Yoˇhaˬ 3:3 - Akha

³ Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Tsawˇ haˬ tiˬ gʼaˬ-iˬ nyiˬ poˆ tiˬ poˆ maˬ dehꞈ paˇ naˇ, Miˬyehˇ miˇ kʼahˬ-ahˇ maˬ ya mawˇ-aˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Yeqsur aerkhof naeq-eu, “Ngar, nawq-anr aqdir aqmar aernaeq nyar, tsawrhaq tiq ghaq maq daefpov maq daefpar nar-aq, Miqyaer uvlanr-eu jeq-anr maqya mawr-ar.”

Yoˇhaˬ 3:3 Iomraidhean Croise

Yeˬlaˬmiˇ 5:21

Myaˆ nuiˆ tsoꞈ-awˇ maˬ mawˇ nya-eu, naˬ bawˇ tsoꞈ-awˇ maˬ gaˬ nya-eu, aˬ dzawˬ aˇ gah deuˬ naˇ haˬ sheˇ.

Yeˬsaˬgeˬlaˇ 36:26

Naw maꞈ-ahˇ nui ma saꞈ laˇ yaw shuiꞈ biꞈ nehˬ ma. Gʼahˇ dui dui-eu naw maꞈ-euˬ kʼaˬ lo nui ma yuˇ dzeh-awˇ, naˇ haˬ geuꞈ-eu nui ma biꞈ paˇ nehˬ ma.

Maꞈtehˬ 16:17

Yeˬsuˇ ehˇ-eu, “Yawˇnaˆ-euˬ aˬ li Siˇmoˬ-oˇ, nawˇ-aˬ guiˬ lahˬ zawˇ huiˬ-eu tsawˇ haˬ meh. Aˬ jeˬ miˇ neh ehˇ naˇ, gaˇ kawˆ heu tsawˇ haˬ zaˬ neh nawˬ-ahˇ pah mehˬ-euˬ maˬ ngeuˇ-a. Mˬ kʼoeˇ taˆ jawˇ-eu ngaˬ Da neh nawˬ-ahˇ pah mehˬ nehˬ-euˬ meh.

Maꞈtehˬ 19:24

Ngaˇ tiˬ poˆ paˇ ehˇ duˬ nehˬ nyaˇ. Smˇ muiˬ smˇ baw tiˬ gʼaˬ Miˬyehˇ Miˇkʼahˬ-ahˇ uˇ leˇ-eu-aˬ, law taw tiˬ mawˇ aˬ gʼawꞈ gʼawꞈ naˬ-ahˇ uˇ leˇ-eu naˆ maˬ tseˇ kʼaˆ dzehˬ-eu meh.”

Maꞈtehˬ 21:31

Aˬ li kʼoeˇ nyiˬ li, aˬ geu gʼaˬ aˬ da-euˬ nui kʼahˇ mˇ-euˬ nga.” Aˬ yawꞈ maꞈ ehˇ-eu, “Aˬ yuiꞈ gʼaˬ meh.” Aˬ yawꞈ maꞈ-ahˇ Yeˬsuˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Kawˬ taꞈ-eu tsawˇ haˬ deuˬ hawˇ-eu meh maˬ laˇ deuˬ, naw maꞈ-euˬ aˬ hu Miˬyehˇ Miˇkʼahˬ-ahˇ ya uˇ leˇ meh.

Maꞈtehˬ 5:18

Ngaˇ naw maꞈ-ahˇ dawˇ coe ni ehˇ nehˬ nyaˇ. Mˬ hawˇ-eu miˇ kʼaˇ ziꞈ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ kʼaˇ ahˇ-eu jeˬ dawˬ tawˆ luꞈ maꞈ byah laˇ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ aˇ boꞈ boꞈ zaˬ tiˬ boꞈ tehꞈ-ehˇ kʼawꞈ maˬ byoˆ-iˇ-aˇ.

