Yoˇhaˬ 20:25 - Akha

²⁵ Kʼoeˇ miˇ neh, “Nga maꞈ Sahˬpaˬ Yeˬsuˇ-ahˇ ya mawˇ-euˬ ma” lehˇ, zaˬ lahˇ deuˬ aˬ yawꞈ-ahˇ ehˇ nehˬ-euˬ meh. Aˬ yawꞈ maꞈ-ahˇ Toˇmaˆ ehˇ-eu, “Aˬ yawꞈ-euˬ aˬ laꞈ-ahˇ shmˇ sehˬ taꞈ-euˬ maˇ byawꞈ-ahˇ ngaˇ mawˇ duˬ-awˇ, ngaˬ-euˬ laꞈ noeˇ neh maˇ byawꞈ kʼoeˇ-ahˇ toeˬ haw gʼaˬ-awˇ, aˬ yawꞈ-euˬ byaˇ gʼaˇ-ahˇ ngaˬ-euˬ laꞈ zaˬ neh yaw muiˬ paˬ-ehˇ sawˆ duˬ haw gʼaˬ miˇ tsa maˬ ngeuˇ naˇ, ngaˇ maˬ jah.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Khoerngae, zaqlanr nuideuq, aqyawf-anr aernaeq-eu, “Nga’maf, Sanqpaq Yeqsur-anr ya’mawr-euq ma.” Khoerngae, Tormav, aqyawf maf-anr aernaeq-eu, “Ngar, aqyawf-euq aqlaf-anr shmrsaeq nae taf-euq marbyawf-anr maqya mawr-aer, ngaq-euq lafnoer nae marbyawf khoer-anr maqya toeqhaw-euq uqtaf, ngaq-euq lafnoer nae aqyawf-euq byarghar-anr maqya toeqhaw-euq khoer-aq ngar maqjan.”

Yoˇhaˬ 20:25 Iomraidhean Croise

Yawˇbaˆ 9:16

Aˬ yawꞈ ngaˬ-ahˇ dawˬ bi ngehˬ laꞈ law hawˇ kʼawꞈ, ngaˬ-euˬ dawˬ-ahˇ aˬ yawꞈ naˇ haˬ tehꞈ-a lehˇ maˬ jah nya.

Jaceuq 22:16

Aˬkuiˬ ga jawˬle-eu loꞈ-ehˇ, haiˬ-eu tsawˇhaˬ tiˬjawˬoe-awˇ, ngaˬ-euˬ aˬkuiˇaˬlaꞈdawˬtawˆ, cehˬpyaˬcehˬshaˇjiˇ-euˬmiˇ-a.

Jaceuq 78:32

Kʼoeˇ loꞈ-ehˇ jahˇ nehˬ kʼawꞈ, aˬ yawꞈ maꞈ iˬ baˇ mˇ-eu maˬ naˬ leˇ-a. Zahˬ leˇ paˬ-ehˇ gʼeh-eu jeˬ mˇ mehˬ nehˬ kʼawꞈ, aˬ yawꞈ maꞈ aˬ yawꞈ-ahˇ maˬ jah-a.

Maꞈtehˬ 27:42

“Aˬ yawꞈ aˬ cawˬ-ahˇ ka kʼoꞈ nya-euˬ kʼawꞈ, yawˬ haˇ yawˬ ha maˬ ka kʼoꞈ nya law hawˇ ngaˬ laˬ. Aˬ yawꞈ Iˇsaˬleˬlaˆ tsawˇjeuˬ-euˬ sahˬ paˬ maˬ ngeuˇ-a loˇ. Nymˬ-mˇ aˬ yawꞈ laꞈ yaꞈ kʼoeˇ taˆ neh zaꞈ ka le nya law nmˇ-aˬ, aˬ dui maꞈ aˬ yawꞈ-ahˇ jah tehꞈ-a tawˇ.

Maˬkuˆ 16:11

Yeˬsuˇ yaw dehꞈ-ehˇ jawˇ gaˇ aˬ yawꞈ ya mawˇ-euˬ gaˇ kawˆ, aˬ yawꞈ maˬ-ahˇ dzawˇ nehˬ ngeh, aˬ yawꞈ maˬ maˬ jah-a.

Maˬkuˆ 16:13

Aˬ yawꞈ nyaꞈ gʼoꞈ leˇ-awˇ, nui deuˬ-ahˇ dzawˇ mehˬ-euˬ meh. Ehˇ kʼawꞈ, aˬ yawꞈ maꞈ maˬ jah-a.

