Yoˇhaˬ 14:12 - Akha

¹² Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-ahˇ kʼaˇ jah-eu tsawˇ haˬ-aˬ, ngaˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ mˇ tehꞈ-a. Ngaˬ neh mˇ-euˬ gaˇ deuˬ myaˆ maˬ tseˇ aˬ yawꞈ mˇ huiˬ gʼeh tehꞈ-a. Aˬ jeˬ miˇ neh ehˇ naˇ, ngaˇ-aˬ, Aˬda jawˇ gaˇ ya gʼoꞈ leˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² “Ngar, nawmaf-anr aqdirma-aer aernaeq nyar, ngaq-anr jan-eu tsawrhaq-aq, ngaq nae mr-euq gardeuq mr taef-a. Ngar, ngaqDa jawr-eu gar ghofler-eu mirnae, aqyawf heunav maqtser huiq-eu gardeuq mr taef-a.

Yoˇhaˬ 14:12 Iomraidhean Croise

Maꞈtehˬ 21:21

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu nui ma ahˇ-awˇ, poˆ poˆ laˆ laˆ-ehˇ maˬ noeˬ naˇ, ngaˬ neh siˬ guˬ aˇ bawˇ heu bawˇ-ahˇ jahˇ nehˬ-euˬ loꞈ-ehˇ, naw maꞈ kʼawꞈ jahˇ nya tehꞈ-a. Kʼoeˇ naˆ tehꞈ-ehˇ maˬ ngeuˇ-a siˬ. Gawˬ jawˬ heu jawˬ-ahˇ ‘Teuˆ diˇ laˇ-awˇ iˬ ma laˆ shaˆ-ahˇ ga puꞈ-iˇ-awˬ’ lehˇ naw maꞈ ehˇ nehˬ ngeh, gawˬ jawˬ heu jawˬ iˬ ma laˆ shaˆ-ahˇ ga puꞈ-iˇ tehꞈ-a.

Maˬkuˆ 11:13

Ui cuiˆ gaˇ mahˇ kaˬ gaˇ dehꞈ luꞈ-eu aˇ paꞈ tiˬ byah ni tsoꞈ-eu siˬ guˬ aˇ bawˇ tiˬ bawˇ mawˇ-awˇ, aˇ siˬ maˬ siˬ nga loˇ lehˇ haw-iˇ-euˬ meh. Aˬ yawꞈ iˇ keuˆ ngeh, siˬ guˬ aˇ siˬ siˬ yamˬ maˬ tsaˬ-eu miˇ neh, aˇ siˬ maˬ siˬ ni aˇ paꞈ tehꞈ-ehˇ tsoꞈ luꞈ gaˇ ya mawˇ-euˬ meh.

Maˬkuˆ 16:17

Jah-eu tsawˇ haˬ deuˬ-aˬ, zahˬ leˇ paˬ-ehˇ gʼeh-eu jeˬ mˇ nya-eu baoˬ za tehꞈ-a. Ngaˬ-euˬ tsawˇ myahˇ uˬ moˆ awˬ yawꞈ maꞈ nehꞈ teh doˆ tehꞈ-a. Maˬ gaˬ haw-euˬ dawˬ gʼawˬ mya jeˬ aˬ yawꞈ maꞈ ngehˬ nya tehꞈ-a.

Yoˇhaˬ 14:28

‘Ngaˇ naw maꞈ-ahˇ byehˇ yaꞈ-euˬ kʼawꞈ, tiˬ poˆ paˇ oe ma’ lehˇ, naw maꞈ-ahˇ ehˇ nehˬ gʼaˬ-euˬ ma. Naw maꞈ ngaˬ-ahˇ gaˬ law nmˇ-aˬ, ngaˇ Aˬda jawˇ gaˇ gʼoꞈ leˇ ngeh, naw maꞈ laˬ kʼaˬ cehˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, ngaˇ naˆ maˬ tseˇ huiˬ dzehˬ mahˇ dzehˬ-eu meh.

Yoˇhaˬ 16:7

Ngaˇ naw maꞈ-ahˇ maˇ jawˆ ni ehˇ-eu ma. Ngaˇ gʼoꞈ leˇ-eu-aˬ, naw maꞈ gʼaˇ duˬ muiˬ dzehˬ meh. Aˬ jeˬ miˇ neh ehˇ naˇ, ngaˇ maˬ gʼoꞈ leˇ naˇ, Caw ba-eu gʼaˬ naw maꞈ jawˇ gaˇ maˬ oe nya-a. Ngaˇ gʼoꞈ leˇ naˇ, Caw ba-eu gʼaˬ-ahˇ kʼehˇ gʼeh leꞈ ma.

Yoˇhaˬ 4:37

‘Tiˬ gʼaˬ sehˬ-awˇ tiˬ gʼaˬ yehˬ-eu’ lehˇ dawˬ daˬ daˬ taˬ-euˬ kʼoeˇ tsaˬ meh.

Yoˇhaˬ 5:20

Aˬ jeˬ miˇ neh ehˇ naˇ, Aˬda-aˬ, Zaˬmaˇ-ahˇ gaˬ-eu miˇ neh, aˬ yawꞈ kʼaˇ mˇ luꞈ-eu yawˬ jeˬ na luꞈ mehˬ -euˬ meh. Heu naˆ maˬ tseˇ huiˬ-eu deuˬ kʼawꞈ mˇ nya ni, aˬ yawꞈ mehˬ tehꞈ-a. Naw maꞈ dawˬ tawˆ luꞈ ya zahˬ leˇ dui dui tehꞈ-a.