Maˬkuˆ 10:14

Kʼoeˇ loꞈ-ehˇ dehˬ gaˇ Yeˬsuˇ ya mawˇ ngeh, nui ma pehˇ laˇ-awˇ, zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Zaˬ deuˬ-ahˇ maˬ laˆ tsoeˬ ni ngaˇ jawˇ gaˇ bi laˇ-awˬ. Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, aˬ yawꞈ maꞈ loꞈ-ehˇ gʼeh-eu deuˬ-ahˇ oꞈ-eu meh.

Maˬkuˆ 9:47

Nawˬ-euˬ myaˆ nuiˆ tiˬ nuiˆ baˬ da neh nawˇ iˬ baˇ ya mˇ-euˬ ngeuˇ naˇ, myaˆ nuiˆ kʼoeˇ nuiˆ kʼeuꞈ doˆ dzeh-awˬ. Myaˆ nuiˆ nyiˬ nuiˆ luꞈ tsoꞈ-awˇ shiˬ buiˇ lah ma-ahˇ bi biˬ puꞈ-eu naˆ maˬ tseˇ, myaˆ nuiˆ tiˬ nuiˆ tehꞈ-ehˇ tsoꞈ kʼawꞈ, Miˬyehˇ Miˇkʼahˬ-ahˇ ya uˇ le-eu-aˬ, nawˬ-euˬ gʼaˇ duˬ muiˬ dzehˬ tehꞈ-a.

Yoˇhaˬ 1:13

Aˬ yawꞈ maꞈ Miˬyehˇ-euˬ zaˬ pyeuꞈ laˇ-eu kʼoeˇ-aˬ, miˇ tsaˬ zaˬ deuˬ aˬ da o neh dehꞈ le-awˇ aˬ da-euˬ zaˬ deuˬ pyeuꞈ gaˇ maˬ duˇ-a. Miˬyehˇ neh aˬ yawꞈ maꞈ-ahˇ aˬ yawꞈ-euˬ zaˬ bi pyeuꞈ laˇ-euˬ tiˬ jeˬ meh.

Yoˇhaˬ 1:5

Yaw shehꞈ kʼoeˇ yaw zahˇ laꞈ kʼoeˇ bya le-awˇ, yaw zahˇ kʼoeˇ yaw shehꞈ-ahˇ maˬ gʼaˬ leˇ-a.

Yoˇhaˬ 1:51

Kʼoeˇ naˇ, aˬ ha maꞈ-ahˇ aˬ yawꞈ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Mˬ pah le-awˇ, Miˬyehˇ-euˬ mˬ taˆ gʼaˬ kʼehˇ deuˬ Tsawˇ haˬ-euˬ Zaˬ maˇ kʼoeˇ taˆ tsawˬ toeˬ tsawˬ daˆ-ehˇ yaˇ gaˇ gaˇ tawꞈ le gaˇ naw maꞈ ya mawˇ tehꞈ-a.”

Yoˇhaˬ 12:40

“Tsawˇ haˬ heu deuˬ nui ma gʼahˇ-awˇ, naˬ bawˇ yaw tuˇ bi tuˇ laˇ-awˇ, myaˆ nuiˆ myaˆ behꞈ laˆ behꞈ nehˬ-awˬ. Kʼoeˇ loꞈ-ehˇ maˬ jahˇ nehˬ taˬ naˇ, yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ nya laˇ-eu uˬ taꞈ, nui ma gʼoˆ shaw nya-eu miˇ neh, ngaˇ jawˇ paw paˇ gʼoꞈ kʼoꞈ laˇ-awˇ, naˇ gawˇ bi yaˇ taˬ laˇ tehꞈ-a.”

Yoˇhaˬ 3:4

Niˇgawˇdeˬ ehˇ-eu, “Tsawˇ kʼaˆ aˬ da tiˬ gʼaˬ nyiˬ poˆ tiˬ poˆ aˬ joˆ-ehˇ paˇ dehꞈ paˇ nya nmˇ. Yawˬ ha aˬ ma-euˬ uˬ maˆ laꞈ kʼoeˇ paˇ uˇ poˆ leˇ-awˇ, nyiˬ poˆ tiˬ poˆ paˇ dehꞈ doˆ le nya tehꞈ-a loˇ.”

