Yoˇhaˬ 17:6 - Akha

⁶ Miˇ tsaˬ heu kʼoeˇ taˆ nawˬ neh ngaˬ-ahˇ biꞈ doˆ nehˬ laꞈ-euˬ tsawˇ haˬ deuˬ nawˬ-ahˇ siˬ nya ni ngaˇ mˇ gʼaˬ-euˬ ma. Aˬ yawꞈ maꞈ nawˬ-euˬ tsawˇ haˬ pyeuꞈ laˇ-awˇ, nawˬ neh ngaˬ-ahˇ biꞈ laꞈ-euˬ meh. Nawˬ-euˬ dawˬ-ahˇ aˬ yawꞈ maꞈ naˇ haˬ geuꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ “Mirtsaq-euq khoertav nae nawr, ngaq-anr bifnaeq laf-euq tsawrhaq-anr, ngar, nawq-euq tsawrmyanr byacaevni bisiq-euq ma. Aqyawfmaf, nawq-euq tsawrhaq pyeuf-awr, nawq nae ngaq-anr bifnaeq laf-euq mae. Aqyawfmaf khawf nawq-euq dawq-anr mrcaw-euq mae.

Yoˇhaˬ 17:6 Iomraidhean Croise

Jaceuq 119:11

Nawˬ-ahˇ ngaˇ maˬ ya mˇ bahˬ ni, nawˬ-euˬ zahˇ dawˬ kʼoꞈ dawˬ nui ma laꞈ kʼoeˇ pi ma.

Jaceuq 22:22

Nawˬneh mˇtaˬ-euˬgaˇkawˆdeuˬ, ngaˬ-euˬtsawˇhaˬ-ahˇja mehˬma. Tsawˇhaˬaˇmaꞈbymˇleˇ-euˬgaˇ, nawˬ-ahˇngaˇguˇ-awˇja ceuˬma.

Doˆ-iˇ 9:16

Ehˇ kʼawꞈ, miˇ tsaˬ heu mˬ dzeˇ miˇ dzeˇ keuˆ ni, ngaˇ tsawˇ myahˇ doˆ-eu gʼaˇ duˬ, ngaˬ-euˬ baoˬ-ahˇ nawˇ ya mawˇ ni, nawˬ-ahˇ ngaˇ yaw dehꞈ bi dehꞈ tawˬ-euˬ ma.

Dawqdaq 2:10

Nawˬ-euˬ nui ma laꞈ kʼoeˇ zaˬ siˬ tsawˇ gahˇ ahˇ le-awˇ, nawˬ-ahˇ laˬ kʼaˬ bi cehˇ laˇ tehꞈ-a.

Dawqdaq 23:23

Yaw tsaˬ yaw dawˇ jeˬ zaˬ siˬ nui gahˇ, tsawˇ gahˇ dzaw geuꞈ-eu jeˬ hawˇ-eu nui ma-ahˇ noeˬ-eu heu deuˬ-aˬ, aˇ poeˬ aˇ naˆ ni kʼaˆ kʼawꞈ poˆ geuꞈ-eu tsaˬ meh. Ehˇ kʼawꞈ, aˇ poeˬ kʼaˆ dui dui-eu miˇ neh ahˬ dzeh-eu maˬ tsaˬ-a.

Yoˇhaˬ 1:18

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Aˬda-euˬ bawˇ kʼahˇ-ahˇ nuiˇ-eu Zaˬmaˇ tiˬ gʼaˬ tehꞈ neh, Miˬyehˇ aˬ suˇ gʼaˬ pyeuꞈ-eu gaˇ kawˆ pah mehˬ le-euˬ meh.

Yoˇhaˬ 12:28

Aˬ da-oˇ, nawˬ-euˬ yaw shehꞈ kʼahˬ sehˇ bi mawˇ-awˬ.” Kʼoeˇ ngeh, mˬ kʼoeˇ taˆ dawˬ ngehˬ-awˇ ehˇ gʼeh leꞈ-eu, “Ngaˬ-euˬ yaw shehꞈ kʼahˬ sehˇ bi mawˇ gʼaˬ-euˬ ma. Ehˇ kʼawꞈ, tiˬ poˆ paˇ bi mawˇ te siˬ.”

