Yoˇhaˬ 17:11 - Akha

¹¹ Nymˬ-mˇ nawˇ jawˇ gaˇ ngaˇ gʼoꞈ laˇ-eu lehˇ gʼeh-eu ma. Ngaˇ-aˬ, miˇ tsaˬ kʼoeˇ taˆ maˬ paˇ jawˇ ma. Ehˇ kʼawꞈ, aˬ yawꞈ maꞈ miˇ tsaˬ kʼoeˇ taˆ ya jawˇ-a siˬ. Muiˬ-eu shawˇ-eu Aˬda-oˇ, aˇ nyaꞈ Da zaˬ tiˬ gʼaˬ tehꞈ-ehˇ pyeuꞈ luꞈ-eu loꞈ-ehˇ, aˬ yawꞈ maꞈ kʼawꞈ nui ma tiˬ siˬ tehꞈ-ehˇ taˬ nya ni, nawˬ neh ngaˬ-ahˇ biꞈ laꞈ-euˬ tsawˇ myahˇ kʼoeˇ myahˇ-euˬ baoˬ neh aˬ yawꞈ maꞈ-ahˇ haw lahˇ nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nymq-mr nae nar-aq, ngar, mirtsaq-euq khoertav maqpar jawrni nawr jawr-eu gar ghoflar ma. Aerkhawf, aqyawf maf-aq, mirtsaq-euq khoertav yajawr-eu mae. Shawr-eu Aqda-or! Arnyaf lof-aer aqyawfmaf khawf nuima tiqsiq taef-aer taqnya larni, nawq-euq tsawrmyanr-anr ghoe-awr, nawq nae ngaq-anr bifnaeq laf-euq tsawrhaq deuq-anr bosav naeq-awq.

Yoˇhaˬ 17:11 Iomraidhean Croise

Jaceuq 79:9

Nga maꞈ-ahˇ ka kʼoꞈ-eu gʼaˬ pyeuꞈ-eu Miˬyehˇ-oˇ, nga maꞈ-ahˇ caw ba nehˬ laꞈ. Nawˬ-euˬ myaˆ pyawˬ naˇ mehˇ gʼaˇ duˬ nga maꞈ-ahˇ ka kʼoꞈ-awˇ, iˬ baˇ pyehˬ nehˬ laꞈ.

Dawqdaq 18:10

Sahˬpaˬ Miˬyehˇ tsawˇ myahˇ ziꞈ-eu lo guˇ, tsawˇ muiˬ deuˬ-euˬ cehˆ zaꞈ duˬ meh.

Iˇsaˬyaˇ 27:3

“Sahˬpaˬ Miˬyehˇ pyeuꞈ-eu ngaˇ, yaˇ kmˇ kʼoeˇ kmˇ-ahˇ bo saˆ-eu ma. Maˬ tsehˆ leˇ ni iˇ cuꞈ shehˬ-awˇ, aˬ cawˬ maˬ bi laˆ cawˆ laˇ-eu gʼaˇ duˬ, uˬ ciꞈ nah gʼahˇ maˬ ehˇ haw piˇ-eu ma.

Iˇsaˬyaˇ 64:2

Iˇ buiˇ buiˇ-eu loꞈ-ehˇ aˬ yawꞈ maꞈ yaw dzuˬ dzuˬ tehꞈ-a. Nawˬ-ahˇ muiˇ-eu deuˬ-ahˇ nawˬ-euˬ baoˬ bi mawˇ-awˇ, nawˬ-euˬ mehˬ shi miˇ kʼahˬ tsawˇ jeuˬ deuˬ yaw dzuˬ bi dzuˬ-awˬ.

Yeˬlaˬmiˇ 14:21

Nawˬ neh saˇ jaˇ dzaˬ-euˬ gaˇ noeˬ keuˆ-awˇ, nga maꞈ-ahˇ taˬ haw doeˇ nehˬ laꞈ. Yaw shehꞈ kʼahˬ sehˇ huiˬ-eu nawˬ-euˬ nuiˇ mahˬ jaˆ-eu, Yeˬluˇsaˬlehˬ meuˬ daˬ taˬ bi ga laꞈ. Nga maꞈ nehˬ-ehˇ nawˬ neh dzaˬ-euˬ, dawˬ ma saˇ jaˇ taˬ byehˇ nehˬ laꞈ.

