Yoˇhaˬ 4:53 - Akha

⁵³ Yeˬ suˇ neh aˬ yawꞈ-ahˇ “Nawˬ li jawˇ saˇ doˆ laˇ gʼaˬ-euˬ meh” lehˇ ehˇ nehˬ-euˬ kʼoeˇ, aˇ yamˬ kʼoeˇ yamˬ nyiˬ paˆ-ehˇ tsaˬ-eu gaˇ kawˆ, aˬ da kʼoeˇ gʼaˬ siˬ duˬ-euˬ meh. Kʼoeˇ miˇ neh, aˬ yawꞈ hawˇ-eu aˬ yawꞈ-euˬ miˬ sawˇ zaˬ dawˬ tawˆ luꞈ, Yeˬsuˇ-ahˇ jah laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵³ Aryamq khoeryamq-aq, “Nawqli maqshirni yadaef taef-a” laer Yeqsur, aqyawf-anr aernaeq-euq khoeryamq nyiq pav-aer tsaq ngar-a laer tsawrhuiq tsawrma khoerghaq-anr siqler-euq mae. Khoerngae, aqyawf hawr-eu aqyawf-euq miqsawrzaq dawqtawvluf, Yeqsur-anr janlar-euq mae.

Yoˇhaˬ 4:53 Iomraidhean Croise

Jaceuq 107:20

Aˬ yawꞈ-euˬ dawˬ neh aˬ yawꞈ maꞈ-ahˇ laˆ saˆ taˬ-awˇ, shiˇ gaˇ maˬ bi keuˆ ni ka kʼoꞈ-euˬ meh.

Jaceuq 33:9

Yawꞈneh kʼaˇehˇkʼaˇpyeuꞈpyeuꞈ-awˇ, dawˬkʼaˇbiꞈ-euˬkeuˆle-eu meh.

Maꞈtehˬ 8:13

Kʼoeˇ naˇ, yaw huiˬ yaw mahˇ kʼoeˇ gʼaˬ-ahˇ, “Gʼoꞈ-iˇ-awˬ. Nawˬ neh kʼaˇ jah-euˬ jeˬ keuˆ le luꞈ-uˇ” lehˇ, Yeˬsuˇ ehˇ nehˬ-euˬ meh. Kʼoeˇ ngeh, zaˬ kʼaˆ kʼoeˇ gʼaˬ tiˬ poˆ tehꞈ-ehˇ jawˇ saˇ doˆ laˇ-euˬ meh.

Luˇkaꞈ 19:9

Yeˬsuˇ aˬ yawꞈ-ahˇ ehˇ nehˬ-eu, “Iˬ nah nymˇ heu nymˇ-ahˇ ka kʼoꞈ-eu jeˬ keuˆ le-euˬ meh. Aˬ jeˬ miˇ neh ehˇ naˇ, nymˇ sahˇ gʼaˬ kʼawꞈ, Aˬbyaˬhaˬ-euˬ zaˬ meh.

Yoˇhaˬ 4:51

Aˬ yawꞈ iˇ kahˇ gʼoꞈ-iˇ luꞈ ngeh, aˬ yawꞈ-euˬ zaˬ kʼaˆ deuˬ aˬ yawꞈ-ahˇ tahˬ puˬ laˇ-awˇ, “Nawˬ li jawˇ saˇ doˆ laˇ luꞈ meh” lehˇ tsaꞈ gaˬ laˇ-euˬ meh.

Yoˇhaˬ 4:52

“Ngaˬ li maˬ gaˇ laˇ-euˬ aˬ geu yamˬ-ahˇ-a” lehˇ aˬ yawꞈ naˇ haˬ ngeh, “Miˇ nah nah gʼahˇ paw naˬ liˬ tiˬ laꞈ kʼoeˇ yamˬ-ahˇ pyaˬ-eu tsehˆ leˇ-euˬ meh” lehˇ aˬ yawꞈ maꞈ ehˇ-eu meh.

