Yoˇhaˬ 4:16 - Akha

¹⁶ Yeˬsuˇ ehˇ-eu, “Nawˬ-euˬ kʼaˬ dzeˇ zaˬ kuˇ laˬ leˇ-awˇ oe-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Yeqsur, aqyawf-anr aernaeq-eu, “Ghofler-awr nawq-euq khaqdzerzaq kurlaq ler-awq.”

Yoˇhaˬ 4:16 Iomraidhean Croise

Yoˇhaˬ 1:42

Kʼoeˇ naˇ, Siˇmoˬ-ahˇ Yeˬsuˇ jawˇ gaˇ aˬ yawꞈ sheuˬ gʼeh-euˬ meh. Yeˬsuˇ Siˇmoˬ-ahˇ haw-awˇ ehˇ-eu, “Nawˬ-euˬ tsawˇ myahˇ-aˬ, Yoˇhaˬ-euˬ aˬ li Siˇmoˬ meh. Ehˇ kʼawꞈ, nawˬ-ahˇ Geˬpaˇ lehˇ kuˇ tehꞈ-a.” lehˇ ehˇ nehˬ-euˬ meh. (ʼGeˬpaˇʼ hawˇ-eu ʼBeˬtuˆluˆʼ lehˇ ehˇ-eu tsawˇ myahˇ heu nyiˬ myahˇ dawˬ tsuiꞈ duˇ leˇ-awˇ, ʼKʼaˬ loʼ lehˇ ehˇ mawꞈ-eu meh.

Yoˇhaˬ 21:17

Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.

Yoˇhaˬ 4:15

Zaˬ miˬ zaˬ kʼoeˇ gʼaˬ ehˇ-eu, “Saˬ laˬ-oˇ, ngaˇ iˇ cuꞈ mehꞈ laˇ-eu maˬ paˇ baw-ehˇ, heu gaˇ oe-awˇ iˇ cuꞈ maˬ paˇ ya kʼawꞈ le ni, nawˬ-euˬ iˇ cuꞈ kʼoeˇ ngaˬ-ahˇ bi dawˇ laꞈ-awˬ.”

Yoˇhaˬ 4:17

Aˬ yawꞈ ehˇ-eu, “Ngaˇ kʼaˬ dzeˇ zaˬ maˬ baw.” Yeˬsuˇ ehˇ-eu, “Nawˇ kʼaˬ dzeˇ zaˬ maˬ baw lehˇ ehˇ-eu-aˬ, kʼaˇ ngeuˇ-eu loꞈ-ehˇ dawˇ coe ni ehˇ-eu meh.

Yoˇhaˬ 4:18

Nawˇ-aˬ, ngaˬ zahˇ iˇ paˇ gʼaˬ-euˬ zaˬ miˬ zaˬ tiˬ gʼaˬ pyeuꞈ-awˇ, nymˬ-mˇ nawˬ nehˬ-ehˇ jawˇ luꞈ-eu gʼaˬ kʼawꞈ, nawˬ-euˬ kʼaˬ dzeˇ zaˬ maˇ maˇ ni maˬ ngeuˇ-a. Nawˇ ngaˬ-ahˇ ehˇ-eu teu tsaˬ meh.”

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.