Yoˇhaˬ 18:1 - Akha

¹ Yeˬsuˇ kʼoeˇ loꞈ-ehˇ guiˬ lahˬ shaˇ gʼaˬ ngeh, aˬ yawꞈ-euˬ zaˬ lahˇ deuˬ sheuˬ-awˇ, Giˇdaˬloˬ lawˇ gawˆ nui baˬ paw iˇ-euˬ meh. Kʼoeˇ gaˇ yaˇ kmˇ tiˬ kmˇ jaˆ-awˇ, Yeˬsuˇ hawˇ-eu aˬ yawꞈ-euˬ zaˬ lahˇ deuˬ yaˇ kmˇ kʼoeˇ kmˇ laꞈ kʼoeˇ uˇ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yeqsur dawq heudeuq ngaeqghaq-euq nar-aq, aqyawf-euq zaqlanr deuq naeq-aer dov-ir-awr, Girdaqloq lawrgawv-euq khoerpaw baq-anr tsaev-ir-euq mae. Khoergar yarkmr tiq kmr jav-eu mae. Yeqsur hawr-eu aqyawf-euq zaqlanr deuq, yarkmr khoerkur-anr urler-euq mae.

Yoˇhaˬ 18:1 Iomraidhean Croise

Aˇ dahˬ 2:15

Tsawˇ haˬ zaˬ kʼoeˇ gʼaˬ-ahˇ Miˬyehˇ pyeuꞈ-eu Sahˬpaˬ Miˬyehˇ neh Eˬdeˬ yaˇ kmˇ laꞈ kʼoeˇ bi jawˇ-awˇ, yaˇ kmˇ-ahˇ laˆ saˆ haw piˇ-eu gʼaˬ bi geuꞈ-euˬ meh.

Aˇ dahˬ 3:23

Kʼoeˇ miˇ neh, tsawˇ haˬ kʼoeˇ gʼaˬ-ahˇ yaˇ kmˇ laꞈ nyiˇ teh doˆ nehˬ-awˇ, miˇ tsaˬ yuˇ-awˇ aˬ yawꞈ-ahˇ beh-euˬ loꞈ-ehˇ, miˇ tsaˬ-ahˇ bi ka dzaˬ bi ka dawˇ-iˇ-euˬ meh.

2 Saˬmeuˬlaˆ 15:23

Daˬbiˇ-euˬ mehˬ nah caw teh-eu tsawˇ haˬ deuˬ doˆ-iˇ ngeh, miˇ kʼahˬ zaˬ deuˬ guˇ guˇ-ehˇ ngoeˇ-eu meh. Kʼoeˇ naˇ, sahˬ paˬ Daˬbiˇ Giˇdaˬloˬ lawˇ gawˆ tsehˆ doˆ-euˬ meh. Aˬ yawꞈ-euˬ tsawˇ haˬ deuˬ kʼawꞈ lawˇ gawˆ kʼoeˇ gawˆ tsehˆ doˆ-awˇ, sahˬ paˬ nehˬ-ehˇ tiˬ kawˆ loꞈ-ehˇ bawˇ tsahˬ bawˇ dahˇ paw le daˆ-euˬ meh.

1 Sahˬpaˬ 15:13

Aˬ yawꞈ-euˬ aˬ piˬ Mawˇkah gʼaˬ-ahˇ kʼawꞈ, sahˬ paˬ-euˬ aˬ ma geuꞈ-eu aˇ yaˬ yuˇ dzeh nehˬ-euˬ meh. Aˬ jeˬ miˇ neh ehˇ naˇ, aˬ yawꞈ-euˬ aˬ piˬ-aˬ, Aˬsheˇlaˬ miˬ yehˇ ma gʼaˇ duˬ tahˬ pahˬ aˬ ma mawˇ kawˇ tehˆ-euˬ meh. Tahˬ pahˬ aˬ ma mawˇ kawˇ kʼoeˇ hmˬ-ahˇ Aˬsaˬ neh deuˆ tsehˆ-awˇ, Giˇdaˬloˬ lawˇ gawˆ dawˬ peh miˬ dzaˬ dzah puiˆ dzeh-euˬ meh.

