Yoˇhaˬ 19:17 - Akha

¹⁷ Aˬ yawꞈ-aˬ yawˬ ha-euˬ laꞈ yaꞈ baꞈ-awˇ Uˬ duˬ kʼmˬ lehˇ kuˇ-eu jawˇ duˬ-ahˇ le keuˆ-euˬ meh. Jawˇ duˬ kʼoeˇ tsahˇ-ahˇ, Heˬbyehˇ dawˬ Gawˇlaˬgawˇda lehˇ kuˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Yeqsur, aqyawf-euq lafyaq baf-awr, Uqduqkhmq laer kur-eu tsanr-anr le-euq mae. Jawrduq khoertsanr-aq, Heqbyaer dawq, Gawrlaqgawrda laer kur-eu mae.

Yoˇhaˬ 19:17 Iomraidhean Croise

Aˇ dahˬ 22:6

Aˬbyaˬhaˬ-aˬ, Iˇtsaˆ-ahˇ miˬ dzaˬ bi baꞈ-awˇ, aˬ yawꞈ gʼaˬ miˬ diˬ hawˇ-eu mi cehˇ jiˇ baˆ yuˇ-awˇ, tiˬ kawˆ loꞈ-ehˇ le-euˬ meh. Aˬ yawꞈ nyaꞈ le luꞈ ngeh,

1 Sahˬpaˬ 21:13

“Miˬyehˇ hawˇ-eu sahˬ paˬ-ahˇ Naˬboˆ neh yaˬ kʼehˇ yaˬ-euˬ meh” lehˇ, tsawˇ haˬ heu myaˆ ni gʼeh-eu mehˬ shi haiˬ-eu tsawˇ haˬ kʼoeˇ nyiˬ gʼaˬ saˇ kiˇ kamˬ-euˬ meh. Kʼoeˇ ngeh, Naˬboˆ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh biꞈ sehꞈ-euˬ meh.

Uˬ duˬ 24:14

“Tsawˇ haˬ kʼoeˇ gʼaˬ-ahˇ pu laꞈ nyiˇ sheuˬ doˆ gʼeh-awˬ. Tsawˇ haˬ kʼoeˇ gʼaˬ iˬ baˇ ahˇ-eu saˇ kiˇ pyeuꞈ-eu gʼaˇ duˬ, aˬ yawꞈ yaˬ kʼehˇ yaˬ-euˬ gaˇ kʼaˇ ya gaˬ-euˬ tsawˇ haˬ deuˬ aˬ yawꞈ-euˬ uˬ duˬ-ahˇ aˬ laꞈ baꞈ daˆ-awˇ, tsawˇ haˬ aˇ maꞈ dawˬ tawˆ luꞈ, tsawˇ haˬ kʼoeˇ gʼaˬ-ahˇ kʼaˬ lo ya biˬ sehꞈ meh.

Maꞈtehˬ 10:38

Yawˬ ha-euˬ laꞈ yaꞈ baꞈ-awˇ ngaˬ-euˬ mehˬ nah maˬ caw teh laˇ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a.

Maꞈtehˬ 16:24

Kʼoeˇ naˇ, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-eu uˬ taꞈ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Maꞈtehˬ 27:37

“Tsawˇ haˬ heu gʼaˬ Yuˇdaˆ tsawˇ haˬ-euˬ sahˬ paˬ pyeuꞈ-eu Yeˬsuˇ meh” lehˇ boꞈ taˬ-euˬ, aˬ yawꞈ-ahˇ yaw lehˬ no-euˬ dawˬ kʼoeˇ dawˬ, aˬ yawꞈ-euˬ uˬ duˬ kʼoeˇ taˆ paw dzeˇ taꞈ myahˬ taˬ-euˬ meh.

Maˬkuˆ 10:21

Yeˬsuˇ aˬ yawꞈ-ahˇ gʼawˬ shaˬ haw gaˬ-awˇ ehˇ-eu, “Nawˇ tiˬ jeˬ loˬ nga siˬ. Nawˇ kʼaˇ jaˆ-eu jeˬ dawˬ tawˆ luꞈ ahˬ-iˇ-awˇ, ahˬ za-euˬ pyuˇ kʼoeˇ, shaˬ zaˬ zahˬ zaˬ deuˬ-ahˇ biꞈ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, gʼoꞈ kʼoꞈ laˇ-awˇ, ngaˬ-euˬ meh nah caw teh laˇ-awˬ.”

Maˬkuˆ 15:26

“Yuˇdaˆ tsawˇ haˬ-euˬ sahˬ paˬ” lehˇ boꞈ taˬ-euˬ, aˬ yawꞈ-ahˇ yaw lehˬ no-euˬ dawˬ taꞈ myahˬ taˬ-euˬ meh.

