Yoˇhaˬ 4:10 - Akha

¹⁰ Yeˬsuˇ ehˇ-eu, “Miˬyehˇ neh biꞈ leꞈ-euˬ jeˬ hawˇ-eu nawˬ-ahˇ iˇ cuꞈ shaˇ dawˇ-eu gʼaˬ-ahˇ nawˇ siˬ nya law nmˇ-aˬ, nawˇ aˬ yawꞈ-ahˇ iˇ cuꞈ shaˇ dawˇ-awˇ, aˬ yawꞈ nawˬ-ahˇ dehꞈ-eu saꞈ laˇ biꞈ-eu iˇ cuꞈ bi dawˇ laꞈ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Yeqsur, aqyawf-anr aerkhof naeq-eu, “Miqyaer nae bif-euq lafsawq hawr-eu, ‘Ngaq-anr ircuf bidawr naeqlaf-awq’ laer nawq-anr sharluf-eu ghaq aqsur ghaq la laer nawr siqnya lawnmr-aq, nawr, aqyawf-anr shar taef-a. Aqyawf khawf nawq-anr daef-eu jeq bif-eu ircuf bidawr naeqlaf taef-a.”

Yoˇhaˬ 4:10 Iomraidhean Croise

Jaceuq 10:17

Sahˬpaˬ Miˬyehˇ-oˇ, nui nahˬnui yu ahˇ-eu deuˬ-euˬ shaˇdawˬ-ahˇnaˇhaˬgeuꞈnehˬ-awˇ. nui ma-ahˇgʼaˬbiꞈlahˬnehˬ-awˬ.

Jaceuq 46:4

Miˬyehˇ-euˬ meuˬ hawˇ-eu Huiˬ dui mahˇ dui dui-eu Gʼaˬ-euˬ nymˇ-ahˇ, laˬ kʼaˬ cehˇ nui saˇ za-eu jeˬ hehˇ ahˇ leꞈ-eu lawˇ gawˆ tiˬ gawˆ yoeˇ-eu meh.

Doˆ-iˇ 17:6

Siˇnaˆ gawˬ jawˬ lo guˇ kʼoeˇ taˆ, nawˬ-euˬ mehˬ shi ngaˇ yawꞈ luꞈ ma. Lo guˇ-ahˇ juiꞈ-awˬ. Iˇsaˬleˬlaˆ tsawˇ haˬ deuˬ dawˇ-eu gʼaˇ duˬ iˇ cuꞈ yoeˇ doˆ le tehꞈ-a.” Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ mehˬ shi, Moˇseˬ kʼoeˇ loꞈ-ehˇ mˇ-euˬ meh.

Dawˬ caˇ 4:15

Yaˇ kmˇ-ahˇ lawˇ gawˆ iˇ cuꞈ shehˬ-eu meh. Iˇ cuꞈ lawˇ baˬ deuˬ hawˇ-eu, Leˬbaˬnoˬ gawˬ jawˬ-ahˇ neh yoeˇ ka leꞈ-euˬ lawˇ gawˆ deuˬ, yaˇ kmˇ kʼoeˇ-ahˇ iˇ cuꞈ biꞈ le-eu meh.

Iˇsaˬyaˇ 12:3

Iˇ cuꞈ mehꞈ luꞈ-eu tsawˇ haˬ deuˬ, lah duˬ iˇ cuꞈ-ahˇ laˬ kʼaˬ cehˇ-eu loꞈ-ehˇ, Miˬyehˇ-euˬ tsawˇ haˬ deuˬ, aˬ yawꞈ ka kʼoꞈ nehˬ gaˇ laˬ kʼaˬ cehˇ-eu meh.”

Iˇsaˬyaˇ 35:6

Kuiˇ shiˇ gaˇ nyeh nyeh nya laˇ-awˇ, aˬ dzawˬ laˬ kʼaˬ cehˇ-eu dawˬ ngehˬ-awˇ guˇ tehꞈ-a. Koˆ kaˆ ni gʼeh-eu kʼaˇ shuiꞈ deh yaˇ-ahˇ, lawˇ baˬ yoeˇ le tehꞈ-a.