Yeˬlaˬmiˇ 14:7

Ngaˬ-euˬ tsawˇ haˬ deuˬ ngaˬ-ahˇ heu loꞈ-ehˇ shaˇ-eu meh. Nga maꞈ iˬ bahˇ ahˇ-eu bya tsehˆ ni jaˆ luꞈ kʼawꞈ, Sahˬpaˬ Miˬyehˇ nawˬ neh saˇ jaˇ dzaˬ-euˬ loꞈ-ehˇ, nga maꞈ-ahˇ ngehˬ gʼeh nehˬ laꞈ-awˬ. Nga maꞈ nawˬ-ahˇ gʼawˬ mya poˆ byehˇ dzeh-awˇ, nawˬ-ahˇ mˇ bahˬ laˆ bahˬ-euˬ ma.

Yeˬsaˬgeˬlaˇ 20:22

Ehˇ kʼawꞈ, Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ nehˬ-euˬ gaˇ ya mawˇ-euˬ tsawˇ jeuˬ deuˬ-euˬ mehˬ shi, ngaˬ-euˬ tsawˇ myahˇ cawˆ laˇ gaˇ yahˇ-eu miˇ neh, ngaˇ kʼoeˇ loꞈ-ehˇ maˬ jahˇ-aˬ.

Yeˬsaˬgeˬlaˇ 20:44

Naw maꞈ neh mˇ-euˬ yaw haiˬ jeˬ-ahˇ geuˇ ni ngaˇ maˬ jahˇ nehˬ-ehˇ, ngaˬ-euˬ tsawˇ myahˇ maˬ ya cawˆ-iˇ ni yahˇ-awˇ ngaˇ mˇ ngeh, ngaˇ Sahˬpaˬ Miˬyehˇ pyeuꞈ-eu naw maꞈ ya siˬ duˬ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 20:9

Ehˇ kʼawꞈ, ngaˬ-euˬ tsawˇ myahˇ cawˆ-iˇ gaˇ yahˇ-eu miˇ neh, aˬ yawꞈ maꞈ-ahˇ ngaˇ kʼoeˇ loꞈ-ehˇ maˬ jahˇ nehˬ-aˬ. Aˬ jeˬ miˇ neh ehˇ naˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ nehˬ-eu lehˇ gʼeh-eu gaˇ kawˆ, aˬ yawꞈ maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ myaˆ ni gʼeh-eu mehˬ shi, aˬ yawꞈ maꞈ-ahˇ ngaˬ neh ehˇ gaˬ taˬ-euˬ jaˆ-eu ma.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Maꞈtehˬ 5:48

Kʼoeˇ miˇ neh, mˬ kʼoeˇ taˆ jawˇ-eu naw maꞈ-euˬ Aˬ da byah-eu loꞈ-ehˇ, naw maꞈ kʼawꞈ bi byah laˇ-awˬ.

Maꞈtehˬ 6:9

Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Mˬ kʼoeˇ taˆ jawˇ-eu nga maꞈ-euˬ Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ.

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Yoˇhaˬ 13:3

Aˬda neh Yeˬsuˇ-ahˇ baoˬ tiˬ byah ni biꞈ taˬ-euˬ gaˇ kawˆ Yeˬsuˇ siˬ nya-eu meh. Aˬ yawꞈ Aˬda jawˇ gaˇ neh oe-awˇ, Aˬda jawˇ gaˇ ya gʼoꞈ leˇ-eu gaˇ kawˆ kʼawꞈ, siˬ nya-eu meh.

Yoˇhaˬ 14:20

Aˇ nah kʼoeˇ nah keuˆ le ngeh, ngaˇ ngaˬ Da-euˬ laꞈ kʼoeˇ jawˇ-eu gaˇ kawˆ hawˇ-eu, ngaˇ naw maꞈ-euˬ ma laꞈ kʼoeˇ jawˇ-eu loꞈ-ehˇ naw maꞈ kʼawꞈ ngaˬ-euˬ laꞈ kʼoeˇ jawˇ-eu gaˇ kawˆ, naw maꞈ ya siˬ duˬ tehꞈ-a.

Yoˇhaˬ 16:28

Ngaˇ Aˬda jawˇ gaˇ neh oe-awˇ, miˇ tsaˬ kʼoeˇ taˆ oe-euˬ ma. Nymˬ-mˇ ngaˇ miˇ tsaˬ heu-ahˇ byehˇ yaꞈ-awˇ, Aˬda jawˇ gaˇ gʼoꞈ leˇ ma.”

