Yoˇhaˬ 2:9 - Akha

⁹ Yeˬsuˇ neh aˬ gaꞈ dzaˇ uiˇ bi pyeuꞈ-iˇ-euˬ iˇ cuꞈ kʼoeˇ-ahˇ, aˬ jaˇ mˇ-eu aˬ yuiꞈ gʼaˬ kuiˇ haw-euˬ meh. Aˬ gaꞈ dzaˇ uiˇ kʼoeˇ aˬ gaˇ neh oe-euˬ aˬ yawꞈ maˬ siˬ nya-a. (Iˇ cuꞈ kuˬ doˆ leꞈ-euˬ zaˬ kʼaˆ kʼoeˇ deuˬ tehꞈ-ehˇ siˬ nya-eu meh. Kʼoeˇ miˇ neh, miˬ zaˬ sheuˬ-eu gʼaˬ-ahˇ aˬ yawꞈ kuˇ-awˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Oermr bar-eu gar aqyuif geuf-eu ghaq, ircuf, aqgaf dzaruir pyeuflar-euq khoer-anr dawrhaw-euq mae. Aqyawf aqgaf dzaruir khoer aqgar nae za-euq laer maq siqnya-a. (Aerkhawf, ircuf khawfanr-euq aqjax mr-eu khoerdeuq siqnya-eu mae.) Khoerngae, aqyawf, yoshuif ghaq-anr kur-awr,

Yoˇhaˬ 2:9 Iomraidhean Croise

Jaceuq 119:100

Nawˬ-euˬ zahˇ dawˬ kʼoꞈ dawˬ-ahˇ ngaˇ naˇ haˬ geuꞈ-eu miˇ neh, tsawˇ mawˬ deuˬ naˆ maˬ tseˇ ngaˇ zaˬ siˬ nui gahˇ byah-eu ma.

Maꞈtehˬ 27:34

Kʼoeˇ gaˇ le keuˆ ngeh, aˬ yawꞈ maꞈ aˬ yawꞈ-ahˇ yaw kʼaˬ jeˬ keuˬ taˬ-euˬ aˬ gaꞈ dzaˇ uiˇ ciˬ nehˬ-awˇ bi dawˇ-euˬ meh. Ehˇ kʼawꞈ, aˬ yawꞈ ui cuiˆ myeuꞈ haw-awˇ, maˬ dawˇ ni byehˇ-euˬ meh.

Maꞈtehˬ 9:15

Yeˬsuˇ ehˇ-eu, “Oeˇ mˇ baˇ gaˇ laˇ-euˬ tsawˇ haˬ deuˬ, miˬ zaˬ sheuˬ daˆ-eu gʼaˬ aˬ yawꞈ maꞈ nehˬ-ehˇ kʼaˇ jawˇ kʼoeˇ keuˆ ni noeˬ shaˬ tehꞈ-a loˇ. Miˬ zaˬ sheuˬ daˆ-eu tsawˇ haˬ kʼoeˇ gʼaˬ aˬ yawꞈ maꞈ nehˬ-ehˇ maˬ ya jawˇ ni bi sheuˬ byoˆ gʼeh-eu tiˬ nah keuˆ le tehꞈ-a. Kʼoeˇ ngeh jawˇ, aˬ yawꞈ maꞈ maˬ dzaˬ-eu zahˇ jahˇ tehꞈ-a.

Yoˇhaˬ 2:8

Kʼoeˇ naˇ, “Nymˬ-mˇ poˆ jawˇ-aˬ, ciˬ cuˇ teu deuˬ-ahˇ kʼawꞈ dahˬ taˬ-euˬ iˇ cuꞈ paˇ kuˬ doˆ-awˇ, aˬ jaˇ mˇ gaˇ haw-eu aˬ yuiꞈ gʼaˬ-ahˇ ciˬ ha nehˬ-iˇ-awˬ” lehˇ, aˬ yawꞈ maꞈ-ahˇ Yeˬsuˇ ehˇ nehˬ ngeh, aˬ yawꞈ maꞈ ciˬ ha nehˬ-iˇ-euˬ meh.

Yoˇhaˬ 4:46

Kʼoeˇ naˇ, Yeˬsuˇ-aˬ, aˬ yawꞈ neh iˇ cuꞈ-ahˇ aˬ gaꞈ dzaˇ uiˇ bi pyeuꞈ-iˇ-euˬ meuˬ pyeuꞈ-eu Gaˬliˬlehˇ miˇ kʼahˬ Gaˬnaˬ meuˬ-ahˇ gʼoꞈ-iˇ-euˬ meh. Sahˬ paˬ sahˬ ma-euˬ gaˇ mˇ luꞈ-eu yaw huiˬ yaw mahˇ tiˬ gʼaˬ kʼoeˇ gaˇ jawˇ luꞈ-eu meh. Aˬ yawꞈ-euˬ aˬ li-aˬ, Gaˬbeˬneˬoˬ meuˬ-ahˇ naˇ luꞈ-eu meh.

Yoˇhaˬ 7:17

Miˬyehˇ-euˬ nui kʼahˇ mˇ mawꞈ-eu tsawˇ haˬ aˬ geu gʼaˬ maˬ kaˬ, ngaˇ mehˬ-eu dawˬ heu Miˬyehˇ-euˬ dawˬ nga loˇ, ngaˬ-euˬ baoˬ-ahˇ gʼoe-awˇ mehˬ-eu tsoˆ-eu dawˬ nga loˇ lehˇ, tseˇ paˆ geuꞈ nya tehꞈ-a.