Yoˇhaˬ 18:8 - Akha

⁸ Yeˬsuˇ ehˇ-eu, “Ngaˇ Yeˬsuˇ ma lehˇ naw maꞈ-ahˇ ehˇ nehˬ luꞈ-eu ma tawˇ. Naw maꞈ ngaˬ-ahˇ poˆ-eu ngeuˇ naˇ, ngaˬ-euˬ mehˬ nah caw teh-eu tsawˇ haˬ heu deuˬ-ahˇ maˬ nyehꞈ ni bi goꞈ-iˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Yeqsur aer-eu, “Ngar-aq, khoerghaq ma laer ngar, nawmaf-anr aernaeq-euq ma. Khoermirnae, nawmaf, ngaq-anr pov-eu ngeur nar-aq, heudeuq-anr pyaeq-awr bican-awq.”

Yoˇhaˬ 18:8 Iomraidhean Croise

Iˇsaˬyaˇ 53:6

Aˬ dui dawˬ tawˆ byoˆ-iˇ-eu yawˇ deuˬ-ahˇ duˇ-awˇ, tiˬ gʼaˬ tiˬ paw iˇ byoˆ jiˇ taˬ-euˬ meh. Ehˇ kʼawꞈ, aˬ dui-ahˇ oꞈ-eu kʼehˬ-eu kʼaˆ-eu jeˬ dawˬ tawˆ, Sahˬpaˬ Miˬyehˇ-ahˇ aˬ yawꞈ-euˬ kʼoeˇ taˆ baꞈ daˆ nehˬ jiˇ-euˬ meh.

Maꞈtehˬ 26:56

Ehˇ kʼawꞈ, Miˬyehˇ gʼaˇ duˬ ngehˬ dah-eu deuˬ neh Jaˇliꞈ laꞈ kʼoeˇ kʼaˇ boꞈ taˬ-euˬ loꞈ-ehˇ byah laˇ ni, heu loꞈ-ehˇ bi pyeuꞈ laˇ-euˬ meh.” Kʼoeˇ ngeh, zaˬ lahˇ dawˬ tawˆ luꞈ, aˬ yawꞈ-ahˇ byehˇ dzeh yaꞈ-awˇ cehˆ jiˇ-euˬ meh.

Yoˇhaˬ 10:28

Aˬ yawꞈ maꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ ngaˇ biꞈ-awˇ, aˬ yawꞈ maꞈ ti jawˇ-iˬ maˬ paˇ shiˇ meh. Tsawˇ haˬ tiˬ gʼaˬ-iˬ aˬ yawꞈ maꞈ-ahˇ ngaˬ-euˬ aˬ laꞈ laꞈ kʼoeˇ neh maˬ ceh doˆ geuꞈ nya-a.

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Yoˇhaˬ 13:36

Siˇmoˬ Beˬtuˆluˆ ehˇ-eu, “Sahˬpaˬ-oˇ nawˇ aˬ gaˇ le-eu lehˇ gʼeh te.” Yeˬsuˇ ehˇ-eu, “Ngaˇ le-eu lehˇ gʼeh gaˇ nawˇ nymˬ-mˇ mi naˆ-ehˇ maˬ caw teh laˇ nya-a siˬ. Ehˇ kʼawꞈ, aˬ kaˇ caw teh laˇ nya tehꞈ-a.”

Yoˇhaˬ 16:32

Naw maꞈ dawˬ tawˆ luꞈ bi teh byaˆ jiˇ-awˇ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-awˇ, ngaˬ-ahˇ tehꞈ-ehˇ byehˇ dzeh yaꞈ-eu aˇ yamˬ keuˆ le luꞈ meh. Aˇ yamˬ kʼoeˇ aˬ diˇ keuˆ le taˬ-euˬ meh. Ehˇ kʼawꞈ, ngaˇ-aˬ, tiˬ gʼaˬ tehꞈ maˬ ngeuˇ. Aˬ jeˬ miˇ neh ehˇ naˇ, Aˬda ngaˬ nehˬ-ehˇ jawˇ ma.

