Yoˇhaˬ 15:14 - Akha

¹⁴ Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Ngaq nae khar biftaq-euq dawqdeuq-anr nawmaf mrcaw nar-aq, nawmaf, ngaq-euq cawq pyeuf-eu mae.

Yoˇhaˬ 15:14 Iomraidhean Croise

1 Sahˬpaˬ 4:5

Naˬdaˬ-euˬ aˬ li Aˬzaˬyiˇ-aˬ, miˇ kʼahˬ kʼahˬ zaˬ biˇ taˬ-euˬ kʼoeˇ taˆ uˆ lahˇ-eu sahˬ paˬ sahˬ ma deuˬ-ahˇ haw-eu pyaˆ-eu gʼaˬ geuꞈ-euˬ meh. Naˬdaˬ-euˬ aˬ li Zaˬbuˆ-aˬ, sahˬ paˬ-ahˇ nui noeˬ nui duˇ biꞈ-euˬ gʼaˬ geuꞈ-euˬ meh.

2 Sahˬpaˬ 18:6

Aˬ yawꞈ-aˬ, Sahˬpaˬ Miˬyehˇ-ahˇ saˇ jaˇ ziꞈ-awˇ, Sahˬpaˬ Miˬyehˇ-euˬ ehˇ dawˬ-ahˇ maˬ naˇ haˬ-ehˇ maˬ byehˇ-eu uˬ taꞈ, Sahˬpaˬ Miˬyehˇ neh Moˇseˬ-ahˇ kʼaˇ biꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ, yaw muiˬ paˬ-ehˇ caw teh-eu meh.

2 Laˬsaˬbaˬ 20:7

Nawˇ-aˬ, nga maꞈ-euˬ Miˬyehˇ ma. Nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ miˇ kʼahˬ heu kʼahˬ-ahˇ uˇ laˇ ngeh, heu gaˇ jawˇ luꞈ-eu tsawˇ haˬ deuˬ-ahˇ nawˇ teh dzeh-awˇ, nawˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-ahˇ miˇ kʼahˬ heu kʼahˬ nawˇ biꞈ tsehˆ nehˬ-euˬ meh.

Doˆ-iˇ 7:6

Sahˬpaˬ Miˬyehˇ aˬ yawꞈ nyaꞈ-ahˇ dawˬ biꞈ nehˬ-euˬ loꞈ-ehˇ, Moˇseˬ hawˇ-eu Aˬloˬ mˇ-euˬ meh.

Dawqdaq 18:24

Cawˬ kʼaˇ ngeuˇ-eu yaw gʼoeˇ maˬ ngeuˇ, cawˬ muiˬ mehˇ nmˇ maˬ tseˇ tawˬ-mˇ jeˇ.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Iˇsaˬyaˇ 41:8

“Ehˇ kʼawꞈ, ngaˬ-euˬ zaˬ kʼaˆ Iˇsaˬleˬlaˆ-oˇ, nawˇ ngaˬ neh tseˇ doˆ-eu tsawˇ jeuˬ pyeuꞈ-awˇ, ngaˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ meh.

Yeˬlaˬmiˇ 32:23

Ehˇ kʼawꞈ, miˇ kʼahˬ heu kʼahˬ aˬ yawꞈ maꞈ za-awˇ jawˇ luꞈ ngeh, nawˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-ehˇ, nawˬ neh mehˬ nehˬ tsoˆ nehˬ-euˬ loꞈ-ehˇ maˬ dehꞈ ni, nawˬ neh bi mˇ-euˬ jeˬ-ahˇ aˬ yawꞈ maꞈ maˬ mˇ-a. Kʼoeˇ miˇ neh heu loꞈ-ehˇ gʼeh-eu luˬ-iˇ seˇ-iˇ-eu jeˬ, aˬ yawꞈ maꞈ kʼoeˇ taˆ nawˇ bi keuˆ le-euˬ meh.

Yeˬsaˬgeˬlaˇ 12:7

Sahˬpaˬ Miˬyehˇ neh kʼaˇ ehˇ nehˬ laꞈ-eu loꞈ-ehˇ ngaˇ mˇ-euˬ ma. Kʼoeˇ ngeh nah, aˬ cawˬ miˇ kʼahˬ-ahˇ pawˇ-iˇ-eu tsawˇ haˬ loꞈ-ehˇ ngaˇ myawˬ kuˬ shaˇ dawˆ-awˇ, zahˇ le jawˬ-ehˇ nymˇ kaˇ pyawˇ tsawˆ byoe-awˇ, doˆ-iˇ-euˬ ma. Tsawˇ haˬ yawˬ gʼaˬ na luꞈ haw luꞈ ngeh, myawˬ kuˬ baꞈ pu-ahˇ baꞈ-awˇ ngaˇ doˆ-iˇ-euˬ ma.

