Yoˇhaˬ 4:6 - Akha

⁶ Yaˬkoˆ-euˬ lah duˬ kʼoeˇ gaˇ jaˆ-eu meh. Yeˬsuˇ gaˇ ma cah doeˇ laꞈ-euˬ miˇ neh, lah duˬ dawˬ peh nuiˇ-euˬ meh. Kʼoeˇ-aˬ, nah loˆ ceh ngeh yamˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khoergar, Yaqkov-euq landuq jav-eu mae. Yeqsur ghaqdoer candoer-euq mirnae, landuq-euq dawqpae nuirluf-eu mae. Khoerngae yamq-anr nanlov caelar mawf-eu mae.

Yoˇhaˬ 4:6 Iomraidhean Croise

Maꞈtehˬ 27:45

Nah loˆ ceh laˇ ngeh, miˇ kʼahˬ kʼoeˇ kʼahˬ kʼahˬ lah-ehˇ zahˇ tsui ni pyeuꞈ-iˇ-awˇ, yaw zahˇ kʼoeˇ naˬ liˬ smˇ laꞈ byah ni jaˆ-euˬ meh.

Maꞈtehˬ 4:2

Maˬ dzaˬ maˬ dawˇ ni oeˬ tseˇ nah oeˬ tseˇ miˇ jawˇ keuˆ laꞈ ngeh, Yeˬsuˇ hawˬ mehꞈ mehꞈ dui dui laˇ-euˬ meh.

Maꞈtehˬ 8:24

Kʼoeˇ ngeh, lah kʼoeˇ taˆ jaˬ lehˇ lehˇ ma baw laˇ-awˇ, iˇ luˆ dzeh dui dui-eu miˇ neh, lawˬ ga nuiꞈ-iˇ paˬ-ehˇ pyeuꞈ laˇ-euˬ meh. Ehˇ kʼawꞈ, Yeˬsuˇ yuꞈ kʼaˆ taˬ-euˬ meh.

Luˇkaꞈ 2:7

Kʼoeˇ ngeh, aˬ yawꞈ zaˬ ciˬ-awˇ, dehꞈ le beh beh-euˬ aˬ li-ahˇ bui loˬ loˬ-awˇ, mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ meh. Aˬ jeˬ miˇ neh ehˇ naˇ, daˬ yah yaꞈ-eu nymˇ laꞈ kʼoeˇ, aˬ yawꞈ nyaꞈ yaꞈ kʼaˇ maˬ za-a.

Luˇkaꞈ 9:58

Yeˬsuˇ aˬ yawꞈ-ahˇ ehˇ nehˬ-eu, “Byaˬ hiˇ-aˬ, bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇhaˬ-euˬ Zaˬmaˇ-aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Yoˇhaˬ 11:9

Yeˬsuˇ ehˇ-eu, “Tiˬ nah-euˬ tseˇ nyiꞈ naˬ liˬ jaˆ-eu maˬ ngeuˇ-a loˇ. Nah gʼahˇ paw kʼaˇ cah-eu tsawˇ haˬ miˇ tsaˬ-euˬ yaw shehꞈ bya-eu miˇ neh maˬ pehˆ toˆ-aˇ.

Yoˇhaˬ 4:12

Aˬ dui-euˬ aˬ poeˬ Yaˬkoˆ neh lah duˬ heu duˬ nga maꞈ-ahˇ biꞈ taˬ yaꞈ-euˬ meh. Aˬ yawꞈ maˬ ehˇ, aˬ yawꞈ-euˬ aˬ li deuˬ maˬ ehˇ, aˬ yawꞈ-euˬ jeˬ zaˬ deuˬ maˬ ehˇ, dawꞈ tawˆ luꞈ lah duˬ heu duˬ-ahˇ dawˇ-euˬ meh. Nawˇ Yaˬkoˆ naˆ maˬ tseˇ huiˬ dzehˬ ma lehˇ ehˇ mawꞈ-eu maˬ ngeuˇ-eu paˬ. Ngeuˇ te loˇ.”

Yoˇhaˬ 4:5

Saˬmaˬliˆ miˇ kʼahˬ laꞈ kʼoeˇ, Suˇkaˬ lehˇ kuˇ-eu meuˬ tiˬ meuˬ-ahˇ aˬ yawꞈ iˇ keuˆ-euˬ meh. Meuˬ kʼoeˇ meuˬ-aˬ, Yaˬkoˆ neh aˬ yawꞈ-euˬ aˬ li Yoˇsehˆ-ahˇ biꞈ tsehˆ nehˬ-euˬ deh yaˇ miˇ tsaˬ dawˬ peh jaˆ-eu meh.

Yoˇhaˬ 4:7

Saˬmaˬliˆ tsawˇ haˬ zaˬ miˬ zaˬ tiˬ gʼaˬ iˇ cuꞈ kʼawꞈ le gaˇ, “Ngaˬ-ahˇ iˇ cuꞈ ui cuiˆ bi dawˇ laꞈ sheˇ” lehˇ Yeˬsuˇ ehˇ nehˬ-euˬ meh.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.