Yoˇhaˬ 2:16 - Akha

¹⁶ Yaˇ miˇ kʼaˬ kʼoeˬ ahˬ luꞈ-eu tsawˇ haˬ deuˬ-ahˇ kʼawꞈ, “Yaˇ miˇ kʼaˬ kʼoeˬ teu deuˬ yuˇ doˆ gʼeh-awˬ. Ngaˬ Da-euˬ nymˇ-ahˇ lehˆ juꞈ-eu nymˇ taˬ paˇ bi pyeuꞈ” lehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqyawf, khaqkhoeq anqluf-eu deuq-anr khawf aernaeq-eu, “Khaqkhoeq teudeuq bafdov ghae-awq, ngaqDa-euq nymr-anr laev dzufduq taqbi pyeuflar.”

Yoˇhaˬ 2:16 Iomraidhean Croise

Yeˬlaˬmiˇ 7:11

Ngaˬ-euˬ Uˬ duˬ tahˬ nymˇ nymˇ ma heu, smˇ kʼoeˬ tahˇ joe deuˬ-euˬ cehˆ zaꞈ duˬ meh lehˇ naw maꞈ noeˬ te loˇ. Naw maꞈ neh mˇ-euˬ jeˬ ngaˇ mawˇ luꞈ ma.

Maꞈtehˬ 21:12

Uˬ duˬ tahˬ nymˇ nymˇ ma laꞈ kʼoeˇ Yeˬsuˇ uˇ leˇ-awˇ, ahˬ taꞈ zeuˇ taꞈ luꞈ-eu tsawˇ haˬ dawˬ tawˆ luꞈ-ahˇ teh doˆ-euˬ meh. Pyuˇ dawˬ paˇ-eu tsawˇ haˬ deuˬ-euˬ hawˬ jeh hawˇ-eu, lawˇ-eu shehˇ-eu yaˇ miˇ kʼaˬ kʼoeˬ ahˬ-eu tsawˇ haˬ deuˬ-euˬ nuiˇ mahˬ deuˬ, aˬ yawꞈ ngawˬ dzeh nehˬ-euˬ meh.

Maꞈtehˬ 21:13

Tsawˇ haˬ kʼoeˇ deuˬ-ahˇ aˬ yawꞈ ehˇ nehˬ-eu, “‘Ngaˬ-euˬ Uˬ duˬ tahˬ nymˇ nymˇ ma-ahˇ guiˬ lahˬ shaˇ-eu nymˇ lehˇ kuˇ tehꞈ-a’ lehˇ, Miˬyehˇ neh ehˇ taˬ-euˬ gaˇ kawˆ Jaˇliꞈ laꞈ kʼoeˇ boꞈ taˬ-euˬ meh. Ehˇ kʼawꞈ, Uˬ duˬ tahˬ nymˇ nymˇ ma heu smˇ kʼoeˬ tahˇ joe-euˬ baˇ shmˇ duˬ pyeuꞈ-iˇ ni naw maꞈ jahˇ luꞈ-eu ngaˇ.”

Maꞈtehˬ 22:5

Ehˇ kʼawꞈ, kuˇ taˬ-euˬ tsawˇ haˬ kʼoeˇ deuˬ kuˇ-euˬ gaˇ tiˬ pawꞈ-iˬ maˬ taˬ huiˬ ni, tiˬ paˆ na deuˬ yaˇ ngeh iˇ-awˇ, tiˬ paˆ na deuˬ jeˬ gaꞈ gaꞈ-iˇ-euˬ meh.

Maˬkuˆ 11:17

Aˬ yawꞈ maꞈ-ahˇ aˬ yawꞈ mehˬ nehˬ tsoˆ nehˬ-eu, “‘Ngaˬ-euˬ Uˬ duˬ tahˬ nymˇ nymˇ ma-ahˇ, tsawˇ jeuˬ dawˬ tawˆ luꞈ guiˬ lahˬ shaˇ-eu nymˇ lehˇ kuˇ tehꞈ-a’ lehˇ Miˬyehˇ neh ehˇ taˬ-euˬ, Jaˇliꞈ laꞈ kʼoeˇ boꞈ taˬ-euˬ maˬ ngeuˇ-a loˇ. Ehˇ kʼawꞈ, smˇ kʼoeˬ tahˇ joe deuˬ baˇ smˇ duˬ pyeuꞈ laˇ ni naw maꞈ jahˇ luꞈ-eu ngaˇ.”

