Yoˇhaˬ 16:30 - Akha

³⁰ Tsawˇ haˬ tiˬ gʼaˬ dawˬ maˬ ngehˬ doˆ laˇ mi naˆ-ehˇ, aˬ yawꞈ-euˬ nui ma laꞈ kʼoeˇ kʼaˇ noeˬ luꞈ-eu yawˬ jeˬ na luꞈ nawˇ siˬ nya meh lehˇ, nymˬ-mˇ nga maꞈ siˬ duˬ-eu ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Tiqghaq-iq nawq-anr tiqjeq-iq narhaq-eu laer maqya ghaeni, nawr yawqjeq navluf-anr siqnya nga laer nymq-mr nga’maf siqduq-euq ma. Khoermirnae, nawr, Miqyaer jawr-eu gar nae oe-euq ngar-a laer nga’maf jan ma.”

Yoˇhaˬ 16:30 Iomraidhean Croise

1 Sahˬpaˬ 17:24

Miˬ coeˬ miˬ ma kʼoeˇ gʼaˬ ehˇ-eu, “Nymˬ-mˇ poˆ jawˇ, nawˇ Miˬyehˇ-euˬ tsawˇ haˬ pyeuꞈ-eu gaˇ kawˆ hawˇ-eu, nawˬ-ahˇ gʼoe-awˇ Sahˬpaˬ Miˬyehˇ aˬ diˇ aˬ maˇ dawˬ ngehˬ luꞈ-eu gaˇ kawˆ, ngaˇ yaw muiˬ paˬ-ehˇ siˬ duˬ-eu ma.”

Yoˇhaˬ 16:17

Zaˬ lahˇ deuˬ yaw kaˬ ja-eu, “Aˬ jeˬ-ahˇ ehˇ mawꞈ-eu nga. Tiˬ kʼehˬ kʼehˬ gʼeh naˇ aˬ dui maꞈ aˬ yawꞈ-ahˇ maˬ paˇ ya mawˇ-ehˇ, tiˬ kʼehˬ paˇ gʼeh naˇ, aˬ dui maꞈ aˬ yawꞈ-ahˇ paˇ ya mawˇ tehꞈ-a lehˇ ehˇ-eu meh. ‘Aˬ jeˬ miˇ neh ehˇ naˇ, ngaˬ Da jawˇ gaˇ ngaˇ gʼoꞈ leˇ ma’ lehˇ kʼawꞈ paˇ ehˇ-eu meh.

Yoˇhaˬ 16:23

“Aˇ nah kʼoeˇ nah keuˆ le ngeh, naw maꞈ ngaˬ-ahˇ tiˬ jeˬ-iˬ maˬ paˇ shaˇ-aˇ. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ-ahˇ, Aˬda biꞈ nehˬ laꞈ tehꞈ-a.

Yoˇhaˬ 16:26

Aˇ nah kʼoeˇ nah keuˆ le ngeh, naw maꞈ ngaˬ-euˬ tsawˇ myahˇ laꞈ kʼoeˇ Aˬda-ahˇ shaˇ tehꞈ-a. Naw maꞈ-euˬ dah zaˇ ngaˇ aˬ yawꞈ-ahˇ shaˇ-eu maˬ paˇ loˬ meh.

Yoˇhaˬ 16:31

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ nymˬ-mˇ jah duˬ gʼaˬ maˬ loˇ.

Yoˇhaˬ 17:8

Aˬ jeˬ miˇ neh ehˇ naˇ, nawˬ neh ngaˬ-ahˇ biꞈ laꞈ-euˬ dawˬ deuˬ aˬ yawꞈ maꞈ-ahˇ ngaˇ biꞈ nehˬ-awˇ, aˬ yawꞈ maꞈ ha geuꞈ-euˬ meh. Ngaˇ-aˬ nawˇ jawˇ gaˇ neh oe-euˬ meh lehˇ aˬ yawꞈ maꞈ siˬ duˬ-awˇ, nawˬ neh ngaˬ-ahˇ kʼehˇ gʼeh leꞈ-euˬ meh lehˇ aˬ yawꞈ maꞈ jah-eu meh.

Yoˇhaˬ 2:11

Yeˬsuˇ-aˬ, Gaˬliˬlehˇ miˇ kʼahˬ Gaˬnaˬ meuˬ-ahˇ kʼaˆ jeˬ-ehˇ gʼeh-eu yaw beh hmˬ kʼoeˇ loꞈ-ehˇ mˇ mehˬ nehˬ-eu laꞈ kʼoeˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-awˇ, aˬ yawꞈ-euˬ zaˬ lahˇ deuˬ aˬ yawꞈ-ahˇ jah laˇ-euˬ meh.

Yoˇhaˬ 21:17

Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.

Yoˇhaˬ 5:20

Aˬ jeˬ miˇ neh ehˇ naˇ, Aˬda-aˬ, Zaˬmaˇ-ahˇ gaˬ-eu miˇ neh, aˬ yawꞈ kʼaˇ mˇ luꞈ-eu yawˬ jeˬ na luꞈ mehˬ -euˬ meh. Heu naˆ maˬ tseˇ huiˬ-eu deuˬ kʼawꞈ mˇ nya ni, aˬ yawꞈ mehˬ tehꞈ-a. Naw maꞈ dawˬ tawˆ luꞈ ya zahˬ leˇ dui dui tehꞈ-a.

Yoˇhaˬ 8:42

Yeˬsuˇ ehˇ-eu, “Miˬyehˇ-aˬ, maˇ maˇ ni naw maꞈ-euˬ Aˬ da ma lehˇ ngeuˇ naˇ, naw maꞈ ngaˬ-ahˇ gaˬ tehꞈ-a. Miˬyehˇ jawˇ gaˇ neh ngaˇ oe taˬ-euˬ ma. Ngaˬ-euˬ nui noeˬ oe-euˬ maˬ ngeuˇ. Aˬ yawꞈ neh kʼehˇ gʼeh leꞈ-euˬ meh.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.