Yoˇhaˬ 18:18 - Akha

¹⁸ Yaw gaˆ gaˆ-eu miˇ neh, zaˬ kʼaˆ deuˬ hawˇ-eu loꞈ luꞈ-eu yehˇ deuˬ kʼaˬ gʼeu baw doꞈ-awˇ, tiˬ jawˬ yawꞈ-awˇ yaw gaˆ lmˇ-euˬ meh. Beˬtuˆluˆ gʼeh, kʼoeˇ gaˇ yawꞈ leˇ-awˇ aˬ yawꞈ maꞈ nehˬ-ehˇ yaw gaˆ lmˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Khoerngae, yawgav gav-eu mirnae, kuirlaf zaqkhav deuq hawr-eu lofpir-eu kuirlaf deuq, khaqgheuq bawdof-awr, gawqyawf yawf-awr yawgav lmrluf-eu mae. Beqtuvluv khawf aqyawfmaf naeq-aer yawf-awr lmrluf-eu mae.

Yoˇhaˬ 18:18 Iomraidhean Croise

Aˇ dahˬ 49:6

Aˬ yawꞈ nyaꞈ bawˬ dzaˬ kʼoeˬ gaˇ ngaˇ maˬ iˇ. Aˬ yawꞈ nyaꞈ mehˬ bawˬ mˇ gaˇ ngaˇ maˬ ahˇ. Aˬ jeˬ miˇ neh ehˇ naˇ, tsawˇ haˬ-ahˇ sehꞈ-awˇ, mawˇ neˇ kuiˇ guˬ yuˇ niˇ gʼa gaˇ keuˆ ni, aˬ yawꞈ nyaꞈ nui ma pehˇ-eu meh.

1 Sahˬpaˬ 19:9

Kʼoeˇ gaˇ uˬ ciꞈ tiˬ miˇ yaꞈ bya-eu gʼaˇ duˬ, lo kʼahˬ tiˬ kʼahˬ laꞈ kʼoeˇ aˬ yawꞈ uˇ leˇ-euˬ meh. Ja pyuˬ ni, Sahˬpaˬ Miˬyehˇ aˬ yawꞈ-ahˇ dawˬ ngehˬ cawˬ le-awˇ, “Eˇliˇyaˆ-oˇ, nawˇ heu gaˇ aˬ jeˬ jahˇ luꞈ te” lehˇ ehˇ-eu meh.

Jaceuq 1:1

Guiˬlahˬhuiˬ-eu tsawˇhaˬdeuˬ-aˬ, maˬtsaˬmaˬdawˇ-eu tsawˇhaˬ-euˬ mehˬbawˬ mˇgaˇ maˬnaˇhaˬ-a. Iˬbaˇmˇ-eu tsawˇhaˬdeuˬ-ahˇ, naˇhaˬgeuꞈ-awˇ maˬcaw teh-ehˇ, Miˬyehˇ-ahˇ maˬ zeu-eu deuˬ-ahˇ, taꞈ leˇ gm leˇ-eu maˬ baw-a.

Dawqdaq 13:20

Zaˬ siˬ tsawˇ gahˇ byah-eu deuˬ nehˬ-ehˇ cah-eu tsawˇ haˬ tsawˇ gahˇ ahˇ laˇ-awˇ, aˬ dzawˬ aˇ gah deuˬ nehˬ-ehˇ cawˬ cawˬ-eu tsawˇ haˬ, ya luˬ ya seˇ-iˇ tehꞈ-a.

Maˬkuˆ 14:54

Beˬtuˆluˆ-aˬ, naˇ kʼah paw ui cuiˆ gaˇ mahˇ kaˬ gaˇ cah-awˇ, Piˇ ma Yaw huiˬ gʼaˬ-euˬ nymˇ-ahˇ gawˬ lahˇ taˬ-euˬ laꞈ kʼoeˇ paw keuˆ ni caw teh keuˆ gʼeh-euˬ meh. Kʼoeˇ gaˇ loꞈ-eu yehˇ deuˬ nehˬ-ehˇ aˬ yawꞈ ga dzuˇ-iˇ-awˇ, miˬ dzaˬ lmˇ lmˇ-ehˇ jawˇ-euˬ meh.

