Yoˇhaˬ 21:2 - Akha

² Siˇmoˬ Beˬtuˆluˆ, nyiˬ gʼaˬ dehꞈ le-euˬ lehˇ kuˇ-eu Toˇmaˆ, Gaˬliˬlehˇ miˇ kʼahˬ Gaˬnaˬ meuˬ-ahˇ jawˇ-eu Naˬdaˬneˬlaˇ, Zeˬbeˬdehˇ-euˬ aˬ li nyiˬ li, kʼoeˇ maˬ ngeuˇ-eu Yeˬsuˇ-euˬ zaˬ lahˇ nyiˬ gʼaˬ, heu deuˬ tiˬ kawˆ loꞈ-ehˇ jawˇ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Sirmoq Beqtuvluv, Zaqdzm laer kur-eu Tormav, Gaqliqlaer mirkhanq-euq Gaqnaq tsawrhaq Naqdaqneqlar, Zeqbeqdaer-euq zaqyo nyiq ghaq hawr-eu zaqlanr nuideuq nyiq ghaq, aqyawfmaf tiqgar taef-aer jawrluf-eu mae.

Yoˇhaˬ 21:2 Iomraidhean Croise

Maꞈtehˬ 10:3

Piˇluˇpuˆ hawˇ-eu Baˬtawˇlaˬmehˇ, Toˇmaˆ hawˇ-eu kawˬ taꞈ-eu tsawˇ haˬ pyeuꞈ-eu Maꞈtehˬ, Aˬlaˬpehˇ-euˬ aˬ li Yaˬkoˆ hawˇ-eu Taˬdehˇ,

Maˬkuˆ 1:19

Mehˬ hu paw paˇ iˇ gʼeh ngeh, Zeˬbeˬdehˇ-euˬ aˬ li Yaˬkoˆ hawˇ-eu Yoˇhaˬ aˬ nyaꞈ nmˇ-ahˇ paˇ mawˇ-euˬ meh. Aˬnyaꞈ nmˇ-aˬ, lawˬ laꞈ kʼoeˇ uˇ-awˇ, za doꞈ luꞈ-eu meh.

Luˇkaꞈ 5:10

Siˇmoˬ nehˬ-ehˇ ngaˬ shaˬ poˆ-eu cawˬ deuˬ pyeuꞈ-eu Zeˬbeˬdehˇ-euˬ aˬ li Yaˬkoˆ hawˇ-eu Yoˇhaˬ aˬ nyaꞈ nmˇ kʼawꞈ, zahˬ dui dui leˇ-euˬ meh. Siˇmoˬ-ahˇ Yeˬsuˇ ehˇ nehˬ-eu, “Taˬ guˆ. Aˬ kaˇ naˇ, nawˬ-ahˇ ngaˬ shaˬ poˆ-eu tsawˇ haˬ maˬ paˇ bi geuꞈ-ehˇ, tsawˇ haˬ poˆ-eu tsawˇ haˬ bi geuꞈ ma.”

Yoˇhaˬ 1:45

Naˬdaˬneˬlaˇ-ahˇ Piˇluˇpuˆ mawˇ-awˇ ehˇ nehˬ-eu, “Moˇseˬ neh boꞈ-euˬ Zahˇ dawˬ kʼoꞈ dawˬ laꞈ kʼoeˇ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ ehˇ taˬ-euˬ kʼoeˇ gʼaˬ-ahˇ nga maꞈ mawˇ-euˬ ma. Aˬ yawꞈ-aˬ, Naˬzaˬlehˇ meuˬ-ahˇ jawˇ-eu Yoˇsehˆ-euˬ aˬ li meh.”

Yoˇhaˬ 11:16

‘Nyiˬ gʼaˬ dehꞈ le-euˬ’ lehˇ kuˇ-eu Toˇmaˆ gʼaˬ, aˬ yawꞈ-euˬ cawˬ zaˬ lahˇ deuˬ-ahˇ, “Aˬ dui maꞈ gʼeh saˬ laˬ nehˬ-ehˇ tiˬ kawˆ loꞈ-ehˇ iˇ-awˇ, aˬ yawꞈ nehˬ-ehˇ tiˬ gaˇ shiˇ ma.”

Yoˇhaˬ 2:1

Smˬ nah byah laˇ ngeh, Gaˬliˬlehˇ miˇ kʼahˬ Gaˬnaˬ meuˬ-ahˇ oeˇ mˇ baˇ-eu bawˬ-iˬ jaˆ-eu meh. Yeˬsuˇ-euˬ aˬ ma kʼawꞈ kʼoeˇ gaˇ jawˇ-eu meh.

Yoˇhaˬ 2:11

Yeˬsuˇ-aˬ, Gaˬliˬlehˇ miˇ kʼahˬ Gaˬnaˬ meuˬ-ahˇ kʼaˆ jeˬ-ehˇ gʼeh-eu yaw beh hmˬ kʼoeˇ loꞈ-ehˇ mˇ mehˬ nehˬ-eu laꞈ kʼoeˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-awˇ, aˬ yawꞈ-euˬ zaˬ lahˇ deuˬ aˬ yawꞈ-ahˇ jah laˇ-euˬ meh.

Yoˇhaˬ 20:28

Toˇmaˆ ehˇ-eu, “Nawˇ-aˬ, ngaˬ-euˬ Sahˬpaˬ hawˇ-eu ngaˬ-euˬ Miˬyehˇ meh.”

Yoˇhaˬ 4:46

Kʼoeˇ naˇ, Yeˬsuˇ-aˬ, aˬ yawꞈ neh iˇ cuꞈ-ahˇ aˬ gaꞈ dzaˇ uiˇ bi pyeuꞈ-iˇ-euˬ meuˬ pyeuꞈ-eu Gaˬliˬlehˇ miˇ kʼahˬ Gaˬnaˬ meuˬ-ahˇ gʼoꞈ-iˇ-euˬ meh. Sahˬ paˬ sahˬ ma-euˬ gaˇ mˇ luꞈ-eu yaw huiˬ yaw mahˇ tiˬ gʼaˬ kʼoeˇ gaˇ jawˇ luꞈ-eu meh. Aˬ yawꞈ-euˬ aˬ li-aˬ, Gaˬbeˬneˬoˬ meuˬ-ahˇ naˇ luꞈ-eu meh.

Yawˇshuˆ 19:28

Eˬbyoˬ meuˬ, Leˬhawˇbaˆ meuˬ, Haˬmoˬ meuˬ, Kaˬnahˬ meuˬ heu deuˬ caw caw-ehˇ, Siˇdoˬ meuˬ-ahˇ keuˆ ni meh.