Yoˇhaˬ 15:2 - Akha

² Aˇ siˬ maˬ siˬ le-eu ngaˬ-euˬ uˬ laꞈ deuˬ-ahˇ aˬ yawꞈ deuˆ cuˬ dzeh jiˇ-eu meh. Ehˇ kʼawꞈ, aˇ siˬ siˬ le-eu uˬ laꞈ deuˬ-ahˇ-aˬ, bi siˬ dzehˬ le-eu gʼaˇ duˬ, uˬ pyaˬ daw nehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawf, ngaq-anr tsoftsaf luf-eu gar nae arsiq maq siqle-eu cirni nizaq dawqtawv luf-anr deuvdzae-eu mae. Arsiq khar siqle-eu cirni nizaq deuq-anr-aq, bi siqdzaeq le-eu laer aqyawf yawmuiq-aer dawnaeq-eu mae.

Yoˇhaˬ 15:2 Iomraidhean Croise

Yawˇbaˆ 17:9

Yawˬ haˇ yawˬ ha yaw tsaˬ yaw dawˇ ma lehˇ ehˇ-eu tsawˇ haˬ deuˬ, aˬ yawꞈ maꞈ yaw tsaˬ ma lehˇ, ngehˬ jawˇ ngehˬ noeˬ luꞈ meh.

Jaceuq 92:14

aˬ myah luꞈ nyoeˇ jawꞈ ni jaˆ-awˇ, bawˇ mawˬ mawˬ laˇ ngeh keuˆ ni aˇ siˬ siˬ-eu aˇ bawˇ kʼoeˇ deuˬ-ahˇ duˇ tehꞈ-a.

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Iˇsaˬyaˇ 27:9

Lawˇ ciꞈ zaˬ-euˬ lawˇ duˬ kʼaˬ lo kʼoeˇ deuˬ, lu boeˬ kʼaˬ lo loꞈ-ehˇ deh meuˇ jiˇ-awˇ, yaw saw jeˬ doꞈ damˬ-euˬ lawˇ duˬ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ, tiˬ hmˬ kʼaˇ dzeˇ kʼoeˇ keuˆ ni, Iˇsaˬleˬlaˆ tsawˇ jeuˬ-ahˇ iˬ baˇ maˬ pyehˬ nehˬ-a.

Iˇsaˬyaˇ 29:19

Nui ma nahˬ yu ni gʼeh-eu deuˬ tiˬ poˆ, Sahˬpaˬ Miˬyehˇ laꞈ kʼoeˇ laˬ kʼaˬ paˇ ya cehˇ-awˇ, aˬ cawˬ mehˬ shi iˇ shaˬ shaˬ luꞈ-eu deuˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ laꞈ kʼoeˇ, laˬ kʼaˬ cehˇ nui saˇ oꞈ tehꞈ-a.

Daˬyeˬlaˇ 11:35

Zaˬ siˬ tsawˇ gahˇ byah-eu aˬ yuiꞈ aˬ tsu tiˬ paˆ na deuˬ bi sehꞈ tehꞈ-a. Ehˇ kʼawꞈ kʼoeˇ loꞈ-ehˇ bi sehꞈ-euˬ baˬ da neh, tsawˇ haˬ zaˬ deuˬ muiˬ laˇ shawˇ laˇ tehꞈ-a. Miˬyehˇ neh lehˬ hmˬ taˬ-euˬ aˇ saˬ saˬ-eu aˇ yamˬ keuˆ laˇ ngeh keuˆ ni, kʼoeˇ loꞈ-ehˇ pyeuꞈ pyeuꞈ-ehˇ jaˆ tehꞈ-a.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Maˬlaˬkiˇ 3:3

Pyuˇ kʼoˇ baw guiˇ-awˇ laˆ shawˇ-eu loꞈ-ehˇ, yaˇ kʼaˬ daˇ-eu gʼaˇ duˬ aˬ yawꞈ oe tehꞈ-a. Piˇ ma deuˬ Sahˬpaˬ Miˬyehˇ-ahˇ tsaˬ-eu dawˇ-eu lawˇ-eu jeˬ lawˇ nehˬ laˇ ni, baw baw-eu tsawˇ haˬ pyuˇ hawˇ-eu shuiˇ baw guiˇ-awˇ laˆ shawˇ-eu loꞈ-ehˇ, Sahˬpaˬ Miˬyehˇ-euˬ dawˬ tsaꞈ dawˬ dzawˇ mˇ-eu gʼaˬ piˇ ma kʼoeˇ deuˬ-ahˇ shawˇ tehꞈ-a.