Maˬkuˆ 14:67

Beˬtuˆluˆ miˬ dzaˬ lmˇ luꞈ gaˇ aˬ yawꞈ ya mawˇ ngeh, yaw muiˬ paˬ-ehˇ haw duˬ-awˇ ehˇ-eu, “Nawˇ jiˇ Naˬzaˬlehˇ tsawˇ haˬ Yeˬsuˇ nehˬ-ehˇ jawˇ-euˬ tsawˇ haˬ meh.”

Luˇkaꞈ 22:44

Aˬ yawꞈ nui ma shaˬ zahˬ mˇ dui dui-eu laꞈ kʼoeˇ, yaw beh naˆ maˬ tseˇ guiˬ lahˬ paˇ shaˇ dui dui-euˬ meh. Shiˬ miˇ tsa dzaˆ ka-eu loꞈ-ehˇ, aˬ yawꞈ kuˬ pyuˇ yoeˇ le-euˬ meh.

Yoˇhaˬ 18:25

Beˬtuˆluˆ-aˬ, kʼoeˇ gaˇ yawꞈ-awˇ yaw gaˆ lmˇ luꞈ-eu meh. Aˬ cawˬ a yawꞈ-ahˇ naˇ haˬ-eu, “Nawˇ gʼeh tsawˇ haˬ kʼoeˇ gʼaˬ-euˬ zaˬ lahˇ maˬ ngeuˇ loˇ.” Beˬtuˆluˆ tsawˇ pyehˇ pyehˇ-awˇ ehˇ-eu, “Ngaˇ maˬ ngeuˇ.”

Yoˇhaˬ 18:3

Yuˇdaˆ-aˬ, Loˇmaˆ yehˇ yehˇ maꞈ tiˬ maꞈ hawˇ-eu, piˇ ma aˬ yuiꞈ deuˬ hawˇ-eu Paˬliˬsehˇ deuˬ neh kʼehˇ gʼeh leꞈ-euˬ Uˬ duˬ tahˬ nymˇ nymˇ ma-ahˇ loꞈ-eu yehˇ deuˬ sheuˬ-awˇ, yaˇ kmˇ kʼoeˇ kmˇ-ahˇ iˇ-euˬ meh. Aˬ yawꞈ maꞈ-aˬ, guiˇ deuˆ-eu keu ka yuˇ-awˇ, tsiˇ kʼmˬ hawˇ-eu tsiˇ du keuˬ-awˇ iˇ-euˬ meh.

Yoˇhaˬ 21:9

Aˬ yawꞈ maꞈ dahˇ taˆ daˆ doˆ laˇ ngeh, kʼaˬ gʼeuˬ baw doꞈ taˬ-euˬ gaˇ ngaˬ shaˬ tehˬ ba taˬ-awˇ, kaˬ muˇ gʼeh jaˆ luˬ gaˇ ya mawˇ-euˬ meh.

Gʼaˬkʼehˇ 4:23

Beˬtuˆluˆ hawˇ-eu Yoˇhaˬ-ahˇ pyehˬ kʼoꞈ nehˬ ngeh, aˬ yawꞈ nyaꞈ-euˬ aˇ muˇ jawˇ gaˇ gʼoꞈ-iˇ-awˇ, Piˇ ma Yaw huiˬ gʼaˬ hawˇ-eu tsawˇ mawˬ tsawˇ kʼaˆ deuˬ neh aˬ yawꞈ nyaꞈ-ahˇ ehˇ-euˬ dawˬ deuˬ dzawˇ nehˬ-euˬ meh.

1 Gawˇliˬtu 15:33

Taˬ noeˬ lehˬ. “Maˬ muiˬ-eu deuˬ-ahˇ cawˬ cawˬ naˇ, yaw muiˬ jeˬ mˇ mawꞈ-eu nui ma cawˆ-iˇ tehꞈ-a.”