Yoˇhaˬ 19:42 - Akha

⁴² Jawˇ nah tah tehˬ le taˬ-euˬ uˬ taꞈ, lmˬ bymˇ kʼoeˇ hmˬ kʼawꞈ dawˬ peh jaˆ-eu miˇ neh, aˬ yawꞈ nyaꞈ Yeˬsuˇ-ahˇ kʼoeˇ gaˇ baꞈ pahˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Khoerngae nan-aq, Yurdav tsawrhaq-euq zanr janr-eu gharduq laeqhmq-eu arnan pyeuf-awr, lmqbymr khoer khawf dawqpae jav-eu mirnae, aqyawfnyaf, Yeqsur-anr khoergar bafpanq-euq mae.

Yoˇhaˬ 19:42 Iomraidhean Croise

Jaceuq 22:15

Kuˬbyahˬ lehˇtsaˇloꞈ-ehˇgui-awˇ, mehˬlaˇ mehˬtaˆmyahˬleˇ miˇ-a. Kʼaˬlehˇ tsahˬ-ahˇbi shiˇ-eu lehˇ, nawˇngaˬ-ahˇbyehˇdzeh laꞈ-euˬnga.

Iˇsaˬyaˇ 53:9

Aˬ yawꞈ tiˬ jeˬ-iˬ mˇ lehˬ taˬ-euˬ maˬ jaˆ-ehˇ, jaˬ myawꞈ myawꞈ-eu dawˬ tiˬ dawˬ-iˬ maˬ ngehˬ kʼawꞈ, haiˬ-eu tsawˇ haˬ nehˬ-ehˇ lmˬ bymˇ taꞈ-awˇ, smˇ muiˬ deuˬ nehˬ-ehˇ tiˬ gaˇ bi duˬ pahˬ-euˬ meh.”

Maꞈtehˬ 12:40

Ngaˬ shaˬ shaˬ ma-euˬ uˬ maˆ laꞈ kʼoeˇ Yawˇnaˆ smˬ nah smˬ miˇ uˇ-euˬ loꞈ-ehˇ, Tsawˇhaˬ-euˬ Zaˬmaˇ kʼawꞈ, miˇ tsaˬ dawˬ dah smˬ nah smˬ miˇ ya uˇ tehꞈ-a.

Yoˇhaˬ 19:14

Kʼoeˇ ngeh nah-aˬ, Baˬsaˬkaˬ Bawˬ-iˬ gʼeh-eu gʼaˇ duˬ lehˬ hmˬ-eu aˇ nah pyeuꞈ-awˇ, nah loˆ ceh laˇ mawꞈ laˇ-euˬ meh, Tsawˇ haˬ kʼoeˇ deuˬ-ahˇ Sahˬ paˬ Piˇlaˆ ehˇ nehˬ-eu, “Naw maꞈ-euˬ sahˬ paˬ-ahˇ haw sheˇ.”

Yoˇhaˬ 19:20

Yeˬsuˇ-ahˇ laꞈ yaꞈ kʼoeˇ taˆ taꞈ tehˬ taˬ-euˬ jawˇ duˬ kʼoeˇ-aˬ, meuˬ-ahˇ neh yaw kʼaˆ-ehˇ maˬ kaˬ-eu miˇ neh, tsawˇ haˬ gʼawˬ mya ni sahˬ boꞈ boꞈ myahˬ taˬ-euˬ gaˇ ya gui-euˬ meh. Sahˬ boꞈ kʼoeˇ-aˬ, Heˬbyehˇ dawˬ, Laˬteˬ dawˬ, Heˬlaˬsaˇ dawˬ, heu smˇ jeˬ luꞈ boꞈ taˬ-euˬ meh.