Maꞈtehˬ 13:12

Jaˆ-eu tsawˇ haˬ deuˬ bi jaˆ dzehˬ laˇ ni paˇ biꞈ lahˬ nehˬ tehꞈ-a. Ehˇ kʼawꞈ, maˬ jaˆ-eu tsawˇ haˬ deuˬ-ahˇ-aˬ, kʼaˇ jaˆ-eu dawˬ tawˆ luꞈ yuˇ jiˇ nehˬ tehꞈ-a.

Maꞈtehˬ 13:33

Aˬ yawꞈ maꞈ-ahˇ Yeˬsuˇ yaw jeˬ ma jeˬ tiˬ hmˬ heu loꞈ-ehˇ paˇ ja mehˬ nehˬ-euˬ meh. “Mˬtaˆ Miˇkʼahˬ-aˬ, heu loꞈ-ehˇ duˇ-eu meh. Zaˬ miˬ zaˬ tiˬ gʼaˬ dehˬ tseˬ ui cuiˆ yuˇ-awˇ, cehˇ meu smˇ puˬ-ahˇ keuˬ-awˇ, dawˬ tawˆ luꞈ bi poˬ laˇ jiˇ gaˇ duˇ-eu meh.”

Maꞈtehˬ 15:13

Yeˬsuˇ ehˇ-eu, “Mˬ kʼoeˇ taˆ jawˇ-eu ngaˬ Da neh maˬ ka taˬ-euˬ aˇ bawˇ yawˬ bawˇ na luꞈ, gʼawˇ lehˆ dzeh gaˇ ya daˬ tehꞈ-a.

Maꞈtehˬ 21:19

Gaˇ ma gaˇ dzeˇ dehꞈ-eu siˬ guˬ aˇ bawˇ tiˬ bawˇ mawˇ-awˇ haw-iˇ ngeh, aˇ siˬ maˬ siˬ ni aˇ paꞈ tehꞈ-ehˇ mehˇ luꞈ gaˇ ya mawˇ-euˬ meh. “Aˬ kaˇ naˇ, nawˇ aˇ siˬ tiˬ jawˇ-iˬ maˬ paˇ siˬ le-aˇ” lehˇ, siˬ guˬ aˇ bawˇ kʼoeˇ bawˇ-ahˇ Yeˬsuˇ ehˇ nehˬ ngeh, aˇ bawˇ kʼoeˇ tiˬ poˆ tehꞈ-ehˇ nyoeˬ-iˇ koˆ-iˇ-euˬ meh.

Maꞈtehˬ 25:29

Aˬ jeˬ miˇ neh ehˇ naˇ, jaˆ-eu tsawˇ haˬ-ahˇ paˇ biꞈ lahˬ nehˬ-awˇ, paˇ bi jaˆ dzehˬ laˇ tehꞈ-a. Maˬ jaˆ-eu tsawˇ haˬ-aˬ, maˬ jaˆ kʼaˇ jaˆ-eu dawˬ tawˆ luꞈ bi yuˇ jiˇ tehꞈ-a.

Maꞈtehˬ 3:10

Aˇ bawˇ duˬ ciˇ-ahˇ tuˆ ni tuˇ coˬ-eu gʼaˇ duˬ, deuˆ haˬ lehˬ hmˬ taˬ-euˬ meh. Aˇ siˬ yaw muiˬ paˬ-ehˇ maˬ siˬ le-eu aˇ bawˇ deuˬ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a.

Maꞈtehˬ 3:12

Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”

Maꞈtehˬ 7:19

Aˇ siˬ yaw muiˬ maˬ kʼaˇ siˬ le-eu aˇ bawˇ deuˬ tuˇ dzeh-awˇ, miˬ dzaˬ-ahˇ baꞈ puiˆ-eu meh.

