Yoˇhaˬ 19:41 - Akha

⁴¹ Yeˬsuˇ-ahˇ laꞈ yaꞈ kʼoeˇ taˆ taꞈ sehꞈ-euˬ jawˇ duˬ dawˬ peh yaˇ kmˇ tiˬ kmˇ jaˆ-eu meh. Yaˇ kmˇ kʼoeˇ kmˇ laꞈ kʼoeˇ, tsawˇ haˬ tiˬ gʼaˬ-iˬ maˬ baꞈ pahˬ haw-euˬ lmˬ bymˇ lo kʼahˬ yaw shuiꞈ tiˬ kʼahˬ jaˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Yeqsur-anr tafsaef-euq dawqpae yarkmr tiq kmr jav-eu mae. Yarkmr heukmr-euq lafkhoer, tsawrhaq tiqghaq-iq maq bafpanq haw-euq khaqlo-anr taftaq-euq lmqbymr yawshuif tiq bymr jav-eu mae.

Yoˇhaˬ 19:41 Iomraidhean Croise

2 Sahˬpaˬ 23:30

Aˬ yawꞈ-euˬ gaˇ mˇ-eu yaw huiˬ yaw mahˇ deuˬ aˬ yawꞈ-ahˇ mahˬ laˆ lawˬ laꞈ kʼoeˇ baꞈ ahˇ-awˇ, Yeˬluˇsaˬlehˬ meuˬ-ahˇ tawˬ kʼoꞈ gʼeh-euˬ meh. Kʼoeˇ naˇ, sahˬ paˬ-euˬ lmˬ bymˇ-ahˇ baꞈ pahˬ nehˬ-euˬ meh. Yuˇdaˆ miˇ kʼahˬ zaˬ deuˬ neh, Yawˇshiˆ-euˬ aˬ li Yoˇaˬhaˆ-ahˇ, aˬ da gʼaˬ-euˬ dah zaˇ sahˬ paˬ bi geuꞈ-euˬ meh.

Iˇsaˬyaˇ 22:16

“Gawˬ duˇ baˬ gʼa lo guˇ-ahˇ, yawˬ ha-euˬ lmˬ bymˇ yawˬ ha byoe taˬ paˬ-ehˇ, nawˇ aˇ naˆ ni huiˬ-eu tsawˇ haˬ te.

Maꞈtehˬ 27:60

Kʼoeˇ naˇ, shuiꞈ teˇ poˬ ni gʼeh-eu aˬ yawꞈ-euˬ lmˬ bymˇ lo kʼahˬ-ahˇ baꞈ ahˇ-awˇ, lmˬ bymˇ mehˬ kʼehˬ-ahˇ kʼaˬ lo lo ma ngawˬ tsoeˬ yaꞈ-awˇ gʼoꞈ leˇ-euˬ meh. Lmˬ bymˇ kʼoeˇ-aˬ, aˬ yawꞈ neh lo guˇ-ahˇ taꞈ byoe-awˇ jahˇ taˬ-euˬ meh.

Luˇkaꞈ 23:53

Kʼoeˇ naˇ, Yeˬsuˇ-euˬ gʼawˇ mawˇ-ahˇ baꞈ ka-awˇ, shawˇ jehˆ ni gʼeh-eu saˬ paˇ neh mawˇ tawˆ tawˆ-awˇ, tsawˇ haˬ tiˬ gʼaˬ-iˬ maˬ baꞈ pahˬ haw-euˬ, kʼaˬ lo-ahˇ taꞈ byoe-awˇ jahˇ taˬ-euˬ lmˬ bymˇ laꞈ kʼoeˇ baꞈ pahˬ-iˇ-euˬ meh.

Yoˇhaˬ 19:42

Jawˇ nah tah tehˬ le taˬ-euˬ uˬ taꞈ, lmˬ bymˇ kʼoeˇ hmˬ kʼawꞈ dawˬ peh jaˆ-eu miˇ neh, aˬ yawꞈ nyaꞈ Yeˬsuˇ-ahˇ kʼoeˇ gaˇ baꞈ pahˬ-euˬ meh.

Yoˇhaˬ 20:15

Yeˬsuˇ aˬ yawꞈ-ahˇ ehˇ nehˬ-eu, “Zaˬ miˬ aˬ buˇ-oˇ, aˬ jeˬ miˇ neh ngoeˇ te. Nawˇ aˬ suˇ gʼaˬ-ahˇ poˆ luꞈ te.” Yeˬsuˇ-ahˇ yaˇ kmˇ laˆ saˆ-eu tsawˇ haˬ nga lehˇ duˇ-awˇ ehˇ-eu, “Aˬ yuiꞈ-oˇ, nawˬ neh aˬ yawꞈ-ahˇ baꞈ doˆ gʼeh-euˬ ngeuˇ naˇ, aˬ gaˇ baꞈ taˬ teˬ lehˇ ngaˬ-ahˇ tiˬ poˆ ehˇ nehˬ laꞈ-awˬ. Aˬ yawꞈ-ahˇ ngaˇ baꞈ kʼoꞈ laˬ-iˇ ma.”