Yoˇhaˬ 16:11 - Akha

¹¹ Yaˇ kʼaˬ daˇ-eu gaˇ kawˆ aˬ yawꞈ maꞈ jah lehˬ-euˬ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ yaˇ kʼaˬ daˇ-eu jeˬ-ahˇ ya daˬ gʼaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Yarkhaq dar-eu-aq, mirtsaq heu-anr uvlanr-eu ghaq-aq, yarkhaq bi dartsaev ghaq-euq mirnae mae.

Yoˇhaˬ 16:11 Iomraidhean Croise

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

Jaceuq 68:18

Tsawˇ haˬ gʼawˬ mya ni aˬ yawꞈ nyehꞈ gʼeh-awˇ, gawˬ jawˬ yaw goˇ-ahˇ daˆ leˇ tehꞈ-a. Aˬ yawꞈ-ahˇ puiˬ-eu tsawˇ haˬ deuˬ-ahˇ keuˆ ni, aˬ yawꞈ-ahˇ laꞈ sawˬ biꞈ laˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ kʼoeˇ gaˇ jawˇ tehꞈ-a.

Maꞈtehˬ 12:18

“Ngaˇ nui kʼahˇ shiˇ-awˇ tseˇ doˆ-euˬ, ngaˇ gaˬ-eu zaˬ kʼaˆ-ahˇ haw sheˇ. Ngaˬ-euˬ Yaw sahˇ ngaˇ kʼehˇ leꞈ-awˇ, aˬ yawꞈ kʼoeˇ taˆ bi jawˇ le-awˇ, ngaˇ yaˇ kʼaˬ daˇ-eu gaˇ kawˆ-ahˇ, miˇ kʼahˬ tsawˇ jeuˬ siˬ nya jiˇ ni, aˬ yawꞈ tsaꞈ gaˬ doe-iˇ tehꞈ-a.

Maꞈtehˬ 12:36

“Ngaˇ naw maꞈ-ahˇ ehˇ nehˬ nyaˇ. Yaˇ kʼaˬ daˇ-eu Aˇ nah keuˆ le ngeh, tsawˇ haˬ yawˬ gʼaˬ na luꞈ, yawˬ ha neh kʼaˇ ngehˬ dzeuˇ-euˬ gaˇ dahˇ maˬ tsoeˬ-eu dawˬ yawˬ dawˬ na luꞈ paˇ ya dzawˇ poˆ tehꞈ-a.

Luˇkaꞈ 10:18

Yeˬsuˇ aˬ yawꞈ maꞈ-ahˇ ehˇ kʼoꞈ nehˬ-eu, “Mˬ myawꞈ myawꞈ-eu loꞈ-ehˇ, Saˬdaˬ mˬ-ahˇ neh ga ka le gaˇ ngaˇ mawˇ-euˬ ma.

Yoˇhaˬ 12:31

Nymˬ-mˇ miˇ tsaˬ heu-ahˇ yaˇ kʼaˬ daˇ-eu aˇ yamˬ tsaˬ laˇ-euˬ meh. Nymˬ-mˇ miˇ tsaˬ heu-ahˇ uˆ lahˇ luꞈ-eu gʼaˬ bi teh dzeh tehꞈ-a.

Yoˇhaˬ 14:30

Ngaˇ naw maꞈ nehˬ-ehˇ ngehˬ cawˬ ngehˬ cawˬ-ehˇ jawˇ-eu aˇ yamˬ maˬ paˇ jaˆ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ oe luꞈ meh. Aˬ yawꞈ-aˬ, ngaˬ-ahˇ maˬ zuiˆ gʼaˬ nya-a.

Yoˇhaˬ 16:12

“Ngaˇ naw maꞈ-ahˇ ehˇ nehˬ paˬ-ehˇ gʼeh-eu gʼawˬ mya ni jaˆ te siˬ. Ehˇ kʼawꞈ, nymˬ-mˇ naw maꞈ-euˬ nui ma laꞈ kʼoeˇ maˬ gʼoˆ taˬ jiˇ coeˇ-a.