Yoˇhaˬ 15:19

Naw maꞈ miˇ tsaˬ heu-ahˇ taꞈ naˇ, miˇ tsaˬ heu naw maꞈ-ahˇ aˬ yawꞈ-euˬ zaˬ loꞈ-ehˇ gaˬ tehꞈ-a. Ehˇ kʼawꞈ, miˇ tsaˬ heu-euˬ laꞈ kʼoeˇ neh naw maꞈ-ahˇ ngaˇ tseˇ doˆ gʼaˬ-euˬ ma. Miˇ tsaˬ heu-ahˇ naw maꞈ maˬ paˇ taꞈ meh. Kʼoeˇ miˇ neh, miˇ tsaˬ zaˬ deuˬ naw maꞈ-ahˇ muiˇ-eu meh.

Yoˇhaˬ 15:3

Ngaˬ neh mehˬ nehˬ tsoˆ nehˬ-euˬ dawˬ deuˬ baˬ da neh, naw maꞈ muiˬ laˇ shawˇ laˇ gʼaˬ-euˬ meh.

Yoˇhaˬ 15:7

Naw maꞈ ngaˬ-ahˇ tsoꞈ tsaꞈ-awˇ, ngaˬ-euˬ dawˬ naw maꞈ-ahˇ tsoꞈ tsaꞈ taˬ naˇ, naw maꞈ kʼaˇ shaˇ mawꞈ-eu jeˬ shaˇ-awˬ. Kʼaˇ shaˇ-eu jeˬ za tehꞈ-a.

Yoˇhaˬ 17:12

Ngaˇ aˬ yawꞈ maꞈ nehˬ-ehˇ jawˇ luꞈ ngeh, nawˬ neh ngaˬ-ahˇ biꞈ laꞈ-euˬ tsawˇ myahˇ kʼoeˇ myahˇ-euˬ baoˬ neh aˬ yawꞈ maꞈ-ahˇ haw lahˇ-euˬ ma. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni byoˆ-iˇ-euˬ kʼoeˇ tiˬ gʼaˬ maˬ ngeuˇ naˇ, aˬ yawꞈ maꞈ tiˬ gʼaˬ-iˬ maˬ bi byoˆ-iˇ ni ngaˇ haw lahˇ-euˬ ma.

Yoˇhaˬ 17:14

Ngaˇ aˬ yawꞈ maꞈ-ahˇ nawˬ-euˬ dawˬ biꞈ-euˬ ma. Miˇ tsaˬ zaˬ deuˬ aˬ yawꞈ maꞈ-ahˇ muiˇ-eu meh. Aˬ jeˬ miˇ neh ehˇ naˇ, ngaˇ miˇ tsaˬ heu-ahˇ maˬ taꞈ-eu loꞈ-ehˇ, aˬ yawꞈ maꞈ kʼawꞈ miˇ tsaˬ heu-ahˇ maˬ taꞈ-a.

Yoˇhaˬ 17:16

Ngaˇ miˇ tsaˬ heu-ahˇ maˬ taꞈ-eu loꞈ-ehˇ, aˬ yawꞈ maꞈ kʼawꞈ miˇ tsaˬ heu-ahˇ maˬ taꞈ-a.

Yoˇhaˬ 17:2

Aˬ jeˬ miˇ neh ehˇ naˇ, nawˬ neh aˬ yawꞈ-ahˇ kʼaˇ a nehˬ taˬ-euˬ tsawˇ haˬ dawˬ tawˆ luꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ biꞈ nya ni, miˇ tsaˬ tsawˇ jeuˬ dawˬ tawˆ luꞈ kʼoeˇ taˆ aˬ yawꞈ-ahˇ nawˇ baoˬ biꞈ taˬ-euˬ meh.

Yoˇhaˬ 17:24

Aˬda-oˇ, nawˬ neh biꞈ laꞈ-euˬ tsawˇ haˬ heu deuˬ nawˇ ngaˬ-ahˇ biꞈ laꞈ-euˬ yaw shehꞈ kʼahˬ sehˇ-ahˇ mawˇ nya ni, aˬ yawꞈ maꞈ-ahˇ ngaˇ kʼaˇ jawˇ gaˇ bi jawˇ mawꞈ-eu ma. Aˬ jeˬ miˇ neh ehˇ naˇ, miˇ tsaˬ tahˬ kʼawˇ maˬ beh mi naˆ-ehˇ nawˇ ngaˬ-ahˇ gaˬ-euˬ meh.