Yoˇhaˬ 19:31

Kʼoeˇ naˇ, laꞈ yaꞈ kʼoeˇ taˆ bi taꞈ tehˬ-euˬ tsawˇ haˬ kʼoeˇ deuˬ-euˬ aˬ kuiˇ deh kʼehꞈ-awˇ, laꞈ yaꞈ kʼoeˇ taˆ neh baꞈ ka leꞈ-eu gʼaˇ duˬ, Yuˇdaˆ tsawˇ haˬ aˬ yuiꞈ aˬ tsu deuˬ sahˬ paˬ Piˇlaˆ-ahˇ shaˇ-euˬ meh. Kʼoeˇ ngeh nah-aˬ, Jawˇ nah gʼaˇ duˬ lehˬ hmˬ dah-eu aˇ nah pyeuꞈ-awˇ, shiˇ taˬ-euˬ gʼawˇ mawˇ kʼoeˇ deuˬ-ahˇ Jawˇ nah ngeh nah keuˆ ni laꞈ yaꞈ kʼoeˇ taˆ maˬ bi jaˆ mawꞈ-eu miˇ neh, aˬ yawꞈ maꞈ kʼoeˇ loꞈ-ehˇ shaˇ-eu meh. Kʼoeˇ uˬ taꞈ, jawˇ nah kʼoeˇ ngeh nah-aˬ, muiˬ dzehˬ shawˇ dzehˬ-eu Jawˇ nah tiˬ nah pyeuꞈ-eu miˇ neh meh.

Yoˇhaˬ 19:41

Yeˬsuˇ-ahˇ laꞈ yaꞈ kʼoeˇ taˆ taꞈ sehꞈ-euˬ jawˇ duˬ dawˬ peh yaˇ kmˇ tiˬ kmˇ jaˆ-eu meh. Yaˇ kmˇ kʼoeˇ kmˇ laꞈ kʼoeˇ, tsawˇ haˬ tiˬ gʼaˬ-iˬ maˬ baꞈ pahˬ haw-euˬ lmˬ bymˇ lo kʼahˬ yaw shuiꞈ tiˬ kʼahˬ jaˆ-eu meh.

Gʼaˬkʼehˇ 13:29

Aˬ yawꞈ-euˬ gaˇ kawˆ Jaˇliꞈ laꞈ kʼoeˇ kʼaˇ ehˇ taˬ-euˬ loꞈ-ehˇ aˬ yawꞈ maꞈ mˇ byah gʼaˬ jiˇ ngeh, aˬ yawꞈ-ahˇ laꞈ yaꞈ kʼoeˇ taˆ neh baꞈ ka-awˇ, lmˬ bymˇ laꞈ kʼoeˇ baꞈ pahˬ-iˇ-euˬ meh.

1 Gawˇliˬtu 15:4

Jaˇliꞈ laꞈ kʼoeˇ boꞈ taˬ-euˬ loꞈ-ehˇ aˬ yawꞈ shiˇ-awˇ baꞈ pahˬ gʼaˬ ngeh, smˬ nah keuˆ laˇ naˇ Miˬyehˇ neh paˇ bi gʼoꞈ dehꞈ laˇ-euˬ gaˇ kawˆ hawˇ-eu,

Gawˇlawˇsehˇ 2:12

A jeˬ miˇ neh ehˇ naˇ, naw maꞈ iˇ cuꞈ shawˇ ngeh Ka li nehˬ-ehˇ tiˬ kawˆ loꞈ-ehˇ bi baꞈ pahˬ-awˇ, tiˬ kawˆ loꞈ-ehˇ paˇ gʼoꞈ dehꞈ laˇ-euˬ jeˬ pyeuꞈ-eu meh. Ka li-ahˇ bi gʼoꞈ dehꞈ laˇ-euˬ Miˬyehˇ-euˬ dehꞈ luꞈ-eu baoˬ-ahˇ naw maꞈ jah-eu laꞈ kʼoeˇ gʼoꞈ dehꞈ laˇ-euˬ jeˬ pyeuꞈ-eu meh.