Yoˇhaˬ 15:25 - Akha

²⁵ Aˬ yawꞈ maꞈ-euˬ Zahˇ dawˬ kʼoꞈ dawˬ laꞈ kʼoeˇ, ‘Gaˇ kawˆ tiˬ jeˬ-iˬ maˬ jaˆ gaˇ aˬ yawꞈ maꞈ ngaˬ-ahˇ muiˇ-eu meh’ lehˇ ehˇ taˬ-euˬ jaˆ-eu miˇ neh, kʼoeˇ loꞈ-ehˇ maˬ pyeuꞈ laˇ-ehˇ maˬ gʼeh nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Khoerlof-aer pyeuflar-euq-aq, aqyawf maf-euq zanrdawq-euq lafkhoer boftaq-euq dawq heudawq byanlar-euq mae, ‘Tiqjeq-iq maqngeur-eu gar, aqyawfmaf, ngaq-anr byae-eu mae.’ (Jc 35:19; 69:4)

Yoˇhaˬ 15:25 Iomraidhean Croise

Jaceuq 109:3

Ngaˬ-euˬ gaˇ kawˆ maˬ muiˬ-eu jeˬ aˬ yawꞈ maꞈ ja-awˇ, gaˇ kawˆ maˬ jaˆ gaˇ dawˬ doeˇ ngehˬ luꞈ-eu meh.

Jaceuq 35:19

Ngaˬ-ahˇmuiˇ-eu mehˇshuiˇkʼoeˇdeuˬ ngaˇshaˬgaˇlaˬkʼaˬtaˬbi cehˇ. Diˇdaˬ-ehˇngaˬ-ahˇbye-eu deuˬ, myaˆtehˆtehˆ-awˇtaˬbi uiˇlaꞈ.

Jaceuq 69:4

Gaˇ kawˆ maˬ jaˆ gaˇ ngaˬ-ahˇ bye-eu tsawˇ haˬ deuˬ, ngaˬ-euˬ uˬ duˬ tsehˇ kahˇ myaˆ maˬ tseˇ myaˬ-eu meh. Ngaˬ-ahˇ muiˇ-eu deuˬ ngaˬ-euˬ gaˇ kawˆ jaˬ myawꞈ myawꞈ-awˇ, aˬ yawꞈ maꞈ gʼaˬ kʼaˆ-eu miˇ neh ngaˬ-ahˇ sehꞈ mawꞈ-eu meh. Ngaˬ neh maˬ kʼoeˬ-euˬ jeˬ, ngaˬ-ahˇ bi tsoeˬ laꞈ-euˬ meh.

Jaceuq 7:4

Ngaˬ-euˬ cawˬtiˬgʼaˬ-euˬkʼoeˇ taˆ, ngaˬneh yaw doeˇjahˇ-euˬjaˆ-awˇ, ngaˬ-ahˇmuiˇ-eu tsawˇhaˬkʼoeˇtaˆ, nawˬdzaˬkʼaˆdzaˬtaˬ-euˬjaˆnaˇ,

Maꞈtehˬ 10:8

Naˇ-eu tsawˇ haˬ deuˬ-ahˇ laˆ taˬ nehˬ-awˇ, shiˇ-euˬ tsawˇ haˬ deuˬ-ahˇ laˆ dehꞈ nehˬ-awˬ. Coiˬ doi naˇ-eu tsawˇ haˬ deuˬ-ahˇ bi shawˇ laˇ-awˇ , nehꞈ uˇ-eu tsawˇ haˬ deuˬ-ahˇ nehꞈ teh doˆ nehˬ-awˬ. Kʼoeˇ loꞈ-ehˇ mˇ nya-eu baoˬ naw maꞈ aˇ poeˬ maˬ biꞈ ni za-euˬ loꞈ-ehˇ, aˇ poeˬ maˬ yuˇ ni yawꞈ ngehꞈ-ehˇ caw ba nehˬ-awˬ.

Luˇkaꞈ 24:44

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ sahˬ boꞈ deuˬ laꞈ kʼoeˇ maˬ ehˇ, Ja ceuˬ-eu sahˬ boꞈ laꞈ kʼoeˇ maˬ ehˇ, ngaˬ-euˬ gaˇ kawˆ boꞈ taˬ-euˬ yawˬ jeˬ na luꞈ, heu loꞈ-ehˇ pyeuꞈ laˇ-awˇ ya byah laˇ meh lehˇ, ngaˇ naw maꞈ nehˬ-ehˇ jawˇ ngeh neh naw maꞈ-ahˇ ehˇ nehˬ-euˬ ma.”

