Yoˇhaˬ 4:48 - Akha

⁴⁸ Yeˬsuˇ aˬ yawꞈ-ahˇ ehˇ nehˬ-eu, “Kʼaˆ jeˬ-ahˇ gʼeh-eu bi siˬ bi mawˇ-eu jeˬ hawˇ-eu zahˬ leˇ paˬ-ehˇ gʼeh-eu jeˬ maˬ ya mawˇ naˇ, naw maꞈ maˬ jah-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁸ Yeqsur, aqyawf-anr aernaeq-eu, “Bisiq bimawr-eu jeq hawr-eu zanqler paq-aer ghae-eu jeq-anr nawmaf maqya mawr-euq khoer-aq maqjan-a.”

Yoˇhaˬ 4:48 Iomraidhean Croise

Daˬyeˬlaˇ 4:2

Dawˬ tawˆ kʼoeˇ taˆ huiˬ-eu Miˬyehˇ neh ngaˬ-ahˇ bi siˬ bi mawˇ laꞈ-euˬ zahˬ dui dui leˇ paˬ-ehˇ gʼeh-eu gaˇ kawˆ, naw maꞈ-ahˇ ngaˇ maˬ ja mehˬ-ehˇ maˬ jawˇ coeˇ nya.

Daˬyeˬlaˇ 6:27

Aˬ yawꞈ ka kʼoꞈ-eu gʼaˬ pyeuꞈ-awˇ, ngehˬ gʼeh dah teˬ nehˬ-eu gʼaˬ meh. Mˬ hawˇ-eu miˇ tsaˬ heu kʼoeˇ taˆ, zahˬ leˇ-eu jeˬ mˇ-eu gʼaˬ meh. Aˇ laˬ jaˬ shiˇ maˬ bi kawꞈ ni, Daˬyeˬlaˇ-ahˇ ka kʼoꞈ-euˬ meh.”

Bawˇtsahˬ 14:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ heu deuˬ aˇ myah keuˆ ni ngaˬ-ahˇ byehˇ dzeh-eu lehˇ gʼeh ta. Aˬ yawꞈ maꞈ-ahˇ zahˬ leˇ paˬ-ehˇ gʼeh-eu jeˬ gʼawˬ mya poˆ mˇ mehˬ gʼaˬ-euˬ kʼawꞈ, ngaˬ-ahˇ maˬ jah-ehˇ aˬ yawꞈ maꞈ aˬ myah keuˆ ni jawˇ-eu gʼeh ta.

Maꞈtehˬ 16:1

Yeˬsuˇ jawˇ gaˇ laˇ-euˬ Paˬliˬsehˇ hawˇ-eu Saˬduˬgehˇ tiˬ paˆ na deuˬ, Yeˬsuˇ-ahˇ lahˇ ju kʼmˇ mawꞈ-eu nui ma ahˇ-eu meh. Kʼoeˇ miˇ neh, mˬ kʼoeˇ taˆ-euˬ zahˬ leˇ paˬ-ehˇ gʼeh-eu jeˬ mˇ mehˬ nehˬ laꞈ lehˇ ehˇ nehˬ-euˬ meh.

Maꞈtehˬ 24:24

Aˬ jeˬ miˇ neh ehˇ naˇ, Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ doˆ le tehꞈ-a. Aˬ yawꞈ maꞈ zahˬ dui dui leˇ paˬ-ehˇ gʼeh-eu jeˬ hawˇ-eu, kʼaˆ jeˬ-ehˇ gʼeh-eu jeˬ mˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ mehˇ shuiˇ shuiˇ tawˆ-awˇ, gaˇ ma sheuˬ bahˬ gʼeh tehꞈ-a.