Iˇsaˬyaˇ 42:6

“Sahˬpaˬ Miˬyehˇ pyeuꞈ-eu ngaˇ nawˬ-ahˇ kuˇ-awˇ, miˇ tsaˬ kʼoeˇ taˆ yaw tsaˬ yaw dawˇ jeˬ jaˆ laˇ ni, nawˬ-ahˇ baoˬ biꞈ taˬ gʼaˬ-euˬ ma. Nawˬ-ahˇ gʼoe-eu laꞈ kʼoeˇ tsawˇ jeuˬ dawˬ tawˆ luꞈ-ahˇ, ngaˇ saˇ jaˇ dzaˬ taꞈ ma. Nawˬ-ahˇ gʼoe-awˇ tsawˇ jeuˬ dawˬ tawˆ luꞈ-euˬ kʼoeˇ taˆ, ngaˇ yaw shehꞈ bi bya ma.

Iˇsaˬyaˇ 43:20

Ngaˬ neh tseˆ doˆ-euˬ tsawˇ jeuˬ-ahˇ iˇ cuꞈ biꞈ-eu gʼaˇ duˬ, kʼaˇ shuiꞈ deh ga-ahˇ ngaˇ iˇ cuꞈ bi yoeˇ le ngeh, bawˇ tsahˬ jeˬ zaˬ deuˬ ngaˬ-ahˇ taˬ huiˬ-awˇ, bawˇ tsahˬ aˬ kuiˬ hawˇ-eu law taw aˇ jiˇ kʼoeˇ deuˬ, ngaˬ-ahˇ ja ceuˬ tehꞈ-a.

Iˇsaˬyaˇ 44:3

“Iˇ cuꞈ mehꞈ-eu miˇ kʼahˬ-ahˇ ngaˇ iˇ cuꞈ biꞈ-awˇ, miˇ tsaˬ gui gaˇ lawˇ gawˆ bi yoeˇ le ma. Nawˬ-euˬ zaˬ deuˬ uˆ deuˬ kʼoeˇ taˆ ngaˇ baoˬ shehˆ daˆ nehˬ-awˇ, nawˬ-eu zaˬ deuˬ uˆ deuˬ-ahˇ ngaˇ guiˬ lahˬ biꞈ ma.

Iˇsaˬyaˇ 49:10

Aˬ yawꞈ maꞈ-ahˇ gaˬ-eu gʼaˬ neh sheuˬ gʼeh nehˬ-euˬ miˇ neh, aˬ yawꞈ maꞈ mehꞈ-eu shuꞈ-eu maˬ baw-ehˇ, nahˇ tsaˇ hawˇ-eu kʼaˇ shuiꞈ deh ga yaw lahˇ, aˬ yawꞈ maꞈ-ahˇ maˬ coeˬ leˇ-a. Iˇ cuꞈ lawˇ baˬ yoeˇ-eu dawˬ peh, aˬ yawꞈ maꞈ-ahˇ aˬ yawꞈ sheuˬ gʼeh tehꞈ-a.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Yeˬlaˬmiˇ 2:13

Aˬ jeˬ miˇ neh ehˇ naˇ ngaˬ-euˬ tsawˇ jeuˬ, iˬ baˇ nyiˬ jeˬ mˇ taˬ-euˬ meh. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu ngaˬ-ahˇ, aˬ yawꞈ maꞈ byehˇ dzeh-awˇ, iˇ cuꞈ maˬ dahˬ ziꞈ nya-eu lah duˬ gawˬ-euˬ meh.

Yeˬsaˬgeˬlaˇ 16:35

Nymˬ-mˇ poˆ jawˇ, Yeˬluˇsaˬlehˬ meh maˬ laˇ-oˇ, Sahˬpaˬ Miˬyehˇ ehˇ gaˇ naˇ haˬ sheˇ.

Zaˬkaˬliˇ 13:1

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-euˬ iˬ baˇ yaw jawꞈ yaw laꞈ tsiˬ shawˇ-eu gʼaˇ duˬ, iˇ cuꞈ lawˇ kʼawꞈ tiˬ gawˆ pah tehꞈ-a.

