Yoˇhaˬ 20:19 - Akha

¹⁹ Tiˬ jaw laꞈ kʼoeˇ aˇ dahˬ beh-eu aˇ nah pyeuꞈ-eu kʼoeˇ ngeh nah uˬ ciꞈ paw, zaˬ lahˇ deuˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh, tiˬ gaˇ uiˬ leˇ jiˇ-awˇ, laˇ gʼoˆ sehˬ sehˬ tehˬ-awˇ jawˇ-eu meh. Kʼoeˇ ngeh, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Khoernar-aq, tiqjaw-euq lafkhoer yawbae ngae nan, uqcif paw zaqlanr deuq, Yurdav tsawrhaq-anr guv-eu mirnae, aqyawfmaf uiqler taq-euq jawrduq-euq larghov piqtaeqjir taq-euq mae. Khoerngae, Yeqsur urlar-awr, aqyawf maf-euq ghanrcae yawf-awr aqyawf maf-anr aernaeq-eu, “Nawmaf, nuisar of luf-ur!”

Yoˇhaˬ 20:19 Iomraidhean Croise

Jaceuq 122:8

Nawˇ nui saˇ oꞈ luꞈ-uˇ lehˇ, ngaˬ-euˬ aˬ yuiꞈ aˬ nyiˇ hawˇ-eu cawˬ deuˬ-euˬ gʼaˇ duˬ, Yeˬluˇsaˬlehˬ meuˬ-ahˇ ngaˇ ehˇ dah nehˬ-eu ma.

Maꞈtehˬ 10:13

Nymˇ kʼoeˇ nymˇ laꞈ kʼoeˇ jawˇ-eu nymˇ kʼahˬ zaˬ deuˬ naw maꞈ-ahˇ ha geuꞈ nehˬ laꞈ naˇ, naw maꞈ neh dawˬ cawˬ puˬ nehˬ-euˬ nui saˇ oꞈ-eu jeˬ, kʼoeˇ gaˇ jaˆ yaꞈ luꞈ-uˇ. Ehˇ kʼawꞈ, aˬ yawꞈ maꞈ naw maꞈ-ahˇ maˬ ha geuꞈ nehˬ laꞈ naˇ, naw maꞈ neh dawˬ cawˬ puˬ nehˬ-euˬ nui saˇ oꞈ-eu jeˬ, naw maꞈ-ahˇ paˇ gʼoꞈ kʼoꞈ le luꞈ-uˇ.

Maꞈtehˬ 18:20

Aˬ jeˬ miˇ neh ehˇ naˇ, ngaˬ-euˬ tsawˇ myahˇ uˬ moˆ tsawˇ haˬ nyiˬ gʼaˬ smˇ gʼaˬ kʼaˇ uiˬ leˇ ngeh, aˬ yawꞈ maꞈ-euˬ gʼahˇ ceh ngaˇ jawˇ ma.”

Maˬkuˆ 16:14

Aˇ saˬ saˬ-eu poˆ, zaˬ lahˇ tseˇ tiꞈ gʼaˬ hawˬ dzaˬ dzaˬ luꞈ gaˇ Yeˬsuˇ gʼawˇ mawˇ bi mawˇ le-euˬ meh. Aˬ yawꞈ maꞈ maˬ jah ni nui ma gʼahˇ gaˇ aˬ yawꞈ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ gʼoꞈ dehꞈ laˇ-awˇ jawˇ gaˇ ya mawˇ-euˬ deuˬ neh dzawˇ nehˬ-euˬ dawˬ-ahˇ aˬ yawꞈ maꞈ maˬ jah-a.

