Yoˇhaˬ 3:8 - Akha

⁸ Jaˬ lehˇ-aˬ, yawˬ ha kʼaˇ baw mawꞈ-eu paw baw gʼeh-eu meh. Jaˬ lehˇ baw-eu teˇ saˇ-ahˇ nawˇ gaˬ nya kʼawꞈ, aˬ gaˇ neh oe-awˇ aˬ geu paw iˇ-eu nawˇ maˬ siˬ nya-a. Yaw sahˇ Miˬyehˇ laꞈ kʼoeˇ dehꞈ le-eu tsawˇ haˬ yawˬ gʼaˬ na luꞈ kʼoeˇ gaˇ duˇ-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Jaqlaer-aq, khar bawghae mawf-eu paw bawghae-eu mae. Nawr, jaqlaer baw-eu tersar-anr gaqnya-eu khawf, aqgeugar nae bawlaf-awr, aqgeu paw bawghae-eu nga laer maq siqnya-a. Yawshawr Saflar-anr nae daefle-euq tsawrhaq yawqghaq navluf khawf khoerlof-aer dur-eu mae.”

Yoˇhaˬ 3:8 Iomraidhean Croise

Jaceuq 107:25

Aˬ yawꞈ dawˬ biꞈ-awˇ jaˬ lehˇ lehˇ ma bi baw leꞈ ngeh, laˆ shaˆ iˇ luˆ dzeh laˇ-eu meh.

Jaceuq 107:29

Jaˬ lehˇ lehˇ ma-ahˇ aˬ yawꞈ bi coꞈ-iˇ-awˇ, iˇ luˆ dzeh-eu naˬ leˇ-euˬ meh.

Jaceuq 135:7

Mˬ dmˇ hawˇ-eu jaˬ lehˇ-ahˇ, Uˬ dzeˇ miˇ dzeˇ-ahˇ neh aˬ yawꞈ hehˇ ahˇ laꞈ-eu meh. Jaˬ lehˇ lehˇ ma-ahˇ mˬ jeˬ tsawˬ tehˆ bi tehˆ-awˇ, piˬ lahˇ taˬ-euˬ jaˬ lehˇ pyehˬ doˆ gʼeh leꞈ-eu meh.

Dawˬ tsoˆ 1:6

Laꞈ oˆ baw ka gʼeh-eu jaˬ lehˇ, laꞈ taˆ paˇ baw kʼoꞈ laꞈ-eu meh. Jawˬ law jawˇ lawˇ baw-eu jaˬ lehˇ, jawˇ oeˇ-ahˇ gʼoꞈ kʼoꞈ laˇ-eu tehꞈ meh.

Yeˬsaˬgeˬlaˇ 37:9

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, jaˬ lehˇ-ahˇ ngaˬ-euˬ gʼaˇ duˬ ngehˬ dah nehˬ-awˬ. Oeˬ paw oeˬ coeˇ luꞈ jaˬ lehˇ baw ahˇ laꞈ-awˇ, shiˇ taˬ-euˬ gʼawˇ mawˇ heu deuˬ bi dehꞈ laˇ-awˬ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dawˬ biꞈ-eu meh lehˇ jaˬ lehˇ-ahˇ ehˇ nehˬ-awˬ.”

Yoˇhaˬ 1:13

Aˬ yawꞈ maꞈ Miˬyehˇ-euˬ zaˬ pyeuꞈ laˇ-eu kʼoeˇ-aˬ, miˇ tsaˬ zaˬ deuˬ aˬ da o neh dehꞈ le-awˇ aˬ da-euˬ zaˬ deuˬ pyeuꞈ gaˇ maˬ duˇ-a. Miˬyehˇ neh aˬ yawꞈ maꞈ-ahˇ aˬ yawꞈ-euˬ zaˬ bi pyeuꞈ laˇ-euˬ tiˬ jeˬ meh.

Yoˇhaˬ 3:7

Nyiˬ poˆ tiˬ poˆ paˇ ya dehꞈ paˇ meh lehˇ nawˬ-ahˇ ngaˇ ehˇ-eu baˬ da neh taˬ zahˬ leˇ.

Yoˇhaˬ 3:9

Niˇgawˇdeˬ ehˇ-eu, “Teu loꞈ-ehˇ aˬ joˆ-ehˇ pyeuꞈ nya ta.”

Gʼaˬkʼehˇ 2:2

Ja pyuˬ ni, jaˬ lehˇ lehˇ ma baw-eu loꞈ-ehˇ mˬ kʼoeˇ taˆ teˇ saˇ mahˇ doˆ laˇ-awˇ, aˬ yawꞈ maꞈ nuiˇ luꞈ-eu nymˇ nymˇ lah-ehˇ teˇ saˇ kʼoeˇ byah-iˇ-euˬ meh.

Gʼaˬkʼehˇ 4:31

Aˬ yawꞈ maꞈ guiˬ lahˬ shaˇ gʼaˬ ngeh, aˬ yawꞈ maꞈ uiˬ leˇ-awˇ jawˇ-eu jawˇ duˬ kʼoeˇ tsahˇ luˆ laˇ nyeh laˇ-awˇ, aˬ yawꞈ maꞈ dawˬ tawˆ luꞈ Muiˬ-eu shawˇ-eu Yaw sahˇ Miˬyehˇ byah laˇ-awˇ, nui ma kʼaˬ duˬ ni Miˬyehˇ dawˬ kawˬ mehˬ-euˬ meh.

1 Gawˇliˬtu 12:11

Ehˇ kʼawꞈ, kʼoeˇ deuˬ dawˬ tawˆ luꞈ-ahˇ mˇ nya ni jahˇ-eu gʼaˬ-aˬ, Yaw sahˇ Miˬyehˇ meh. Aˬ yawꞈ neh nui ma kʼaˇ tsaˬ-euˬ loꞈ-ehˇ, tsawˇ haˬ aˬ yawꞈ gʼaˬ yawꞈ-ahˇ beu gaˇ-eu laꞈ sawˬ aˬ yawꞈ biꞈ-euˬ meh.

1 Gawˇliˬtu 2:11

Tsawˇ haˬ tiˬ gʼaˬ-euˬ nui noeˬ-ahˇ yawˬ ha laꞈ kʼoeˇ jawˇ-eu yaw sahˇ maˬ ngeuˇ naˇ maˬ siˬ jiˇ nya-eu loꞈ-ehˇ, Miˬyehˇ-euˬ nui noeˬ-ahˇ kʼawꞈ, Miˬyehˇ-euˬ Yaw sahˇ maˬ ngeuˇ naˇ maˬ siˬ jiˇ nya-a.

1 Yoˇhaˬ 2:29

Ka li yaw tsaˬ yaw dawˇ meh lehˇ naw maꞈ siˬ nya luꞈ-eu-aˬ, yaw tsaˬ yaw dawˇ jeˬ kʼaˇ mˇ-eu tsawˇ haˬ yawˬ gʼaˬ na luꞈ Miˬyehˇ-euˬ zaˬ meh lehˇ naw maꞈ siˬ nya-eu tsaˬ meh.