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Yoˇhaˬ 17:23

Nawˬ neh ngaˬ-ahˇ kʼehˇ gʼeh leꞈ-euˬ gaˇ kawˆ hawˇ-eu, ngaˬ-ahˇ nawˇ gaˬ-eu loꞈ-ehˇ, ngaˬ-ahˇ jah-eu tsawˇ haˬ heu deuˬ-ahˇ kʼawꞈ nawˇ gaˬ-eu gaˇ kawˆ miˇ tsaˬ zaˬ deuˬ bi siˬ nya-eu gʼaˇ duˬ, ngaˬ-ahˇ jah-eu tsawˇ haˬ heu deuˬ nui ma gʼawˇ mawˇ taꞈ leˇ nya ni, ngaˬ-euˬ laꞈ kʼoeˇ nawˇ jawˇ-awˇ, aˬ yawꞈ maꞈ-euˬ laꞈ kʼoeˇ ngaˇ jawˇ-eu ma.

Yoˇhaˬ 17:25

Tsaˬ dui dawˇ dui dui-eu Aˬda-oˇ, miˇ tsaˬ zaˬ deuˬ nawˬ-ahˇ maˬ siˬ nya kʼawꞈ, ngaˇ nawˬ-ahˇ siˬ nya-awˇ, nawˬ neh ngaˬ-ahˇ kʼehˇ gʼeh leꞈ-euˬ meh lehˇ tsawˇ haˬ heu deuˬ siˬ nya meh.

Yoˇhaˬ 17:6

Miˇ tsaˬ heu kʼoeˇ taˆ nawˬ neh ngaˬ-ahˇ biꞈ doˆ nehˬ laꞈ-euˬ tsawˇ haˬ deuˬ nawˬ-ahˇ siˬ nya ni ngaˇ mˇ gʼaˬ-euˬ ma. Aˬ yawꞈ maꞈ nawˬ-euˬ tsawˇ haˬ pyeuꞈ laˇ-awˇ, nawˬ neh ngaˬ-ahˇ biꞈ laꞈ-euˬ meh. Nawˬ-euˬ dawˬ-ahˇ aˬ yawꞈ maꞈ naˇ haˬ geuꞈ-euˬ meh.

Yoˇhaˬ 7:33

Yeˬsuˇ ehˇ-eu, “Ngaˇ naw maꞈ nehˬ-ehˇ tiˬ kʼehˬ jawˇ gʼaˬ naˇ, ngaˬ-ahˇ kʼehˇ gʼeh leꞈ-euˬ gʼaˬ jawˇ gaˇ gʼoꞈ leˇ ma.

Gʼaˬkʼehˇ 3:21

Muiˬ-eu shawˇ-eu Yaw sahˇ Miˬyehˇ gʼaˇ duˬ ngehˬ dah-eu deuˬ-ahˇ gʼoe-awˇ yawˬ jeˬ na luꞈ yaw shuiꞈ beˬ paˇ jiˇ-eu aˇ yamˬ maˬ keuˆ laˇ kʼoeˇ keuˆ ni, mˬ kʼoeˇ taˆ aˬ yawꞈ ya jawˇ tawˬ meh.

Lormav 12:5

Kʼoeˇ gaˇ duˇ ni, aˬ dui-aˬ, maˬ duˇ leˇ-eu tsawˇ haˬ gʼawˬ mya jeˬ pyeuꞈ-eu kʼawꞈ, Ka li nehˬ-ehˇ taꞈ luꞈ-eu gʼawˇ mawˇ tiˬ mawˇ tehꞈ-ehˇ pyeuꞈ-awˇ, gʼawˇ mawˇ tiˬ mawˇ-ahˇ tehꞈ-ehˇ maˬ duˇ leˇ-eu aˇ sehˇ gʼawˬ mya jeˬ tsoꞈ tawꞈ taˬ-euˬ loꞈ-ehˇ, aˬ dui tiˬ gʼaˬ tiˇ gʼaˬ tsoꞈ tawꞈ taˬ-euˬ ma.

Lormav 9:17

Jaˇliꞈ laꞈ kʼoeˇ Iˇjiˇtuˆ sahˬ paˬ-ahˇ heu loꞈ-ehˇ ehˇ nehˬ taˬ-euˬ jaˆ-eu meh. “Miˇ tsaˬ heu dawˬ tawˆ luꞈ kʼoeˇ taˆ ngaˬ-euˬ baoˬ bi mawˇ-awˇ, ngaˬ-euˬ tsawˇ myahˇ bi huiˬ byah-iˇ-eu gʼaˇ duˬ nawˬ-ahˇ zmˬ-eu lehˇ sahˬ paˬ ka nehˬ taˬ-euˬ ma.”