Maˬkuˆ 15:32

Iˇsaˬleˬlaˆ tsawˇ jeuˬ-euˬ sahˬ paˬ pyeuꞈ-eu Ka li heu gʼaˬ, hehˬ nymˬ-mˇ laꞈ yaꞈ kʼoeˇ taˆ neh zaꞈ ka le gaˇ ya mawˇ law nmˇ-aˬ, aˬ dui maꞈ aˬ yawꞈ-ahˇ jah ma ehˇ lawˬ.” Aˬ yawꞈ nehˬ-ehˇ laꞈ yaꞈ kʼoeˇ taˆ bi taꞈ tehˬ taˬ-euˬ kʼoeˇ nyiˬ gʼaˬ kʼawꞈ, aˬ yawꞈ-ahˇ yehˬ bawˬ sehˇ lu-ehˇ ehˇ-eu meh.

Maˬkuˆ 8:34

Kʼoeˇ ngeh, Yeˬsuˇ-aˬ, tsawˇ haˬ aˇ maꞈ hawˇ-eu aˬ yawꞈ-euˬ zaˬ lahˇ deuˬ-ahˇ aˬ yawꞈ jawˇ gaˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-awˇ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Luˇkaꞈ 14:27

Tsawˇ haˬ aˬ geu gʼaˬ maˬ kaˬ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah maˬ caw teh laˇ naˇ, ngaˬ-euˬ zaˬ lahˇ maˬ geuꞈ nya-a.

Luˇkaꞈ 23:26

Aˬ yawꞈ maꞈ aˬ yawꞈ-ahˇ sheuˬ gʼeh luꞈ ngeh, pu paw neh meuˬ-ahˇ laˇ luꞈ-eu Kuˇleˬniˬ meuˬ-ahˇ jawˇ-eu Siˇmoˬ-ahˇ nyehꞈ-awˇ, laꞈ yaꞈ baꞈ daˆ nehˬ-awˇ, Yeˬsuˇ-euˬ mehˬ nah bi cah-euˬ meh.

Luˇkaꞈ 23:33

Uˬ duˬ kʼmˬ lehˇ kuˇ-eu jawˇ duˬ-ahˇ le keuˆ ngeh, Yeˬsuˇ-ahˇ laꞈ yaꞈ kʼoeˇ taˆ taꞈ tehˬ-euˬ meh. Yaw haiˬ jeˬ mˇ bahˬ-euˬ tsawˇ haˬ kʼoeˇ nyiˬ gʼaˬ-ahˇ kʼawꞈ, aˬ yawꞈ-euˬ aˇ maˇ paw tiˬ gʼaˬ, aˇ caˇ paw tiˬ gʼaˬ lehˇ, laꞈ yaꞈ kʼoeˇ taˆ taꞈ tehˬ-euˬ meh.

Luˇkaꞈ 23:38

Aˬ yawꞈ-euˬ kʼoeˇ taˆ heu loꞈ-ehˇ boꞈ myahˬ taˬ-euˬ meh. “Tsawˇ haˬ heu gʼaˬ Yuˇdaˆ tsawˇ haˬ-euˬ sahˬ paˬ meh.”

Luˇkaꞈ 9:23

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kahˇ ya byehˇ dzeh-awˇ, yawˬ nah na luꞈ yawˬ ha-euˬ laꞈ yaꞈ baꞈ-awˇ ngaˬ-euˬ mehˬ nah ya laˇ meh.

Yoˇhaˬ 19:13

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, Yeˬsuˇ-ahˇ laꞈ nyiˇ sheuˬ doˆ leꞈ-awˇ, “Kʼaˬ lo kʼawˬ taˬ-euˬ jawˇ duˬ” lehˇ kuˇ gaˇ jaˆ-eu yaˇ kʼaˬ daˇ-eu nuiˇ mahˬ-ahˇ nuiˇ le-euˬ meh. Kʼaˬ lo kʼawˬ taˬ-euˬ jawˇ duˬ-ahˇ, Heˬbyeˇ dawˬ “Gaˬbaˬdaˬ” lehˇ ehˇ-eu meh.

Yoˇhaˬ 5:2

Yeˬluˇsaˬlehˬ meuˬ-euˬ Yawˇ lahˇ kʼehˬ dawˬ peh, sehˬ gʼawˆ ngaˬ gʼawˆ gʼawˆ taˬ-euˬ lah tiˬ lah jaˆ-eu meh. Lah kʼoeˇ lah-ahˇ Heˬbyehˇ dawˬ Beˬzaˬdaˬ lehˇ kuˇ-eu meh.

Gʼaˬkʼehˇ 7:58

Kʼoeˇ naˇ, aˬ yawꞈ-ahˇ meuˬ laꞈ nyiˇ biˬ doˆ-awˇ, kʼaˬ lo neh biˬ-euˬ meh. Saˇ kiˇ geuꞈ-awˇ haw le-euˬ tsawˇ haˬ deuˬ-aˬ, aˬ yawꞈ maꞈ-euˬ pehˇ kʼahˬ lehˆ taˬ yaꞈ-awˇ, Sawˇluˆ lehˇ kuˇ-eu zaˬ guˬ tiˬ gʼaˬ neh bi haw yaꞈ-euˬ meh.