Yoˇhaˬ 3:32 - Akha

³² Aˬ yawꞈ neh ya gaˬ ya mawˇ-euˬ jeˬ aˬ yawꞈ ja mehˬ-eu meh. Ehˇ kʼawꞈ, aˬ yawꞈ ehˇ gaˇ tiˬ gʼaˬ-iˬ maˬ jah-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Aqyawf nae yagaq ya’mawr-euq deuq aqyawf sarkir kamq-eu mae. Aerkhawf, aqyawf nae sarkir kamq-euq gar tiqghaq-iq maq hageuf-a.

Yoˇhaˬ 3:32 Iomraidhean Croise

Iˇsaˬyaˇ 50:2

“Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu lehˇ ngaˇ iˇ ngeh, aˬ jeˬ miˇ neh aˬ yawꞈ maꞈ maˬ haw cawˬ laˇ ta. Aˬ jeˬ miˇ neh ngaˇ kuˇ ngeh aˬ yawꞈ maꞈ oˬ maˬ toˬ ta. Ngaˬ-euˬ aˬ laꞈ yaw nymˇ miˇ neh maˬ ka kʼoꞈ nya ta loˇ. Naw maꞈ-ahˇ ka kʼoꞈ nehˬ nya ni ngaˇ gʼaˬ maˬ loꞈ ta loˇ. Ngaˇ dawˬ biꞈ-awˇ iˬ ma laˆ shaˆ-ahˇ bi gui-iˇ nya ma. Iˇ cuꞈ lawˇ baˬ kʼaˇ shuiꞈ deh ga bi pyeuꞈ-iˇ-awˇ, iˇ cuꞈ maˬ dahˬ-eu miˇ neh ngaˬ shaˬ shiˇ jiˇ ni ngaˇ jahˇ nya ma.

Iˇsaˬyaˇ 53:1

Miˇ kʼahˬ zaˬ deuˬ ehˇ-eu, “Gaˇ kawˆ heu nga maꞈ ja mehˬ gaˇ aˬ suˇ gʼaˬ jah coeˇ nmˇ. Heu-euˬ laꞈ kʼoeˇ Miˬyehˇ-euˬ aˬ laꞈ caw luꞈ-eu aˬ suˇ gʼaˬ mawˇ nya nmˇ.

Maꞈtehˬ 7:8

Aˬ jeˬ miˇ neh ehˇ naˇ, shaˇ-eu tsawˇ haˬ yawˬ gʼaˬ na luꞈ-ahˇ Miˬyehˇ biꞈ nehˬ tehꞈ-a. Poˆ-eu tsawˇ haˬ yawˬ gʼaˬ na luꞈ poˆ mawˇ nya ni, Miˬyehˇ caw ba tehꞈ-a. Laˇ gʼoˆ-ahˇ kʼoˆ-eu tsawˇ haˬ yawˬ gʼaˬ na luꞈ-ahˇ kʼawꞈ, Miˬyehˇ pah nehˬ tehꞈ-a.

Yoˇhaˬ 1:11

Aˬ yawꞈ-euˬ miˇ kʼahˬ-ahˇ aˬ yawꞈ oe-euˬ kʼawꞈ, aˬ yawꞈ-euˬ tsawˇ haˬ deuˬ aˬ yawꞈ-ahˇ maˬ ha geuꞈ-a.

Yoˇhaˬ 15:15

Aˬ kaˇ naˇ, ngaˇ naw maꞈ-ahˇ zaˬ kʼaˆ lehˇ maˬ paˇ kuˇ ma. Aˬ jeˬ miˇ neh ehˇ naˇ, zaˬ kʼaˆ-aˬ, yawˬ ha-euˬ baw leˬ aˬ jeˬ mˇ luꞈ-eu gaˇ kawˆ maˬ siˬ nya-a. Ngaˇ naw maꞈ-ahˇ ngaˬ-euˬ cawˬ lehˇ kuˇ ma. Aˬ jeˬ miˇ neh ehˇ naˇ, ngaˬ Da neh kʼaˇ ehˇ nehˬ laꞈ-euˬ jeˬ naw maꞈ-ahˇ ngaˇ dzawˇ nehˬ gʼaˬ jiˇ-euˬ ma.

