Yoˇhaˬ 21:6 - Akha

⁶ “Lawˬ-euˬ aˇ maˇ paw dzeh ahˇ gʼeh-awˬ. Ngaˬ shaˬ mi laˇ tehꞈ-a” lehˇ Yeˬsuˇ aˬ yawꞈ maꞈ-ahˇ ehˇ nehˬ ngeh, aˬ yawꞈ maꞈ dzeh ahˇ gʼeh-awˇ, ngaˬ shaˬ paꞈ dui dui leˇ-euˬ miˇ neh, za maˬ gʼeu kʼoꞈ coeˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Yeqsur, aqyawf maf-anr aernaeq-eu, “Nawmaf, lawq-euq armar paw za dzae’anr ghae-awq. Khoerlof-aer dzae’anrghae nar-aq, nawmaf uicuiv dzaemi taef-a.” Khoermirnae, aqyawfmaf za dzae’anrghae ngae, ngaqshaq ghawqmya’ni pafler-euq mirnae, za maq gheudov coer-a.

Yoˇhaˬ 21:6 Iomraidhean Croise

Jaceuq 8:8

aˇjiˇmaˬehˇ, ngaˬshaˬmaˬehˇ, laˆshaˆboeˬboeˬluˆluˆmaˬehˇ, aˬyawꞈneh bi uˆlahˇ-euˬmeh.

Yeˬsaˬgeˬlaˇ 47:10

Eˬgeˬdiˇ lawˇ gawˆ-ahˇ neh Eˬneˬgaˬleˬ lawˇ gawˆ-ahˇ doˆ ni, shiˇ-eu iˬ ma laˆ shaˆ-euˬ lawˇ deh kʼoeˇ tiˬ li, ngaˬ shaˬ poˆ dzaˬ-eu tsawˇ haˬ tiˬ byah ni jawˇ-awˇ, aˬ yawꞈ maꞈ-euˬ za sheu lawꞈ taˬ-awˇ jaˆ tehꞈ-a. Gʼahˇ ceh-euˬ iˬ ma laˆ shaˆ-ahˇ ngaˬ shaˬ aˇ jeuˬ kʼaˇ jawˇ-eu myaˆ ni, kʼoeˇ gaˇ kʼawꞈ jawˇ tehꞈ-a.

Maꞈtehˬ 7:27

Uˬ yehˇ yehˇ le-awˇ, iˇ jeuˬ jeuˬ le-eu uˬ taꞈ, jaˬ lehˇ lehˇ ma ciˬ tahˬ ciˬ tuˆ laˇ ngeh, nymˇ kʼoeˇ nymˇ coˬ dzeh-iˇ-eu meh. Coˬ dzeh-iˇ-eu kʼoeˇ-aˬ, coˬ pyaˆ coˬ shaˆ jiˇ-eu meh.”

Yoˇhaˬ 2:5

Kʼoeˇ ngeh, “Ngaˬ li kʼaˇ ehˇ-eu loꞈ-ehˇ mˇ-awˬ” lehˇ, zaˬ kʼaˆ deuˬ-ahˇ Yeˬsuˇ-euˬ aˬ ma ehˇ nehˬ-euˬ meh.

Gʼaˬkʼehˇ 2:41

Aˬ yawꞈ dawˬ mehˬ mehˬ gaˇ tsawˇ haˬ gʼawˬ mya ni jah leˇ-awˇ, iˇ cuꞈ bi shawˇ-euˬ meh. Kʼoeˇ ngeh nah tehꞈ-ehˇ, aˬ yawꞈ maꞈ-euˬ aˇ muˇ-ahˇ tsawˇ haˬ smˬ heˇ gʼaˬ lahˬ laˇ-euˬ meh.

Gʼaˬkʼehˇ 4:4

Ehˇ kʼawꞈ, dawˬ mehˬ mehˬ gaˇ ya gaˬ-euˬ tsawˇ haˬ gʼawˬ mya ni jah laˇ-awˇ, jah-eu tsawˇ haˬ ngaˬ heˇ gʼaˬ byah laˇ-euˬ meh.