1 Sahˬpaˬ 2:37

Nawˇ meuˬ laꞈ nyiˇ doˆ-iˇ-awˇ, Giˇdaˬloˬ lawˇ gawˆ iˇ tsehˆ naˇ, aˬ diˇ aˬ maˇ ya shiˇ meh lehˇ noeˬ taˬ-awˬ. Shiˇ-euˬ iˬ baˇ kʼoeˇ kʼawꞈ nawˬ-euˬ kʼoeˇ taˆ jaˆ tehꞈ-a.”

2 Sahˬpaˬ 23:12

Sahˬ paˬ Aˬkaˆ jawˇ-eu aˇ lawˆ kʼoeˇ taˆ nyiˬ paˆ-ehˇ, sahˬ paˬ-euˬ hawˇ nymˇ nymˇ mˬ kʼoeˇ taˆ jaˆ-eu Yuˇdaˆ sahˬ paˬ deuˬ neh tsoˆ taˬ-euˬ lawˇ duˬ hawˇ-eu, Uˬ duˬ tahˬ nymˇ nymˇ ma-euˬ kʼoeˇ paˆ ma paˆ-ehˇ jaˆ-eu sahˬ paˬ Maˬnaˇseˬ neh tsoˆ taˬ-euˬ lawˇ duˬ deuˬ-ahˇ, sahˬ paˬ Yawˇshiˆ neh laˆ cawˆ-euˬ meh. Lawˇ duˬ kʼoeˇ deuˬ-ahˇ aˬ yawꞈ deh meuˇ-awˇ, Giˇdaˬloˬ deh kʼawꞈ-ahˇ baꞈ dzeh-euˬ meh.

2 Sahˬpaˬ 23:4

Kʼoeˇ naˇ, piˇ ma yaw huiˬ gʼaˬ pyeuꞈ-eu Hiˇlaˬkiˇ-ahˇ maˬ ehˇ, aˬ yawꞈ-ahˇ caw ba-eu piˇ ma deuˬ-ahˇ maˬ ehˇ, “Baˬlaˇ miˬ yehˇ, Aˬsheˇlaˬ miˬ yehˇ ma hawˇ-eu, aˬ guiˇ deuˬ-ahˇ uˬ duˬ tahˬ gaˇ geuꞈ-euˬ keu ka dawˬ tawˆ luꞈ baꞈ doˆ laꞈ-awˬ” lehˇ, Yawˇshiˆ dawˬ biꞈ-euˬ meh. Meuˬ-euˬ laꞈ nyiˇ paw, Giˇdaˬloˬ deh kʼawꞈ-ahˇ keu ka kʼoeˇ deuˬ dawˬ tawˆ luꞈ aˬ yawꞈ miˬ dzaˬ keuˬ dzeh-awˇ, puiˆ doˆ-euˬ kʼaˬ lehˇ deuˬ, Beˬdeˬlaˇ meuˬ-ahˇ tawˆ gʼeh-euˬ meh.

2 Sahˬpaˬ 23:6

Uˬ duˬ tahˬ nymˇ nymˇ ma laꞈ kʼoeˇ jaˆ-eu Aˬsheˇlaˬ miˬyehˇ ma-euˬ mawˇ kawˇ-ahˇ, Giˇdaˬloˬ deh kʼawꞈ-ahˇ yuˇ doˆ gʼeh-awˇ, miˬ dzaˬ dzah puiˆ dzeh-euˬ meh. Kʼoeˇ naˇ, puiˆ doˆ-euˬ kʼaˬ lehˇ kʼoeˇ-ahˇ yaw muiˬ paˬ-ehˇ paˇ tahˬ loeˇ-awˇ, miˇ kʼahˬ zaˬ deuˬ-euˬ lmˬ bymˇ-ahˇ byaˆ-euˬ meh.

