Yoˇhaˬ 16:23 - Akha

²³ “Aˇ nah kʼoeˇ nah keuˆ le ngeh, naw maꞈ ngaˬ-ahˇ tiˬ jeˬ-iˬ maˬ paˇ shaˇ-aˇ. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ-ahˇ, Aˬda biꞈ nehˬ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ “Khoerngae nan keuvlar nar-aq, nawmaf, ngaq-anr tiqjeq-iq maqpar shar-ar. Ngar, nawmaf-anr aqdirma-aer aernaeq nyar, ngaq-euq tsawrmyanr-anr ghoe-awr, nawmaf, Aqda-anr kharshar-eu jeq aqyawf, nawmaf-anr bifnaeqlaf taef-a.

Yoˇhaˬ 16:23 Iomraidhean Croise

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Maꞈtehˬ 21:22

Naw maꞈ jah-eu nui ma ahˇ naˇ, naw maꞈ guiˬ lahˬ kʼaˇ shaˇ-eu jeˬ za tehꞈ-a.”

Maꞈtehˬ 7:7

“Shaˇ-awˬ. Shaˇ naˇ za tehꞈ-a. Poˆ-awˬ. Poˆ naˇ mawˇ tehꞈ-a. Laˇ gʼoˆ-ahˇ kʼoˆ-awˬ. Kʼoˆ naˇ pah nehˬ laꞈ tehꞈ-a.

Yoˇhaˬ 14:20

Aˇ nah kʼoeˇ nah keuˆ le ngeh, ngaˇ ngaˬ Da-euˬ laꞈ kʼoeˇ jawˇ-eu gaˇ kawˆ hawˇ-eu, ngaˇ naw maꞈ-euˬ ma laꞈ kʼoeˇ jawˇ-eu loꞈ-ehˇ naw maꞈ kʼawꞈ ngaˬ-euˬ laꞈ kʼoeˇ jawˇ-eu gaˇ kawˆ, naw maꞈ ya siˬ duˬ tehꞈ-a.

Yoˇhaˬ 14:22

(Yuˇdaˆ Iˇsaˬgaˬliˬoˆ maˬ ngeuˇ-eu) Yuˇdaˆ ehˇ-eu, “Sahˬpaˬ-oˇ, nawˇ aˬ suˇ gʼaˬ pyeuꞈ-eu gaˇ kawˆ nga maꞈ-ahˇ bi siˬ bi mawˇ laꞈ-awˇ, miˇ tsaˬ zaˬ deuˬ-ahˇ-aˬ, maˬ bi siˬ maˬ bi mawˇ lehˇ ehˇ-eu teu, aˬ joˆ-ehˇ pyeuꞈ nya ta.”

Yoˇhaˬ 14:5

Toˇmaˆ ehˇ-eu, “Sahˬpaˬ-oˇ, nawˇ aˬ gaˇ le-eu lehˇ gʼeh-eu nga maꞈ maˬ siˬ nya nya. Nawˇ le-eu jawˇ duˬ kʼoeˇ tsahˇ-ahˇ le-eu gaˇ ma nga maꞈ aˬ joˆ-ehˇ siˬ nya nmˇ.”

Yoˇhaˬ 15:7

Naw maꞈ ngaˬ-ahˇ tsoꞈ tsaꞈ-awˇ, ngaˬ-euˬ dawˬ naw maꞈ-ahˇ tsoꞈ tsaꞈ taˬ naˇ, naw maꞈ kʼaˇ shaˇ mawꞈ-eu jeˬ shaˇ-awˬ. Kʼaˇ shaˇ-eu jeˬ za tehꞈ-a.

Yoˇhaˬ 16:19

Aˬ yawꞈ maꞈ aˬ yawꞈ-ahˇ aˬ joˆ-ehˇ naˇ haˬ mawꞈ-eu Yeˬsuˇ siˬ nya-eu miˇ neh, heu loꞈ-ehˇ ehˇ kʼoꞈ nehˬ-euˬ meh. “Tiˬ kʼehˬ gʼeh naˇ naw maꞈ ngaˬ-ahˇ maˬ paˇ ya mawˇ-ehˇ, tiˬ kʼehˬ paˇ gʼeh naˇ, naw maꞈ ngaˬ-ahˇ paˇ ya mawˇ tehꞈ-a lehˇ ngaˇ ehˇ-eu ma. Ngaˇ aˬ jeˬ-ahˇ ehˇ mawꞈ-eu nga lehˇ naw maꞈ yaw kaˬ ja naˇ haˬ luꞈ-eu maˬ ngeuˇ loˇ.

Yoˇhaˬ 16:26

Aˇ nah kʼoeˇ nah keuˆ le ngeh, naw maꞈ ngaˬ-euˬ tsawˇ myahˇ laꞈ kʼoeˇ Aˬda-ahˇ shaˇ tehꞈ-a. Naw maꞈ-euˬ dah zaˇ ngaˇ aˬ yawꞈ-ahˇ shaˇ-eu maˬ paˇ loˬ meh.

Yoˇhaˬ 16:30

Tsawˇ haˬ tiˬ gʼaˬ dawˬ maˬ ngehˬ doˆ laˇ mi naˆ-ehˇ, aˬ yawꞈ-euˬ nui ma laꞈ kʼoeˇ kʼaˇ noeˬ luꞈ-eu yawˬ jeˬ na luꞈ nawˇ siˬ nya meh lehˇ, nymˬ-mˇ nga maꞈ siˬ duˬ-eu ma.”

Eˇpeˇsu 2:18

Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, aˬ dui dawˬ tawˆ luꞈ nui ma tiˬ siˬ tehꞈ-ehˇ taˬ-awˇ Miˬyehˇ jawˇ gaˇ jiˆ uˇ laˇ nya-eu heu-aˬ, Ka li baˬ da neh meh.

1 Yoˇhaˬ 2:1

Ngaˇ gaˬ dui dui-eu zaˬ deuˬ-oˇ, naw maꞈ iˬ baˇ maˬ bi mˇ-eu gʼaˇ duˬ, gaˇ kawˆ heu deuˬ naw maꞈ jawˇ gaˇ ngaˇ boꞈ ahˇ laꞈ-eu jeˬ pyeuꞈ-eu ma. Ehˇ kʼawꞈ, tsawˇ haˬ tiˬ gʼaˬ na iˬ baˇ mˇ lawˬ naˇ, aˬ dui-euˬ dah zaˇ Aˬda Miˬyehˇ-ahˇ tahˬ shaˇ leˇ-eu gʼaˬ jawˇ ma. Kʼoeˇ-aˬ, yaw tsaˬ yaw dawˇ tsawˇ haˬ pyeuꞈ-eu Yeˬsuˇ Ka li meh.