Yoˇhaˬ 21:7 - Akha

⁷ Yeˬsuˇ gaˬ dui dui-eu zaˬ lahˇ kʼoeˇ gʼaˬ Beˬtuˇluˆ-ahˇ, “Tsawˇ haˬ kʼoeˇ gʼaˬ Sahˬpaˬ Yeˬsuˇ nga” lehˇ ehˇ nehˬ-euˬ meh. Sahˬpaˬ Yeˬsuˇ nga lehˇ ehˇ gaˇ Beˬtuˆluˆ ya gaˬ ngeh, mehˬ tsoeˬ gʼeu dm-awˇ iˇ cuꞈ-ahˇ tsawˬ puꞈ-euˬ meh. Aˬ jeˬ miˇ neh ehˇ naˇ, aˬ yawꞈ mehˬ tsoeˬ maˬ dm ni za dzeh luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoerngae, Yeqsur zawr gaq-eu zaqlanr khoerghaq, Beqtuvluv-anr, “Sanqpaq Yeqsur nga” laer aernaeq-euq mae. Sirmoq Beqtuvluv, Sanqpaq Yeqsur nga laer aer-eu gar yagaq ngae, maeqtsoeq maq dmluf-eu mirnae, paerkhanq paermanr tiq kanr lanrcuf-awr, lan-anr tsawqpuf ghae-euq mae.

Yoˇhaˬ 21:7 Iomraidhean Croise

Jaceuq 118:23

Sahˬpaˬ Miˬyehˇ neh heu loꞈ-ehˇ bi pyeuꞈ laˇ-euˬ, aˬ dui haw ngeh aˇ naˆ ni ya zahˬ leˇ-eu nga.

Dawˬ caˇ 8:7

Iˇ cuꞈ neh maˬ shehˬ miˆ nya-ehˇ, iˇ jeuˬ neh maˬ dahˬ pymˬ nya-a. Ehˇ kʼawꞈ, tsawˇ haˬ tiˬ gʼaˬ na, pyuˇ shuiˇ neh gaˬ-eu jeˬ zeuˇ geuꞈ mawꞈ naˇ, yehˬ bawˬ sehˇ lu-ehˇ jahˇ nehˬ gaˇ ya daˬ tehꞈ-a.

Maˬkuˆ 11:3

‘Aˬ jeˬ miˇ neh teu loꞈ-ehˇ jahˇ te’ lehˇ, tsawˇ haˬ tiˬ gʼaˬ na naˇ haˬ laˇ naˇ, ‘Sahˬpaˬ loˬ-eu meh. Yaw kawˇ-ehˇ paˇ bi tsahˇ kʼoꞈ ha laˇ ma’ lehˇ ehˇ nawˬ-awˬ.”

Luˇkaꞈ 12:35

Naw maꞈ joꞈ paꞈ deuˇ geuˆ ni paꞈ-awˇ, tsiˇ kʼmˬ doꞈ taˬ-awˬ.

Luˇkaꞈ 2:11

Iˬ nah, Daˬbiˇ-euˬ meuˬ laꞈ kʼoeˇ, naw maꞈ-ahˇ Ka kʼoꞈ-eu gʼaˬ pyeuꞈ-eu Sahˬpaˬ Ka li dehꞈ le-euˬ meh.

Luˇkaꞈ 7:47

Ngaˇ nawˬ-ahˇ ehˇ nehˬ nyaˇ. Aˬ yawꞈ neh mehˬ nehˬ laꞈ-euˬ gʼoeˇ-eu gaˬ-eu heu-aˬ, myaˬ dui dui-eu aˬ yawꞈ-euˬ iˬ baˇ buˬ-iˇ-euˬ saˇ kiˇ pyeuꞈ-eu meh. Ehˇ kʼawꞈ, iˬ baˇ ui cuiˆ tehꞈ-ehˇ ahˇ-awˇ, iˬ baˇ pyehˬ nehˬ-eu jeˬ-ahˇ za-euˬ tsawˇ haˬ-aˬ, gʼoeˇ-eu gaˬ-eu jeˬ ui cuiˆ tehꞈ-ehˇ ahˇ tehꞈ-a.”

Yoˇhaˬ 13:23

Yeˬsuˇ gaˬ-euˬ zaˬ lahˇ tiˬ gʼaˬ Yeˬsuˇ-euˬ dawˬ peh nuiˇ luꞈ-eu meh.

Yoˇhaˬ 19:26

Yeˬsuˇ-aˬ, aˬ yawꞈ-euˬ aˬ ma hawˇ-eu aˬ yawꞈ gaˬ dui dui-eu zaˬ lahˇ kʼoeˇ gʼaˬ kʼoeˇ gaˇ yawꞈ luꞈ gaˇ ya mawˇ ngeh, “Aˬ ma-oˇ, aˬ yawꞈ-ahˇ nawˬ li loꞈ-ehˇ sawˇ-awˬ” lehˇ ehˇ nehˬ-euˬ meh.

Yoˇhaˬ 20:2

Kʼoeˇ ngeh, Siˇmoˬ Beˬtuˆluˆ hawˇ-eu Yeˬsuˇ gaˬ dui dui-eu zaˬ lahˇ kʼoeˇ gʼaˬ jawˇ gaˇ aˬ yawꞈ cehˆ gʼeh-awˇ, “Aˬ yawꞈ maꞈ Sahˬpaˬ-ahˇ lmˬ bymˇ laꞈ kʼoeˇ neh baꞈ doˆ gʼeh-awˇ, aˬ gaˇ baꞈ taˬ-iˇ-euˬ lehˇ maˬ paˇ siˬ ngaˇ” lehˇ ehˇ nehˬ-euˬ meh.