Luˇkaꞈ 2:49

Aˬ yawꞈ ehˇ-eu, “Naw nyaꞈ aˬ jeˬ miˇ neh ngaˬ-ahˇ poˆ te. Ngaˬ Da-euˬ nymˇ-ahˇ ngaˇ ya jawˇ meh lehˇ naw nyaꞈ maˬ siˬ nya te loˇ.”

Yoˇhaˬ 10:29

Yawˇ kʼoeˇ deuˬ ngaˬ-ahˇ biꞈ laꞈ-euˬ gʼaˬ pyeuꞈ-eu ngaˬ Da-aˬ, dawˬ tawˆ kʼoeˇ taˆ huiˬ-eu gʼaˬ meh. Ngaˬ Da neh haw lahˇ taˬ-euˬ uˬ moˆ aˬ yawꞈ maꞈ-ahˇ tiˬ gʼaˬ-iˬ maˬ ceh doˆ geuꞈ gʼeh nya-a.

Yoˇhaˬ 2:15

Yeˬsuˇ aˇ caˆ caˆ zaˬ deuˬ nyehꞈ bawˆ-awˇ tmˬ tehˬ-awˇ, jeˬ zaˬ-ahˇ juiꞈ-eu aˇ caˆ jahˇ-euˬ meh. Yawˇ deuˬ maˬ ehˇ, mawˇ neˇ deuˬ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ kʼaˇ jawˇ-eu jeˬ zaˬ deuˬ-ahˇ aˬ yawꞈ teh doˆ jiˇ-euˬ meh. Pyuˇ dawˬ paˇ nehˬ-eu tsawˇ haˬ deuˬ-euˬ hawˬ jeh ngawˬ coˬ nehˬ-awˇ, pyuˇ bi yoeˇ kʼaˇ jiˇ-euˬ meh.

Yoˇhaˬ 20:17

Yeˬsuˇ aˬ yawꞈ-ahˇ ehˇ nehˬ-eu, “Ngaˬ-ahˇ taˬ nyehꞈ tehˬ. Aˬ jeˬ miˇ neh ehˇ naˇ, ngaˇ Aˬda jawˇ gaˇ maˬ gʼoꞈ leˇ-aˬ siˬ. Ngaˬ-euˬ zaˬ lahˇ deuˬ jawˇ gaˇ iˇ-awˇ, ngaˬ-euˬ Aˬda hawˇ-eu aˬ yawꞈ maꞈ-euˬ Aˬda pyeuꞈ-eu, ngaˬ-euˬ Miˬyehˇ hawˇ-eu aˬ yawꞈ maꞈ-euˬ Miˬyehˇ jawˇ gaˇ ngaˇ gʼoꞈ leˇ ma lehˇ ehˇ-eu meh lehˇ ehˇ nehˬ-iˇ-awˬ.”

Yoˇhaˬ 5:17

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ Da nymˬ-mˇ keuˆ ni maˬ tsehˆ leˇ ni gaˇ mˇ luꞈ-eu miˇ neh, ngaˇ kʼawꞈ ya mˇ meh.”

Yoˇhaˬ 8:49

Yeˬsuˇ ehˇ-eu, “Ngaˇ nehꞈ maˬ uˇ. Ngaˇ ngaˬ Da-ahˇ taˬ huiˬ luꞈ ma. Ehˇ kʼawꞈ, naw maꞈ ngaˬ-ahˇ maˬ taˬ huiˬ-a.

1 Tiˆmoˇseˬ 6:5

Kʼoeˇ uˬ taꞈ, shaˇ noeˬ shaˇ sawˇ nya-eu nui ma byoˆ-iˇ-awˇ, yaw tsaˬ yaw dawˇ jeˬ maˬ paˇ ahˇ-euˬ tsawˇ haˬ deuˬ yaw kaˬ maˬ tsehˆ leˇ ni dawˬ ja bi doˆ laˇ-eu meh. Uˬ duˬ tahˬ-eu zahˇ sahˇ kʼoꞈ-aˬ, tsawˇ haˬ-ahˇ smˇ muiˬ bi muiˬ laˇ-eu jeˬ pyeuꞈ-eu meh lehˇ aˬ yawꞈ maꞈ noeˬ-eu meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.