1 Gawˇliˬtu 1:10

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li-euˬ tsawˇ myahˇ uˬ moˆ naw maꞈ-ahˇ ngaˇ heu loꞈ-ehˇ shaˇ mawꞈ-eu ma. Naw maꞈ aˇ muˇ maˬ ya muˇ paˆ-eu gʼaˇ duˬ, ngehˬ-eu tmˇ-eu laꞈ kʼoeˇ tsaˬ leˇ dzoeˇ leˇ-eu jeˬ bi ahˇ-awˬ. Nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-awˬ.

Gaˬlaˬtiˆ 3:28

Kʼoeˇ miˇ neh, Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ hawˇ-eu buˬ-iˇ-euˬ tsawˇ haˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, tiˬ pawꞈ-iˬ maˬ paˇ beu meh. Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ, naw maꞈ dawˬ tawˆ luꞈ tiˬ kawˆ meh.

Eˇpeˇsu 4:4

Miˬyehˇ naw maꞈ-ahˇ kuˇ-euˬ kʼoeˇ noeˬ tmˬ duˬ tiˬ jeˬ tehꞈ-ehˇ jaˆ-eu loꞈ-ehˇ, gʼawˇ mawˇ tiˬ mawˇ tehꞈ-ehˇ baw-awˇ, Yaw sahˇ Miˬyehˇ tiˬ gʼaˬ tehꞈ-ehˇ jawˇ-eu meh.

Piˇliˇpiˆ 2:9

Kʼoeˇ miˇ neh aˬ yawꞈ-ahˇ Miˬyehˇ, huiˬ dui dui-eu tsawˇ myahˇ biꞈ-awˇ, goˇ dui dui gaˇ ciˬ nuiˇ-euˬ meh.

HeˬByehˇ 1:3

Aˬ yawꞈ-euˬ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bya doˆ luꞈ-awˇ, Miˬyehˇ-ahˇ duˇ duˇ dehꞈ dehꞈ pyeuꞈ-eu meh. Baoˬ huiˬ dui dui-eu aˬ yawꞈ-euˬ dawˬ-ahˇ gʼoe-awˇ, mˬ hawˇ-eu miˇ dawˬ tawˆ luꞈ-ahˇ haw luꞈ pyaˆ luꞈ-eu meh. Tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni mˇ gʼaˬ shaˇ gʼaˬ-awˇ, Dawˬ tawˆ kʼoeˇ taˆ Baoˬ huiˬ-eu gʼaˬ pyeuꞈ-eu Miˬyehˇ-euˬ aˇ maˇ paw, mˬ kʼoeˇ taˆ aˬ yawꞈ nuiˇ luꞈ-eu meh.

HeˬByehˇ 9:24

Aˬ jeˬ miˇ neh ehˇ naˇ, maˇ maˇ ni gʼeh-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ pyeuꞈ-eu, tsawˇ haˬ zaˬ neh jahˇ taˬ-euˬ Muiˬ-eu shawˇ-eu jawˇ duˬ-ahˇ Ka li uˇ leˇ-euˬ maˬ ngeuˇ-a. Maˇ maˇ ni mˬ kʼoeˇ taˆ aˬ yawꞈ le uˇ-awˇ, kʼoeˇ gaˇ aˬ duiˬ-euˬ dah zaˇ Miˬyehˇ mehˬ shi aˬ yawꞈ le keuˆ-euˬ meh.

Yaˬkoˆ 4:4

Miˬyehˇ-ahˇ saˇ jaˇ maˬ ziꞈ-eu tsawˇ haˬ deuˬ-oˇ, miˇ tsaˬ heu-ahˇ cawˬ cawˬ taꞈ-eu jeˬ-aˬ, Miˬyehˇ-ahˇ muiˇ-eu jeˬ pyeuꞈ-eu meh lehˇ naw maꞈ maˬ siˬ nya te loˇ. Miˇ tsaˬ heu-ahˇ cawˬ kʼaˇ cawˬ taꞈ mawꞈ-eu tsawˇ haˬ-aˬ, Miˬyehˇ-ahˇ muiˇ-eu tsawˇ haˬ pyeuꞈ laˇ ni mˇ gaˇ duˇ-eu meh.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.