Maꞈtehˬ 27:42

“Aˬ yawꞈ aˬ cawˬ-ahˇ ka kʼoꞈ nya-euˬ kʼawꞈ, yawˬ haˇ yawˬ ha maˬ ka kʼoꞈ nya law hawˇ ngaˬ laˬ. Aˬ yawꞈ Iˇsaˬleˬlaˆ tsawˇjeuˬ-euˬ sahˬ paˬ maˬ ngeuˇ-a loˇ. Nymˬ-mˇ aˬ yawꞈ laꞈ yaꞈ kʼoeˇ taˆ neh zaꞈ ka le nya law nmˇ-aˬ, aˬ dui maꞈ aˬ yawꞈ-ahˇ jah tehꞈ-a tawˇ.

Maˬkuˆ 13:22

Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ oe doˆ tehꞈ-a. Aˬ yawꞈ maꞈ zahˬ leˇ paˬ-ehˇ gʼeh-eu jeˬ hawˇ-eu, kʼaˆ jehˬ-ehˇ gʼeh-eu jeˬ jahˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ, mehˇ shuiˇ shuiˇ tawˆ-awˇ gaˇ ma sheuˬ bahˬ gʼeh tehꞈ-a.

Luˇkaꞈ 10:18

Yeˬsuˇ aˬ yawꞈ maꞈ-ahˇ ehˇ kʼoꞈ nehˬ-eu, “Mˬ myawꞈ myawꞈ-eu loꞈ-ehˇ, Saˬdaˬ mˬ-ahˇ neh ga ka le gaˇ ngaˇ mawˇ-euˬ ma.

Luˇkaꞈ 16:31

Ehˇ kʼawꞈ, Aˬbyaˬhaˬ ehˇ-eu, ‘Moˇseˬ hawˇ-eu Miˬyehˇ gʼaˇ duˬ ngehˬ da-eu deuˬ-euˬ dawˬ-ahˇ aˬ yawꞈ maꞈ maˬ naˇ haˬ naˇ, shiˇ-euˬ tsawˇ haˬ gʼoꞈ dehꞈ laˇ-awˇ ehˇ nehˬ-iˇ kʼawꞈ, aˬ yawꞈ maꞈ maˬ jah-aˇ.”’

Yoˇhaˬ 12:37

Aˬ yawꞈ maꞈ-euˬ mehˬ shi zahˬ leˇ paˬ-ehˇ gʼeh-eu jeˬ kʼoeˇ naˆ ni mˇ mehˬ-euˬ kʼawꞈ, aˬ yawꞈ maꞈ aˬ yawꞈ-ahˇ maˬ jah-a.

Yoˇhaˬ 15:24

Tsawˇ haˬ tiˬ gʼaˬ-iˬ maˬ mˇ haw-euˬ gaˇ heu deuˬ aˬ yawꞈ maꞈ jawˇ gaˇ ngaˇ maˬ mˇ-euˬ law nmˇ-aˬ, aˬ yawꞈ maꞈ iˬ baˇ maˬ ahˇ-aˇ. Ehˇ kʼawꞈ, ngaˬ neh mˇ-euˬ gaˇ-ahˇ aˬ yawꞈ maꞈ ya mawˇ-awˇ, ngaˬ-ahˇ maˬ ehˇ, ngaˬ Da-ahˇ maˬ ehˇ, aˬ yawꞈ maꞈ muiˇ-eu meh.

Yoˇhaˬ 2:18

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ ehˇ-eu, “Nawˇ teu loꞈ-ehˇ jahˇ nya-eu a kawˬ-aˬ jaˆ-eu nga maꞈ ya siˬ duˬ ni, kʼaˆ jeˬ-ehˇ gʼeh-eu bi siˬ bi mawˇ-eu aˬ geu jeˬ nga maꞈ-ahˇ jahˇ mehˬ-eu gʼeh te.”

Yoˇhaˬ 20:29

Aˬ yawꞈ-ahˇ Yeˬsuˇ ehˇ nehˬ-eu, “Nawˇ ngaˬ-ahˇ mawˇ-euˬ miˇ neh jah te loˇ. Ngaˬ-ahˇ maˬ mawˇ-euˬ kʼawꞈ jah-eu tsawˇ haˬ deuˬ aˇ naˆ ni guiˬ lahˬ huiˬ-eu nga.”