Zaˬkaˬliˇ 14:8

Aˇ nah kʼoeˇ nah keuˆ le ngeh jawˇ, Yeˬluˇsaˬlehˬ meuˬ-ahˇ neh, dehꞈ-eu iˇ cuꞈ yoeˇ doˆ le-awˇ, nahˇ ma doˆ kʼehˬ paw pyawˬ-ahˇ jaˆ-eu iˬ ma laˆ shaˆ-ahˇ tiˬ paˆ yoeˇ ahˇ tehꞈ-a. Iˇ cuꞈ kʼoeˇ, tsahˬ gaˆ jawˇ la maˬ baw ni, aˬ myah luꞈ yoeˇ tehꞈ-a.

Luˇkaꞈ 11:13

Naw maꞈ iˬ baˇ mˇ-eu tsawˇ haˬ deuˬ kʼawꞈ, yawˬ ha-euˬ zaˬ-ahˇ yaw muiˬ jeˬ biꞈ-eu gʼaˇ duˬ kʼoeˇ naˆ ni siˬ nya naˇ, mˬ kʼoeˇ taˆ jawˇ-eu naw maꞈ-euˬ Aˬda-aˬ, aˬ yawꞈ-ahˇ kʼaˇ shaˇ-eu tsawˇ haˬ deuˬ-ahˇ Muiˬ-eu shawˇ-eu Yaw sahˇ Miˬyehˇ biꞈ-eu gʼaˇ duˬ aˇ naˆ ni paˇ siˬ nya dzehˬ nmˇ.”

Yoˇhaˬ 16:3

Aˬda-ahˇ maˬ ehˇ, ngaˬ-ahˇ maˬ ehˇ, aˬ yawꞈ maꞈ maˬ siˬ nya-eu miˇ neh, naw maꞈ-ahˇ kʼoeˇ loꞈ-ehˇ kʼehˬ nehˬ laꞈ tehꞈ-a.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Yoˇhaˬ 3:16

Miˬyehˇ miˇ tsaˬ zaˬ-ahˇ gaˬ dui dui-eu miˇ neh, aˬ yawꞈ-euˬ Zaˬmaˇ tiˬ gʼaˬ tehꞈ kʼawꞈ biꞈ nehˬ leꞈ-euˬ meh. Zaˬmaˇ-ahˇ kʼaˇ jah-eu tsawˇ haˬ maˬ ya cawˆ-iˇ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Yoˇhaˬ 4:14

Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”

Yoˇhaˬ 6:35

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˇ-aˬ, saꞈ laˇ bi dehꞈ-eu kaˬ muˇ ma. Ngaˇ jawˇ gaˇ kʼaˇ laˇ-eu tsawˇ haˬ-aˬ, tiˬ jawˇ-iˬ hawˬ maˬ paˇ mehꞈ-aˇ. Ngaˬ-ahˇ kʼaˇ jah-eu tsawˇ haˬ-aˬ, tiˬ jawˇ-iˬ iˇ cuꞈ maˬ paˇ mehꞈ-aˇ.

Yoˇhaˬ 6:51

Ngaˇ-aˬ, mˬ kʼoeˇ taˆ neh oe-euˬ dehꞈ luꞈ-eu kaˬ muˇ ma. Kaˬ muˇ heu-ahˇ kʼaˇ dzaˬ-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ tehꞈ-a. Ngaˇ biꞈ-eu kaˬ muˇ-aˬ, ngaˬ-euˬ gʼawˇ mawˇ ma. Miˇ tsaˬ zaˬ deuˬ saꞈ laˇ dehꞈ-eu jeˬ za ni biꞈ-eu ma.”

Gʼaˬkʼehˇ 9:11

Sahˬpaˬ Yeˬsuˇ ehˇ-eu, “Lehˬ hmˬ-awˇ, Gaˇdawˇ lehˇ kuˇ-eu gaˇ ma kʼoeˇ kahˇ-ahˇ iˇ-awˇ, Yuˇdaˆ-euˬ nymˇ-ahˇ Daˬsuˆ meuˬ-ahˇ jawˇ-eu Sawˇluˆ lehˇ myahˇ-euˬ tsawˇ haˬ tiˬ gʼaˬ maˬ jawˇ nga loˇ lehˇ haw-iˇ-awˬ. Aˬ yawꞈ guiˬ lahˬ shaˇ shaˇ-ehˇ jawˇ meh.