Yoˇhaˬ 17:26

Nawˬ neh ngaˬ-ahˇ gaˬ-euˬ gʼoeˇ-eu gaˬ-eu kʼoeˇ hmˬ aˬ yawꞈ maꞈ-euˬ laꞈ kʼoeˇ ahˇ-awˇ, ngaˇ aˬ yawꞈ maꞈ-euˬ laꞈ kʼoeˇ jawˇ nya-eu gʼaˇ duˬ, aˬ yawꞈ maꞈ nawˬ-ahˇ siˬ nya laˇ ni ngaˇ mˇ-euˬ loꞈ-ehˇ, mehˬ hu paw paˇ mˇ daˆ leꞈ ma.”

Yoˇhaˬ 17:7

Nawˬ neh ngaˬ-ahˇ kʼaˇ biꞈ laꞈ-euˬ yawˬ jeˬ na luꞈ nawˇ jawˇ gaˇ neh oe-euˬ meh lehˇ, aˬ yawꞈ maꞈ nymˬ-mˇ siˬ nya-eu meh.

Yoˇhaˬ 18:9

Yeˬsuˇ kʼoeˇ loꞈ-ehˇ ehˇ-eu kʼoeˇ-aˬ, “Aˬda-oˇ, nawˬ neh ngaˬ-ahˇ biꞈ laꞈ-euˬ tsawˇ haˬ tiˬ gʼaˬ-iˬ maˬ bi byoˆ-iˇ-aˬ” lehˇ, aˬ yawꞈ neh ehˇ taˬ-euˬ dawˬ kʼoeˇ dawˬ bi byah laˇ-eu gʼaˇ duˬ pyeuꞈ-eu meh.

Yoˇhaˬ 6:37

Ngaˬ Da neh ngaˬ-ahˇ kʼaˇ biꞈ laꞈ-euˬ tsawˇ haˬ yawˬ gʼaˬ yawˬ na luꞈ ngaˇ jawˇ gaˇ laˇ tehꞈ-a. Ngaˇ jawˇ gaˇ laˇ-eu tsawˇ haˬ aˬ geu gʼaˬ-ahˇ maˬ kaˬ, ngaˇ maˬ ha geuꞈ nehˬ ni maˬ byehˇ.

Yoˇhaˬ 6:39

Ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ-aˬ, ngaˬ-ahˇ kʼaˇ biꞈ laꞈ-euˬ dawˬ tawˆ luꞈ, tiˬ gʼaˬ-iˬ maˬ ya byoˆ-iˇ-eu uˬ taꞈ, aˇ saˬ saˬ ngeh nah yawˬ gʼaˬ yawˬ na luꞈ bi gʼoꞈ dehꞈ laˇ-eu gʼaˇ duˬ pyeuꞈ-eu meh.

Yoˇhaˬ 8:51

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ-eu tsawˇ haˬ-aˬ, tiˬ jawˇ-iˬ maˬ shiˇ-aˇ.”

Yoˇhaˬ 8:52

Aˬ yawꞈ maꞈ aˬ yawꞈ-ahˇ ehˇ-eu, “Nymˬ-mˇ poˆ jawˇ-aˬ, nawˇ nehꞈ uˇ-eu nga maꞈ-ahˇ siˬ duˬ laˇ ngaˇ. Aˬbyaˬhaˬ gʼeh shiˇ-euˬ meh. Miˬyehˇ gʼaˇ duˬ ngehˬ dah-eu deuˬ gʼeh shiˇ jiˇ-euˬ meh. Ehˇ kʼawꞈ, nawˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ geuꞈ-eu tsawˇ haˬ maˬ shiˇ-aˇ lehˇ nawˇ ehˇ-eu nga laˬ.

Gʼaˬkʼehˇ 13:48

Aˬ cawˬ tsawˇ jeuˬ kʼoeˇ deuˬ dawˬ kʼoeˇ dawˬ-ahˇ ya gaˬ ngeh, Laˬ kʼaˬ cehˇ-awˇ Miˬyehˇ-euˬ dawˬ kawˬ-ahˇ ja ceuˬ-euˬ meh. Mˬ maˬ maˬ byaˆ zaˇ ziˇ dehꞈ-eu jeˬ za ni tseˇ doˆ taˬ-euˬ tsawˇ haˬ deuˬ, jah-eu tsawˇ haˬ pyeuꞈ laˇ-euˬ meh.