Yoˇhaˬ 18:7

“Naw maꞈ aˬ suˇ gʼaˬ-ahˇ poˆ te” lehˇ Yeˬsuˇ tiˬ poˆ paˇ naˇ haˬ-euˬ meh. “Naˬzaˬlehˇ meuˬ-ahˇ jawˇ-eu Yeˬsuˇ-ahˇ poˆ-eu ma” lehˇ aˬ yawꞈ maꞈ paˇ ehˇ-eu meh.

Yoˇhaˬ 18:9

Yeˬsuˇ kʼoeˇ loꞈ-ehˇ ehˇ-eu kʼoeˇ-aˬ, “Aˬda-oˇ, nawˬ neh ngaˬ-ahˇ biꞈ laꞈ-euˬ tsawˇ haˬ tiˬ gʼaˬ-iˬ maˬ bi byoˆ-iˇ-aˬ” lehˇ, aˬ yawꞈ neh ehˇ taˬ-euˬ dawˬ kʼoeˇ dawˬ bi byah laˇ-eu gʼaˇ duˬ pyeuꞈ-eu meh.

1 Gawˇliˬtu 10:13

Aˬ cawˬ maˬ ya puˬ maˬ ya mawˇ haw-euˬ muˇ juˇ juˇ-eu jeˬ-ahˇ naw maꞈ ya daˬ-eu maˬ ngeuˇ-a. Miˬyehˇ-aˬ, saˇ jaˇ ziꞈ dui dui-awˇ, naw maꞈ maˬ kamˬ coeˇ-eu muˇ juˇ juˇ-eu jeˬ maˬ bi keuˆ le-a. Naw maꞈ kʼoeˇ taˆ muˇ juˇ juˇ-eu jeˬ keuˆ le ngeh, kamˬ coeˇ ni aˬ yawꞈ gʼaˬ biꞈ nehˬ laꞈ-awˇ, buˬ-iˇnya-eu gaˇ ma shaˇ dahˇ nehˬ laꞈ tehꞈ-a.

2 Gawˇliˬtu 12:9

Ehˇ kʼawꞈ, aˬ yawꞈ ngaˬ-ahˇ ehˇ-eu, “Ngaˬ-euˬ guiˬ lahˬ yaw dzahˇ nawˬ-euˬ gʼaˇ duˬ loꞈ luꞈ meh. Aˬ jeˬ miˇ neh ehˇ naˇ, nawˇ gʼaˬ baˬ luꞈ ngeh, ngaˬ-euˬ baoˬ nawˬ-euˬ gʼaˇ duˬ byah dzehˬ-eu meh.” Ka li-euˬ baoˬ ngaˬ-ahˇ haw piˇ nehˬ laꞈ nya ni, ngaˇ gʼaˬ baˬ-eu gaˇ kawˆ laˬ kʼaˬ cehˇ cehˇ-ehˇ kʼahˬ sehˇ jehˆ ma.

Eˇpeˇsu 5:25

Kʼaˬ dzeˇ zaˬ deuˬ-oˇ, Ka li zaˬ aˇ muˇ-ahˇ Ka li gaˬ-eu miˇ neh gʼawˇ mawˇ lawˇ nehˬ-euˬ gaˇ duˇ ni, yawˬ ha-euˬ miˬ zaˬ-ahˇ gaˬ-awˬ.

1 Beˬtuˆluˆ 5:7

Naw maꞈ noeˬ shaˬ noeˬ zahˬ-eu dawˬ tawˆ luꞈ Miˬyehˇ-ahˇ a nehˬ-awˬ. Aˬ jeˬ miˇ neh ehˇ naˇ, aˬ yawꞈ naw maꞈ-ahˇ ngehˬ gʼeh bo saˆ luꞈ-eu meh.