2 Gawˇliˬtu 4:4

Miˇ tsaˬ heu-ahˇ uˆ lahˇ luꞈ-eu miˬyehˇ pyeuꞈ-eu nehꞈ Saˬdaˬ neh aˬ yawꞈ maꞈ-euˬ nui ma-ahˇ yaw zahˇ laꞈ kʼoeˇ piˬ lahˇ taˬ-euˬ miˇ neh, aˬ yawꞈ maꞈ maˬ jah-a. Kʼoeˇ miˇ neh, Miˬyehˇ-ahˇ duˇ duˇ dehꞈ dehꞈ pyeuꞈ-eu Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ-euˬ yaw shehꞈ kʼahˬ sehˇ aˬ yawꞈ maꞈ kʼoeˇ taˆ bya luꞈ gaˇ aˬ yawꞈ maꞈ maˬ mawˇ nya-a.

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

Gaˬlaˬtiˆ 6:15

Baˆ kʼoˆ mehˬ dzaˬ yehˬ-euˬ maˬ ehˇ, maˬ yehˬ-euˬ maˬ ehˇ, huiˬ-eu gaˇ kawˆ maˬ ngeuˇ-a. Tsawˇ haˬ yaw shuiꞈ pyeuꞈ laˇ-eu tehꞈ-ehˇ huiˬ dui dui-eu gaˇ kawˆ pyeuꞈ-eu meh.

Eˇpeˇsu 2:1

Dzeuˇ laˇ ngeh naw maꞈ Miˬyehˇ-euˬ dawˬ-ahˇ maˬ naˇ haˬ-ehˇ iˬ baˇ mˇ-euˬ miˇ neh, guiˬ lahˬ saꞈ laˇ paw shiˇ-euˬ gaˇ duˇ-eu meh.

Dawˬmehˬ 29:4

Ehˇ kʼawꞈ, noeˬ siˬ noeˬ mawˇ nya-eu nui ma, haw mawˇ nya-eu myaˆ nuiˆ hawˇ-eu, gaˬ nya-eu naˬ bawˇ heu deuˬ, Sahˬpaˬ Miˬyehˇ naw maꞈ-ahˇ maˬ biꞈ-aˬ siˬ.

Tiˇtuˆ 3:5

Aˬ dui-ahˇ ka kʼoꞈ nehˬ laꞈ-euˬ kʼoeˇ-aˬ, aˬ dui yaw muiˬ jeˬ mˇ-euˬ miˇ neh maˬ ngeuˇ-ehˇ, aˬ yawꞈ-euˬ gʼawˬ shaˬ gaˬ-eu jeˬ baˬ da neh Muiˬ-eu shawˇ-eu Yaw sahˇ-ahˇ gʼoe-awˇ ka kʼoꞈ nehˬ laꞈ-euˬ jeˬ pyeuꞈ-eu meh. Yaw sahˇ Miˬyehˇ aˬ dui-ahˇ yaw shuiꞈ bi dehꞈ paˇ laꞈ-awˇ, aˬ dui-euˬ iˬ baˇ tsiˬ shawˇ nehˬ laꞈ-eu laꞈ kʼoeˇ, dehꞈ-eu yaw shuiꞈ biꞈ laꞈ-euˬ meh.