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

1 Gawˇliˬtu 10:4

Mˬ taˆ-euˬ iˇ cuꞈ kʼawꞈ tiˬ kawˆ loꞈ-ehˇ dawˇ-euˬ meh. Aˬ yawꞈ maꞈ nehˬ-ehˇ tiˬ kawˆ loꞈ-ehˇ iˇ luꞈ-eu mˬ taˆ-euˬ Kʼaˬ lo-ahˇ neh yoeˇ le-euˬ iˇ cuꞈ aˬ yawꞈ maꞈ dawˇ-euˬ meh. Kʼaˬ lo kʼoeˇ-aˬ, Ka li meh.

2 Gawˇliˬtu 9:15

Miˬyehˇ aˬ dui-ahˇ maˬ ehˇ jiˇ coeˇ-eu laꞈ sawˬ biꞈ laꞈ-euˬ miˇ neh, aˬ yawꞈ-euˬ guiˬ lahˬ-ahˇ ja ceuˬ kaˇ-euˇ.

Eˇpeˇsu 2:8

Aˬ jeˬ miˇ neh ehˇ naˇ, naw maꞈ jah-eu laꞈ kʼoeˇ Miˬyehˇ-euˬ guiˬ lahˬ yaw dzahˇ baˬ da neh ka kʼoꞈ-eu jeˬ za-euˬ meh. Naw maꞈ leh jeh-awˇ mˇ-eu baˬ da neh za-euˬ maˬ ngeuˇ-a. Miˬyehˇ neh biꞈ-euˬ laꞈ sawˬ pyeuꞈ-eu meh.

HeˬByehˇ 6:4

Aˬ jeˬ miˇ neh ehˇ naˇ, jah-eu jeˬ-ahˇ byehˇ dzeh dzeuˇ-euˬ tsawˇ haˬ deuˬ-ahˇ, iˬ baˇ noeˬ poˆ-eu tsahˇ-ahˇ aˬ joˆ-ehˇ paˇ bi gʼoꞈ kʼoꞈ keuˆ laˇ nya nmˇ. Aˬ yawꞈ maꞈ-aˬ, Miˬyehˇ-euˬ yaw shehꞈ laꞈ kʼoeˇ jawˇ haw-awˇ, mˬ kʼoeˇ taˆ neh oe-euˬ Miˬyehˇ neh biꞈ-euˬ laꞈ sawˬ-euˬ yaw kuiˇ ya myeuꞈ haw-awˇ, aˬ cawˬ loꞈ-ehˇ Muiˬ-eu shawˇ-eu Yaw sahˇ Miˬyehˇ za haw-euˬ tsawˇ haˬ pyeuꞈ-eu meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

Panmaeq 21:6

Aˬ yawꞈ paˇ ehˇ-eu, “Jiˇ-euˬ ma. Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma. Iˇ cuꞈ kʼaˇ mehꞈ-eu tsawˇ haˬ-ahˇ, dehꞈ-eu saꞈ laˇ lawˇ gawˆ-euˬ iˇ cuꞈ yawꞈ ngehꞈ-ehˇ bi dawˇ ma.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.

Panmaeq 7:17

Aˬ jeˬ miˇ neh ehˇ naˇ, dzoeˬ dzaˬ nuiˇ mahˬ-euˬ gʼahˇ ceh nuiˇ luꞈ-eu Yawˇzaˬ-aˬ, aˬ yawꞈ maꞈ-ahˇ bo-eu yawˇ bo-eu yaw sahˇ pyeuꞈ-awˇ, dehꞈ-eu saꞈ laˇ lawˇ gawˆ-ahˇ aˬ yawꞈ maꞈ-ahˇ sheuˬ gʼeh tehꞈ-a. Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ Miˬyehˇ siˆ shawˇ nehˬ tehꞈ-a.