Yoˇhaˬ 14:27

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

Yoˇhaˬ 16:22

Naw maꞈ kʼawꞈ, kʼoeˇ gaˇ duˇ-eu meh. Nymˬ-mˇ naw maꞈ ya noeˬ shaˬ-eu meh. Ehˇ kʼawꞈ, naw maꞈ-ahˇ ngaˇ paˇ haw mawˇ le ngeh, naw maꞈ laˬ kʼaˬ cehˇ dui dui tehꞈ-a. Kʼoeˇ ngeh jawˇ, naw maꞈ laˬ kʼaˬ cehˇ-eu jeˬ-ahˇ tiˬ gʼaˬ-iˬ maˬ paˇ lu doˆ geuꞈ gʼeh nya-aˇ.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Yoˇhaˬ 20:21

Yeˬsuˇ aˬ yawꞈ maꞈ-ahˇ tiˬ poˆ paˇ ehˇ nehˬ-eu, “Naw maꞈ nui saˇ oꞈ luꞈ-uˇ. Aˬda ngaˬ-ahˇ kʼehˇ gʼeh leꞈ-euˬ loꞈ-ehˇ, naw maꞈ-ahˇ ngaˇ kʼehˇ gʼeh-eu ma.”

Yoˇhaˬ 20:26

Tiˬ jaw dzeuˇ-iˇ ngeh, zaˬ lahˇ deuˬ nymˇ tiˬ nymˇ laꞈ kʼoeˇ uiˬ leˇ-awˇ jawˇ-eu meh. Toˇmaˆ kʼawꞈ, aˬ yawꞈ maˬ nehˬ-ehˇ jawˇ-eu meh. Aˬ yawꞈ maꞈ laˇ gʼoˆ sehˬ sehˬ tehˬ taˬ-euˬ meh. Ehˇ kʼawꞈ, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ-eu meh.

Yoˇhaˬ 21:1

Kʼoeˇ naˇ, Deˬbeˬliˇ lah lah dzeˇ, zaˬ lahˇ deuˬ jawˇ gaˇ Yeˬsuˇ tiˬ poˆ paˇ doˆ le-euˬ meh. Gaˇ kawˆ kʼoeˇ-aˬ, heu loꞈ-ehˇ meh.

Yoˇhaˬ 21:14

Heu-aˬ, Yeˬsuˇ gʼoꞈ dehꞈ laˇ gʼaˬ miˇ tsa, zaˬ lahˇ deuˬ jawˇ gaˇ doˆ le-euˬ smˬ poˆ tiˬ poˆ pyeuꞈ-eu meh.

Yoˇhaˬ 7:13

Ehˇ kʼawꞈ, Yuˇdaˆ tsawˇ haˬ aˬ yuiꞈ aˬ tsu deuˬ-ahˇ gaˬ leˇ gaˇ guˆ-eu miˇ neh, tiˬ gʼaˬ-iˬ bya cehˆ ni maˬ ja doˆ peuˬ-a.

Gʼaˬkʼehˇ 1:3

Aˬ yawꞈ aˬ diˇ aˬ maˇ dehꞈ luꞈ-eu gaˇ kawˆ noeˬ bahˬ kʼaˇ maˬ bi za-eu gʼaˇ duˬ, aˬ yawꞈ shiˇ gʼaˬ naˇ kʼah, aˇ yamˬ oeˬ tseˇ nah laꞈ kʼoeˇ aˬ yawꞈ maꞈ jawˇ gaˇ gʼawˬ mya poˆ doˆ le-euˬ meh. Aˬ yawꞈ maꞈ aˬ yawꞈ-ahˇ mawˇ-awˇ, Miˬyehˇ Miˇkʼahˬ gaˇ kawˆ aˬ yawꞈ maꞈ-ahˇ aˬ yawꞈ ja mehˬ-euˬ meh.

Lormav 15:33

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ yawˬ gʼaˬ na luꞈ nehˬ-ehˇ jawˇ luꞈ-uˇ. Aˬ miˬ.

1 Gawˇliˬtu 15:5

kʼoeˇ naˇ, Beˬtuˆluˆ hawˇ-eu zaˬ lahˇ tseˇ nyiꞈ gʼaˬ-ahˇ bi mawˇ le-euˬ gaˇ kawˆ meh.