Maˬkuˆ 4:20

Tsawˇ haˬ tiˬ paˆ na deuˬ-aˬ, miˇ tsaˬ miˇ muiˬ muiˬ gaˇ ga-iˇ-euˬ siˬ yoeˬ-ahˇ duˇ-eu meh. Aˬ yawꞈ maꞈ Miˬyehˇ dawˬ kawˬ-ahˇ ya gaˬ-awˇ ha geuꞈ-euˬ loꞈ-ehˇ, aˇ siˬ siˬ le-eu meh. Tiˬ paˆ na deuˬ smˬ tseˇ bymˇ, tiˬ paˆ na deuˬ koꞈ tseˇ bymˇ, tiˬ paˆ na deuˬ tiˬ yaˇ bymˇ siˬ le-eu meh.”

Luˇkaꞈ 8:13

Kʼaˬ lo lo yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ-euˬ dawˬ kawˬ ya gaˬ ngeh, laˬ kʼaˬ tiˬ cehˇ ha geuꞈ-euˬ kʼawꞈ, duˬ ciˇ maˬ toeˬ ziꞈ nya-eu miˇ neh, tiˬ kʼehˇ laˇ kʼehˬ tehꞈ-ehˇ jah-awˇ, muˇ juˇ juˇ-eu jeˬ keuˆ le ngeh, coˬ-iˇ-eu meh.

Yoˇhaˬ 15:1

Ngaˇ-aˬ, maˇ maˇ ni gʼeh-eu aˬ gaꞈ baw duˆ ma. Ngaˬ Da-aˬ, aˬ gaꞈ yaˇ kmˇ-ahˇ bo saˆ-eu gʼaˬ meh.

Yoˇhaˬ 15:16

Naw maꞈ neh ngaˬ-ahˇ tseˇ geuꞈ-euˬ maˬ ngeuˇ-a. Ngaˬ neh naw maꞈ-ahˇ tseˇ doˆ-euˬ ma. Naw maꞈ iˇ-awˇ ziꞈ-eu gmˬ-eu aˇ siˬ gʼawˬ mya ni siˬ le-eu gʼaˇ duˬ tseˇ doˆ-euˬ ma. Kʼoeˇ ngeh jawˇ, ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ, Aˬda naw maꞈ-ahˇ biꞈ nehˬ laꞈ tehꞈ-a.

Yoˇhaˬ 15:3

Ngaˬ neh mehˬ nehˬ tsoˆ nehˬ-euˬ dawˬ deuˬ baˬ da neh, naw maꞈ muiˬ laˇ shawˇ laˇ gʼaˬ-euˬ meh.

Yoˇhaˬ 15:6

Ngaˬ-ahˇ maˬ kʼaˇ tsoꞈ tsaꞈ-eu tsawˇ haˬ-aˬ, uˬ laꞈ bi deuˆ tsehˆ dzeh-awˇ koˆ-iˇ gaˇ duˇ tehꞈ-a. Kʼoeˇ loꞈ-ehˇ gʼeh-eu uˬ laꞈ deuˬ-ahˇ gʼoˆ uiˬ-awˇ, miˬ dzaˬ jehˆ bymˇ-ahˇ baꞈ ahˇ-awˇ bi puiˆ dzaˬ jiˇ tehꞈ-a.

Yoˇhaˬ 15:8

Naw maꞈ aˇ siˬ siˬ dui dui le gaˇ haw-awˇ, ngaˬ Da-euˬ yaw shehꞈ kʼahˬ sehˇ-ahˇ aˬ cawˬ ya mawˇ tehꞈ-a. Kʼoeˇ ngeh jawˇ, naw maꞈ ngaˬ-euˬ zaˬ lahˇ pyeuꞈ laˇ-euˬ meh lehˇ ehˇ nya meh.

Yoˇhaˬ 17:12

Ngaˇ aˬ yawꞈ maꞈ nehˬ-ehˇ jawˇ luꞈ ngeh, nawˬ neh ngaˬ-ahˇ biꞈ laꞈ-euˬ tsawˇ myahˇ kʼoeˇ myahˇ-euˬ baoˬ neh aˬ yawꞈ maꞈ-ahˇ haw lahˇ-euˬ ma. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni byoˆ-iˇ-euˬ kʼoeˇ tiˬ gʼaˬ maˬ ngeuˇ naˇ, aˬ yawꞈ maꞈ tiˬ gʼaˬ-iˬ maˬ bi byoˆ-iˇ ni ngaˇ haw lahˇ-euˬ ma.

