Yoˇhaˬ 21:22 - Akha

²² Yeˬsuˇ ehˇ-eu, “Ngaˇ oe ngeh keuˆ ni aˬ yawꞈ-ahˇ ngaˇ bi dehꞈ keuˆ mawꞈ lawˬ naˇ, nawˇ aˬ jeˬ kʼahˇ kʼoꞈ kʼaˇ za ta. Ngaˬ-euˬ mehˬ nah laˇ gʼeh laꞈ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Yeqsur, aqyawf-anr aernaeq-eu, “Ngar ghofle ngae keuvni, ngar, aqyawf-anr bi jawrmawf nar-aq, nawq-anr aqjeq taf-eu la? Nawr-aq, ngaq-euq maeqnan cantaelaf nar-aq ghaq-ar.”

Yoˇhaˬ 21:22 Iomraidhean Croise

Maꞈtehˬ 16:24

Kʼoeˇ naˇ, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-eu uˬ taꞈ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Maꞈtehˬ 24:27

Aˬ jeˬ miˇ neh ehˇ naˇ, Tsawˇhaˬ-euˬ Zaˬmaˇ oe ngeh, nahˇ ma doˆ kʼehˬ paw mˬ myawꞈ myawꞈ-eu nahˇ ma ga kʼehˬ paw bya keuˆ-iˇ gaˇ duˇ tehꞈ-a.

Maꞈtehˬ 24:3

Saˬloˬ gawˬ jawˬ-ahˇ Yeˬsuˇ nuiˇ luꞈ ngeh, zaˬ lahˇ deuˬ tehꞈ-ehˇ aˬ yawꞈ jawˇ gaˇ laˇ-awˇ ehˇ-eu, “Uˬ duˬ tahˬ nymˇ nymˇ ma cawˆ-iˇ-eu aˇ yamˬ kʼoeˇ aˬ myah keuˆ le ta lehˇ ehˇ nehˬ laꞈ sheˇ. Miˇ tsaˬ heu aˇ saˬ saˬ-eu dawˬ peh peh laˇ-awˇ, nawˇ zaꞈ le-eu aˇ yamˬ keuˆ le-euˬ nga lehˇ, aˬ jeˬ-ahˇ haw-awˇ ya siˬ nmˇ.”

Maꞈtehˬ 24:44

Kʼoeˇ miˇ neh, naw maꞈ aˬ myah luꞈ lehˬ hmˬ dah taˬ-awˬ. Aˬ jeˬ miˇ neh ehˇ naˇ, naw maꞈ maˬ noeˬ maˬ duˬ-ehˇ jawˇ luꞈ ngeh, Tsawˇhaˬ-euˬ Zaˬmaˇ oe tehꞈ-a.

Maꞈtehˬ 25:31

“Tsawˇhaˬ-euˬ Zaˬmaˇ mˬ taˆ gʼaˬ kʼehˇ deuˬ sheuˬ-awˇ, Sahˬ paˬ loꞈ-ehˇ zaꞈ le ngeh, aˬ yawꞈ-euˬ dzoeˬ dzaˬ nuiˇ mahˬ kʼoeˇ taˆ nuiˇ le tehꞈ-a.

Maꞈtehˬ 8:22

Yeˬsuˇ ehˇ-eu, “Ngaˬ-euˬ mehˬ nah caw teh laˇ-awˬ. Shiˇ-euˬ tsawˇ haˬ deuˬ-ahˇ shiˇ-euˬ deuˬ neh bi baꞈ pahˬ luꞈ-uˇ.”

Maˬkuˆ 9:1

Aˬ yawꞈ paˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Heu gaˇ jawˇ luꞈ-eu tsawˇ haˬ tiˬ paˆ na deuˬ maˬ shiˇ dzeuˇ mi naˆ-ehˇ, Miˬyehˇ Miˇkʼahˬ baoˬ tiˬ byah ni keuˆ le gaˇ ya mawˇ tehꞈ-a.”

Yoˇhaˬ 21:19

(Yeˬsuˇ kʼoeˇ loꞈ-ehˇ ehˇ-eu kʼoeˇ-aˬ, Miˬyehˇ-euˬ yaw shehꞈ kʼahˬ sehˇ-ahˇ aˬ cawˬ ya mawˇ ni, aˬ kaˇ Beˬtuˆluˆ aˬ joˆ-ehˇ ya shiˇ-eu gaˇ kawˆ-ahˇ toeˬ mehˬ mawꞈ-euˬ jeˬ pyeuꞈ-eu meh.) Kʼoeˇ naˇ, Beˬtuˆluˆ-ahˇ Yeˬsuˇ ehˇ nehˬ-eu, “Ngaˬ-euˬ mehˬ nah laˇ gʼeh laꞈ-awˬ.”

