Yoˇhaˬ 2:11 - Akha

¹¹ Yeˬsuˇ-aˬ, Gaˬliˬlehˇ miˇ kʼahˬ Gaˬnaˬ meuˬ-ahˇ kʼaˆ jeˬ-ehˇ gʼeh-eu yaw beh hmˬ kʼoeˇ loꞈ-ehˇ mˇ mehˬ nehˬ-eu laꞈ kʼoeˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-awˇ, aˬ yawꞈ-euˬ zaˬ lahˇ deuˬ aˬ yawꞈ-ahˇ jah laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Gaqliqlaer mirkhanq-anr jav-eu Gaqnaq pu-anr Yeqsur bisiq bimawr-eu jeq mrbae bae-euq lafkhoer, aqyawf-euq yawshaef khanqsaer aqcawq-anr bimawr-euq mae. Khoerngae, aqyawf-euq zaqlanr deuq, aqyawf-anr janlar-euq mae.

Yoˇhaˬ 2:11 Iomraidhean Croise

1 Sahˬpaˬ 17:24

Miˬ coeˬ miˬ ma kʼoeˇ gʼaˬ ehˇ-eu, “Nymˬ-mˇ poˆ jawˇ, nawˇ Miˬyehˇ-euˬ tsawˇ haˬ pyeuꞈ-eu gaˇ kawˆ hawˇ-eu, nawˬ-ahˇ gʼoe-awˇ Sahˬpaˬ Miˬyehˇ aˬ diˇ aˬ maˇ dawˬ ngehˬ luꞈ-eu gaˇ kawˆ, ngaˇ yaw muiˬ paˬ-ehˇ siˬ duˬ-eu ma.”

Jaceuq 72:19

Yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, mˬ maˬ maˬ byaˆ zaˇ ziˇ ja ceuˬ-awˬ. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ-uˇ. Aˬmiˬ. Aˬmiˬ.

Jaceuq 96:3

Aˬ yawꞈ-euˬ yaw shehꞈ kʼahˬ sehˇ gaˇ kawˆ, tsawˇ jeuˬ dawˬ tawˆ luꞈ-ahˇ dzawˇ nehˬ-awˇ, aˬ yawꞈ neh mˇ-euˬ huiˬ-eu gaˇ deuˬ, tsawˇ haˬ dawˬ tawˆ luꞈ-ahˇ dzawˇ nehˬ-awˬ.

Doˆ-iˇ 14:31

Iˇjiˇtuˆ tsawˇ haˬ-ahˇ gʼaˬ leˇ-euˬ Sahˬpaˬ Miˬyehˇ-euˬ huiˬ dui dui-eu baoˬ-ahˇ Iˇsaˬleˬlaˆ tsawˇ haˬ deuˬ ya mawˇ ngeh, Sahˬpaˬ Miˬyehˇ-ahˇ aˬ yawꞈ maꞈ guˇ-awˇ, Sahˬpaˬ Miˬyehˇ hawˇ-eu aˬ yawꞈ-euˬ zaˬ kʼaˆ Moˇseˬ-ahˇ ja ceuˬ-euˬ meh.

Doˆ-iˇ 4:9

Zahˬ leˇ paˬ-ehˇ gʼeh-eu kʼoeˇ nyiˬ jeˬ luꞈ jahˇ mehˬ nehˬ gʼaˬ-euˬ kʼawꞈ, aˬ yawꞈ maꞈ nawˬ-ahˇ maˬ jah-ehˇ nawˬ neh ehˇ nehˬ-euˬ jeˬ-ahˇ maˬ naˇ haˬ geuꞈ naˇ, Niˬlaˇ lawˇ baˬ-ahˇ iˇ cuꞈ ui cuiˆ kʼawꞈ doˆ-awˇ, miˇ tsa shehˆ dzeh mehˬ nehˬ-awˬ. Iˇ cuꞈ kʼoeˇ shiˬ pyeuꞈ-iˇ tehꞈ-a.”

Dawˬ tsoˆ 9:7

Tsawˬ tuˇ-awˇ, nawˬ-euˬ dzaˇ nui kʼahˇ tiˬ shiˇ dzaˬ-awˇ, nawˬ-euˬ aˬ gaꞈ dzaˇ uiˇ tiˬ dehˆ dawˇ-eu laꞈ kʼoeˇ, laˬ kʼaˬ cehˇ taˆ ni dehꞈ-awˬ. Miˬyehˇ-ahˇ tiˬ jeˬ-iˬ maˬ bahˬ-aˇ.

