Yoˇhaˬ 16:12 - Akha

¹² “Ngaˇ naw maꞈ-ahˇ ehˇ nehˬ paˬ-ehˇ gʼeh-eu gʼawˬ mya ni jaˆ te siˬ. Ehˇ kʼawꞈ, nymˬ-mˇ naw maꞈ-euˬ nui ma laꞈ kʼoeˇ maˬ gʼoˆ taˬ jiˇ coeˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² “Ngar, nawmaf-anr aernaeq paq-aer ghae-eu ghawqmya jeq jav-eu le siq. Aerkhawf, nymq-mr nawmaf maq ghovtaq jircoer-a.

Yoˇhaˬ 16:12 Iomraidhean Croise

Maˬkuˆ 4:33

Yeˬsuˇ-aˬ, kʼoeˇ loꞈ-ehˇ gʼeh-eu yaw jeˬ ma jeˬ ja ja-ehˇ, aˬ yawꞈ maꞈ kʼaˇ gʼoˆ shaw nya gaˇ keuˆ ni Miˬyehˇ dawˬ kawˬ mehˬ nehˬ-euˬ meh.

Yoˇhaˬ 14:30

Ngaˇ naw maꞈ nehˬ-ehˇ ngehˬ cawˬ ngehˬ cawˬ-ehˇ jawˇ-eu aˇ yamˬ maˬ paˇ jaˆ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ oe luꞈ meh. Aˬ yawꞈ-aˬ, ngaˬ-ahˇ maˬ zuiˆ gʼaˬ nya-a.

Yoˇhaˬ 15:15

Aˬ kaˇ naˇ, ngaˇ naw maꞈ-ahˇ zaˬ kʼaˆ lehˇ maˬ paˇ kuˇ ma. Aˬ jeˬ miˇ neh ehˇ naˇ, zaˬ kʼaˆ-aˬ, yawˬ ha-euˬ baw leˬ aˬ jeˬ mˇ luꞈ-eu gaˇ kawˆ maˬ siˬ nya-a. Ngaˇ naw maꞈ-ahˇ ngaˬ-euˬ cawˬ lehˇ kuˇ ma. Aˬ jeˬ miˇ neh ehˇ naˇ, ngaˬ Da neh kʼaˇ ehˇ nehˬ laꞈ-euˬ jeˬ naw maꞈ-ahˇ ngaˇ dzawˇ nehˬ gʼaˬ jiˇ-euˬ ma.

Yoˇhaˬ 16:11

Yaˇ kʼaˬ daˇ-eu gaˇ kawˆ aˬ yawꞈ maꞈ jah lehˬ-euˬ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ yaˇ kʼaˬ daˇ-eu jeˬ-ahˇ ya daˬ gʼaˬ-euˬ meh.

Yoˇhaˬ 16:13

Ehˇ kʼawꞈ, Miˬyehˇ gaˇ kawˆ yaw tsaˬ yaw dawˇ jeˬ pah mehˬ le-eu gʼaˬ pyeuꞈ-eu Yaw sahˇ Miˬyehˇ oe ngeh, yaw tsaˬ yaw dawˇ dawˬ tawˆ luꞈ-ahˇ naw maꞈ siˬ nya laˇ ni aˬ yawꞈ sheuˬ mehˬ laꞈ tehꞈ-a. Aˬ jeˬ miˇ neh ehˇ aˇ, aˬ yawꞈ-euˬ nui noeˬ nui loˆ maˬ ngehˬ maˬ tmˇ-ehˇ, Aˬda neh kʼaˇ ehˇ nehˬ-euˬ jeˬ naw maꞈ-ahˇ dzawˇ nehˬ-awˇ, mehˬ hu paw pyeuꞈ laˇ-eu lehˇ gʼeh-eu gaˇ kawˆ deuˬ ehˇ mehˬ laꞈ tehꞈ-a.

Gʼaˬkʼehˇ 1:3

Aˬ yawꞈ aˬ diˇ aˬ maˇ dehꞈ luꞈ-eu gaˇ kawˆ noeˬ bahˬ kʼaˇ maˬ bi za-eu gʼaˇ duˬ, aˬ yawꞈ shiˇ gʼaˬ naˇ kʼah, aˇ yamˬ oeˬ tseˇ nah laꞈ kʼoeˇ aˬ yawꞈ maꞈ jawˇ gaˇ gʼawˬ mya poˆ doˆ le-euˬ meh. Aˬ yawꞈ maꞈ aˬ yawꞈ-ahˇ mawˇ-awˇ, Miˬyehˇ Miˇkʼahˬ gaˇ kawˆ aˬ yawꞈ maꞈ-ahˇ aˬ yawꞈ ja mehˬ-euˬ meh.