Yoˇhaˬ 3:7 - Akha

⁷ Nyiˬ poˆ tiˬ poˆ paˇ ya dehꞈ paˇ meh lehˇ nawˬ-ahˇ ngaˇ ehˇ-eu baˬ da neh taˬ zahˬ leˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ ‘Nawmaf ya daefpov ya daefpar mae’ laer ngar aer-eu gar nawr taq zanqler.

Yoˇhaˬ 3:7 Iomraidhean Croise

Yawˇbaˆ 15:14

Shawˇ jehˆ ni gʼeh-eu tsawˇ haˬ maˇ maˇ ni jawˇ meh loˇ. Miˬyehˇ mehˬ shi tsaˬ-eu dawˇ-eu tsawˇ haˬ jawˇ meh loˇ.

Yoˇhaˬ 3:12

Miˇ tsaˬ heu kʼoeˇ taˆ pyeuꞈ luꞈ-eu gaˇ kawˆ deuˬ ngaˇ ja mehˬ gaˇ naw maꞈ maˬ jah-eu-aˬ, mˬ kʼoeˇ taˆ pyeuꞈ luꞈ-eu gaˇ kawˆ deuˬ ngaˇ ja mehˬ gaˇ naw maꞈ aˬ joˆ-ehˇ paˇ jah coeˇ nmˇ.

Yoˇhaˬ 3:3

Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Tsawˇ haˬ tiˬ gʼaˬ-iˬ nyiˬ poˆ tiˬ poˆ maˬ dehꞈ paˇ naˇ, Miˬyehˇ miˇ kʼahˬ-ahˇ maˬ ya mawˇ-aˇ.”

Yoˇhaˬ 3:6

Tsawˇ haˬ tiˬ gʼaˬ-euˬ shiˬ shaˬ jiˇ gʼawˇ mawˇ-aˬ, aˬ da aˬ ma baˬ da neh dehꞈ le-euˬ jeˬ pyeuꞈ-eu meh. Ehˇ kʼawꞈ, aˬ yawꞈ-euˬ laꞈ kʼoeˇ ahˇ-eu yaw sahˇ-aˬ, Yaw sahˇ Miˬyehˇ baˬ da neh dehꞈ le-euˬ jeˬ pyeuꞈ-eu meh.

Yoˇhaˬ 3:8

Jaˬ lehˇ-aˬ, yawˬ ha kʼaˇ baw mawꞈ-eu paw baw gʼeh-eu meh. Jaˬ lehˇ baw-eu teˇ saˇ-ahˇ nawˇ gaˬ nya kʼawꞈ, aˬ gaˇ neh oe-awˇ aˬ geu paw iˇ-eu nawˇ maˬ siˬ nya-a. Yaw sahˇ Miˬyehˇ laꞈ kʼoeˇ dehꞈ le-eu tsawˇ haˬ yawˬ gʼaˬ na luꞈ kʼoeˇ gaˇ duˇ-eu meh.”

Yoˇhaˬ 5:28

Gaˇ kawˆ heu hmˬ-ahˇ naw maꞈ taˬ zahˬ leˇ. Shiˇ dzeuˇ-euˬ tsawˇ haˬ dawˬ tawˆ luꞈ aˬ yawꞈ-euˬ dawˬ ya gaˬ-eu aˇ nah keuˆ le luꞈ meh.

HeˬByehˇ 12:14

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ tsahˇ leˇ-eu laꞈ kʼoeˇ yaw muiˬ yaw shawˇ shawˇ-ehˇ dehꞈ-awˬ. Kʼoeˇ loꞈ-ehˇ maˬ dehꞈ naˇ, tsawˇ haˬ tiˬ gʼaˬ-iˬ Sahˬpaˬ Miˬyehˇ-ahˇ maˬ mawˇ nya-a.

1 Beˬtuˆluˆ 1:22

Nymˬ-mˇ naw maꞈ yaw tsaˬ yaw dawˇ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha bi muiˬ bi shawˇ laˇ-awˇ, Ka li-ahˇ jah-eu tsawˇ haˬ cawˬ cawˬ gʼoeˇ nya gaˬ nya-eu aˇ tiˆ-ahˇ dehꞈ keuˆ laꞈ-euˬ-aˬ, tiˬ gʼaˬ tiˇ gʼaˬ nui ma laꞈ kʼoeˇ keuˆ ni ziꞈ dah ni gaˬ-awˬ.

Panmaeq 21:27

Ehˇ kʼawꞈ, maˬ muiˬ maˬ shawˇ-eu jeˬ tiˬ jeˬ-iˬ meuˬ kʼoeˇ meuˬ laꞈ kʼoeˇ maˬ ya hehˇ ahˇ gʼeh-a. Shaꞈ dawˇ-eu jeˬ mˇ-eu tsawˇ haˬ hawˇ-eu jaˬ myawꞈ myawꞈ-eu tsawˇ haˬ deuˬ kʼawꞈ, maˬ ya uˇ leˇ-a. Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ ahˇ-eu tsawˇ haˬ deuˬ tehꞈ-ehˇ kʼoeˇ gaˇ ya uˇ leˇ-eu meh.