Yoˇhaˬ 15:3 - Akha

³ Ngaˬ neh mehˬ nehˬ tsoˆ nehˬ-euˬ dawˬ deuˬ baˬ da neh, naw maꞈ muiˬ laˇ shawˇ laˇ gʼaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ngaq nae nawmaf-anr ngaeqnaeq-euq dawq-euq baqda’nae, nymq-mr nawmaf shawrlar-euq mae.

Yoˇhaˬ 15:3 Iomraidhean Croise

Yoˇhaˬ 13:10

Yeˬsuˇ ehˇ-eu, “Iˇ cuꞈ dzuiꞈ gʼaˬ-euˬ tsawˇ haˬ-aˬ, yaw shawˇ miˇ neh, aˬ kuiˇ maˬ ngeuˇ naˇ dzuiꞈ-eu maˬ paˇ loˬ meh. Naw maꞈ laꞈ kʼoeˇ tiˬ gʼaˬ maˬ ngeuˇ naˇ dawˬ tawˆ luꞈ yaw shawˇ meh.”

Yoˇhaˬ 15:2

Aˇ siˬ maˬ siˬ le-eu ngaˬ-euˬ uˬ laꞈ deuˬ-ahˇ aˬ yawꞈ deuˆ cuˬ dzeh jiˇ-eu meh. Ehˇ kʼawꞈ, aˇ siˬ siˬ le-eu uˬ laꞈ deuˬ-ahˇ-aˬ, bi siˬ dzehˬ le-eu gʼaˇ duˬ, uˬ pyaˬ daw nehˬ-eu meh.

Yoˇhaˬ 17:17

Yaw tsaˬ yaw dawˇ jeˬ-ahˇ gʼoe-awˇ, aˬ yawꞈ maꞈ-ahˇ nawˬ-euˬ aˬ laꞈ laꞈ kʼoeˇ ha ahˇ geuꞈ-awˬ. Nawˬ-euˬ dawˬ-aˬ, yaw tsaˬ yaw dawˇ jeˬ meh.

Yoˇhaˬ 17:19

Aˬ yawꞈ maꞈ-euˬ gʼawˇ mawˇ yaw tsaˬ yaw dawˇ jeˬ laꞈ kʼoeˇ nawˬ-ahˇ a nehˬ nya ni, aˬ yawꞈ maꞈ gʼaˇ duˬ ngaˬ-euˬ gʼawˇ mawˇ nawˬ-ahˇ a nehˬ-eu ma.

Eˇpeˇsu 5:26

Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, Ka li zaˬ aˇ muˇ-ahˇ aˬ yawꞈ-euˬ dawˬ neh iˇ cuꞈ laꞈ kʼoeˇ tsiˬ shawˇ-awˇ, Miˬyehˇ-ahˇ a nehˬ-eu gʼaˇ duˬ pyeuꞈ-eu meh.

1 Beˬtuˆluˆ 1:22

Nymˬ-mˇ naw maꞈ yaw tsaˬ yaw dawˇ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha bi muiˬ bi shawˇ laˇ-awˇ, Ka li-ahˇ jah-eu tsawˇ haˬ cawˬ cawˬ gʼoeˇ nya gaˬ nya-eu aˇ tiˆ-ahˇ dehꞈ keuˆ laꞈ-euˬ-aˬ, tiˬ gʼaˬ tiˇ gʼaˬ nui ma laꞈ kʼoeˇ keuˆ ni ziꞈ dah ni gaˬ-awˬ.