Lormav 11:17

Tsawˇ haˬ zaˬ neh ka taˬ-euˬ saˬ loˬ aˇ bawˇ-euˬ uˬ laꞈ tiˬ paˆ na deuˬ deuˆ tsehˆ dzeh-awˇ, bawˇ tsahˬ-ahˇ dehꞈ-eu saˬ loˬ aˇ bawˇ-euˬ uˬ laꞈ yuˇ-awˇ paˇ tsaꞈ nehˬ-euˬ meh. Naw maꞈ Yuˇdaˆ tsawˇ haˬ maˬ ngeuˇ-eu deuˬ-aˬ, bawˇ tsahˬ-ahˇ dehꞈ-eu saˬ loˬ aˇ bawˇ-ahˇ duˇ-eu meh. Ehˇ kʼawꞈ, Yuˇdaˆ tsawˇ haˬ-euˬ guiˬ lahˬ saꞈ laˇ paw gʼaˬ kʼaˆ dui dui-eu jeˬ-ahˇ nymˬ-mˇ naw maꞈ za luꞈ-eu meh.

Lormav 11:22

Miˬyehˇ gʼawˬ shaˬ gaˬ-eu jeˬ hawˇ-eu zuiˆ-eu jeˬ heu nyiˬ hmˬ-ahˇ, heu gaˇ aˬ dui ya mawˇ-euˬ ma. Iˬ baˇ mˇ-eu tsawˇ haˬ deuˬ-ahˇ aˬ yawꞈ zuiˆ-awˇ, aˬ yawꞈ gʼawˬ shaˬ haw gaˬ paˬ-ehˇ kʼaˇ dehꞈ kʼoeˇ keuˆ ni naw maꞈ-ahˇ aˬ yawꞈ gʼawˬ shaˬ gaˬ tehꞈ-a. Ehˇ kʼawꞈ, aˬ yawꞈ gʼawˬ shaˬ gaˬ paˬ-ehˇ maˬ dehꞈ naˇ, naw maꞈ-ahˇ kʼawꞈ deuˆ tsehˆ dzeh tehꞈ-a.

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

1 Gawˇliˬtu 13:1

Ngaˇ-aˬ, tsawˇ haˬ zaˬ-euˬ dawˬ deuˬ hawˇ-eu mˬ taˆ gʼaˬ kʼehˇ-euˬ dawˬ-ahˇ keuˆ ni ngehˬ nya jiˇ-eu kʼawꞈ, gʼoeˇ-eu gaˬ-eu jeˬ maˬ ahˇ naˇ, boe loe diˬ-eu teˇ saˇ hawˇ-eu cehˇ lehˇ ciˆ-eu teˇ saˇ loꞈ-ehˇ tehꞈ meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 12:15

Miˬyehˇ-euˬ guiˬ lahˬ-ahˇ maˬ ya byehˇ dzeh ni yahˇ-awˬ. Kʼaˬ dui dui-eu baw duˆ mehˇ laˇ-awˇ aˬ yawꞈ-euˬ doꞈ kʼoeˇ neh aˬ cawˬ-ahˇ laˆ bahˬ laˆ muˆ-eu loꞈ-ehˇ, tsawˇ haˬ tiˬ gʼaˬ-iˬ taˬ bi pyeuꞈ.

1 Yoˇhaˬ 2:19

Tsawˇ haˬ heu deuˬ-aˬ, aˬ dui-euˬ aˇ maꞈ aˇ muˇ-ahˇ maˇ maˇ ni taꞈ-eu deuˬ maˬ ngeuˇ-a. Kʼoeˇ miˇ neh, aˬ yawꞈ maꞈ aˬ dui-ahˇ gʼawˬ-iˇ-eu meh. Aˬ yawꞈ maꞈ aˬ dui-euˬ aˇ maꞈ aˇ muˇ-ahˇ taꞈ law nmˇ-aˬ, aˬ dui-ahˇ maˬ gʼawˬ-iˇ ni jawˇ tehꞈ-a. Aˬ yawꞈ maꞈ aˬ dui-ahˇ maˬ taꞈ-eu gaˇ kawˆ bi siˬ duˬ laˇ-eu gʼaˇ duˬ, aˬ dui-ahˇ gʼawˬ-iˇ-euˬ jeˬ pyeuꞈ-eu meh.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.