Yoˇhaˬ 19:19 - Akha

¹⁹ Sahˬ paˬ Piˇlaˆ neh sahˬ boꞈ boꞈ-awˇ, laꞈ yaꞈ kʼoeˇ taˆ bi taꞈ myahˬ-euˬ meh. “Heu-aˬ, Yuˇdaˆ tsawˇ haˬ-euˬ Sahˬpaˬ pyeuꞈ-eu Naˬzaˬlehˇ meuˬ-ahˇ jawˇ-eu Yeˬsuˇ meh” lehˇ boꞈ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Khoerngae, Pirlav sanqbof bof-awr, lafyaq-euq khoertav tafmyanq taq-euq mae: YURDAV TSAWRHAQ-EUQ SANQPAQ, NAQZAQLAER TSAWRHAQ YEQSUR.

Yoˇhaˬ 19:19 Iomraidhean Croise

Maꞈtehˬ 2:23

Kʼoeˇ naˇ, Naˬzaˬlehˇ meuˬ-ahˇ aˬ yawꞈ jawˇ-euˬ meh. Miˬyehˇ gʼaˇ duˬ ngehˬ dah-eu tsawˇ haˬ deuˬ neh, Yeˬsuˇ-euˬ gaˇ kawˆ-ahˇ taꞈ leˇ-awˇ, “Aˬ yawꞈ-ahˇ Naˬzaˬlehˇ tsawˇ haˬ lehˇ kuˇ tehꞈ-a” lehˇ ehˇ taˬ-euˬ dawˬ kʼoeˇ dawˬ, kʼoeˇ loꞈ-ehˇ byah laˇ-euˬ meh.

Maꞈtehˬ 27:37

“Tsawˇ haˬ heu gʼaˬ Yuˇdaˆ tsawˇ haˬ-euˬ sahˬ paˬ pyeuꞈ-eu Yeˬsuˇ meh” lehˇ boꞈ taˬ-euˬ, aˬ yawꞈ-ahˇ yaw lehˬ no-euˬ dawˬ kʼoeˇ dawˬ, aˬ yawꞈ-euˬ uˬ duˬ kʼoeˇ taˆ paw dzeˇ taꞈ myahˬ taˬ-euˬ meh.

Maˬkuˆ 15:26

“Yuˇdaˆ tsawˇ haˬ-euˬ sahˬ paˬ” lehˇ boꞈ taˬ-euˬ, aˬ yawꞈ-ahˇ yaw lehˬ no-euˬ dawˬ taꞈ myahˬ taˬ-euˬ meh.

Luˇkaꞈ 18:37

“Naˬzaˬlehˇ tsawˇ haˬ Yeˬsuˇ le luꞈ-eu nga” lehˇ, aˬ cawˬ aˬ yawꞈ-ahˇ ehˇ nehˬ-euˬ meh.

Luˇkaꞈ 23:38

Aˬ yawꞈ-euˬ kʼoeˇ taˆ heu loꞈ-ehˇ boꞈ myahˬ taˬ-euˬ meh. “Tsawˇ haˬ heu gʼaˬ Yuˇdaˆ tsawˇ haˬ-euˬ sahˬ paˬ meh.”

Yoˇhaˬ 1:49

Naˬdaˬneˬlaˇ ehˇ-eu, “Saˬ laˬ-oˇ, nawˇ-aˬ, Miˬyehˇ-euˬ Zaˬ maˇ ngaˇ. Iˇsaˬleˬlaˆ tsawˇ jeuˬ-euˬ Sahˬ paˬ ngaˇ.”

Yoˇhaˬ 18:33

Sahˬ paˬ Piˇlaˆ hawˇ nymˇ laꞈ kʼoeˇ paˇ gʼoꞈ kʼoꞈ leˇ-awˇ, Yeˬsuˇ-ahˇ kuˇ-awˇ naˇ haˬ-eu, “Nawˇ Yuˇdaˆ tsawˇ haˬ-euˬ Sahˬ paˬ ma loˇ.”

Yoˇhaˬ 19:12

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, Yeˬsuˇ-ahˇ pyehˬ nehˬ-eu gaˇ ma poˆ-euˬ meh. Ehˇ kʼawꞈ, tsawˇ haˬ aˇ maꞈ guˇ-awˇ ehˇ-eu, “Nawˇ aˬ yawꞈ-ahˇ pyehˬ nehˬ te lehˇ ngeuˇ naˇ, nawˇ sahˬ paˬ Gehˇsaˬ-euˬ cawˬ maˬ paˇ ngeuˇ meh. Yawˬ haˇ yawˬ ha sahˬ paˬ ma lehˇ ehˇ-eu tsawˇ haˬ-aˬ, sahˬ paˬ Gehˇsaˬ-ahˇ puiˬ-eu tsawˇ haˬ meh.”

Yoˇhaˬ 19:14

Kʼoeˇ ngeh nah-aˬ, Baˬsaˬkaˬ Bawˬ-iˬ gʼeh-eu gʼaˇ duˬ lehˬ hmˬ-eu aˇ nah pyeuꞈ-awˇ, nah loˆ ceh laˇ mawꞈ laˇ-euˬ meh, Tsawˇ haˬ kʼoeˇ deuˬ-ahˇ Sahˬ paˬ Piˇlaˆ ehˇ nehˬ-eu, “Naw maꞈ-euˬ sahˬ paˬ-ahˇ haw sheˇ.”

Yoˇhaˬ 19:21

Piˇ ma aˬ yuiꞈ deuˬ sahˬ paˬ Piˇlaˆ-ahˇ ehˇ nehˬ-eu, “‘Yuˇdaˆ tsawˇ haˬ-euˬ sahˬ paˬ’ lehˇ maˬ boꞈ ni, ‘Tsawˇ haˬ heu gʼaˬ yawˬ haˇ yawˬ ha Yuˇdaˆ tsawˇ haˬ-euˬ sahˬ paˬ ma lehˇ tsaˬ geuꞈ-euˬ meh’ lehˇ boꞈ-eu tsaˬ dzehˬ tehꞈ-a.”

Yoˇhaˬ 19:3

Aˬ yawꞈ maꞈ aˬ yawꞈ dawˬ peh le-awˇ, “Yuˇdaˆ tsawˇ haˬ-euˬ Sahˬ paˬ ziˇ baw ziˇ za luꞈ-uˇ” lehˇ ehˇ-awˇ, baˬ ba-ahˇ tehˆ nehˬ-euˬ meh.

Gʼaˬkʼehˇ 26:9

“Naˬzaˬlehˇ tsawˇ haˬ Yeˬsuˇ-euˬ tsawˇ myahˇ-ahˇ kʼaˇ coeˬ kʼaˇ ciˆ-eu jeˬ dawˬ tawˆ luꞈ mˇ-eu tsaˬ tehꞈ-a lehˇ ngaˇ noeˬ-euˬ ma.

Gʼaˬkʼehˇ 3:6

Ehˇ kʼawꞈ, Beˬtuˆluˆ ehˇ-eu, “Ngaˇ pyuˇ maˬ ahˇ. Ehˇ kʼawꞈ, ngaˇ ahˇ-eu jeˬ nawˬ-ahˇ biꞈ ma. Naˬzaˬlehˇ tsawˇ haˬ Yeˬsuˇ Ka li-euˬ tsawˇ myahˇ uˬ moˆ tuˇ-awˇ gaˇ ma cah gʼeh-awˬ lehˇ, ngaˇ nawˬ-ahˇ dawˬ biꞈ-eu ma.”