Yoˇhaˬ 20:21 - Akha

²¹ Yeˬsuˇ aˬ yawꞈ maꞈ-ahˇ tiˬ poˆ paˇ ehˇ nehˬ-eu, “Naw maꞈ nui saˇ oꞈ luꞈ-uˇ. Aˬda ngaˬ-ahˇ kʼehˇ gʼeh leꞈ-euˬ loꞈ-ehˇ, naw maꞈ-ahˇ ngaˇ kʼehˇ gʼeh-eu ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoerngae, Yeqsur, aqyawf maf-anr par aernaeq-eu, “Nawmaf, nuisar of luf-ur! Aqda, ngaq-anr khaerghae lef-euq lof-aer, ngar khawf, nawmaf-anr khaerghae-eu ma.”

Yoˇhaˬ 20:21 Iomraidhean Croise

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Maꞈtehˬ 10:40

“Naw maꞈ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-awˇ, ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼaˬ-ahˇ ha geuꞈ gaˇ duˇ-eu meh.

Luˇkaꞈ 24:36

Aˬ yawꞈ maꞈ kʼoeˇ loꞈ-ehˇ ja luꞈ ngeh, Yeˬsuˇ aˬ yawꞈ maꞈ-euˬ gʼahˇ ceh yawꞈ le-awˇ, “Naw maꞈ kʼoeˇ taˆ nui saˇ oꞈ-eu jeˬ jaˆ luꞈ-uˇ” lehˇ ehˇ-eu meh.

Yoˇhaˬ 13:20

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ neh kʼehˇ gʼeh-euˬ tsawˇ haˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-awˇ, ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼaˬ-ahˇ ha geuꞈ gaˇ duˇ-eu meh.”

Yoˇhaˬ 14:27

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

Yoˇhaˬ 20:19

Tiˬ jaw laꞈ kʼoeˇ aˇ dahˬ beh-eu aˇ nah pyeuꞈ-eu kʼoeˇ ngeh nah uˬ ciꞈ paw, zaˬ lahˇ deuˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh, tiˬ gaˇ uiˬ leˇ jiˇ-awˇ, laˇ gʼoˆ sehˬ sehˬ tehˬ-awˇ jawˇ-eu meh. Kʼoeˇ ngeh, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ le-euˬ meh.

Yoˇhaˬ 20:22

Kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ kʼoeˇ taˆ aˬ yawꞈ saꞈ baw nehˬ-awˇ, heu loꞈ-ehˇ ehˇ nehˬ-euˬ meh. “Muiˬ-eu Shawˇ-eu Yaw sahˇ Miˬyehˇ-ahˇ ha geuꞈ-awˬ.

Yoˇhaˬ 20:26

Tiˬ jaw dzeuˇ-iˇ ngeh, zaˬ lahˇ deuˬ nymˇ tiˬ nymˇ laꞈ kʼoeˇ uiˬ leˇ-awˇ jawˇ-eu meh. Toˇmaˆ kʼawꞈ, aˬ yawꞈ maˬ nehˬ-ehˇ jawˇ-eu meh. Aˬ yawꞈ maꞈ laˇ gʼoˆ sehˬ sehˬ tehˬ taˬ-euˬ meh. Ehˇ kʼawꞈ, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ-eu meh.

Yoˇhaˬ 3:17

Aˬ jeˬ miˇ neh ehˇ naˇ, Miˬyehˇ neh aˬ yawꞈ-euˬ Zaˬmaˇ-ahˇ kʼehˇ gʼeh leꞈ-euˬ kʼoeˇ-aˬ, miˇ tsaˬ zaˬ deuˬ-ahˇ yaˇ kʼaˬ bi daˇ-eu gʼaˇ duˬ maˬ ngeuˇ-a. Bi ka kʼoꞈ-eu gʼaˇ duˬ meh.

Gʼaˬkʼehˇ 1:2

Aˬ yawꞈ-ahˇ mˬ kʼoeˇ taˆ bi ciˬ daˆ kʼoꞈ gʼeh ngeh nah-ahˇ keuˆ ni boꞈ taˬ-euˬ ma. Aˬ yawꞈ-ahˇ mˬ kʼoeˇ taˆ maˬ bi ciˬ kʼoꞈ daˆ kʼoꞈ leꞈ mi naˆ-ehˇ, aˬ yawꞈ-euˬ gʼaˬ kʼehˇ bi geuꞈ-eu gʼaˇ duˬ aˬ yawꞈ neh tseˇ doˆ-euˬ tsawˇ haˬ deuˬ-ahˇ, Muiˬ-eu shawˇ-eu Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ aˬ yawꞈ mehˬ yaꞈ tsoˆ yaꞈ-euˬ meh.

Gʼaˬkʼehˇ 1:8

Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ naw maꞈ kʼoeˇ taˆ oe keuˆ ngeh, naw maꞈ baoˬ za-awˇ, Yeˬluˇsaˬlehˬ meuˬ laꞈ kʼoeˇ maˬ ehˇ, Yuˇdaˆ miˇ kʼahˬ hawˇ-eu Saˬmaˬliˆ miˇ kʼahˬ doe ni maˬ ehˇ, mˬ dzeˇ miˇdzeˇ keuˆ ni maˬ ehˇ, naw maꞈ ngaˬ-euˬ gʼaˇ duˬ saˇ kiˇ kamˬ-eu tsawˇ haˬ pyeuꞈ laˇ tehꞈ-a.”

2 Tiˆmoˇseˬ 2:2

Tsawˇ kaˬ gʼawˬ mya ni-euˬ mehˬ shi ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ yuˇ-awˇ, aˬ cawˬ-ahˇ mehˬ nehˬ tsoˆ nehˬ nya-eu jah coeˇ paˬ-ehˇ gʼeh-eu tsawˇ haˬ deuˬ-ahˇ a nehˬ-awˬ.

HeˬByehˇ 3:1

Aˬ cawˬ loꞈ-ehˇ Miˬyehˇ neh kuˆ-euˬ tsawˇ haˬ pyeuꞈ-eu ngaˬ-euˬ aˬ yuiꞈ aˬ nyiˇ deuˬ-oˇ, aˬ dui jah-eu jeˬ-euˬ Piˆma Yaw huiˬ gʼaˬ bi geuꞈ-eu gʼaˇ duˬ, Miˬyehˇ neh kʼehˇ gʼeh leꞈ-euˬ gʼaˬ pyeuꞈ-eu Yeˬsuˇ-euˬ gaˇ kawˆ shaˇ noeˬ haw sheˇ.

3 Yoˇhaˬ 1:14

Gʼawˬ myahˇ maˬ gʼeh-ehˇ nawˬ-ahˇ ngaˇ ya tahˬ dzoeˇ-awˇ, nawˬ nehˬ-ehˇ ya ja cawˬ tehꞈ-a lehˇ ngaˇ noeˬ tmˬ-eu ma.