Yoˇhaˬ 19:9 - Akha

⁹ Aˬ yawꞈ hawˇ nymˇ laꞈ kʼoeˇ paˇ gʼoꞈ kʼoꞈ-iˇ-awˇ, “Nawˇ aˬ gaˇ neh oe teˬ” lehˇ, Yeˬsuˇ-ahˇ naˇ haˬ-euˬ meh. Ehˇ kʼawꞈ, Yeˬ suˇ dawˬ maˬ tmˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqyawf, guirmaf dzoeqnymr-anr par urler-awr Yeqsur-anr narhaq-eu, “Nawr aqgeugar nae oe-euq le?” Aerkhawf, Yeqsur, aqyawf-anr tiqjeq-iq maq aerkhof naeq-aq.

Yoˇhaˬ 19:9 Iomraidhean Croise

Iˇsaˬyaˇ 53:7

“Kʼaˆ dui dui-eu kʼehˬ-eu jeˬ-ahˇ aˬ yawꞈ ya daˬ-euˬ kʼawꞈ, dawˬ gʼoꞈ maˬ doˆ ni daˬ-euˬ meh. Bi diˬ sehꞈ-eu lehˇ tsahˇ taˬ-euˬ yawˇ zaˬ hawˇ-eu, caꞈ hm bi tehˬ geuꞈ-eu lehˇ gʼeh-eu yawˇ loꞈ-ehˇ, aˬ yawꞈ dawˬ gʼoꞈ tiˬ pawꞈ-iˬ maˬ doˆ-a.

Maꞈtehˬ 26:63

Ehˇ kʼawꞈ, Yeˬsuˇ dawˬ maˬ ngehˬ ni ciˬ cuˇ ni jawˇ-eu meh. Piˇ ma Yaw huiˬ gʼaˬ dawˬ tiˬ poˆ paˇ ehˇ-eu, “Dehꞈ luꞈ-eu Miˬyehˇ-euˬ tsawˇ myahˇ uˬ moˆ, ngaˇ nawˬ-ahˇ heu loꞈ-ehˇ bi kamˬ-eu ma. Nawˇ, Ka li lehˇ ehˇ-eu Miˬyehˇ-euˬ Zaˬmaˇ ngeuˇ ma loˇ.”

Maꞈtehˬ 27:27

Kʼoeˇ naˇ, sahˬ paˬ Piˇlaˆ-euˬ yehˇ deuˬ neh Yeˬsuˇ-ahˇ sahˬ paˬ-euˬ hawˇ nymˇ laꞈ kʼoeˇ sheuˬ gʼeh-awˇ, yehˇ tiˬ maꞈ maꞈ lah ni, aˬ yawꞈ-euˬ tiˬ jawˬ uiˬ le-euˬ meh.

Luˇkaꞈ 23:9

Kʼoeˇ miˇ neh, aˬ yawꞈ Yeˬsuˇ-ahˇ dawˬ gʼawˬ mya dawˬ naˇ haˬ-euˬ meh. Ehˇ kʼawꞈ, Yeˬsuˇ tiˬ dawˬ-iˬ maˬ ngehˬ kʼoꞈ nehˬ-a.

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.

Yoˇhaˬ 18:33

Sahˬ paˬ Piˇlaˆ hawˇ nymˇ laꞈ kʼoeˇ paˇ gʼoꞈ kʼoꞈ leˇ-awˇ, Yeˬsuˇ-ahˇ kuˇ-awˇ naˇ haˬ-eu, “Nawˇ Yuˇdaˆ tsawˇ haˬ-euˬ Sahˬ paˬ ma loˇ.”

Yoˇhaˬ 18:34

Yeˬsuˇ ehˇ-eu, “Dawˬ teu dawˬ maˇ maˇ ni nawˬ-euˬ dawˬ ma loˇ. Maˬ ngeuˇ naˇ, ngaˬ-euˬ gaˇ kawˆ aˬ cawˬ neh nawˬ-ahˇ ehˇ nehˬ laꞈ-euˬ dawˬ-ahˇ gʼoe-awˇ ngehˬ loˇ.”