Maꞈtehˬ 12:50

Mˬ kʼoeˇ taˆ jawˇ-eu ngaˬ Da bi mˇ mawꞈ-eu jeˬ kʼaˇ mˇ-eu tsawˇ haˬ-aˬ, ngaˬ-euˬ mehˇ nmˇ, ngaˬ-euˬ dmˇ ma, ngaˬ-euˬ aˬ ma pyeuꞈ-eu ma.”

Luˇkaꞈ 12:4

“Ngaˬ-euˬ cawˬ deuˬ-oˇ, ngaˇ ehˇ nehˬ nyaˇ. Gʼawˇ mawˇ-ahˇ sehꞈ nya kʼawꞈ, kʼoeˇ uˬ taꞈ-ehˇ tiˬ jeˬ-iˬ maˬ jahˇ laˇ nya-eu deuˬ-ahˇ taˬ guˆ.

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

Yoˇhaˬ 14:15

“Naw maꞈ ngaˬ-ahˇ gaˬ naˇ, ngaˬ neh biꞈ-euˬ dawˬ deuˬ-ahˇ naˇ haˬ geuꞈ tehꞈ-a.

Yoˇhaˬ 14:21

Ngaˬ neh biꞈ-euˬ dawˬ-ahˇ ya gaˬ-euˬ loꞈ-ehˇ naˇ haˬ geuꞈ-eu tsawˇ haˬ-aˬ, ngaˬ-ahˇ gaˬ-eu tsawˇ haˬ meh. Ngaˬ-ahˇ kʼaˇ gaˬ-eu tsawˇ haˬ-ahˇ ngaˬ Da gaˬ tehꞈ-a. Ngaˇ kʼawꞈ aˬ yawꞈ-ahˇ gaˬ-awˇ, ngaˇ aˬ suˇ gʼaˬ pyeuꞈ-eu gaˇ kawˆ a yawꞈ-ahˇ bi siˬ bi mawˇ ma.”

Yoˇhaˬ 14:28

‘Ngaˇ naw maꞈ-ahˇ byehˇ yaꞈ-euˬ kʼawꞈ, tiˬ poˆ paˇ oe ma’ lehˇ, naw maꞈ-ahˇ ehˇ nehˬ gʼaˬ-euˬ ma. Naw maꞈ ngaˬ-ahˇ gaˬ law nmˇ-aˬ, ngaˇ Aˬda jawˇ gaˇ gʼoꞈ leˇ ngeh, naw maꞈ laˬ kʼaˬ cehˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, ngaˇ naˆ maˬ tseˇ huiˬ dzehˬ mahˇ dzehˬ-eu meh.

Yoˇhaˬ 2:5

Kʼoeˇ ngeh, “Ngaˬ li kʼaˇ ehˇ-eu loꞈ-ehˇ mˇ-awˬ” lehˇ, zaˬ kʼaˆ deuˬ-ahˇ Yeˬsuˇ-euˬ aˬ ma ehˇ nehˬ-euˬ meh.

Yaˬkoˆ 2:23

Kʼoeˇ ngeh jawˇ, “Aˬbyaˬhaˬ Miˬyehˇ-ahˇ jah-awˇ, aˬ yawꞈ-euˬ jah-eu jeˬ baˬ da neh, Miˬyehˇ neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ sawˇ nehˬ-euˬ meh” lehˇ ehˇ-eu Jaˇ liꞈ dawˬ kawˬ kʼoeˇ byah laˇ-euˬ meh. Kʼoeˇ miˇ neh, Aˬbyaˬhaˬ-ahˇ Miˬyehˇ-euˬ cawˬ lehˇ kuˇ-eu meh.

1 Yoˇhaˬ 5:3

Aˬ dui Miˬyehˇ-ahˇ gaˬ-eu lehˇ ehˇ-eu kʼoeˇ-aˬ, aˬ yawꞈ-euˬ dawˬ-ahˇ naˇ haˬ geuꞈ gaˇ ehˇ-eu meh. Aˬ yawꞈ-euˬ dawˬ-aˬ, aˬ dui maˬ caw teh nya paˬ-ehˇ shaˬ-eu jeˬ maˬ ngeuˇ-a.

Luˇta 3:6

Kʼoeˇ naˇ, cehˇ baw duˬ-ahˇ Luˇta iˇ-awˇ, Nawˇmi neh aˬ yawꞈ-ahˇ kʼaˇ ehˇ nehˬ-euˬ loꞈ-ehˇ mˇ-euˬ meh.