Iˇsaˬyaˇ 40:5

Kʼoeˇ naˇ, Sahˬpaˬ Miˬyehˇ-euˬ yaw shehꞈ kʼahˬ sehˇ pah mehˬ le-awˇ, tsawˇ jeuˬ dawˬ tawˆ luꞈ ya mawˇ tehꞈ-a lehˇ, Sahˬpaˬ Miˬyehˇ saˇ jaˇ biꞈ taˬ-euˬ meh.”

Maˬlaˬkiˇ 2:2

Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˬ-ahˇ yaw zeu ya baw meh. Naw maꞈ ngaˬ-euˬ ehˇ dawˬ maˬ naˇ haˬ naˇ, yaˬ kʼehˇ yaˬ gaˇ ya daˬ tehꞈ-a. Naw maꞈ neh gaˇ mˇ-euˬ aˇ poeˬ naw maꞈ-ahˇ biꞈ taˬ-euˬ jeˬ kʼoeˇ taˆ, ngaˇ yaˬ kʼehˇ yaˬ ma. Aˬ diˇ aˬ maˇ ehˇ naˇ, naw maꞈ ngaˬ-euˬ dawˬ-ahˇ yaw muiˬ paˬ-ehˇ maˬ naˇ haˬ geuꞈ-eu miˇ neh, kʼoeˇ deuˬ kʼoeˇ taˆ ngaˇ yaˬ kʼehˇ yaˬ dzeuˇ gʼaˬ-euˬ ma.

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Yoˇhaˬ 1:43

Yawˬ nah yawˬ Gaˬliˬlehˇ miˇ kʼahˬ-ahˇ iˇ-eu lehˇ Yeˬsuˇ noeˬ tsehˆ-euˬ meh. Piˇliˇpuˆ-ahˇ aˬ yawꞈ mawˇ-awˇ,“Ngaˬ nehˬ-ehˇ oe-awˬ” lehˇ ehˇ nehˬ-euˬ meh.

Yoˇhaˬ 1:50

Yeˬsuˇ ehˇ-eu, “Nawˇ siˬ guˬ aˇ bawˇ dawˬ pehˬ-ahˇ jawˇ ngeh neh nawˬ-ahˇ ngaˇ mawˇ-euˬ ma lehˇ ngaˇ ehˇ-eu miˇ neh jah te loˇ. Heu naˆ maˬ tseˇ huiˬ-eu gaˇ kawˆ deuˬ-ahˇ nawˇ ya mawˇ tehꞈ-a.”

Yoˇhaˬ 10:41

Tsawˇ haˬ gʼawˬ mya ni aˬ yawꞈ jawˇ gaˇ oe-euˬ meh. Aˬ yawꞈ maꞈ ehˇ-eu, “Yoˇhaˬ-aˬ, zahˬ leˇ paˬ-ehˇ gʼeh-eu jeˬ maˬ mˇ-aˬ. Ehˇ kʼawꞈ, tsawˇ haˬ heu gʼaˬ gaˇ kawˆ aˬ yawꞈ neh kʼaˇ ehˇ-euˬ yawˬ jeˬ na luꞈ tsaˬ law hawˇ nga.”

Yoˇhaˬ 11:15

Ngaˇ Laˬzaˬluˇ nehˬ-ehˇ maˬ jawˇ zaˬ-euˬ miˇ neh, naw maꞈ gʼaˇ duˬ laˬ kʼaˬ cehˇ miˇ-a. Aˬ jeˬ miˇ neh ehˇ naˇ, gaˇ kawˆ heu hmˬ baˬ da neh naw maꞈ ngaˬ-ahˇ jah laˇ tehꞈ-a. Aˬ dui maꞈ aˬ yawꞈ jawˇ gaˇ iˇ kaˇ-euˇ.”

Yoˇhaˬ 11:47

Kʼoeˇ ngeh, Paˬliˬsehˇ deuˬ hawˇ-eu piˇ ma aˬ yuiꞈ deuˬ Baꞈdzah aˇ muˇ-ahˇ tahˬ puˬ-awˇ, heu loꞈ-ehˇ ehˇ-eu meh. “Aˬ dui aˬ joˆ-ehˇ jahˇ nmˇ. Tsawˇ haˬ kʼoeˇ gʼaˬ zahˬ leˇ paˬ-ehˇ gʼeh-eu gʼawˬ mya jeˬ mˇ luꞈ meh.