2 Laˬsaˬbaˬ 15:16

Sahˬ paˬ Aˬsaˬ-aˬ, aˬ yawꞈ-euˬ aˬ piˬ Mawˇkah-ahˇ, sahˬ paˬ-euˬ aˬ ma geuꞈ-eu aˇ yaˬ yuˇ dzeh nehˬ-euˬ meh. Aˬ jeˬ miˇ nehˇ ehˇ naˇ, aˬ yawꞈ-euˬ aˬ piˬ gʼaˬ Aˬsheˇlaˬ miˬyehˇ ma gʼaˇ duˬ tahˬ pahˬ aˬ ma mawˇ kawˇ jahˇ-eu laꞈ kʼoeˇ, yaw jawꞈ jeˬ mˇ-euˬ meh. Tahˬ pahˬ aˬ ma mawˇ kawˇ kʼoeˇ hmˬ-ahˇ aˬ yawꞈ tuˇ dzeh-awˇ, ceuꞈ paˆ jiˇ-awˇ, Giˇdaˬloˬ deh kʼawꞈ-ahˇ miˬ dzaˬ dzah puiˆ dzeh-euˬ meh.

2 Laˬsaˬbaˬ 29:16

Piˇ ma deuˬ Uˬ duˬ tahˬ nymˇ nymˇ ma-euˬ laꞈ kʼoeˇ paw laˆ muiˬ laˆ shawˇ leˇ-awˇ, maˬ muiˬ maˬ shawˇ-eu yawˬ jeˬ na luꞈ pu ka yuˇ doˆ leꞈ-euˬ meh. Kʼoeˇ loꞈ-ehˇ yuˇ doˆ leꞈ-euˬ maˬ muiˬ maˬ shawˇ-eu yawˬ jeˬ na luꞈ-ahˇ Leˬbiˇ tsawˇ haˬ deuˬ paˇ yuˇ-awˇ, meuˬ meuˬ dzeˇ jaˆ-eu Giˇdaˬloˬ deh kʼawꞈ-ahˇ baꞈ dzeh-iˇ-euˬ meh.

2 Laˬsaˬbaˬ 30:14

Yeˬluˇsaˬlehˬ meuˬ laꞈ kʼoeˇ lawˇ gaˇ shehˇ gaˇ hawˇ-eu yaw saw jeˬ doꞈ damˬ gaˇ zmˬ-eu lawˇ duˬ dawˬ tawˆ luꞈ aˬ yawꞈ maꞈ yuˇ-awˇ, Giˇdaˬlo deh kʼawꞈ-ahˇ baꞈ dzeh-iˇ-euˬ meh.

Neˬhaˬmiˇ 2:15

Kʼoeˇ miˇ neh, Giˇdaˬloˬ deh kʼawꞈ paw ngaˇ iˇ ka gʼeh-awˇ, meuˬ meuˬ lahˇ-ahˇ pyehˆ tseˇ pyehˆ tseˇ-ehˇ iˇ gʼeh-euˬ ma. Kʼoeˇ naˇ, ngaˬ neh oe-euˬ gaˇ ma caw caw-ehˇ paˇ gʼoꞈ poˆ leˇ-awˇ, Deh kʼawꞈ lahˇ kʼehˬ-ahˇ neh meuˬ-ahˇ paˇ gʼoꞈ uˇ leˇ-euˬ ma.

Yeˬlaˬmiˇ 31:40

Lmˬ bymˇ jaˆ-awˇ yaw jawꞈ yaw laꞈ biˬ dzeh duˬ pyeuꞈ-eu deh kʼawꞈ kʼawꞈ lah-ehˇ maˬ ehˇ, Giˇdaˬloˬ lawˇ gawˆ kʼoeˇ taˆ paw dzeˇ, nahˇ ma doˆ kʼehˬ paw Mahˬ-euˬ lahˇ kʼehˬ-ahˇ keuˆ ni jaˆ-eu deh ga ga lah-ehˇ maˬ ehˇ, ngaˬ-euˬ gʼaˇ duˬ muiˬ-eu shawˇ-eu pehˇ tsahˇ pyeuꞈ laˇ tehꞈ-a. Meuˬ heu meuˬ-ahˇ tiˬ jawˇ-iˬ maˬ paˇ bi byaˆ-iˇ-ehˇ, tiˬ jawˇ-iˬ maˬ paˇ bi laˆ cawˆ ma.”

Uˬ duˬ 2:6

Kaˬ muˇ kʼoeˇ lawˇ ngeh, laˆ meuˇ laˆ loeˇ-awˇ, tsiˇ ya shehˆ daˆ meh.