Gʼaˬkʼehˇ 10:42

Miˇ kʼahˬ zaˬ deuˬ-ahˇ dawˬ mehˬ mehˬ-awˇ, dehꞈ luꞈ-eu deuˬ-ahˇ maˬ ehˇ, shiˇ-euˬ deuˬ-ahˇ maˬ ehˇ, yaˇ kʼaˬ bi daˇ-eu gʼaˇ duˬ Miˬyehˇ neh tseˇ doˆ-euˬ gʼaˬ-aˬ, aˬ yawꞈ meh lehˇ saˇ kiˇ kamˬ-eu gʼaˇ duˬ, nga maꞈ-ahˇ aˬ yawꞈ dawˬ biꞈ laꞈ-euˬ meh.

Gʼaˬkʼehˇ 24:25

Ehˇ kʼawꞈ, yaw tsaˬ yaw dawˇ jeˬ gaˇ kawˆ, yawˬ ha-euˬ nui ma-ahˇ nyehꞈ tehˬ gʼaˬ-eu gaˇ kawˆ, Yaˇ kʼaˬ daˇ-eu Aˇ nah keuˆ le luꞈ-eu gaˇ kawˆ heu deuˬ-ahˇ Pawˆluˆ ja keuˆ ngeh, Peˬliˇ noeˬ guˆ laˇ-awˇ ehˇ-eu, “Nawˇ gʼoꞈ-iˇ-awˬ. Aˬ kaˇ dah ngeh nawˬ-ahˇ ngaˇ paˇ bi kuˇ le ma.”

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

Lormav 16:20

Aˬ dui nui saˇ oꞈ duˬ pyeuꞈ-eu Miˬyehˇ-aˬ, gʼawˬ myahˇ maˬ gʼeh-ehˇ nehꞈ Saˬdaˬ-ahˇ laˆ cawˆ-awˇ naw maꞈ-euˬ aˬ kuiˇ pehˬ zaˬ uˬ moˆ bi jawˇ tehꞈ-a. Aˬ dui-euˬ Sahˬpaˬ Yeˬsuˇ-euˬ guiˬ lahˬ yaw dzahˇ naw maꞈ kʼoeˇ taˆ jaˆ luꞈ-uˇ.

Lormav 2:16

Kʼoeˇ miˇ neh, ngaˇ mehˬ luꞈ-eu Laˬ kʼaˬ cehˇ-eu Guiˬ lahˬ dawˬ heu ehˇ mawꞈ-eu-aˬ, tsawˇ haˬ zaˬ-euˬ nui ma laꞈ kʼoeˇ zaꞈ taˬ-euˬ nui noeˬ kʼoeˇ-ahˇ, Yeˬsuˇ Ka li-ahˇ gʼoe-awˇ Miˬyehˇ yaˇ kʼaˬ daˇ ngeh Nah, kʼoeˇ loꞈ-ehˇ daˇ tehꞈ-a.

1 Gawˇliˬtu 4:5

Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.

2 Gawˇliˬtu 4:4

Miˇ tsaˬ heu-ahˇ uˆ lahˇ luꞈ-eu miˬyehˇ pyeuꞈ-eu nehꞈ Saˬdaˬ neh aˬ yawꞈ maꞈ-euˬ nui ma-ahˇ yaw zahˇ laꞈ kʼoeˇ piˬ lahˇ taˬ-euˬ miˇ neh, aˬ yawꞈ maꞈ maˬ jah-a. Kʼoeˇ miˇ neh, Miˬyehˇ-ahˇ duˇ duˇ dehꞈ dehꞈ pyeuꞈ-eu Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ-euˬ yaw shehꞈ kʼahˬ sehˇ aˬ yawꞈ maꞈ kʼoeˇ taˆ bya luꞈ gaˇ aˬ yawꞈ maꞈ maˬ mawˇ nya-a.

Eˇpeˇsu 2:2

Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.

Gawˇlawˇsehˇ 2:15

Laꞈ yaꞈ kʼoeˇ-euˬ kʼoeˇ taˆ, mˬ hawˇ-eu miˇ yaw kaˬ-ahˇ uˆ lahˇ luꞈ-eu yaw sahˇ deuˬ hawˇ-eu baoˬ deuˬ-euˬ aˬ laꞈ laꞈ kʼoeˇ, Ka li yawˬ haˇ yawˬ ha bi buˬ-iˇ-euˬ meh. Aˬ yawꞈ gʼaˬ leˇ-euˬ bawˬ-iˬ gʼeh ngeh miˇ kʼahˬ zaˬ deuˬ bi haw-eu gʼaˇ duˬ, aˬ yawꞈ maꞈ-ahˇ paꞈ-awˇ tsahˇ tsahˇ-ehˇ cah-euˬ meh.