1 Yoˇhaˬ 3:12

Aˬ dui-aˬ, Gaˬiˇnaˆ loꞈ-ehˇ maˬ ya gʼeh-a. Aˬ yawꞈ-aˬ, Haiˬ dui dui-eu Gʼaˬ-ahˇ taꞈ-eu tsawˇ haˬ pyeuꞈ-awˇ, aˬ yawꞈ-euˬ aˬ nyiˇ tsi tsi ni gʼeh-eu Aˬbeˬlaˆ-ahˇ sehꞈ-euˬ meh. Aˬ jeˬ miˇ neh yawˬ ha-euˬ aˬ nyiˇ-ahˇ sehꞈ-euˬ ta. Aˬ yawꞈ neh mˇ-euˬ jeˬ lehˬ-awˇ, aˬ yawꞈ-euˬ aˬ nyiˇ neh mˇ-euˬ jeˬ tsaˬ-eu miˇ neh sehꞈ-euˬ meh.

1 Yoˇhaˬ 5:19

Miˇ tsaˬ zaˬ dawˬ tawˆ luꞈ Haiˬ dui dui-eu Gʼaˬ uˆ lahˇ-eu uˬ moˆ jawˇ luꞈ kʼawꞈ, aˬ dui-aˬ Miˬyehˇ-ahˇ taꞈ-eu tsawˇ haˬ ma lehˇ aˬ dui siˬ nya-eu ma.

Yuˇdaˆ 1:1

Yeˬsuˇ Ka li-euˬ zaˬ kʼaˆ hawˇ-eu Yaˬkoˆ-euˬ mehˇ nmˇ pyeuꞈ-eu ngaˇ Yuˇdaˆ, Aˬda Miˬyehˇ-euˬ gʼoeˇ-eu gaˬ-eu jeˬ hawˇ-eu Yeˬsuˇ Ka li-euˬ bo saˆ haw piˇ-eu jeˬ laꞈ kʼoeˇ jawˇ luꞈ-eu, Miˬyehˇ neh kuˇ doˆ taˬ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Yuˇdaˆ 1:24

Naw maꞈ-ahˇ maˬ bi coˬ-iˇ ni bo saˆ hehˇ tehˇ nya-awˇ, yaw shehꞈ kʼahˬ sehˇ tiˬ byah ni jaˆ-eu aˬ yawꞈ jawˇ gaˇ naw maꞈ-ahˇ iˬ baˇ taˬ kʼaˇ maˬ za-ehˇ laˬ kʼaˬ tiˬ cehˇ sheuˬ keuˆ nehˬ nya-eu Miˬyehˇ-ahˇ, aˬ dui-euˬ Sahˬpaˬ Yeˬsuˇ Ka li baˬ da neh, yaw shehꞈ kʼahˬ sehˇ maˬ ehˇ, huiˬ-eu mahˇ-eu jeˬ maˬ ehˇ, baoˬ maˬ ehˇ, uˆ lahˇ-eu dzoeˬ dzaˬ maˬ ehˇ, aˇ hu-euˬ ziˇ, heu ziˇ, aˬ kaˇ mˬ maˬ maˬ byaˆ zaˇ ziˇ keuˆ ni jaˆ luꞈ-uˇ. Aˬ miˬ.

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”

Panmaeq 19:12

Aˬ yawꞈ-euˬ myaˆ nuiˆ miˬ dzaˬ miˬ lmˇ-ahˇ duˇ-awˇ, uˬ duˬ-ahˇ shuiˇ uˬ kʼoˆ gʼawˬ mya siˬ kʼoˆ luꞈ-eu meh. Aˬ yawꞈ-ahˇ tsawˇ myahˇ tiˬ myahˇ boꞈ myahˬ taˬ-awˇ, aˬ yawꞈ maˬ ngeuˇ naˇ tsawˇ myahˇ kʼoeˇ myahˇ-euˬ dawˬ tsuiꞈ tiˬ gʼaˬ-iˬ maˬ siˬ nya-a.

Panmaeq 4:8

Jeˬ zaˬ aˬ yawꞈ mawˇ yawꞈ aˬ dahˇ koꞈ dahˇ tsoꞈ-awˇ, aˬ dahˇ kʼoeˇ deuˬ-euˬ laꞈ kʼoeˇ laꞈ nyiˇ nyiˬ pyawˬ luꞈ myaˆ nuiˆ tiˬ byah ni tsoꞈ gʼoeˬ taˬ-euˬ meh. Jeˬ zaˬ kʼoeˇ deuˬ uˬ ciꞈ nah gʼahˇ maˬ ehˇ heu loꞈ-ehˇ caˇ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ meh shawˇ meh, muiˬ meh shawˇ meh, muiˬmeh shawˇ meh. Aˇ hu maˬ ehˇ, nymˬ-mˇ maˬ ehˇ, mˬ maˬ maˬ byaˆ zaˇ ziˇ dehꞈ meh.”