Yoˇhaˬ 12:18

Tsawˇ haˬ aˇ maꞈ kʼoeˇ maꞈ aˬ yawꞈ neh mˇ-euˬ zahˬ leˇ paˬ-ehˇ gʼeh-eu gaˇ kawˆ ya gaˬ taˬ-euˬ miˇ neh, aˬ yawꞈ-ahˇ ha laˬ le-euˬ jeˬ pyeuꞈ-eu meh.

Yoˇhaˬ 12:37

Aˬ yawꞈ maꞈ-euˬ mehˬ shi zahˬ leˇ paˬ-ehˇ gʼeh-eu jeˬ kʼoeˇ naˆ ni mˇ mehˬ-euˬ kʼawꞈ, aˬ yawꞈ maꞈ aˬ yawꞈ-ahˇ maˬ jah-a.

Yoˇhaˬ 12:41

Iˇsaˬyaˇ neh kʼoeˇ loꞈ-ehˇ ehˇ taˬ-euˬ kʼoeˇ-aˬ, Yeˬsuˇ-euˬ yaw shehꞈ kʼahˬ sehˇ-ahˇ aˬ yawꞈ ya mawˇ-awˇ aˬ yawꞈ-euˬ gaˇ kawˆ ehˇ taˬ-euˬ jeˬ pyeuꞈ-eu meh.

Yoˇhaˬ 14:13

Zaˬmaˇ laꞈ kʼoeˇ Aˬda-euˬ yaw shehꞈ kʼahˬ sehˇ ya mawˇ ni, naw maꞈ ngaˬ-euˬ tsawˇ myahˇ laꞈ kʼoeˇ kʼaˇ shaˇ-eu yawˬ jeˬ na luꞈ ngaˇ mˇ byah nehˬ ma.

Yoˇhaˬ 16:27

Naw maꞈ ngaˬ-ahˇ gaˬ-awˇ, Miˬyehˇ jawˇ gaˇ neh oe-euˬ meh lehˇ jah-eu miˇ neh, Aˬda naw maꞈ-ahˇ gaˬ-eu meh.

Yoˇhaˬ 16:30

Tsawˇ haˬ tiˬ gʼaˬ dawˬ maˬ ngehˬ doˆ laˇ mi naˆ-ehˇ, aˬ yawꞈ-euˬ nui ma laꞈ kʼoeˇ kʼaˇ noeˬ luꞈ-eu yawˬ jeˬ na luꞈ nawˇ siˬ nya meh lehˇ, nymˬ-mˇ nga maꞈ siˬ duˬ-eu ma.”

Yoˇhaˬ 2:1

Smˬ nah byah laˇ ngeh, Gaˬliˬlehˇ miˇ kʼahˬ Gaˬnaˬ meuˬ-ahˇ oeˇ mˇ baˇ-eu bawˬ-iˬ jaˆ-eu meh. Yeˬsuˇ-euˬ aˬ ma kʼawꞈ kʼoeˇ gaˇ jawˇ-eu meh.

Yoˇhaˬ 2:23

Baˬ saˬ kaˬ bawˬ-iˬ gʼeh-eu aˇ yamˬ laꞈ kʼoeˇ, Yeˬluˇsaˬlehˬ meuˬ-ahˇ Yeˬsuˇ jawˇ luꞈ ngeh, aˬ yawꞈ neh mˇ-euˬ kʼaˆ jeˬ-ehˇ gʼeh-eu bi siˬ bi mawˇ-eu jeˬ-ahˇ aˬ cawˬ ya mawˇ-awˇ, tsawˇ haˬ gʼawˬ mya ni aˬ yawꞈ-ahˇ jah laˇ-euˬ meh.

Yoˇhaˬ 3:2

Tiˬ miˇ-aˬ, Yeˬsuˇ jawˇ gaˇ aˬ yawꞈ le-awˇ, heu loˬ-ehˇ ehˇ nehˬ-euˬ meh. “Saˬ laˬ-oˇ, nawˇ-aˬ Miˬyehˇ neh kʼehˇ gʼeh leꞈ-euˬ saˬ laˬ tiˬ gʼaˬ meh lehˇ nga maꞈ siˬ nya ma. Miˬyehˇ aˬ yawꞈ laꞈ kʼoeˇ maˬ jawˇ naˇ, tsawˇ haˬ tiˬ gʼaˬ-iˬ nawˬ neh mˇ-euˬ kʼaˆ jeˬ-ehˇ gʼeh-eu heu jeˬ maˬ mˇ mehˬ nya-aˇ.”

