Yoˇhaˬ 20:1 - Akha

¹ Tiˬ jaw laꞈ kʼoeˇ aˇ dahˬ beh-eu nah uˬ shawˬ paw uˬ bya maˬ bya laˇ mi naˆ-ehˇ, Maˬgaˬdaˬlaˇ meuˬ-ahˇ jawˇ-eu Maˬliˇ kʼoeˇ gʼaˬ lmˬ bymˇ-ahˇ iˇ haw ngeh, lmˬ bymˇ mehˬ kʼehˬ-ahˇ jaˆ-eu kʼaˬ lo ngawˬ dzeh-awˇ jaˆ gaˇ ya mawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Tiqjaw-euq lafkhoer yawbae ngae nan, uqbya maqbya lar-euq minav-aer, Maqliv Maqgaqdaqlar, lmqbymr-anr ir-euq mae. Aqyawf irkeuv ngae, lmqbymr-euq ghaqkhaeq-anr ngawqtsoeq taq-euq khaqlo khoersiq ngawqdzae taq-euq gar ya’mawr-euq mae.

Yoˇhaˬ 20:1 Iomraidhean Croise

Maꞈtehˬ 27:56

Maˬliˇ Maˬgaˬdaˬlaˇ maˬ ehˇ, Yaˬkoˆ hawˇ-eu Yoˇsehˆ aˬ nyaꞈ nmˇ-euˬ aˬ ma Maˬliˇ maˬ ehˇ, Zeˬbeˬdehˇ-euˬ miˬ zaˬ maˬ ehˇ, kʼoeˇ deuˬ nehˬ-ehˇ jawˇ-awˇ haw luꞈ-eu meh.

Maꞈtehˬ 27:60

Kʼoeˇ naˇ, shuiꞈ teˇ poˬ ni gʼeh-eu aˬ yawꞈ-euˬ lmˬ bymˇ lo kʼahˬ-ahˇ baꞈ ahˇ-awˇ, lmˬ bymˇ mehˬ kʼehˬ-ahˇ kʼaˬ lo lo ma ngawˬ tsoeˬ yaꞈ-awˇ gʼoꞈ leˇ-euˬ meh. Lmˬ bymˇ kʼoeˇ-aˬ, aˬ yawꞈ neh lo guˇ-ahˇ taꞈ byoe-awˇ jahˇ taˬ-euˬ meh.

Maꞈtehˬ 27:64

Aˬ yawꞈ-euˬ zaˬ lahˇ deuˬ aˬ yawꞈ-euˬ gʼawˇ mawˇ kʼoeˬ doˆ laˬ-iˇ-awˇ, Miˬyehˇ neh aˬ yawꞈ-ahˇ paˇ bi gʼoꞈ dehꞈ laˇ gʼaˬ-euˬ meh lehˇ aˬ cawˬ-ahˇ maˬ ya bi ehˇ ni, smˬ nah keuˆ ni aˬ yawꞈ-euˬ lmˬ bymˇ-ahˇ yaw muiˬ paˬ-ehˇ bi loꞈ piˇ-eu gʼaˇ duˬ dawˬ biꞈ-awˬ. Aˇ saˬ saˬ-eu heu poˆ kʼoeˇ loꞈ-ehˇ paˇ myawꞈ naˇ, yaw beh poˆ myawꞈ-euˬ naˆ maˬ tseˇ doeˇ dui dui tehꞈ-a.”

Maꞈtehˬ 27:66

Kʼoeˇ naˇ, aˬ yawꞈ maꞈ gʼoꞈ-iˇ-awˇ, lmˬ bymˇ-ahˇ ngawˬ tsoeˬ taˬ-euˬ kʼaˬ lo lo ma-ahˇ jmˬ diˬ-awˇ, yaw muiˬ-ehˇ bi loꞈ piˇ-euˬ meh.

Maꞈtehˬ 28:1

Jawˇ nah dzeuˇ-awˇ, tiˬ jaw laꞈ kʼoeˇ aˇ dahˬ beh-eu nah uˬ bya bya taw paw, Maˬliˇ Maˬgaˬdaˬlaˇ hawˇ-eu Maˬliˇ yawˬ gʼaˬ yawˬ lmˬ bymˇ-ahˇ haw-iˇ-euˬ meh.

Maꞈtehˬ 28:2

Ja pyuˬ ni miˇ luˆ yaw kʼaˆ-ehˇ luˆ laˇ-awˇ, SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ mˬ kʼoeˇ taˆ neh zaꞈ le-awˇ, kʼaˬ lo lo ma kʼoeˇ siˬ ngawˬ dzeh-awˇ, kʼaˬ lo kʼoeˇ siˬ kʼoeˇ taˆ nuiˇ le-euˬ meh.

Maˬkuˆ 15:46

Yoˇsehˆ-aˬ, shawˇ jehˆ ni gʼeh-eu saˬ paˇ paˇ pyuˇ zeuˇ-awˇ, Yeˬsuˇ-euˬ gʼawˇ mawˇ baꞈ ka-awˇ, mawˇ tawˆ tawˆ-awˇ, lo guˇ-ahˇ taꞈ byoe-awˇ jahˇ taˬ-euˬ lmˬ bymˇ laꞈ kʼoeˇ baꞈ pahˬ-iˇ-euˬ meh. Kʼoeˇ naˇ, lmˬ bymˇ-euˬ mehˬ kʼehˬ-ahˇ kʼaˬ lo lo ma ngawˬ tsoeˬ yaꞈ-euˬ meh.