Yoˇhaˬ 18:37

Kʼoeˇ ngeh, sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ sahˬ paˬ ngeuˇ ma loˇ.” Yeˬsuˇ ehˇ-eu, “Ngaˇ sahˬ paˬ nga lehˇ ehˇ-euˬ-aˬ, naw maꞈ meh. Ngaˇ miˇ tsaˬ heu kʼoeˇ taˆ zaꞈ le-awˇ dehꞈ le-euˬ-aˬ, yaw tsaˬ yaw dawˇ jeˬ ngehˬ le tmˇ le-euˬ tehꞈ ma. Yaw tsaˬ yaw dawˇ jeˬ-ahˇ kʼaˇ taꞈ-eu tsawˇ haˬ-aˬ, ngaˬ-euˬ dawˬ naˇ haˬ geuꞈ-eu meh.”

Yoˇhaˬ 3:11

Ngaˇ nawˬ-ahˇ aˬ diˇ aˬ maˇ ngeuˇ-eu jeˬ ehˇ nehˬ luꞈ-eu ma. Nga maꞈ ya siˬ-euˬ jeˬ ja mehˬ-awˇ, nga maꞈ ya mawˇ-euˬ jeˬ dzawˇ mehˬ-eu kʼawꞈ, naw maꞈ tiˬ gʼaˬ-iˬ nga maꞈ neh ehˇ-euˬ jeˬ-ahˇ maˬ ha geuꞈ mawꞈ-a.

Yoˇhaˬ 3:26

Kʼoeˇ miˇ neh, aˬ yawꞈ maꞈ Yoˇhaˬ jawˇ gaˇ le-awˇ ehˇ nehˬ-eu, “Saˬ laˬ-oˇ, Yawˇdaˬ lawˇ baˬ nahˇ ma doˆ kʼehˬ paw baˬ-ahˇ nawˬ nehˬ-ehˇ oe-awˇ, nawˇ aˬ yawꞈ gaˇ kawˆ saˇ kiˇ kamˬ-euˬ tsawˇ haˬ kʼoeˇ gʼaˬ nymˬ-mˇ iˇ cuꞈ shawˇ nehˬ luꞈ meh. Tsawˇ haˬ gʼawˬ mya ni aˬ yawꞈ jawˇ gaˇ iˇ luꞈ meh.”

Yoˇhaˬ 3:33

Aˬ yawꞈ ehˇ gaˇ kʼaˇ jah-eu tsawˇ haˬ-aˬ, Miˬyehˇ-euˬ dawˬ tsaˬ meh lehˇ jah gaˇ duˇ-eu meh.

Yoˇhaˬ 5:20

Aˬ jeˬ miˇ neh ehˇ naˇ, Aˬda-aˬ, Zaˬmaˇ-ahˇ gaˬ-eu miˇ neh, aˬ yawꞈ kʼaˇ mˇ luꞈ-eu yawˬ jeˬ na luꞈ mehˬ -euˬ meh. Heu naˆ maˬ tseˇ huiˬ-eu deuˬ kʼawꞈ mˇ nya ni, aˬ yawꞈ mehˬ tehꞈ-a. Naw maꞈ dawˬ tawˆ luꞈ ya zahˬ leˇ dui dui tehꞈ-a.

Yoˇhaˬ 8:26

Ngaˇ naw maꞈ gaˇ kawˆ ehˇ paˬ-ehˇ gʼawˬ mya ni jaˆ ma. Naw maꞈ-ahˇ dehˬ paˬ-ehˇ gʼawˬ mya ni jaˆ ma. Ngaˬ-ahˇ kʼehˇ gʼeh leꞈ-euˬ gʼaˬ-aˬ, yaw tsaˬ yaw dawˇ meh. Aˬ yawꞈ neh kʼaˇ ehˇ nehˬ laꞈ-euˬ jeˬ tehꞈ-ehˇ miˇ tsaˬ zaˬ deuˬ-ahˇ ngaˇ ehˇ nehˬ-eu ma.”