Yoˇhaˬ 10:34

Yeˬsuˇ ehˇ-eu, “Naw maꞈ-euˬ Zahˇ dawˬ kʼoꞈ dawˬ laꞈ kʼoeˇ, ‘Naw maꞈ miˬyehˇ meh’ lehˇ Miˬyehˇ neh ehˇ-euˬ dawˬ tiˬ dawˬ boꞈ ahˇ taˬ-euˬ maˬ ngeuˇ-a loˇ.

Yoˇhaˬ 13:18

“Naw maꞈ dawˬ tawˆ luꞈ gaˇ kawˆ ngaˇ ehˇ luꞈ-eu maˬ ngeuˇ. Ngaˬ neh tseˇ doˆ-euˬ tsawˇ haˬ deuˬ ngaˇ siˬ nya ma. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ, ‘Ngaˬ nehˬ-ehˇ gʼawˬ nyoeˇ kʼmˬ maˬ taꞈ-eu gʼaˬ ngaˬ-ahˇ puiˬ-eu meh’ lehˇ ehˇ-eu dawˬ kʼoeˇ dawˬ maˬ byah laˇ-ehˇ maˬ gʼeh nya-a.

Yoˇhaˬ 19:36

“Aˬ yawꞈ-euˬ shaˬ yoeˬ tiˬ kahˬ-iˬ ma ya kʼehꞈ-iˇ-aˇ” lehˇ Jaˇliꞈ laꞈ kʼoeˇ ehˇ taˬ-euˬ dawˬ kʼoeˇ dawˬ byah laˇ ni, kʼoeˇ loꞈ-ehˇ pyeuꞈ laˇ-euˬ meh.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

Lormav 3:24

Ehˇ kʼawꞈ, Miˬyehˇ gʼawˬ shaˬ gaˬ-eu jeˬ yawꞈ ngehꞈ-ehˇ biꞈ leꞈ-awˇ, tsawˇ haˬ zaˬ-ahˇ bi buˬ bi law-iˇ-eu gʼaˬ pyeuꞈ-eu Yeˬsuˇ Ka li baˬ da neh, dawˬ tawˆ luꞈ Miˬyehˇ-ahˇ tsaˬ leˇ tsahˇ leˇ ni jahˇ-euˬ meh.

2 Gawˇliˬtu 11:7

Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ nehˬ-euˬ aˇ poeˬ, ngaˇ naw maꞈ-ahˇ tiˬ jeˬ-iˬ maˬ shaˇ haw-aˬ. Naw maꞈ-ahˇ taˬ huiˬ-eu gʼaˇ duˬ, ngaˬ-euˬ gʼawˇ mawˇ-ahˇ ngaˇ taˬ nyiˇ-euˬ ma. Ngaˇ kʼoeˇ loꞈ-ehˇ mˇ-euˬ lehˬ ta loˇ.

Gaˬlaˬtiˆ 2:21

Miˬyehˇ gʼawˬ shaˬ gaˬ-eu guiˬ lahˬ-ahˇ ngaˇ maˬ byehˇ dzeh. Ehˇ kʼawꞈ, Zahˇ dawˬ kʼoꞈ dawˬ baˬ da neh tsawˇ haˬ zaˬ Miˬyehˇ-ahˇ tsaˬ leˇ tsahˇ leˇ nya meh lehˇ ngeuˇ naˇ, Ka li shiˇ-euˬ-aˬ, tiˬ jeˬ-iˬ gaˇ dahˇ maˬ tsoeˬ gaˇ duˇ meh.

2 Teˇsaˬloˇni 3:8

Nga maꞈ-ahˇ kʼaˇ caw ba nehˬ laꞈ-euˬ jeˬ, aˇ poeˬ maˬ biꞈ ni nga maꞈ maˬ ha geuꞈ-aˬ. Nga maꞈ leh jeh dui dui-eu laꞈ kʼoeˇ gaˇ mˇ-euˬ ma. Nga maꞈ gʼaˇ duˬ naw maꞈ pyuˇ maˬ bi jiˇ mawꞈ-eu miˇneh, uˬ ciꞈ nah gʼahˇ maˬ ehˇ nga maꞈ gaˇ mˇ-euˬ ma.

Panmaeq 21:6

Aˬ yawꞈ paˇ ehˇ-eu, “Jiˇ-euˬ ma. Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma. Iˇ cuꞈ kʼaˇ mehꞈ-eu tsawˇ haˬ-ahˇ, dehꞈ-eu saꞈ laˇ lawˇ gawˆ-euˬ iˇ cuꞈ yawꞈ ngehꞈ-ehˇ bi dawˇ ma.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.