Yoˇhaˬ 18:37

Kʼoeˇ ngeh, sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ sahˬ paˬ ngeuˇ ma loˇ.” Yeˬsuˇ ehˇ-eu, “Ngaˇ sahˬ paˬ nga lehˇ ehˇ-euˬ-aˬ, naw maꞈ meh. Ngaˇ miˇ tsaˬ heu kʼoeˇ taˆ zaꞈ le-awˇ dehꞈ le-euˬ-aˬ, yaw tsaˬ yaw dawˇ jeˬ ngehˬ le tmˇ le-euˬ tehꞈ ma. Yaw tsaˬ yaw dawˇ jeˬ-ahˇ kʼaˇ taꞈ-eu tsawˇ haˬ-aˬ, ngaˬ-euˬ dawˬ naˇ haˬ geuꞈ-eu meh.”

Yoˇhaˬ 19:10

Sahˬ paˬ Piˇlaˆ aˬ yawꞈ-ahˇ ehˇ nehˬ-eu, “Aˬ jeˬ miˇ neh nawˇ ngaˬ-ahˇ dawˬ maˬ ngehˬ cawˬ te. Nawˬ-ahˇ pyehˬ nehˬ-eu gʼaˇ duˬ maˬ ehˇ, laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ maˬ ehˇ, ngaˬ-euˬ aˬ laꞈ laꞈ kʼoeˇ jaˆ ma.”

Yoˇhaˬ 19:8

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, paˇ guˆ dzehˬ laˇ-euˬ meh.

Yoˇhaˬ 8:14

Yeˬsuˇ ehˇ-eu, “Ngaˇ ngaˬ-euˬ gaˇ kawˆ saˇ kiˇ kamˬ-eu nga lehˇ ehˇ kʼawꞈ, ngaˬ neh kʼaˇ ehˇ-euˬ jeˬ tsaˬ ma dawˇ ma. Ngaˇ aˬ gaˇ neh oe-awˇ aˬ gaˇ iˇ luꞈ-eu ngaˇ siˬ nya ma. Naw maꞈ-aˬ, ngaˇ aˬ gaˇ neh oe-awˇ aˬ gaˇ iˇ luꞈ-eu maˬ siˬ nya-a.

Piˇliˇpiˆ 1:28

Naw maꞈ ya shaˬ ya zahˬ ni mˇ luꞈ-eu tsawˇ haˬ deuˬ-ahˇ taˬ guˆ. Aˬ myah luꞈ nui ma kʼaˬ duˬ ni jawˇ-awˬ. Kʼoeˇ loꞈ-ehˇ jawˇ naˇ, naw maꞈ gʼaˬ leˇ-awˇ aˬ yawꞈ maꞈ smˬ-iˇ-eu yaw duˬ baw-eu ngaˇ lehˇ siˬ duˬ leˇ tehꞈ-a. Naw maꞈ gʼaˬ leˇ nya ni mˇ-eu gʼaˬ-aˬ, Miˬyehˇ meh.

Yaˇ kʼaˬ daˇ 13:6

Kʼoeˇ naˇ, zaˬ miˬ zaˬ kʼoeˇ gʼaˬ aˬ yawꞈ-euˬ kʼaˬ dzeˇ zaˬ jawˇ gaˇ iˇ-awˇ ehˇ nehˬ-eu, “Mˬ taˆ gʼaˬ kʼehˇ loꞈ-ehˇ tsawˬ guˆ laˇ paˬ-ehˇ gʼeh-eu Miˬyehˇ-euˬ tsawˇ haˬ tiˬ gʼaˬ ngaˇ jawˇ gaˇ oe-euˬ meh. Aˬ geu gaˇ neh oe teˬ lehˇ aˬ yawꞈ-ahˇ ngaˇ maˬ naˇ haˬ ehˇ, aˬ yawꞈ-euˬ tsawˇ myahˇ kʼawꞈ maˬ ehˇ mehˬ nehˬ laꞈ-aˬ.