Maˬkuˆ 16:9

(Tiˬ jaw laꞈ kʼoeˇ aˇ dahˬ beh-eu nah uˬ shawˬ yaw naꞈ-ehˇ, Yeˬsuˇ shiˇ-euˬ paˇ gʼoꞈ dehꞈ laˇ ngeh, aˬ yawꞈ neh nehꞈ shiꞈ mawˇ teh doˆ nehˬ-euˬ gʼaˬ pyeuꞈ-eu Maˬliˇ Maˬgaˬdaˬlaˇ jawˇ gaˇ jeˬ huˬ doˆ le-euˬ meh. (Zaˬ miˬ zaˬ kʼoeˇ smˇ gʼaˬ Beˬtuˆluˆ hawˇ-eu aˬ yawꞈ-euˬ cawˬ deuˬ jawˇ gaˇ iˇ-awˇ, aˬ yawꞈ maꞈ-ahˇ kʼaˇ ehˇ nehˬ-euˬ jeˬ dawˬ tawˆ luꞈ, yaw nymˇ nymˇ-ehˇ dzawˇ poˆ nehˬ-euˬ meh.

Yoˇhaˬ 11:38

Yeˬsuˇ nui ma-ahˇ paˇ zaw dui dui leˇ-awˇ, lmˬ bymˇ-ahˇ iˇ-euˬ meh. Lmˬ bymˇ kʼoeˇ-aˬ, lo kʼahˬ pyeuꞈ-awˇ, mehˬ kʼehˬ-ahˇ kʼaˬ lo ngawˬ tsoeˬ taˬ-euˬ meh.

Yoˇhaˬ 11:41

Kʼoeˇ ngeh, aˬ yawꞈ maꞈ kʼaˬ lo ngawˬ dzeh-euˬ meh. Yeˬsuˇ mˬ paw gʼawˇ leuˇ-awˇ ehˇ-eu, “Aˬda-oˇ, ngaˬ-euˬ shaˇ dawˬ-ahˇ nawˇ naˇ haˬ nehˬ laꞈ-eu miˇ neh nawˬ-euˬ guiˬ lahˬ-ahˇ ja ceuˬ-eu ma.

Yoˇhaˬ 19:25

Yeˬsuˇ-euˬ laꞈ yaꞈ dawˬ peh tehˬ ni yawꞈ luꞈ-eu tsawˇ haˬ deuˬ-aˬ, Yeˬsuˇ-euˬ aˬ ma, Yeˬsuˇ-euˬ aˬ mui, Gaˬlawˇpaˇ-euˬ nymˇ dahˬ pyeuꞈ-eu Maˬliˇ hawˇ-eu, Maˬgaˬdaˬlaˇ meuˬ-ahˇ jawˇ-eu Maˬliˇ, aˬ ha oeˬ gʼaˬ meh.

Yoˇhaˬ 20:26

Tiˬ jaw dzeuˇ-iˇ ngeh, zaˬ lahˇ deuˬ nymˇ tiˬ nymˇ laꞈ kʼoeˇ uiˬ leˇ-awˇ jawˇ-eu meh. Toˇmaˆ kʼawꞈ, aˬ yawꞈ maˬ nehˬ-ehˇ jawˇ-eu meh. Aˬ yawꞈ maꞈ laˇ gʼoˆ sehˬ sehˬ tehˬ taˬ-euˬ meh. Ehˇ kʼawꞈ, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ-eu meh.

Gʼaˬkʼehˇ 20:7

Tiˬ jaw laꞈ kʼoeˇ aˇ dahˬ beh-eu nah ngeh nah uˬ ciꞈ paw, dzaˬ taꞈ dawˇ taꞈ-eu gʼaˇ duˬ nga maꞈ uiˬ leˇ-euˬ ma. Pawˇluˆ-aˬ, yawˬ nah yawˬ doˆ-iˇ-eu lehˇ gʼeh-eu miˇ neh, kʼoeˇ ngeh miˇ uˬ ciꞈ sehˇ gʼahˇ keuˆ ni dawˬ mehˬ mehˬ-euˬ meh.

1 Gawˇliˬtu 16:2

Tiˬ jaw laꞈ kʼoeˇ aˇ dahˬ beh-eu nah aˬ yawꞈ nah yawꞈ, naw maꞈ yawˬ gʼaˬ na luꞈ yawˬ ha neh kʼaˇ poˆ za-euˬ loꞈ-ehˇ geuˇ ni pyuˇ daˬ ui cuiˆ yuˇ doˆ-awˇ jeˬ hmˬ taˬ-awˬ. Kʼoeˇ loꞈ-ehˇ jahˇ naˇ, ngaˇ oe ngeh naw maꞈ pyuˇ taꞈ uiˬ-eu maˬ loˬ-aˇ.

Panmaeq 1:10

Sahˬpaˬ Miˬyehˇ-euˬ aˇ nah -ahˇ, Yaw sahˇ Miˬyehˇ ngaˬ-ahˇ uˆ lahˇ le-awˇ, kʼaˆ dui dui-eu teˇ saˇ tiˬ saˇ-ahˇ ngaˇ ya gaˬ-euˬ ma. Teˇ saˇ kʼoeˇ-aˬ, daˇ heh baw-eu teˇ saˇ-ahˇ duˇ-awˇ, ngaˬ-euˬ naˇ kʼah paw dawˬ ngehˬ luꞈ-eu meh.