬ shiˇ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh. Yeˬsuˇ-ahˇ yaw lehˬ poˆ mawꞈ-eu tsawˇ haˬ deuˬ Yeˬsuˇ-ahˇ ehˇ-eu, “Jawˇ nah-ahˇ naˇ gawˇ laˆ taˬ nehˬ-eu Zahˇ dawˬ kʼoꞈ dawˬ-ahˇ maˬ bahˬ-a loˇ.”

Maˬkuˆ 2:24

Paˬliˬsehˇ deuˬ Yeˬsuˇ-ahˇ ehˇ-eu, “Haw sheˇ. Aˬ jeˬ miˇ neh Jawˇ nah ngeh nah maˬ mˇ kʼmˬ-eu jeˬ aˬ yawꞈ maꞈ mˇ ta.”

Maˬkuˆ 3:4

Kʼoeˇ naˇ, tsawˇ haˬ kʼoeˇ deuˬ-ahˇ aˬ yawꞈ naˇ haˬ-eu, “Jawˇ nah ngeh nah Zahˇ dawˬ kʼoꞈ dawˬ aˬ dui-ahˇ aˬ geu jeˬ bi mˇ laꞈ taˬ. Yaw muiˬ jeˬ bi mˇ laꞈ taˬ loˇ. Maˬ muiˬ-eu jeˬ bi maˇ laꞈ taˬ loˇ. Aˬ cawˬ-euˬ saꞈ laˇ-ahˇ ka kʼoꞈ-eu jeˬ bi mˇ laꞈ taˬ loˇ. Aˬ cawˬ-ahˇ sehꞈ-eu jeˬ bi mˇ laꞈ taˬ loˇ.” Ehˇ kʼawꞈ, tsawˇ haˬ kʼoeˇ deuˬ dawˬ maˬ tmˇ-a.

Luˇkaꞈ 13:14

Uˬ duˬ tahˬ nymˇ kʼoeˇ nymˇ-ahˇ uˆ lahˇ-eu aˬ yuiꞈ geuꞈ-eu gʼaˬ, Yeˬsuˇ Jawˇ nah ngeh nah naˇ gawˇ laˆ taˬ nehˬ-euˬ gaˇ nui ma pehˇ-awˇ ehˇ-eu, “Gaˇ mˇ nya-eu aˇ nah koꞈ nah jaˆ meh. Kʼoeˇ koꞈ nah laꞈ kʼoeˇ laˇ-awˇ naˇ gawˇ bi laˆ saˆ laˇ-awˬ. Jawˇ nah-ahˇ teu loꞈ-ehˇ taˬ jahˇ.”

Luˇkaꞈ 23:56

Kʼoeˇ naˇ, aˬ yawꞈ maꞈ gʼoꞈ leˇ-awˇ, Yeˬsuˇ-euˬ gʼawˇ mawˇ-ahˇ laˆ saˆ-eu gʼaˇ duˬ tsiˇ yaw saw gʼawˬ mya jeˬ lehˬ hmˬ leˇ-euˬ meh. Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, Jawˇ nah kʼoeˇ nah-ahˇ aˬ yawꞈ maꞈ gʼaˬ naˬ naˬ-euˬ meh.

Luˇkaꞈ 6:2

Paˬliˬsehˇ tiˬ paˆ na deuˬ ehˇ-eu, “Aˬ jeˬ miˇ neh Jawˇ nah-ahˇ maˬ mˇ kʼmˬ-eu jeˬ naw maꞈ mˇ te.”

Yoˇhaˬ 1:19

Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ neh, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Yoˇhaˬ jawˇ gaˇ kʼehˇ gʼeh-awˇ, “Nawˇ aˬ suˇ gʼaˬ te” lehˇ bi naˇ haˬ-iˇ-euˬ meh.

Yoˇhaˬ 5:11

Tsawˇ haˬ kʼoeˇ gʼaˬ ehˇ-eu, “Ngaˬ-euˬ gawˬ pu baꞈ-awˇ cah-awˬ lehˇ, ngaˬ-ahˇ naˇ gawˇ laˆ taˬ nehˬ laꞈ-euˬ gʼaˬ ehˇ-eu meh.”

Yoˇhaˬ 5:15

Kʼoeˇ naˇ, tsawˇ haˬ kʼoeˇ gʼaˬ doˆ-iˇ-awˇ, aˬ yawꞈ-ahˇ naˇ gawˇ laˆ taˬ nehˬ-euˬ gʼaˬ Yeˬsuˇ pyeuꞈ-eu gaˇ kawˆ, Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ehˇ nehˬ-iˇ-euˬ meh.

Yoˇhaˬ 5:16

Kʼoeˇ ngeh neh naˇ, aˬ yawꞈ maꞈ Yeˬsuˇ-ahˇ laˆ shaˬ-eu jeˬ aˇ dahˬ beh-euˬ meh. Aˬ jeˬ miˇ neh ehˇ naˇ, Jawˇ nah ngeh nah aˬ yawꞈ aˬ cawˬ-ahˇ naˇ gawˇ laˆ taˬ nehˬ-euˬ meh.

Yoˇhaˬ 7:23

Jawˇ nah ngeh nah aˬ li tiˬ li-ahˇ baˆ kʼoˆ mehˬ dzaˬ yehˬ-euˬ kʼoeˇ Zahˇ dawˬ kʼoꞈ dawˬ-ahˇ maˬ bahˬ-a lehˇ ngeuˇ naˇ, Jawˇ nah ngeh nah tsawˇ haˬ tiˬ gʼaˬ-euˬ gʼawˇ mawˇ mawˇ lah-ehˇ muiˬ laˇ ni ngaˬ neh laˆ taˬ nehˬ-euˬ gaˇ, naw maꞈ aˬ jeˬ miˇ neh nui ma pehˇ te.

Yoˇhaˬ 9:16

Paˬliˬsehˇ tsawˇ haˬ tiˬ paˆ na deuˬ ehˇ-eu, “Myaˆ nuiˆ mawˇ laˇ ni jahˇ nehˬ-euˬ kʼoeˇ gʼaˬ Miˬyehˇ jawˇ gaˇ neh oe-euˬ tsawˇ haˬ maˬ ngeuˇ luꞈ-a. Aˬ jeˬ miˇ neh ehˇ naˇ, Jawˇ nah-ahˇ ya lah ya daw-eu zahˇ sahˇ kʼoꞈ-ahˇ maˬ caw teh ni, maˬ mˇ kʼmˬ-eu jeˬ aˬ yawꞈ mˇ-euˬ nga.” Ehˇ kʼawꞈ, tiˬ paˆ na deuˬ ehˇ-eu, “Iˬ baˇ zaˬ tiˬ gʼaˬ heu naˆ naˆ-ehˇ zahˬ lehˇ paˬ-ehˇ gʼeh-eu jeˬ aˬ joˆ-ehˇ mˇ nya ta.” Aˬ yawꞈ maꞈ kʼoeˇ loꞈ-ehˇ tiˬ gʼaˬ tiˬ jeˬ noeˬ-eu meh.