Yoˇhaˬ 4:3

Aˬ cawˬ kʼoeˇ loꞈ-ehˇ ehˇ-eu Yeˬsuˇ ya gaˬ ngeh, Yuˇdaˆ miˇ kʼahˬ-ahˇ neh doˆ-iˇ-awˇ, Gaˬliˬlehˇ miˇ kʼahˬ-ahˇ gʼoꞈ leˇ-euˬ meh.

Yoˇhaˬ 4:46

Kʼoeˇ naˇ, Yeˬsuˇ-aˬ, aˬ yawꞈ neh iˇ cuꞈ-ahˇ aˬ gaꞈ dzaˇ uiˇ bi pyeuꞈ-iˇ-euˬ meuˬ pyeuꞈ-eu Gaˬliˬlehˇ miˇ kʼahˬ Gaˬnaˬ meuˬ-ahˇ gʼoꞈ-iˇ-euˬ meh. Sahˬ paˬ sahˬ ma-euˬ gaˇ mˇ luꞈ-eu yaw huiˬ yaw mahˇ tiˬ gʼaˬ kʼoeˇ gaˇ jawˇ luꞈ-eu meh. Aˬ yawꞈ-euˬ aˬ li-aˬ, Gaˬbeˬneˬoˬ meuˬ-ahˇ naˇ luꞈ-eu meh.

Yoˇhaˬ 4:54

Heu-aˬ, Yeˬsuˇ Yuˇdaˆ miˇ kʼahˬ-ahˇ neh Gaˬliˬlehˇ miˇ kʼahˬ-ahˇ gʼoꞈ laˇ gʼaˬ miˇ tsa mˇ-euˬ, kʼaˆ jeˬ-ehˇ gʼeh-eu bi siˬ bi mawˇ-eu nyiˬ hmˬ tiˬ hmˬ pyeuꞈ-eu meh.

Yoˇhaˬ 5:23

Kʼoeˇ miˇ neh, tsawˇ haˬ dawˬ tawˆ luꞈ Aˬda-ahˇ taˬ huiˬ taˬ mahˇ-eu loꞈ-ehˇ, Zaˬmaˇ-ahˇ taˬ huiˬ taˬ mahˇ tehꞈ-a. Zaˬ maˇ-ahˇ maˬ taˬ huiˬ-eu tsawˇ haˬ-aˬ, aˬ yawꞈ-ahˇ kʼehˇ gʼeh leꞈ-euˬ Aˬda-ahˇ maˬ taˬ huiˬ gaˇ duˇ-eu meh.

Yoˇhaˬ 6:14

Yeˬsuˇ neh mˇ-euˬ zahˬ leˇ paˬ-ehˇ gʼeh-eu kʼoeˇ-ahˇ tsawˇ haˬ kʼoeˇ deuˬ ya mawˇ ngeh, “Tsawˇ haˬ heu gʼaˬ-aˬ, maˇ maˇ ni miˇ tsaˬ kʼoeˇ taˆ oe meh lehˇ ehˇ taˬ-euˬ Miˬyehˇ gʼaˇ duˬ ngehˬ dah-eu kʼoeˇ gʼaˬ ngaˇ” lehˇ ehˇ-eu meh.

Yoˇhaˬ 6:2

Tsawˇ haˬ aˇ maꞈ maꞈ ma aˬ yawꞈ-euˬ mehˬ nah caw teh gʼeh-euˬ meh. Aˬ jeˬ miˇ neh ehˇ naˇ, aˬ yawꞈ neh mˇ-euˬ zahˬ leˇ paˬ-ehˇ gʼeh-eu naˇ-eu tsawˇ haˬ deuˬ-ahˇ laˆ taˬ nehˬ-euˬ jeˬ-ahˇ aˬ yawꞈ maꞈ ya mawˇ haw-euˬ meh.

Yoˇhaˬ 6:26

Yeˬ suˇ aˬ yawꞈ maꞈ-ahˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ kaˬ muˇ tiˬ dehˆ ya dzaˬ-euˬ miˇ neh ngaˬ-ahˇ poˆ-eu meh. Ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-euˬ dawˬ tsuiꞈ gʼoˆ shaw-euˬ miˇ neh poˆ-eu maˬ ngeuˇ-a.

