Yoˇhaˬ 18:26 - Akha

²⁶ Beˬtuˆluˆ neh naˬ paꞈ bi coeˇ tsehˆ-euˬ gʼaˬ-ahˇ aˬ yuiꞈ aˬ nyiˇ taꞈ-eu, Piˇ ma Yaw huiˬ gʼaˬ-euˬ zaˬ kʼaˆ tiˬ gʼaˬ Beˬtuˆluˆ-ahˇ ehˇ-eu, “Nawˇ gʼeh Yeˬsuˇ nehˬ-ehˇ yaˇ kmˇ laꞈ kʼoeˇ jawˇ luꞈ-eu ngaˇ mawˇ-euˬ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Beqtuvluv nae naqpaf coertsaev-euq khoerghaq-euq aqyuif aqnyir pyeuf-eu, pirma yawhuiq ghaq-euq kuirlaf zaqkhav tiq ghaq narhaq-eu, “Nawr yarkmr-euq lafkhoer, khoerghaq naeq-aer jawrluf ngae, ngar, nawq-anr mawr-euq maqngeur-a laq?”

Yoˇhaˬ 18:26 Iomraidhean Croise

Dawqdaq 12:19

Jaˬ myawꞈ myawꞈ-eu uˬ kʼawˇ deuˬ-awˇ, dawˬ muiˬ tmˇ-eu ziˇ baw-eu meh.

Maꞈtehˬ 26:73

Tiˬ kʼehˬ paˇ kaˇ-iˇ ngeh, kʼoeˇ gaˇ yawꞈ luꞈ-eu tsawˇ haˬ deuˬ Beˬtuˆluˆ jawˇ gaˇ oe-awˇ ehˇ-eu, “Ngeuˇ ngaˇ. Nawˇ jiˇ aˬ yawꞈ maꞈ laꞈ kʼoeˇ uˇ-eu tsawˇ haˬ ngaˇ. Nawˇ dawˬ ngehˬ gaˇ naˇ haˬ kʼawꞈ siˬ laˇ miˇ-a.”

Luˇkaꞈ 22:58

Tiˬ kʼehˬ paˇ keuˆ laˇ ngeh, tsawˇ haˬ tiˬ gʼaˬ aˬ yawꞈ-ahˇ paˇ haw siˬ-awˇ ehˇ-eu, “Nawˇ gʼeh aˬ yawꞈ maꞈ-euˬ aˇ muˇ-ahˇ uˇ-eu tsawˇ haˬ meh.” Ehˇ kʼawꞈ, Beˬtuˆluˆ paˇ pyehˇ-eu, “Mawˬ cawˬ-oˇ, ngaˇ maˬ ngeuˇ.”

Yoˇhaˬ 18:1

Yeˬsuˇ kʼoeˇ loꞈ-ehˇ guiˬ lahˬ shaˇ gʼaˬ ngeh, aˬ yawꞈ-euˬ zaˬ lahˇ deuˬ sheuˬ-awˇ, Giˇdaˬloˬ lawˇ gawˆ nui baˬ paw iˇ-euˬ meh. Kʼoeˇ gaˇ yaˇ kmˇ tiˬ kmˇ jaˆ-awˇ, Yeˬsuˇ hawˇ-eu aˬ yawꞈ-euˬ zaˬ lahˇ deuˬ yaˇ kmˇ kʼoeˇ kmˇ laꞈ kʼoeˇ uˇ leˇ-euˬ meh.

Yoˇhaˬ 18:10

Siˇmoˬ Beˬtuˆluˆ mi cehˇ tiˬ kahˇ ahˇ-eu meh. Aˬ yawꞈ mi cehˇ kʼoeˇ kahˇ gʼawˇ doˆ-awˇ, Piˇ ma Yaw huiˬ gʼaˬ-euˬ zaˬ kʼaˆ-ahˇ coeˇ-awˇ, naˬ paꞈ aˇ maˇ pyawˬ coeˇ tsehˆ dzeh-euˬ meh. Zaˬ kʼaˆ kʼoeˇ gʼaˬ-euˬ tsawˇ myahˇ-aˬ, Maˬlaˬkuˇ meh.