Gʼaˬkʼehˇ 11:14

Nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ ka kʼoꞈ-eu jeˬ za nya ni, aˬ yawꞈ dawˬ mehˬ mehˬ nehˬ laꞈ tehꞈ-a’ lehˇ ehˇ-eu meh lehˇ, ngaˬ-ahˇ dzawˇ nehˬ laꞈ-euˬ meh.

Gʼaˬkʼehˇ 16:15

Aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ dawˬ tawˆ luꞈ iˇ cuꞈ shawˇ gʼaˬ ngeh jawˇ, “Ngaˇ-aˬ, Sahˬpaˬ Miˬyehˇ-ahˇ aˬ diˇ jah-eu tsawˇ haˬ pyeuꞈ-eu ngaˇ lehˇ naw maꞈ noeˬ tsehˆ gʼaˬ-euˬ ngeuˇ naˇ, ngaˬ-euˬ nymˇ-ahˇ yaꞈ laˇ-awˬ” lehˇ ehˇ-awˇ, nga maꞈ-ahˇ aˬ yawꞈ-euˬ nymˇ-ahˇ sheuˬ daˆ gʼeh-euˬ meh.

Gʼaˬkʼehˇ 16:34

Pawˇluˆ hawˇ-eu Siˬlaˆ aˬ nyaꞈ-ahˇ aˬ yawꞈ-euˬ nymˇ laꞈ kʼoeˇ sheuˬ uˇ gʼeh-awˇ, bi dzaˬ bi dawˇ-euˬ meh. Aˬ yawꞈ hawˇ-eu aˬ yawꞈ-euˬ miˬ sawˇ zaˬ deuˬ laˬ kʼaˬ cehˇ dui dui-eu meh. Aˬ jeˬ miˇ neh ehˇ naˇ, Miˬyehˇ-ahˇ jah-eu jeˬ aˬ yawꞈ maꞈ za gʼaˬ-euˬ meh.

Gʼaˬkʼehˇ 18:8

Gaˬliˇpuˆ lehˇ myahˇ-euˬ uˬ duˬ tahˬ nymˇ-ahˇ aˬ yuiꞈ geuꞈ-eu gʼaˬ hawˇ-eu aˬ yawꞈ-euˬ miˬ sawˇ zaˬ dawˬ tawˆ luꞈ Sahˬpaˬ Yeˬsuˇ-ahˇ jah-euˬ meh. Gawˇliˬtu meuˬ-ahˇ jawˇ-eu tsawˇ haˬ gʼawˬ mya ni Miˬyehˇ dawˬ kawˬ ya gaˬ-awˇ, jah-eu laꞈ kʼoeˇ iˇ cuꞈ shawˇ-euˬ meh.

Gʼaˬkʼehˇ 2:39

Aˬ jeˬ miˇ neh ehˇ naˇ, Muiˬ-eu shawˇ-eu Yaw sahˇ Miˬyehˇ biꞈ ma lehˇ Miˬyehˇ neh saˇ jaˇ dzaˬ taˬ-euˬ kʼoeˇ-aˬ, naw maꞈ hawˇ-eu naw maꞈ-euˬ zaˬ deuˬ-ahˇ dzaˬ taˬ-euˬ saˇ jaˇ pyeuꞈ-eu meh. Kʼoeˇ uˬ taꞈ, gaˇ mahˇ kaˬ gaˇ jawˇ-eu tsawˇ haˬ dawˬ tawˆ luꞈ hawˇ-eu aˬ dui-euˬ Miˬyehˇ pyeuꞈ-eu SahˬpaˬMiˬyehˇ neh aˬ yawꞈ jawˇ gaˇ kʼaˇ kuˇ taˬ-euˬ deuˬ dawˬ tawˆ luꞈ-ahˇ dzaˬ-euˬ saˇ jaˇ kʼawꞈ pyeuꞈ-eu meh.”