Yaˬkoˆ 3:17

Ehˇ kʼawꞈ, mˬ-ahˇ neh doˆ le-euˬ zaˬ siˬ tsawˇ gahˇ gaˇ kawˆ ya ehˇ naˇ, yaw beh tiˬ jeˬ-aˬ, muiˬ-eu shawˇ-eu jeˬ meh. Kʼoeˇ jiˇ naˇ, tsaˬ leˇ dzoeˇ leˇ-eu, nui nahˬ nui yu ahˇ-eu, bya cehˆ ni cawˬ cawˬ taꞈ-eu heu deuˬ meh. Gʼawˬ shaˬ gaˬ-eu nui ma tiˬ byah ni ahˇ-awˇ, yaw muiˬ jeˬ mˇ doˆ shaˇ doˆ laꞈ-eu meh. Myaˆ pyawˬ huiˬ nyiˇ maˬ tseˇ-eu uˬ taꞈ, nui ma laꞈ gʼoꞈ maˬ baw-a.

1 Beˬtuˆluˆ 1:3

Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ baˬ da neh, Yeˬsuˇ Ka li-ahˇ shiˇ-euˬ gaˇ bi gʼoꞈ dehꞈ laˇ-eu laꞈ kʼoeˇ aˬ dui-ahˇ yaw shuiꞈ bi dehꞈ paˇ laꞈ-euˬ meh. Kʼoeˇ-aˬ, aˬ dui-euˬ laꞈ kʼoeˇ dehꞈ luꞈ-eu noeˬ tmˬ duˬ bi byah laˇ-euˬ meh.

1 Yoˇhaˬ 2:29

Ka li yaw tsaˬ yaw dawˇ meh lehˇ naw maꞈ siˬ nya luꞈ-eu-aˬ, yaw tsaˬ yaw dawˇ jeˬ kʼaˇ mˇ-eu tsawˇ haˬ yawˬ gʼaˬ na luꞈ Miˬyehˇ-euˬ zaˬ meh lehˇ naw maꞈ siˬ nya-eu tsaˬ meh.

1 Yoˇhaˬ 3:9

Miˬyehˇ-euˬ zaˬ pyeuꞈ laˇ-euˬ tsawˇ haˬ aˬ geuˬ gʼaˬ maˬ kaˬ, iˬ baˇ maˬ paˇ mˇ meh. Aˬ jeˬ miˇ neh ehˇ naˇ, Miˬyehˇ-euˬ seuˆ dzeuꞈ aˬ yawꞈ-euˬ laꞈ kʼoeˇ ahˇ-eu meh. Miˬyehˇ-aˬ, aˬ yawꞈ-euˬ aˬ da pyeuꞈ-eu baˬ da neh, aˬ yawꞈ iˬ baˇ maˬ paˇ mˇ daˆ leꞈ nya meh.

1 Yoˇhaˬ 5:1

Yeˬsuˇ-ahˇ Ka li meh lehˇ kʼaˇ jah-eu tsawˇ haˬ-aˬ, Miˬyehˇ-euˬ zaˬ pyeuꞈ-eu meh. Aˬ da-ahˇ kʼaˇ gaˬ-eu tsawˇ haˬ-aˬ, aˬ da-euˬ zaˬ-ahˇ kʼawꞈ gaˬ-eu meh.

1 Yoˇhaˬ 5:18

Miˬyehˇ-euˬ zaˬ tiˬ gʼaˬ-iˬ iˬ baˇ mˇ mˇ-ehˇ maˬ dehꞈ-a lehˇ aˬ dui siˬ nya meh. Aˬ jeˬ miˇ neh ehˇ naˇ, Miˬyehˇ-euˬ Zaˬmaˇ aˬ yawꞈ-ahˇ haw teˬ haw piˇ luꞈ-eu miˇ neh, Haiˬ dui dui-eu Gʼaˬ aˬ yawꞈ-ahˇ maˬ laˆ ciˆ leˇ nya-a.

1 Yoˇhaˬ 5:4

Aˬ jeˬ miˇ neh ehˇnaˇ, Miˬyehˇ-euˬ zaˬ aˬ geu gʼaˬ maˬ kaˬ, miˇ tsaˬ heu-ahˇ gʼaˬ leˇ nya-eu meh. Aˬ dui-euˬ jah-eu jeˬ baˬ da neh miˇ tsaˬ heu-ahˇ aˬ dui gʼaˬ leˇ-eu ma.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.