Yoˇhaˬ 6:30

Aˬ yawꞈ maꞈ ehˇ-eu, “Nga maꞈ nawˬ-ahˇ jah laˇ ni nawˇ zahˬ leˇ paˬ-ehˇ gʼeh-eu aˬ geu jeˬ mˇ mehˬ nmˇ. Nawˇ aˬ geu jeˬ mˇ mehˬ-eu gʼeh te.

Yoˇhaˬ 7:31

Ehˇ kʼawꞈ, tsawˇ haˬ aˇ maꞈ laꞈ kʼoeˇ gʼawˬ mya ni aˬ yawꞈ-ahˇ jah laˇ-awˇ, heu loꞈ-ehˇ ehˇ-eu meh. “Meˬsiˇya oe ngeh, tsawˇ haˬ heu gʼaˬ naˆ maˬ tseˇ zahˬ leˇ paˬ-ehˇ gʼeh-eu jeˬ mˇ mehˬ laꞈ nya tehꞈ-a lehˇ duˇ te loˇ.”

Yoˇhaˬ 9:16

Paˬliˬsehˇ tsawˇ haˬ tiˬ paˆ na deuˬ ehˇ-eu, “Myaˆ nuiˆ mawˇ laˇ ni jahˇ nehˬ-euˬ kʼoeˇ gʼaˬ Miˬyehˇ jawˇ gaˇ neh oe-euˬ tsawˇ haˬ maˬ ngeuˇ luꞈ-a. Aˬ jeˬ miˇ neh ehˇ naˇ, Jawˇ nah-ahˇ ya lah ya daw-eu zahˇ sahˇ kʼoꞈ-ahˇ maˬ caw teh ni, maˬ mˇ kʼmˬ-eu jeˬ aˬ yawꞈ mˇ-euˬ nga.” Ehˇ kʼawꞈ, tiˬ paˆ na deuˬ ehˇ-eu, “Iˬ baˇ zaˬ tiˬ gʼaˬ heu naˆ naˆ-ehˇ zahˬ lehˇ paˬ-ehˇ gʼeh-eu jeˬ aˬ joˆ-ehˇ mˇ nya ta.” Aˬ yawꞈ maꞈ kʼoeˇ loꞈ-ehˇ tiˬ gʼaˬ tiˬ jeˬ noeˬ-eu meh.

2 Gawˇliˬtu 3:18

Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

2 Gawˇliˬtu 4:17

Tiˬ kʼehˬ tiˬ yamˬ laꞈ kʼoeˇ nga maꞈ ya daˬ luꞈ-eu ehˇ nyaꞈ maˬ nyeuˆ-eu shaˬ zahˬ heu-aˬ, maˬ shaˇ cehˆ nya gaˇ keuˆ ni huiˬ-eu mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ-ahˇ za nya ni lehˬ hmˬ luꞈ gaˇ duˇ-eu ma.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

Dawˬmehˬ 5:24

Aˬyawꞈ maꞈ ehˇ-eu,‘Miˬ dzaˬ laꞈ kʼoeˇ aˬ yawꞈ dawˬ ngehˬ gaˇ aˬ dui ya gaˬ-eu laꞈ kʼoeˇ, aˬ yawꞈ-euˬ yaw shehꞈ kʼahˬ sehˇ hawˇ-eu aˬ yawꞈ aˇ naˆ ni huiˬ-eu gaˇ kawˆ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ bi siˬ bi mawˇ laꞈ-euˬ meh. Tsawˇ haˬ tiˬ gʼaˬ-ahˇ Sahˬpaˬ Miˬyehˇ dawˬ ngehˬ cawˬ-euˬ kʼawꞈ, tsawˇ haˬ kʼoeˇ gʼaˬ maˬ ya shiˇ-ehˇ yaw dehꞈ dehꞈ nya-eu gaˇ kawˆ, iˬ nah aˬ dui maꞈ ya mawˇ-euˬ ma.

1 Yoˇhaˬ 5:13

Miˬyehˇ-euˬ Zaˬmaˇ-ahˇ jah-eu tsawˇ haˬ deuˬ pyeuꞈ-eu naw maꞈ, yawˬ ha mˬ maˬ maˬ byaˆ zaˇ ziˇ dehꞈ-eu jeˬ za-euˬ gaˇ kawˆ siˬ nya ni, ngaˇ naw maꞈ-ahˇ sahˬ boꞈ boꞈ ahˇ laꞈ-euˬ jeˬ pyeuꞈ-eu ma.