HeˬByehˇ 2:14

Aˬ yawꞈ neh aˬ yawꞈ-euˬ zaˬ deuˬ lehˇ kuˇ-euˬ kʼoeˇ deuˬ-aˬ, shiˬ shaˬ jiˇ pi luꞈ-eu tsawˇ haˬ pyeuꞈ-eu loꞈ-ehˇ, Yeˬsuˇ kʼawꞈ aˬ yawꞈ maꞈ-ahˇ duˇ leˇ-awˇ, aˬ yawꞈ maꞈ loꞈ-ehˇ shiˬ shaˬ jiˇ pi luꞈ-eu tsawˇ haˬ pyeuꞈ-eu meh. Aˬ yawꞈ kamˇ shiˇ-eu laꞈ kʼoeˇ, tsawˇ haˬ zaˬ-ahˇ bi shiˇ nya-eu baoˬ jaˆ-eu Nehꞈ sahˬ paˬ-ahˇ laˆ luꞈ laˆ seˇ-eu gʼaˇ duˬ, aˬ yawꞈ kʼoeˇ loꞈ-ehˇ pyeuꞈ le-euˬ meh.

HeˬByehˇ 6:2

Iˇ cuꞈ shawˇ-eu gaˇ kawˆ maˬ ehˇ, aˬ laꞈ cawˬ daˆ-awˇ aˇ yaˬ biꞈ-eu gaˇ kawˆ maˬ ehˇ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-eu gaˇ kawˆ maˬ ehˇ, Miˬyehˇ neh yaˇ kʼaˬ daˇ-euˬ jeˬ mˬ maˬ maˬ byaˆ zaˇ ziˇ ziꞈ-eu gaˇ kawˆ maˬ ehˇ, aˬ dui dzaw poˆ dzaw poˆ-ehˇ jawˇ yamˬ maˬ paˇ ngeuˇ meh.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.

2 Beˬtuˆluˆ 3:7

Ehˇ kʼawꞈ, nymˬ-mˇ jaˆ luꞈ-eu mˬ hawˇ-eu miˇ heu deuˬ kʼawꞈ, Miˬyehˇ-euˬ dawˬ aˬ yawꞈ tiˬ dawˬ neh maˬ bi cawˆ-iˇ ni jeˬ hmˬ daˆ laꞈ-euˬ jeˬ pyeuꞈ-eu meh. Kʼoeˇ-aˬ, miˬ dzaˬ neh paˇ bi laˆ cawˆ-eu gʼaˇ duˬ jeˬ hmˬ daˆ laꞈ-euˬ jeˬ pyeuꞈ-eu meh. Miˬyehˇ-ahˇ yaw zeu maˬ baw-eu tsawˇ haˬ deuˬ-ahˇ yaˇ kʼaˬ daˇ nehˬ-awˇ laˆ luˬ laˆ seˇ nehˬ-eu aˇ nah kʼoeˇ nah gʼaˇ duˬ jeˬ hmˬ daˆ laꞈ-euˬ jeˬ pyeuꞈ-eu meh.

1 Yoˇhaˬ 3:8

Iˬ baˇ kʼaˇ mˇ daˆ leꞈ-eu tsawˇ haˬ-aˬ, Nehꞈ sahˬ paˬ-ahˇ taꞈ-eu tsawˇ haˬ meh. Aˬ jeˬ miˇ neh ehˇ naˇ, Nehꞈ sahˬ paˬ-aˬ, aˇ dahˬ beh ngeh neh iˬ baˇ mˇ daˆ laꞈ-euˬ meh. Kʼoeˇ baˬ da neh, Miˬyehˇ-euˬ Zaˬmaˇ oe-euˬ meh. Nehꞈ saˬ paˬ neh mˇ taˬ-euˬ jeˬ-ahˇ laˆ cawˆ-eu gʼaˇ duˬ oe-euˬ jeˬ pyeuꞈ-eu meh.

Panmaeq 1:7

Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.