Yoˇhaˬ 4:49

Yaw huiˬ yaw mahˇ kʼoeˇ gʼaˬ Yeˬsuˇ-ahˇ ehˇ-eu, “Sahˬ paˬ-oˇ, ngaˬ-euˬ zaˬ maˬ shiˇ mi naˆ-ehˇ tiˬ poˆ oe nehˬ laꞈ-awˬ.”

Gʼaˬkʼehˇ 14:3

Gʼaˬ kʼehˇ kʼoeˇ nyiˬ gʼaˬ kʼoeˇ gaˇ gʼawˬ myahˇ ni jawˇ-awˇ, Sahˬpaˬ Miˬyehˇ-euˬ gaˇ kawˆ kʼaˬ duˬ ni mehˬ-euˬ meh. Sahˬpaˬ Miˬyehˇ neh aˬ yawꞈ nyaꞈ-ahˇ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ jahˇ nya-eu baoˬ biꞈ-eu laꞈ kʼoeˇ, aˬ yawꞈ-euˬ gʼawˬ shaˬ gaˬ-eu jeˬ gaˇ kawˆ mehˬ-eu kʼoeˇ tsaˬ-eu jeˬ pyeuꞈ-eu saˇ kiˇ bi doˆ laˇ-euˬ meh.

Gʼaˬkʼehˇ 15:12

Baˬnaˬbaˇ hawˇ-eu Pawˇluˆ aˬ nyaꞈ, Miˬyehˇ neh aˬ yawꞈ nyaꞈ-ahˇ gʼoe-awˇ aˬ cawˬ tsawˇ jeuˬ-euˬ mehˬ shi mˇ mehˬ-euˬ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ gaˇ kawˆ dzawˇ mehˬ ngeh, uiˬ laˇ taˬ-euˬ tsawˇ haˬ dawˬ tawˆ luꞈ ciˬ cuˇ ni jawˇ-awˇ naˇ haˬ-euˬ meh.

Gʼaˬkʼehˇ 2:19

Mˬ maˬ mˬ taˆ yaw goˇ kʼoeˇ gaˇ, kʼaˆ jeˬ-ehˇ gʼeh-eu mˇ mehˬ-awˇ, Laꞈ oˆ miˇ maˬ heu kʼoeˇ taˆ kʼawꞈ, zahˬ leˇ-eu jeˬ ngaˇ jahˇ mehˬ ma. Shiˬ doˆ-awˇ miˬ dzaˬ puiˆ tehꞈ-a. Uˬ kʼoeˬ naˆ uꞈ ni jaˆ tehꞈ-a.

Gʼaˬkʼehˇ 2:22

“Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ yaw muiˬ paˬ-ehˇ naˇ haˬ sheˇ. Naˬzaˬlehˇ tsawˇ haˬ Yeˬsuˇ-aˬ, maˇ maˇ ni Miˬyehˇ neh bi oe-euˬ gʼaˬ pyeuꞈ-eu gaˇ kawˆ, aˬ yawꞈ-ahˇ gʼoe-eu laꞈ kʼoeˇ Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kʼoeˇ deuˬ saˇ kiˇ kamˬ luꞈ meh. Gaˇ kawˆ kʼoeˇ deuˬ naw maꞈ-euˬ mehˬ shi pyeuꞈ dzeuˇ yaꞈ-euˬ miˇ neh, naw maꞈ yaw muiˬ paˬ-ehˇ siˬ duˬ meh.

Gʼaˬkʼehˇ 2:43

Gʼaˬ kʼehˇ deuˬ-ahˇ gʼoe-awˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ Miˬyehˇ jahˇ-euˬ meh. Tsawˇ haˬ yawˬ gʼaˬ na luꞈ zahˬ leˇ-awˇ guˆ-euˬ meh.