Eˇpeˇsu 2:14

Ehˇ kʼawꞈ, tsaˬ leˇ dzoeˇ leˇ-eu jeˬ-ahˇ Ka li yuˇ leꞈ-awˇ, Yuˇdaˆ tsawˇ haˬ hawˇ-eu aˬ cawˬ tsawˇ jeuˬ taꞈ leˇ dzoeˇ leˇ nya ni aˬ yawꞈ mˇ-euˬ meh. Tiˬ jeuˬ tiˇ jeuˬ muiˇ-eu kaˇ pyawˇ lawˆ kaˬ-ahˇ aˬ yawꞈ-euˬ gʼawˇ mawˇ neh deh pyaˆ dzeh-euˬ meh.

Eˇpeˇsu 6:23

Aˬda Miˬyehˇ hawˇ-eu Sahˬpaˬ Yeˬsuˇ Ka li-euˬ nui saˇ oꞈ-eu jeˬ maˬ ehˇ, gʼoeˇ-eu gaˬ-eu jeˬ maˬ ehˇ, jah-eu jeˬ maˬ ehˇ, aˬ yuiꞈ aˬ nyiˇ Ka li zaˬ dawˬ tawˆ luꞈ kʼoeˇ taˆ jaˆ luꞈ-uˇ.

Piˇliˇpiˆ 1:2

Aˬ dui-euˬ Aˬ da Miˬyehˇ hawˇ-eu Sahˬpaˬ Yeˬsuˇ Ka li-euˬ gʼawˬ shaˬ gaˬ-eu guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

2 Teˇsaˬloˇni 3:16

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu gʼaˬ pyeuꞈ-eu Sahˬpaˬ Yeˬsuˇ-aˬ, naw maꞈ kʼoeˇ taˆ aˬ geu ngeh yamˬ-ahˇ maˬ kaˬ, aˬ geu jeˬ keuˆ le-eu maˬ kaˬ, nui saˇ oꞈ-eu jeˬ biꞈ luꞈ-uˇ. Naw maꞈ dawˬ tawˆ luꞈ nehˬ-ehˇ Sahˬpaˬ Yeˬsuˇ jawˇ luꞈ-uˇ.

HeˬByehˇ 7:2

Aˬbyaˬhaˬ gʼeh, aˬ yawꞈ neh guiˇ kʼaˇ deuˆ za laꞈ-euˬ jeˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ yuˇ doˆ-awˇ aˬ yawꞈ-ahˇ biꞈ nehˬ-euˬ meh. (Maˬlaˬkiˇsaˬdehˇ lehˇ ehˇ-eu tsawˇ myahˇ heu myahˇ-euˬ dawˬ tsuiꞈ yaw beh hmˬ-aˬ, “Yaw tsaˬ yaw dawˇ jeˬ-euˬ Sahˬpaˬ” lehˇ ehˇ mawꞈ-eu meh. Dawˬ tsuiꞈ nyiˬ hmˬ tiˬ hmˬ pyeuꞈ-eu aˬ yawꞈ-ahˇ “Saˬleˬ meuˬ-euˬ Sahˬpaˬ” lehˇ ehˇ-eu kʼoeˇ-aˬ, “Nui saˇ oꞈ-eu jeˬ-euˬ Sahˬpaˬ” lehˇ ehˇ mawꞈ-eu meh.)

3 Yoˇhaˬ 1:14

Gʼawˬ myahˇ maˬ gʼeh-ehˇ nawˬ-ahˇ ngaˇ ya tahˬ dzoeˇ-awˇ, nawˬ nehˬ-ehˇ ya ja cawˬ tehꞈ-a lehˇ ngaˇ noeˬ tmˬ-eu ma.

Panmaeq 1:4

Aˬshaˆ Kʼahˬzaˬ laꞈ kʼoeˇ jawˇ-eu Ka li zaˬ aˇ muˇ shiꞈ muˇ-ahˇ Yoˇhaˬ dawˬ cawˬ puˬ ahˇ laꞈ-eu ma. Nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Miˬyehˇ hawˇ-eu, aˬ yawꞈ-euˬ dzoeˬ dzaˬ nuiˇ mahˬ mehˬ shi jawˇ luꞈ-eu yaw sahˇ shiꞈ sahˇ jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.