Yoˇhaˬ 17:4 - Akha

⁴ Miˇ tsaˬ kʼoeˇ taˆ nawˬ-euˬ yaw shehꞈ kʼahˬ sehˇ ngaˇ bi mawˇ gʼaˬ-euˬ ma. Nawˬ neh bi mˇ laꞈ-euˬ gaˇ-ahˇ ngaˇ mˇ luiˆ gʼaˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ngar, nawq nae ngaq-anr bimr-euq gar-anr mrluiv-awr, ngar, mirtsaq-euq khoertav nawq-euq yawshaef khanqsaer dovlarni mr-euq ma.

Yoˇhaˬ 17:4 Iomraidhean Croise

Luˇkaꞈ 22:37

Aˬ jeˬ miˇ neh ehˇ naˇ, ‘Aˬ yawꞈ-ahˇ smˇ kʼoeˬ tahˇ joe loꞈ-ehˇ sawˇ nehˬ tehꞈ-a’ lehˇ ehˇ-eu dawˬ kʼoeˇ dawˬ ngaˬ-euˬ kʼoeˇ taˆ keuˆ le tehꞈ-a. Ngaˬ-euˬ gaˇ kawˆ kʼaˇ boꞈ taˬ-euˬ jeˬ byah laˇ meh.”

Yoˇhaˬ 12:28

Aˬ da-oˇ, nawˬ-euˬ yaw shehꞈ kʼahˬ sehˇ bi mawˇ-awˬ.” Kʼoeˇ ngeh, mˬ kʼoeˇ taˆ dawˬ ngehˬ-awˇ ehˇ gʼeh leꞈ-eu, “Ngaˬ-euˬ yaw shehꞈ kʼahˬ sehˇ bi mawˇ gʼaˬ-euˬ ma. Ehˇ kʼawꞈ, tiˬ poˆ paˇ bi mawˇ te siˬ.”

Yoˇhaˬ 14:13

Zaˬmaˇ laꞈ kʼoeˇ Aˬda-euˬ yaw shehꞈ kʼahˬ sehˇ ya mawˇ ni, naw maꞈ ngaˬ-euˬ tsawˇ myahˇ laꞈ kʼoeˇ kʼaˇ shaˇ-eu yawˬ jeˬ na luꞈ ngaˇ mˇ byah nehˬ ma.

Yoˇhaˬ 14:31

Ehˇ kʼawꞈ, ngaˇ Aˬda-ahˇ gaˬ-eu gaˇ kawˆ siˬ nya-eu tsaˬ meh. Kʼoeˇ miˇ neh, aˬ yawꞈ neh ngaˬ-ahˇ dawˬ kʼaˇ biꞈ taˬ-euˬ yawˬ jeˬ na luꞈ ngaˇ mˇ-eu ma. “Zoˬ-awˬ. Jawˇ duˬ heu tsahˇ-ahˇ neh aˬ dui maꞈ doˆ-iˇ kaˇ-euˇ.”

Yoˇhaˬ 15:10

Ngaˬ Da-euˬ dawˬ-ahˇ ngaˇ naˇ haˬ geuꞈ-awˇ, ngaˬ Da-euˬ gʼoeˇ-eu gaˬ-eu jeˬ laꞈ kʼoeˇ ngaˇ jawˇ-eu loꞈ-ehˇ, naw maꞈ ngaˬ-euˬ dawˬ-ahˇ naˇ haˬ geuꞈ naˇ, ngaˬ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ jawˇ tehꞈ-a.

Yoˇhaˬ 19:28

Nymˬ-mˇ poˆ jawˇ, yawˬ jeˬ na luꞈ byah laˇ gʼaˬ-euˬ gaˇ kawˆ Yeˬsuˇ siˬ nya-euˬ meh. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni, “Iˇ cuꞈ mehꞈ nya” lehˇ Yeˬsuˇ ehˇ-eu meh.

Yoˇhaˬ 19:30

Yeˬsuˇ aˬ gaꞈ dzaˇ uiˇ kʼoeˇ cuˆ dawˇ gʼaˬ-awˇ, “Gaˇ mˇ jiˇ-euˬ ma” lehˇ ehˇ-eu meh. Kʼoeˇ naˇ, uˬ duˬ ga moꞈ le-awˇ, saꞈ tsehˆ leˇ-euˬ meh.

Yoˇhaˬ 4:34

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ-euˬ dzaˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ-euˬ ehˇ dawˬ naˇ haˬ-awˇ aˬ yawꞈ neh bi mˇ laꞈ-euˬ gaˇ-ahˇ mˇ jiˇ-eu jeˬ pyeuꞈ-eu ma.

Yoˇhaˬ 5:36

Ehˇ kʼawꞈ, Yoˇhaˬ neh saˇ kiˇ kamˬ-euˬ naˆ maˬ tseˇ huiˬ dzehˬ-eu ngaˬ-euˬ gaˇ kawˆ saˇ kiˇ kamˬ taˬ-euˬ jaˆ ma. Ngaˬ Da neh ngaˬ-ahˇ bi mˇ laꞈ-euˬ ngaˬ neh mˇ-euˬ gaˇ kʼoeˇ deuˬ ngaˬ-euˬ dah zaˇ dawˬ ngehˬ gaˇ duˇ ni, Aˬda neh ngaˬ-ahˇ kʼehˇ gʼeh leꞈ-euˬ meh lehˇ saˇ kiˇ kamˬ-eu jeˬ pyeuꞈ-eu meh.

Yoˇhaˬ 9:3

Yeˬ suˇ ehˇ-eu, “Aˬ yawꞈ myaˆ behꞈ behꞈ-eu kʼoeˇ-aˬ, aˬ yawꞈ-euˬ iˬ baˇ baˬ da neh maˬ ngeuˇ-a. Aˬ da aˬ ma euˬ iˬ baˇ baˬ da neh kʼawꞈ maˬ ngeuˇ-a. Miˬyehˇ tehꞈ-ehˇ mˇ nya-eu zahˬ leˇ paˬ-ehˇ gʼeh-eu jeˬ-ahˇ aˬ cawˬ ya mawˇ ni aˬ yawꞈ myaˆ behꞈ behꞈ-eu jeˬ pyeuꞈ-eu meh.

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

2 Tiˆmoˇseˬ 4:7

Cehˆ ceh ceh-eu heu laꞈ kʼoeˇ, ngaˇ kʼaˇ gʼeh nya-eu loꞈ-ehˇ cehˆ-euˬ ma. Aˇ saˬ saˬ ngeh keuˆ ni cehˆ-awˇ, jah-eu jeˬ-ahˇ ziꞈ dah ni tuˆ tehˬ luꞈ-eu ma.