Gʼaˬkʼehˇ 4:30

Nawˬ-euˬ aˬ laꞈ cawˬ ja-eu laꞈ kʼoeˇ, naˇ-eu gawˇ-eu tsawˇ haˬ deuˬ-ahˇ bi taˬ leˇ-awˇ, nawˬ-euˬ muiˬ-eu shawˇ-eu Zaˬkʼaˆ pyeuꞈ-eu Yeˬsuˇ-euˬ tsawˇ myahˇ-ahˇ gʼoe-awˇ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ mehˬ laꞈ.”

Gʼaˬkʼehˇ 5:12

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ, tsawˇ haˬ gʼawˬ mya ni-ahˇ gʼaˬ kʼehˇ deuˬ mˇ mehˬ-euˬ meh. Jah-eu tsawˇ haˬ dawˬ tawˆ luꞈ, Sawˇlaˬmoˬ-euˬ Guiˇ ga ceuˬ lehˇ kuˇ-eu jawˇ duˬ-ahˇ uiˬ leˇ-euˬ meh.

Gʼaˬkʼehˇ 6:8

Miˬyehˇ neh guiˬ lahˬ tiˬ byah ni biꞈ taˬ-awˇ, baoˬ tiˬ byah ni ahˇ-eu Saˬteˬpaˬ-aˬ, aˬ cawˬ-euˬ mehˬ shi zahˬ dui dui leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ mehˬ-euˬ meh.

Gʼaˬkʼehˇ 7:36

Iˇjiˇtuˆ miˇ kʼahˬ laꞈ kʼoeˇ maˬ ehˇ, Iˬ ma laˆ shaˆ Yaw neˇ gʼahˇ ceh maˬ ehˇ, bawˇ tsahˬ bawˇ dahˇ laꞈ kʼoeˇ oeˬ tseˇ kʼoꞈ oeˬ tseˇ myaˇ cah luꞈ ngeh maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ mehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ meh.

Lormav 15:19

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ nya-eu baoˬ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ mˇ-euˬ jeˬ pyeuꞈ-eu meh. Yeˬluˇsaˬlehˬ meuˬ-ahˇ neh Iˇluˇliˆ miˇ kʼahˬ-ahˇ keuˆ ni iˇ-euˬ gaˇ pehˇ kahˇ li, Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ doe-euˬ ma.

1 Gawˇliˬtu 1:22

Yuˇdaˆ tsawˇ ha deuˬ-aˬ, yawˬ ha jah-eu gʼaˇ duˬ zahˬ leˇ paˬ-ehˇ gʼeh-eu jeˬ-ahˇ mawˇ mawꞈ-awˇ, Heˬlaˬsaˇ tsawˇ haˬ deuˬ-aˬ, za siˬ tsawˇ gahˇ-ahˇ poˆ-eu meh.

2 Gawˇliˬtu 12:12

Ngaˇ maˇ maˇ ni gʼaˬ kʼehˇ pyeuꞈ-eu gaˇ kawˆ bi siˬ bi mawˇ duˬ-euˬ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ-ahˇ, nui ma gʼawˬ mahˇ ni taˬ-eu laꞈ kʼoeˇ naw maꞈ-ahˇ mˇ mehˬ-euˬ ma.

2 Teˇsaˬloˇni 2:9

Haiˬ dui dui-eu kʼoeˇ Gʼaˬ nehꞈ Sahˬdaˬ-euˬ baoˬ pi leꞈ-awˇ, maˬ ngeuˇ-eu zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ dawˬ tawˆ luꞈ jahˇ mehˬ tehꞈ-a.

HeˬByehˇ 2:4

Miˬyehˇ aˬ yawꞈ kʼawꞈ, aˬ yawꞈ nui ma kʼaˇ tsaˬ-eu loꞈ-ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ-eu uˬ taꞈ, Yaw sahˇ Miˬyehˇ neh biꞈ-euˬ laꞈ sawˬ deuˬ-ahˇ bi za-eu laꞈ kʼoeˇ, aˬ yawꞈ maꞈ nehˬ-ehˇ saˇ kiˇ caw kamˬ luꞈ-eu meh.