Lormav 11:2

Aˇ dahˬ beh ngeh neh aˬ yawꞈ neh tseˇ doˆ taˬ-euˬ tsawˇ jeuˬ-ahˇ aˬ yawꞈ maˬ byehˇ dzeh-a. Eˇliˇyaˆ neh Iˇsaˬleˬlaˇ tsawˇ haˬ deuˬ-euˬ yaw lehˬ Miˬyehˇ-ahˇ ehˇ nehˬ-euˬ gaˇ kawˆ Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ siˬ nya meh.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

2 Tiˆmoˇseˬ 1:13

Ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ nawˇ dzaw geuꞈ-awˇ caw teh-eu laꞈ kʼoeˇ, ziꞈ dah ni tuˆ tehˬ taˬ-awˇ, Yeˬsuˇ Ka li laꞈ kʼoeˇ aˬ dui za taˬ-euˬ jah-eu jeˬ hawˇ-eu gʼoeˇ-eu gaˬ-eu jeˬ laꞈ kʼoeˇ jawˇ-awˬ.

HeˬByehˇ 2:12

Aˬ yawꞈ Miˬyehˇ-ahˇ ehˇ-eu, “Nawˬneh mˇtaˬ-euˬ gaˇ kʼoeˇdeuˬ, ngaˬ-euˬ mehˇ nmˇ-ahˇ dzawˇ nehˬ ma. Aˬ yawꞈ maꞈ uiˬ leˇ-awˇ jawˇ gaˇ, nawˬ-ahˇ ngaˇ ja ceuˬ ma.”

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.

1 Beˬtuˆluˆ 1:1

Yeˬsuˇ Ka li-euˬ gʼaˬ kʼehˇ pyeuꞈ-eu ngaˇ Beˬtuˆluˆ, Aˬ cawˬ miˇ kʼahˬ doe ni bi teh byaˆ jiˇ-awˇ, Boˬtuˆ miˇ kʼahˬ, Gaˬlaˬtiˆ miˇ kʼahˬ, Gaˬbaˬdawˇciˆ miˇ kʼahˬ, Aˬshaˆ miˇ kʼahˬ, Beˬtuˇniˇ miˇ kʼahˬ, heu deuˬ-ahˇ jawˇ byaˆ taˬ-euˬ Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

Panmaeq 2:13

Nawˇ aˬ gaˇ jawˇ-eu ngaˇ siˬ nya ma. Nehꞈ Saˬdaˬ-euˬ dzoeˬ dzaˬ nuiˇ mahˬ jaˆ gaˇ nawˇ jawˇ-eu meh. Nawˇ ngaˬ-ahˇ saˇ jaˇ ziꞈ-eu meh. Saˇ jaˇ ziꞈ-eu ngaˬ-euˬ gaˇ kawˆ saˇ kiˇ kamˬ-eu gʼaˬ pyeuꞈ-eu Aˬdiˇpaˆ-ahˇ nehꞈ Saˬdaˬ jawˇ gaˇ sehꞈ ngeh kʼawꞈ, ngaˬ-ahˇ jah-eu jeˬ-ahˇ nawˇ maˬ byehˇ dzeh-aˬ.

Panmaeq 3:10

Aˬ jeˬ miˇ neh ehˇ naˇ, ngaˬ neh biꞈ-euˬ dawˬ-ahˇ naw maꞈ naˇ haˬ geuꞈ-awˇ daˬ dzeuˇ oˇ dzeuˇ-euˬ miˇ neh, miˇ tsaˬ zaˬ dawˬ tawˆ luꞈ-ahˇ lawˬ haw-eu gʼaˇ duˬ, miˇ tsaˬ heu kʼoeˇ taˆ shaˬ-eu zahˬ-eu jeˬ bi keuˆ le-eu aˇ yamˬ laꞈ kʼoeˇ, naw maꞈ-ahˇ bi buˬ bi law-iˇ ma.

Panmaeq 3:8

Nawˇ mˇ luꞈ-eu jeˬ ngaˇ siˬ nya ma. Nawˇ baoˬ ui cuiˆ ahˇ-eu ngaˇ siˬ nya ma. Ngaˬ neh mehˬ-euˬ tsoˆ-euˬ dawˬ-ahˇ nawˇ caw teh-awˇ, ngaˬ-ahˇ nawˇ saˇ jaˇ ziꞈ-eu meh. Tsawˇ haˬ tiˬ gʼaˬ-iˬ maˬ piˬ tehˬ nya-eu laˇ gʼoˆ tiˬ gʼoˆ nawˬ-euˬ mehˬ shi ngaˇ pah taˬ-euˬ ma.