Yoˇhaˬ 4:5 - Akha

⁵ Saˬmaˬliˆ miˇ kʼahˬ laꞈ kʼoeˇ, Suˇkaˬ lehˇ kuˇ-eu meuˬ tiˬ meuˬ-ahˇ aˬ yawꞈ iˇ keuˆ-euˬ meh. Meuˬ kʼoeˇ meuˬ-aˬ, Yaˬkoˆ neh aˬ yawꞈ-euˬ aˬ li Yoˇsehˆ-ahˇ biꞈ tsehˆ nehˬ-euˬ deh yaˇ miˇ tsaˬ dawˬ peh jaˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Khoermirnae, aqyawf, Saqmaqliv mirkhanq-anr jav-eu Surkaq laer kur-eu meuq tiq meuq-anr irkeuv-euq mae. Meuq heumeuq-aq, Yaqkov nae aqyawf-euq zaqyo Yorsaev-anr biftaq yaf-euq mirtsaq khoertsanr-euq dawqpae jav-eu mae.

Yoˇhaˬ 4:5 Iomraidhean Croise

Aˇ dahˬ 33:19

Sheˬkmˬ-euˬ aˬ da Haˬmawˬ-ahˇ pyuˇ maˇ byaˆ tiˬ yaˇ byaˆ biꞈ-awˇ, jawˇ duˬ kʼoeˇ tsahˇ aˬ yawꞈ zeuˇ tsehˆ-euˬ meh.

Aˇ dahˬ 48:22

Kaˆ hawˇ-eu mi cehˇ baꞈ-awˇ, Aˬmawˇliˆ tsawˇ jeuˬ-ahˇ ngaˬ neh deuˆ za taˬ-euˬ Sheˬkmˬ lehˇ kuˇ-eu miˇ kʼahˬ kʼoeˇ kʼahˬ, nawˬ-euˬ aˇ doˆ deuˬ-ahˇ ngaˇ biꞈ-eu lehˇ gʼeh-eu maˬ ngeuˇ. Nawˬ-ahˇ biꞈ-eu lehˇ gʼeh-eu ma.”

1 Sahˬpaˬ 13:32

Sahˬpaˬ Miˬyehˇ neh aˬ yawꞈ-ahˇ kʼehˇ-awˇ bi ehˇ-euˬ loꞈ-ehˇ, Beˬdeˬlaˇ meuˬ-ahˇ jaˆ-eu lawˇ duˬ hawˇ-eu, Saˬmaˬliˆ miˇ kʼahˬ doe ni jaˆ-eu uˬ duˬ tahˬ-eu jawˇ duˬ deuˬ-ahˇ taꞈ leˇ-awˇ, aˬ yawꞈ neh kʼaˇ ehˇ taˬ yaꞈ-euˬ loꞈ-ehˇ aˬ diˇ aˬ maˇ pyeuꞈ laˇ tehꞈ-a.”

Luˇkaꞈ 9:52

Aˬ yawꞈ-euˬ mehˬ hu tsawˇ haˬ tiˬ deuˬ-ahˇ aˬ yawꞈ kʼehˇ gʼeh-euˬ meh. Tsawˇ haˬ kʼoeˇ deuˬ aˬ yawꞈ-euˬ gʼaˇ duˬ yuꞈ zaˇ jawˇ zaˇ laˆ saˆ taˬ leˇ-eu lehˇ, Saˬmaˬliˆ tsawˇ haˬ-euˬ pu tiˬ pu-ahˇ uˇ leˇ-euˬ meh.

Yoˇhaˬ 4:12

Aˬ dui-euˬ aˬ poeˬ Yaˬkoˆ neh lah duˬ heu duˬ nga maꞈ-ahˇ biꞈ taˬ yaꞈ-euˬ meh. Aˬ yawꞈ maˬ ehˇ, aˬ yawꞈ-euˬ aˬ li deuˬ maˬ ehˇ, aˬ yawꞈ-euˬ jeˬ zaˬ deuˬ maˬ ehˇ, dawꞈ tawˆ luꞈ lah duˬ heu duˬ-ahˇ dawˇ-euˬ meh. Nawˇ Yaˬkoˆ naˆ maˬ tseˇ huiˬ dzehˬ ma lehˇ ehˇ mawꞈ-eu maˬ ngeuˇ-eu paˬ. Ngeuˇ te loˇ.”

Yoˇhaˬ 4:39

Meuˬ kʼoeˇ meuˬ-ahˇ jawˇ-eu tsawˇ haˬ gʼawˬ mya ni Yeˬsuˇ-ahˇ jah laˇ-euˬ meh. Aˬ jeˬ miˇ neh ehˇ naˇ, “Ngaˬ neh kʼaˇ mˇ dzeuˇ yaꞈ-euˬ yawˬ jeˬ na luꞈ a yawꞈ ngaˬ-ahˇ ehˇ mehˬ laꞈ nya eu nga” lehˇ, zaˬ miˬ zaˬ kʼoeˇ gʼaˬ aˬ yawꞈ maꞈ-ahˇ ehˇ nehˬ-euˬ meh.

Yoˇhaˬ 4:6

Yaˬkoˆ-euˬ lah duˬ kʼoeˇ gaˇ jaˆ-eu meh. Yeˬsuˇ gaˇ ma cah doeˇ laꞈ-euˬ miˇ neh, lah duˬ dawˬ peh nuiˇ-euˬ meh. Kʼoeˇ-aˬ, nah loˆ ceh ngeh yamˬ meh.

Yoˇhaˬ 4:8

(Aˬ yawꞈ-euˬ zaˬ lahˇ deuˬ-aˬ, dzaˬ dzaˬ dawˇ dawˇ zeuˇ-eu gʼaˇ duˬ meuˬ-ahˇ le uˇ-euˬ meh.)

Yawˇshuˆ 24:32

Iˇjiˇtuˆ miˇ kʼahˬ-ahˇ neh, Iˇsaˬleˬlaˆ tsawˇ haˬ deuˬ neh baꞈ laꞈ-euˬ Yoˇsehˆ-euˬ gʼawˇ mawˇ-ahˇ, Sheˬkmˬ-euˬ aˬ da Haˬmawˬ-euˬ aˬ li deuˬ-euˬ laꞈ-ahˇ neh, pyuˇ maˇ byaˆ tiˬ yaˇ byaˆ biꞈ-awˇ Yaˬkoˆ neh zeuˇ-euˬ Sheˬkmˬ meuˬ-ahˇ jaˆ-eu miˇ tsaˬ kʼoeˇ tsahˇ-ahˇ baꞈ pahˬ-euˬ meh. Miˇ tsaˬ kʼoeˇ tsahˇ-aˬ, Yoˇsehˆ-euˬ zaˬ deuˬ uˆ deuˬ za-euˬ jeˬ biˇ pyeuꞈ-eu meh.