Yoˇhaˬ 4:28 - Akha

²⁸ Kʼoeˇ naˇ, zaˬ miˬ zaˬ kʼoeˇ gʼaˬ aˬ yawꞈ-euˬ miˇ tsaˬ oeˬ lahˬ taˬ yaꞈ-awˇ, meuˬ-ahˇ gʼoꞈ leˇ-awˇ, aˬ cawˬ-ahˇ heu loꞈ-ehˇ ehˇ gaˬ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Khoerngae, zaqmiq aqbur khoerghaq, aqyawf-euq ircuf oeqlanq bijav yaf-awr, meuq paw le-awr nae meuq-anr jawr-eu tsawrhaq-anr heulof-aer aernaeq-euq mae,

Yoˇhaˬ 4:28 Iomraidhean Croise

2 Sahˬpaˬ 5:4

Gaˇ kawˆ kʼoeˇ Neˬmaˬ ya gaˬ ngeh, sahˬ paˬ jawˇ gaˇ le-awˇ, aˬ buˇ kʼoeˇ buˇ neh ehˇ-euˬ dawˬ kʼoeˇ dzawˇ nehˬ leˇ-euˬ meh.

Maꞈtehˬ 28:8

Kʼoeˇ ngeh, aˬ yawꞈ nyaꞈ guˆ kʼawꞈ guˆ, laˬ kʼaˬ kʼawꞈ cehˇ-eu laꞈ kʼoeˇ, nyi naˬ nyi naˬ-ehˇ maˬ jawˇ ni, aˬ yawꞈ-euˬ zaˬ lahˇ deuˬ-ahˇ dzawˇ nehˬ-iˇ-eu gʼaˇ duˬ cehˆ coeˬ coeˬ kʼoꞈ gʼeh-euˬ meh.

Luˇkaꞈ 24:33

Aˬ yawꞈ nyaꞈ tiˬ poˆ tehꞈ-ehˇ tsawˬ tuˇ-awˇ, Yeˬluˇsaˬlehˬ meuˬ-ahˇ gʼoꞈ leˇ-euˬ meh. Zaˬ lahˇ tseˇ nyiꞈ gʼaˬ hawˇ-eu nui deuˬ uiˬ leˇ taˬ-awˇ jawˇ gaˇ aˬ yawꞈ nyaꞈ ya mawˇ-euˬ meh.

Luˇkaꞈ 24:9

Kʼoeˇ naˇ, lmˬ bymˇ-ahˇ neh gʼoꞈ leˇ-awˇ, Gʼaˬ kʼehˇ tseˇ nyiꞈ gʼaˬ hawˇ-eu nui deuˬ dawˬ tawˆ luꞈ-ahˇ, gaˇ kawˆ kʼoeˇ deuˬ dzawˇ mehˬ nehˬ-euˬ meh.

Yoˇhaˬ 4:27

Kʼoeˇ ngeh, Yeˬsuˇ-euˬ zaˬ lahˇ deuˬ gʼoꞈ keuˆ le-awˇ, aˬ yawꞈ zaˬ miˬ zaˬ tiˬ gʼaˬ nehˬ-ehˇ dawˬ ngehˬ cawˬ luꞈ gaˇ ya mawˇ ngeh, zahˬ leˇ-euˬ meh. Ehˇ kʼawꞈ aˬ yawꞈ maꞈ tiˬ gʼaˬ-iˬ zaˬ miˬ zaˬ kʼoeˇ gʼaˬ-ahˇ “Nawˇ aˬ jeˬ loˬ-eu nya” lehˇ maˬ naˇ haˬ-a. Yeˬsuˇ-ahˇ kʼawꞈ, “Nawˇ aˬ jeˬ miˇ neh aˬ yawꞈ-ahˇ dawˬ ngehˬ cawˬ te” lehˇ maˬ ehˇ nehˬ-a.

Yoˇhaˬ 4:29

“Ngaˬ neh kʼaˇ mˇ dzeuˇ yaꞈ-euˬ yawˬ jeˬ na luꞈ ehˇ mehˬ laꞈ nya-eu tsawˇ haˬ tiˬ gʼaˬ-ahˇ haw le sheˇ. Meˬsiˇya maˬ ngeuˇ nga lehˇ maˬ ehˇ nya luꞈ-a.”

Yoˇhaˬ 4:7

Saˬmaˬliˆ tsawˇ haˬ zaˬ miˬ zaˬ tiˬ gʼaˬ iˇ cuꞈ kʼawꞈ le gaˇ, “Ngaˬ-ahˇ iˇ cuꞈ ui cuiˆ bi dawˇ laꞈ sheˇ” lehˇ Yeˬsuˇ ehˇ nehˬ-euˬ meh.