Yoˇhaˬ 18:15 - Akha

¹⁵ Siˇmoˬ Beˬtuˆluˆ hawˇ-eu zaˬ lahˇ yawˬ gʼaˬ yawˬ Yeˬsuˇ mehˬ nah caw teh gʼeh-euˬ meh. Zaˬ lahˇ kʼoeˇ gʼaˬ Piˇ ma Yaw huiˬ gʼaˬ-ahˇ yaw muiˬ paˬ-ehˇ siˬ nya-eu miˇ neh, Piˇ ma Yaw huiˬ gʼaˬ-euˬ nymˇ-ahˇ kmˇ cehˇ gawˬ lahˇ taˬ-euˬ laꞈ kʼoeˇ, Yeˬsuˇ mehˬ nah caw teh uˇ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Sirmoq Beqtuvluv hawr-eu zaqlanr yawqghaqyawq, Yeqsur-euq maeqnan cantae ghae-euq mae. Pirma yawhuiq ghaq, zaqlanr yawqghaq yawq-anr siqnya-eu mirnae, aqyawf, Yeqsur naeq-aer pirma yawhuiq ghaq-euq nymr-euq povka urler-euq mae.

Yoˇhaˬ 18:15 Iomraidhean Croise

Maꞈtehˬ 26:3

Kʼoeˇ naˇ, piˇ ma aˬ yuiꞈ gʼaˬ hawˇ-eu miˇ kʼahˬ zaˬ-euˬ aˬ yuiꞈ aˬ tsu deuˬ, Piˇ ma Yaw huiˬ gʼaˬ pyeuꞈ-eu Gaˬyaˬpaˇ-euˬ nymˇ-ahˇ uiˬ leˇ-euˬ meh.

Maˬkuˆ 14:54

Beˬtuˆluˆ-aˬ, naˇ kʼah paw ui cuiˆ gaˇ mahˇ kaˬ gaˇ cah-awˇ, Piˇ ma Yaw huiˬ gʼaˬ-euˬ nymˇ-ahˇ gawˬ lahˇ taˬ-euˬ laꞈ kʼoeˇ paw keuˆ ni caw teh keuˆ gʼeh-euˬ meh. Kʼoeˇ gaˇ loꞈ-eu yehˇ deuˬ nehˬ-ehˇ aˬ yawꞈ ga dzuˇ-iˇ-awˇ, miˬ dzaˬ lmˇ lmˇ-ehˇ jawˇ-euˬ meh.

Luˇkaꞈ 22:54

Kʼoeˇ naˇ, aˬ yawꞈ maꞈ Yeˬ suˇ-ahˇ nyehꞈ-awˇ, Piˇ ma Yaw huiˬ gʼaˬ-euˬ nymˇ-ahˇ sheuˬ gʼeh-euˬ meh. Beˬtuˆluˆ-aˬ, naˇ kʼah paw ui cuiˆ gaˇ mahˇ kaˬ gaˇ cah-awˇ caw teh luꞈ-eu meh.

Yoˇhaˬ 18:24

Kʼoeˇ naˇ, aˬ yawꞈ-ahˇ paꞈ tawꞈ taˬ-euˬ maˬ puiˇ nehˬ ni, Aˬna neh aˬ yawꞈ-ahˇ Piˇ ma Yaw huiˬ gʼaˬ pyeuꞈ-eu Gaˬyaˬpaˇ jawˇ gaˇ bi sheuˬ ha-iˇ-euˬ meh.

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.