Yoˇhaˬ 19:18 - Akha

¹⁸ Kʼoeˇ gaˇ, aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-euˬ meh. Tsawˇ haˬ nyiˬ gʼaˬ-ahˇ kʼawꞈ, aˬ yawꞈ-euˬ gaˇ dzeˇ tiˬ paw tiˬ gʼaˬ-ehˇ taꞈ tehˬ taˬ-awˇ, aˬ yawꞈ-ahˇ gʼahˇ ceh taꞈ tehˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Khoergar, aqyawfmaf, Yeqsur-anr lafyaq-euq khoertav taftaeq-euq mae. Tsawrhaq nuideuq nyiq ghaq-anr khawf, aqyawf naeq-aer tiqpaw tiq ghaq-aer, Yeqsur-anr-aq, ghanrcae laer taftaeq taq-euq mae.

Yoˇhaˬ 19:18 Iomraidhean Croise

Jaceuq 22:16

Aˬkuiˬ ga jawˬle-eu loꞈ-ehˇ, haiˬ-eu tsawˇhaˬ tiˬjawˬoe-awˇ, ngaˬ-euˬ aˬkuiˇaˬlaꞈdawˬtawˆ, cehˬpyaˬcehˬshaˇjiˇ-euˬmiˇ-a.

Iˇsaˬyaˇ 53:12

Kʼoeˇ miˇ neh aˬ yawꞈ-ahˇ ngaˇ taˬ huiˬ taˬ mahˇ nehˬ-awˇ, baoˬ huiˬ-eu deuˬ-euˬ jawˇ duˬ-ahˇ bi jawˇ ma. Haiˬ-eu tsawˇ haˬ deuˬ ya daˬ-eu yaw doeˇ aˬ yawꞈ daˬ-awˇ, nui ma keuˆ-eu laꞈ kʼoeˇ shiˇ dah-euˬ meh. Tsawˇ haˬ gʼawˬ mya ni-euˬ iˬ baˇ aˬ yawꞈ pi-awˇ, aˬ yawꞈ maꞈ iˬ baˇ ya buˬ ni mˇ dah-euˬ meh.”

Maꞈtehˬ 27:44

Aˬ yawꞈ nehˬ-ehˇ tiˬ kawˆ loꞈ-ehˇ laꞈ yaꞈ kʼoeˇ taˆ bi taꞈ tehˬ taˬ-euˬ tahˇ joe kʼoeˇ nyiˬ gʼaˬ kʼawꞈ, aˬ yawꞈ-ahˇ kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu meh.

Yoˇhaˬ 18:32

Yeˬsuˇ aˬ yawꞈ aˬ joˆ-ehˇ ya shiˇ-eu gaˇ kawˆ aˬ yawˇ yawꞈ ehˇ taˬ-euˬ jeˬ byah laˇ nya ni, aˬ yawꞈ maꞈ dawˬ kʼoeˇ jeˬ-ehˇ ngehˬ-eu jeˬ pyeuꞈ-eu meh.

Yoˇhaˬ 19:32

Kʼoeˇ miˇ neh, yehˇ kʼoeˇ deuˬ le-awˇ, Yeˬsuˇ nehˬ-ehˇ laꞈ yaꞈ kʼoeˇ taˆ bi taꞈ tehˬ-euˬ tsawˇ haˬ kʼoeˇ nyiˬ gʼaˬ-euˬ aˬ kuiˇ deh kʼehꞈ-euˬ meh.

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.