Maꞈtehˬ 26:30

Kʼoeˇ naˇ, aˬ yawꞈ maꞈ ja ceuˬ-eu caˇ dawˬ tiˬ bymˇ caˇ gʼaˬ-awˇ, Saˬloˬ gawˬ jawˬ-ahˇ le-euˬ meh.

Maꞈtehˬ 26:36

Kʼoeˇ naˇ, Yeˬsuˇ hawˇ-eu aˬ yawꞈ-euˬ zaˬ lahˇ deuˬ, Geˬseˬmaˬniˇ lehˇ kuˇ-eu jawˇ duˬ-ahˇ iˇ-awˇ, Zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ heu gaˇ nuiˇ tawˬ-awˬ. Ngaˇ kʼoeˇ paw dzeˇ guiˬ lahˬ shaˇ-iˇ la.”

Maˬkuˆ 14:26

Kʼoeˇ naˇ, ja ceuˬ-eu caˇ dawˬ tiˬ bymˇ aˬ yawꞈ maꞈ caˇ-awˇ, Saˬloˬ gawˬ jawˬ-ahˇ le-euˬ meh.

Maˬkuˆ 14:32

Geˬseˬmaˬniˇ lehˇ kuˇ-eu jawˇ duˬ-ahˇ aˬ yawꞈ maꞈ oe keuˆ-euˬ meh. Zaˬ lahˇ deuˬ-ahˇ Yeˬsuˇ ehˇ nehˬ-eu, “Heu gaˇ nuiˇ-awˇ ngaˇ guiˬ lahˬ shaˇ gaˇ dawˬ tawˬ-awˬ.”

Maˬkuˆ 14:42

Tuˇ-awˬ. Iˇ kaˇ-euˇ. Haw sheˇ. Ngaˬ-ahˇ ahˬ dzaˬ-eu lehˇ gʼeh-eu gʼaˬ heu gaˇ oe keuˆ taˬ-euˬ ngaˇ.”

Yoˇhaˬ 14:31

Ehˇ kʼawꞈ, ngaˇ Aˬda-ahˇ gaˬ-eu gaˇ kawˆ siˬ nya-eu tsaˬ meh. Kʼoeˇ miˇ neh, aˬ yawꞈ neh ngaˬ-ahˇ dawˬ kʼaˇ biꞈ taˬ-euˬ yawˬ jeˬ na luꞈ ngaˇ mˇ-eu ma. “Zoˬ-awˬ. Jawˇ duˬ heu tsahˇ-ahˇ neh aˬ dui maꞈ doˆ-iˇ kaˇ-euˇ.”

Yoˇhaˬ 18:26

Beˬtuˆluˆ neh naˬ paꞈ bi coeˇ tsehˆ-euˬ gʼaˬ-ahˇ aˬ yuiꞈ aˬ nyiˇ taꞈ-eu, Piˇ ma Yaw huiˬ gʼaˬ-euˬ zaˬ kʼaˆ tiˬ gʼaˬ Beˬtuˆluˆ-ahˇ ehˇ-eu, “Nawˇ gʼeh Yeˬsuˇ nehˬ-ehˇ yaˇ kmˇ laꞈ kʼoeˇ jawˇ luꞈ-eu ngaˇ mawˇ-euˬ ma.”

Gʼaˬkʼehˇ 21:11

Nga maꞈ jawˇ gaˇ aˬ yawꞈ oe-awˇ, Pawˇluˆ-euˬ joꞈ paꞈ yuˇ-awˇ, aˬ yawꞈ-euˬ aˬ kuiˇ hawˇ-eu aˬ laꞈ-ahˇ paꞈ-awˇ heu loꞈ-ehˇ ehˇ-eu meh. “Joꞈ paꞈ heu kahˇ-euˬ yaw sahˇ-ahˇ Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ deuˬ heu loꞈ-ehˇ paꞈ-awˇ, aˬ cawˬ tsawˇjeuˬ-euˬ laꞈ-ahˇ a ahˇ nehˬ tehꞈ-a lehˇ, Muiˬ-eu shawˇ-eu Yaw sahˇ Miˬyehˇ ehˇ-eu meh.”