Yoˇhaˬ 19:24 - Akha

²⁴ Yehˇ kʼoeˇ deuˬ tiˬ gʼaˬ tiˇ gʼaˬ ehˇ-eu, “Pehˇ kʼahˬ heu kahˇ maˬ cehˬ paˆ ni, aˬ geu gʼaˬ geuꞈ-eu tsaˬ nga lehˇ, pyuˇ maˇ byaˆ dzeh diˇ-awˇ tsaˬ geuꞈ kaˇ-euˇ.” Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jeˬ byah laˇ ni, kʼoeˇ loꞈ-ehˇ pyeuꞈ laˇ-euˬ meh. “Ngaˬ-euˬ dm gʼaˬ dm lmˇ deuˬ-ahˇ, aˬ yawꞈ maꞈ yaw kaˬ biˇ geuꞈ-awˇ, laꞈ kʼoeˇ dm-eu pehˇ kʼahˬ pehˇ mahˇ, pehꞈ sa dzeh-awˇ tsaˬ geuꞈ-euˬ meh” Yehˇ kʼoeˇ deuˬ mehˬ tsoeˬ biˇ geuꞈ-euˬ kʼoeˇ-aˬ, Jaˇliꞈ laꞈ kʼoeˇ ehˇ taˬ-euˬ gaˇ tsaˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoermirnae, aqyawf maf-euq yawkaq ja-eu, “Aqdui, paerkhanq heu maq caeqpyaqni, aqsur ghaq za’nya-eu nga laer shaevtsaqtsaq kar-eur.” Heu-aq, Yaerbof-euq lafkhoer boftaq-euq dawq heudawq bi byanlar-eu gharduq mae, “Aqyawf maf-euq yawkaq, ngaq-euq maeqtsoeq lafnyir kanr birgeuf-awr, Ngaq-euq paerkhanq lafkhoer kanr shaevtsaq tsaqgeuf-euq mae.” (Jc 22:18) Khoermirnae, guirzaq deuq khoerlof-aer janr-euq mae.

Yoˇhaˬ 19:24 Iomraidhean Croise

2 Sahˬpaˬ 15:12

“Nawˬ-euˬ zaˬ nawˬ-euˬ uˆ deuˬ oeˬ ziˇ keuˆ ni sahˬ paˬ ya geuꞈ tehꞈ-a” lehˇ, sahˬ paˬ Yeˬhuˇ-ahˇ Sahˬpaˬ Miˬyehˇ neh ehˇ nehˬ-euˬ dawˬ kʼoeˇ dawˬ, kʼoeˇ gaˇ byah laˇ-euˬ meh.

Jaceuq 22:18

Aˬyawꞈmaꞈ maˇbyaˆdzeh diˇ-awˇ, ngaˬ-euˬmehˬtsoeˬ biˇgeuꞈ-eu meh.

Doˆ-iˇ 28:32

Pehˇ kʼahˬ pehˇ mahˇ kʼoeˇ, uˬ duˬ cawˬ ahˇ duˬ lahˇ baˆ maˇ byoe ya bi dahˇ-awˇ, maˇ byoe kʼoeˇ maˬ ya bi pyaˬ-iˇ ni, mehˬ dzaˬ jawˬ jawˬ-ehˇ, siˬ dahˬ ya dahˬ meh.

Iˇsaˬyaˇ 10:7

Ehˇ kʼawꞈ, Aˬshuˇliˆ sahˬ paˬ-aˬ, kʼoeˇ loꞈ-ehˇ maˬ noeˬ ni, tsawˇ jeuˬ gʼawˬ mya jeuˬ-ahˇ laˆ luˬ laˆ seˇ-eu lehˇ, aˬ yawꞈ noeˬ duˬ-euˬ meh.

Maꞈtehˬ 27:35

Aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-awˇ, aˬ yawꞈ-euˬ mehˬ tsoeˬ deuˬ-ahˇ, aˬ yawꞈ maꞈ yaw kaˬ shehˆ tsaˬ tsaˬ-awˇ biˇ geuꞈ-euˬ meh.

Maˬkuˆ 15:24

Kʼoeˇ naˇ, aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-awˇ, aˬ yawꞈ-euˬ mehˬ tsoeˬ-ahˇ aˬ yawꞈ maꞈ shehˆ tsaˬ tsaˬ-awˇ biˇ geuꞈ-euˬ meh.

Luˇkaꞈ 23:34

Yeˬsuˇ ehˇ-eu, “Aˬda-oˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ-ahˇ aˬ yawꞈ maꞈ maˬ siˬ nya-a.” Aˬ yawꞈ maꞈ shehˆ tsaˬ tsaˬ-awˇ, Yeˬsuˇ-euˬ mehˬ tsoeˬ biˇ geuꞈ-euˬ meh.

Yoˇhaˬ 10:35

Jaˇliꞈ laꞈ kʼoeˇ kʼaˇ ehˇ taˬ-euˬ dawˬ mˬ maˬ maˬ byaˆ zaˇ ziˇ tsaˬ meh lehˇ aˬ dui siˬ duˬ-eu ma. Miˬyehˇ neh aˬ yawꞈ-euˬ dawˬ bi gaˬ-iˇ-euˬ tsawˇ haˬ kʼoeˇ deuˬ-ahˇ miˬyehˇ lehˇ kuˇ nehˬ-euˬ meh.

Yoˇhaˬ 13:18

“Naw maꞈ dawˬ tawˆ luꞈ gaˇ kawˆ ngaˇ ehˇ luꞈ-eu maˬ ngeuˇ. Ngaˬ neh tseˇ doˆ-euˬ tsawˇ haˬ deuˬ ngaˇ siˬ nya ma. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ, ‘Ngaˬ nehˬ-ehˇ gʼawˬ nyoeˇ kʼmˬ maˬ taꞈ-eu gʼaˬ ngaˬ-ahˇ puiˬ-eu meh’ lehˇ ehˇ-eu dawˬ kʼoeˇ dawˬ maˬ byah laˇ-ehˇ maˬ gʼeh nya-a.

Yoˇhaˬ 19:28

Nymˬ-mˇ poˆ jawˇ, yawˬ jeˬ na luꞈ byah laˇ gʼaˬ-euˬ gaˇ kawˆ Yeˬsuˇ siˬ nya-euˬ meh. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni, “Iˇ cuꞈ mehꞈ nya” lehˇ Yeˬsuˇ ehˇ-eu meh.

Gʼaˬkʼehˇ 13:27

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu aˬ yawꞈ maꞈ-euˬ aˬ yuiꞈ aˬ tsu deuˬ-aˬ, aˬ yawꞈ Ka kʼoꞈ-eu gʼaˬ pyeuꞈ-eu gaˇ kawˆ siˬ nya-eu maˬ ngeuˇ-a. Jawˇ nah aˬ yawꞈ nah yawꞈ gui luꞈ-eu Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ kʼawꞈ, aˬ yawꞈ maꞈ maˬ siˬ nya-a. Ehˇ kʼawꞈ, aˬ yawꞈ maꞈ Yeˬsuˇ-ahˇ muiˇ-eu laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ byah laˇ ni jahˇ-euˬ meh.