Yoˇhaˬ 20:20

Kʼoeˇ loꞈ-ehˇ ehˇ gʼaˬ-awˇ, aˬ yawꞈ maꞈ-ahˇ aˬ yawꞈ-euˬ aˬ laꞈ hawˇ-eu byaˇ gʼaˇ bi haw-euˬ meh. Zaˬ lahˇ deuˬ Sahˬpaˬ Yeˬsuˇ-ahˇ ya mawˇ-euˬ miˇ neh laˬ kʼaˬ cehˇ dui dui-eu meh.

Yoˇhaˬ 20:28

Toˇmaˆ ehˇ-eu, “Nawˇ-aˬ, ngaˬ-euˬ Sahˬpaˬ hawˇ-eu ngaˬ-euˬ Miˬyehˇ meh.”

Yoˇhaˬ 21:20

Beˬtuˆluˆ zeuˆ pyawˇ haw ngeh, Yeˬsuˇ gaˬ dui dui-eu zaˬ lahˇ kʼoeˇ gʼaˬ aˬ yawꞈ-euˬ mehˬ nah cah luꞈ gaˇ ya mawˇ-euˬ meh. Zaˬ lahˇ kʼoeˇ gʼaˬ-aˬ, ciꞈ hawˬ dzaˬ taꞈ ngeh miˇ Yeˬsuˇ-euˬ dawˬ peh tah tehˬ leˇ-awˇ, “Sahˬpaˬ-oˇ, nawˬ-ahˇ ahˬ dzaˬ-eu lehˇ gʼeh-eu aˬ suˇ gʼaˬ-a” lehˇ naˇ haˬ-euˬ kʼoeˇ gʼaˬ meh.

Yoˇhaˬ 21:24

Zaˬ lahˇ kʼoeˇ gʼaˬ-aˬ, gaˇ kawˆ heu deuˬ saˇ kiˇ kamˬ-euˬ gʼaˬ pyeuꞈ-eu uˬ taꞈ, boꞈ doˆ-euˬ gʼaˬ kʼawꞈ pyeuꞈ-eu meh. Aˬ yawꞈ neh ehˇ-euˬ gaˇ kawˆ heu deuˬ maˇ maˇ ni ngeuˇ meh lehˇ aˬ dui siˬ nya-eu ma.

Yoˇhaˬ 21:8

Zaˬ lahˇ nui deuˬ-aˬ, lawˬ heu-awˇ, ngaˬ shaˬ tiˬ byah ni paꞈ leˇ taˬ-euˬ za-ahˇ lah lah dzeˇ gʼeu doˆ laꞈ-eu meh. Aˬ yawꞈ maꞈ za dzeh-euˬ kʼoeˇ-aˬ, lah lah dzeˇ-ahˇ neh ngaˬ tseˇ lmˇ ehˇ gʼaˬ ni kaˬ-eu tehꞈ meh.

Gʼaˬkʼehˇ 10:36

Dawˬ tawˆ kʼoeˇ taˆ sahˬ paˬ pyeuꞈ-eu Yeˬsuˇ Ka li baˬ da neh nui saˇ oꞈ-eu jeˬ za-eu gaˇ kawˆ Laˬ kʼaˬ cehˇ-eu Guiˬ lahˬ dawˬ heu-ahˇ, Iˇsaˬleˬlaˆ tsawˇ haˬ deuˬ jawˇ gaˇ bi mehˬ-iˇ-euˬ naw maꞈ siˬ nya meh.

Gʼaˬkʼehˇ 2:36

“Kʼoeˇ miˇ neh, Iˇsaˬleˬlaˆ tsawˇ haˬ dawˬ tawˆ luꞈ heu loꞈ-ehˇ ya siˬ duˬ meh. Naw maꞈ neh laꞈ yaꞈ kʼoeˇ taˆ taꞈ sehꞈ-euˬ Yeˬsuˇ heu gʼaˬ-aˬ, Miˬyehˇ neh Sahˬpaˬ hawˇ-eu Ka li bi pyeuꞈ laˇ-euˬ gʼaˬ meh.”

1 Gawˇliˬtu 15:47

Aˬdaˬ yaw beh gʼaˬ-aˬ, miˇ tsaˬ neh tehˆ-awˇ, miˇ tsaˬ-ahˇ neh doˆ laˇ-euˬ jeˬ pyeuꞈ-eu meh. Aˬdaˬ nyiˬ gʼaˬ tiˬ gʼaˬ-aˬ, mˬ-ahˇ neh oe-euˬ meh.

2 Gawˇliˬtu 5:14

Ka li-euˬ gʼoeˇ-eu gaˬ-eu jeˬ nga maꞈ-ahˇ uˆ lahˇ luꞈ-eu meh. Tsawˇ haˬ dawˬ tawˆ luꞈ gʼaˇ duˬ tsawˇ haˬ tiˬ gʼaˬ shiˇ dah-euˬ meh lehˇ nga maꞈ jah duˬ taˬ-euˬ ma. Kʼoeˇ miˇ neh, dawˬ tawˆ luꞈ aˬ yawꞈ nehˬ-ehˇ shiˇ-euˬ gaˇ duˇ-eu meh.

Yaˬkoˆ 2:1

Aˬ yuiꞈ aˬ nyiˇ ka li zaˬ deuˬ-oˇ, yaw shehꞈ kʼahˬ sehˇ huiˬ-eu Sahˬpaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-ahˇ jah-eu aˬ dui-aˬ, aˬ cawˬ-ahˇ kʼoeˇ taˆ paw haw-awˇ myaˆ pyawˬ huiˬ nyiˇ maˬ ya tseˇ-a.