Maˬkuˆ 16:14

Aˇ saˬ saˬ-eu poˆ, zaˬ lahˇ tseˇ tiꞈ gʼaˬ hawˬ dzaˬ dzaˬ luꞈ gaˇ Yeˬsuˇ gʼawˇ mawˇ bi mawˇ le-euˬ meh. Aˬ yawꞈ maꞈ maˬ jah ni nui ma gʼahˇ gaˇ aˬ yawꞈ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ gʼoꞈ dehꞈ laˇ-awˇ jawˇ gaˇ ya mawˇ-euˬ deuˬ neh dzawˇ nehˬ-euˬ dawˬ-ahˇ aˬ yawꞈ maꞈ maˬ jah-a.

Luˇkaꞈ 24:25

Kʼoeˇ ngeh jawˇ, aˬ yawꞈ nyaꞈ-ahˇ Yeˬsuˇ ehˇ nehˬ-eu, “Dawˇ ga-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh kʼaˇ ehˇ taˬ-euˬ dawˬ tawˆ luꞈ-ahˇ jah tuˆ leꞈ-eu gʼaˇ duˬ, aˇ naˆ naˆ-ehˇ ga-eu nya.

Yoˇhaˬ 1:41

Aˬ yawꞈ-euˬ mehˇ nmˇ Siˇmoˬ-ahˇ aˬ yawꞈ yaw kawˇ-ehˇ poˆ mawˇ-awˇ, “Nga nyaꞈ Meˬsiˇyaˆ-ahˇ ya mawˇ gʼaˬ-euˬ ma” lehˇ ehˇ nehˬ-euˬ meh. (ʼMeˬsiˇyaˆʼ hawˇ-eu ʼKa liʼ lehˇ ehˇ-eu tsawˇ myahˇ heu nyiˬ myahˇ dawˬ tsuiꞈ tiˬ kawˆ meh.)

Yoˇhaˬ 20:27

Kʼoeˇ ngeh, Toˇmaˆ-ahˇ aˬ yawꞈ ehˇ nehˬ-eu, “Nawˬ-euˬ laꞈ noeˇ neh toeˬ haw-awˇ ngaˬ-euˬ aˬ laꞈ-ahˇ haw duˬ laˇ sheˇ. Kʼoeˇ naˇ, nawˬ-euˬ aˬ laꞈ cawˬ ja-awˇ, ngaˬ-euˬ byaˇ gʼaˇ-ahˇ sawˆ haw-awˇ, poˆ poˆ laˆ laˆ-ehˇ maˬ paˇ noeˬ ni jah-awˬ.”

Yoˇhaˬ 21:7

Yeˬsuˇ gaˬ dui dui-eu zaˬ lahˇ kʼoeˇ gʼaˬ Beˬtuˇluˆ-ahˇ, “Tsawˇ haˬ kʼoeˇ gʼaˬ Sahˬpaˬ Yeˬsuˇ nga” lehˇ ehˇ nehˬ-euˬ meh. Sahˬpaˬ Yeˬsuˇ nga lehˇ ehˇ gaˇ Beˬtuˆluˆ ya gaˬ ngeh, mehˬ tsoeˬ gʼeu dm-awˇ iˇ cuꞈ-ahˇ tsawˬ puꞈ-euˬ meh. Aˬ jeˬ miˇ neh ehˇ naˇ, aˬ yawꞈ mehˬ tsoeˬ maˬ dm ni za dzeh luꞈ-eu meh.

Yoˇhaˬ 6:30

Aˬ yawꞈ maꞈ ehˇ-eu, “Nga maꞈ nawˬ-ahˇ jah laˇ ni nawˇ zahˬ leˇ paˬ-ehˇ gʼeh-eu aˬ geu jeˬ mˇ mehˬ nmˇ. Nawˇ aˬ geu jeˬ mˇ mehˬ-eu gʼeh te.

HeˬByehˇ 3:12

Jah-eu tsawˇ haˬ deuˬ pyeuꞈ-eu gaˬ-eu cawˬ deuˬ-oˇ, dehꞈ luꞈ-eu Miˬyehˇ-ahˇ byehˇ dzeh gaˇ keuˆ ni haiˬ-eu, maˬ jah-eu nui ma pi luꞈ-eu tsawˇ haˬ naw maꞈ laꞈ kʼoeˇ maˬ ya bi ahˇ ni yahˇ-awˬ.

HeˬByehˇ 3:18

“Aˬ yawꞈ maꞈ-ahˇ ngaˇ biꞈ nehˬ-awˇ gʼaˬ naˬ bi naˬ-eu lehˇ lehˬ hmˬ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ maˬ paˇ bi uˇ leˇ ma” lehˇ Miˬyehˇ ehˇ-awˇ saˇ jaˇ dzaˬ-euˬ kʼoeˇ, aˬ suˇ gʼaˬ-ahˇ ehˇ-euˬ ta. Aˬ yawꞈ-ahˇ puiˬ-euˬ tsawˇ haˬ kʼoeˇ deuˬ-ahˇ ehˇ-euˬ maˬ ngeuˇ-a loˇ.