Yoˇhaˬ 21:21

Beˬtuˆluˆ zaˬ lahˇ kʼoeˇ gʼaˬ-ahˇ mawˇ ngeh, Yeˬsuˇ-ahˇ heu loꞈ-ehˇ naˇ haˬ-euˬ meh. “Sahˬpaˬ-oˇ, heu gʼaˬ toe. Aˬ yawꞈ-euˬ gʼaˇ duˬ mehˬ hu paw aˬ joˆ-ehˇ jaˆ ta.”

1 Gawˇliˬtu 11:26

Naw maꞈ kaˬ muˇ kʼoeˇ dzaˬ-awˇ kʼmˬ maˬ kʼoeˇ kʼaˇ dawˇ ngeh, Sahˬpaˬ Yeˬsuˇ zaˬ le ngeh keuˆ ni aˬ yawꞈ shiˇ-euˬ gaˇ kawˆ saˇ kiˇ kamˬ luꞈ gaˇ duˇ-eu meh.

1 Gawˇliˬtu 4:5

Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.

1 Teˇsaˬloˇni 2:19

Ehˇ kʼawꞈ, nga maꞈ-euˬ noeˬ tmˬ duˬ, nga maꞈ-euˬ laˬ kʼaˬ cehˇ duˬ hawˇ-eu, Sahˬpaˬ Yeˬsuˇ oe ngeh aˬ yawꞈ mehˬ shi nga maꞈ gʼaˬ leˇ-euˬ gaˇ kawˆ kʼahˬ sehˇ jehˆ duˬ-aˬ, aˬ cawˬ maˬ ngeuˇ. Naw maꞈ ma.

Yaˬkoˆ 5:7

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ zaꞈ le ngeh keuˆ ni oˇ oˇ-ehˇ jawˇ-awˬ. Deh ma mˇ-eu tsawˇ haˬ tiˬ gʼaˬ aˇ poeˬ kʼaˆ dui dui-eu cehˇ deuˬ keuˆ le ngeh keuˆ ni, aˬ yawꞈ-euˬ deh ma-ahˇ aˬ joˆ-ehˇ dawˬ-eu gaˇ kawˆ shaˇ sawˇ-awˬ. Yehˇ gʼahˇ ahˇ dahˬ beh le ngeh neh yehˇ gʼahˇ jiˇ le ngeh keuˆ ni oˇ oˇ-ehˇ dawˬ-eu meh.

Yaˬkoˆ 5:8

Naw maꞈ kʼawꞈ, kʼoeˇ loꞈ-ehˇ ya oˇ meh. Sahˬpaˬ Yeˬsuˇ zaꞈ le-eu Aˇnah peh laˇ-euˬ miˇ neh, noeˬ tmˬ-eu nui ma ziꞈ dah ni bi jaˆ-awˬ.

Panmaeq 1:7

Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.

Panmaeq 2:25

Ehˇ kʼawꞈ, ngaˇ oe ngeh keuˆ ni naw maꞈ kʼaˇ jaˆ luꞈ-eu jeˬ-ahˇ ziꞈ dah ni tuˆ tehˬ taˬ-awˬ.

Panmaeq 22:20

Gaˇ kawˆ heu deuˬ dawˬ tawˆ luꞈ saˇ kiˇ kamˬ-eu gʼaˬ ehˇ-eu, “Ngaˇ yaw kawˇ-ehˇ oe ma. Maˇ maˇ ni yaw kawˇ-ehˇ oe ma.” Aˬ miˬ. Sahˬpaˬ Yeˬsuˇ-oˇ, oe-awˬ.

Panmaeq 22:7

Yeˬsuˇ ehˇ-eu, “Naˇ haˬ-awˬ. Ngaˇ yaw kawˇ-ehˇ oe ma. Sahˬ boꞈ heu taꞈ laꞈ kʼoeˇ mehˬ hu paw pyeuꞈ laˇ-eu gaˇ kawˆ Miˬyehˇ gʼaˇ duˬ ngehˬ dah taˬ-euˬ dawˬ deuˬ-ahˇ naˇ haˬ geuꞈ-eu tsawˇ haˬ guiˬ lahˬ huiˬ-eu meh.”

Panmaeq 3:11

Ngaˇ yaw kawˇ-ehˇ oe ma. Naw maꞈ-euˬ gʼaˬ leˇ-eu laꞈ sawˬ-ahˇ tsawˇ haˬ tiˬ gʼaˬ-iˬ maˬ bi lu doˆ geuꞈ-eu gʼaˇ duˬ, naw maꞈ jaˆ luꞈ-eu jeˬ-ahˇ yaw muiˬ paˬ-ehˇ jeˬ hmˬ taˬ-awˬ.