Yoˇhaˬ 7:33

Yeˬsuˇ ehˇ-eu, “Ngaˇ naw maꞈ nehˬ-ehˇ tiˬ kʼehˬ jawˇ gʼaˬ naˇ, ngaˬ-ahˇ kʼehˇ gʼeh leꞈ-euˬ gʼaˬ jawˇ gaˇ gʼoꞈ leˇ ma.

Yoˇhaˬ 7:39

Yeˬsuˇ kʼoeˇ loꞈ-ehˇ ehˇ-eu-aˬ, aˬ yawꞈ-ahˇ kʼaˇ jah-eu tsawˇ haˬ deuˬ Yaw sahˇ Miˬyehˇ za gaˇ ehˇ mawꞈ-eu meh. Aˇ yamˬ kʼoeˇ yamˬ-ahˇ keuˆ ni Yaw sahˇ Miˬyehˇ maˬ biꞈ leꞈ-aˬ siˬ. Aˬ jeˬ miˇ neh ehˇ naˇ, Yeˬsuˇ-ahˇ yaw shehꞈ kʼahˬ sehˇ laꞈ kʼoeˇ maˬ ciˬ daˆ kʼoꞈ leꞈ-aˬ siˬ.

Gʼaˬkʼehˇ 10:46

Aˬ jeˬ miˇ neh ehˇ naˇ, tsawˇ haˬ kʼoeˇ deuˬ dawˬ gʼawˬ mya jeˬ ngehˬ-awˇ, Miˬyehˇ-ahˇ ciˬ huiˬ ciˬ mahˇ gaˇ aˬ yawꞈ maꞈ ya gaˬ-euˬ meh. Beˬtuˆluˆ ehˇ-eu,

Gʼaˬkʼehˇ 16:18

Aˬ yawꞈ kʼoeˇ loꞈ-ehˇ guˇ guˇ-ehˇ caw teh-eu gʼawˬ mya nah byah laˇ-euˬ miˇ neh, Pawˇluˆ maˬ oˇ oꞈ coeˇ laˇ-ehˇ, naˇ kʼah paw zeuˆ pyawˇ-awˇ, nehꞈ kʼoeˇ mawˇ-ahˇ “Aˬ yawꞈ-euˬ laꞈ kʼoeˇ neh doˆ-iˇ-awˬ lehˇ, Yeˬsuˇ Ka li-euˬ tsawˇ myahˇ uˬ moˆ ngaˇ nawˬ-ahˇ dawˬ biꞈ-eu ma” lehˇ ehˇ nehˬ ngeh, nehꞈ kʼoeˇ mawˇ aˬ buˇ kʼoeˇ buˇ-euˬ laꞈ kʼoeˇ neh tiˬ poˆ tehꞈ-ehˇ doˆ-iˇ-euˬ meh.

Gʼaˬkʼehˇ 19:12

Pawˇluˆ neh zmˬ-euˬ paˇ jeh maˬ ehˇ, joꞈ tsiˬ maˬ ehˇ, naˇ-eu tsawˇ haˬ deuˬ jawˇ gaˇ yuˇ gʼeh nehˬ ngeh naˇ gawˇ taˬ leˇ-awˇ, nehꞈ yaw jawꞈ uˇ-eu deuˬ kʼawꞈ nehꞈ doˆ-iˇ-euˬ meh.

Gʼaˬkʼehˇ 2:33

Aˬ yawꞈ-euˬ Aˬda pyeuꞈ-eu Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ ciˬ mahˇ keuˆ nehˬ-awˇ, Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Yaw sahˇ Miˬyehˇ za-euˬ meh. Nymˬ-mˇ naw maꞈ ya gaˬ ya mawˇ luꞈ-eu heu-aˬ, a yawꞈ neh Yaw sahˇ Miˬyehˇ shehˆ daˆ nehˬ laꞈ-euˬ jeˬ pyeuꞈ-eu meh.

Gʼaˬkʼehˇ 2:41

Aˬ yawꞈ dawˬ mehˬ mehˬ gaˇ tsawˇ haˬ gʼawˬ mya ni jah leˇ-awˇ, iˇ cuꞈ bi shawˇ-euˬ meh. Kʼoeˇ ngeh nah tehꞈ-ehˇ, aˬ yawꞈ maꞈ-euˬ aˇ muˇ-ahˇ tsawˇ haˬ smˬ heˇ gʼaˬ lahˬ laˇ-euˬ meh.

Gʼaˬkʼehˇ 4:16

Aˬ yawꞈ maꞈ ehˇ-eu, “Tsawˇ haˬ heu nyiˬ gʼaˬ-ahˇ aˬ joˆ-ehˇ jahˇ nehˬ paˬ nga. Tsawˇ haˬ zaˬ maˬ mˇ nya-eu zahˬ leˇ paˬ-ehˇ gʼeh-eu gaˇ heu hmˬ aˬ yawꞈ nyaꞈ neh mˇ-euˬ meh lehˇ Yeˬluˇsaˬlehˬ meuˬ meuˬ lah ni siˬ nya-euˬ miˇ neh, aˬ dui tsawˇ pyehˇ maˬ paˇ pyehˇ nya ngaˇ.

Gʼaˬkʼehˇ 4:33

Gʼaˬ kʼehˇ deuˬ baoˬ tiˬ byah ni ahˇ-eu laꞈ kʼoeˇ, Sahˬpaˬ Yeˬsuˇ gʼoꞈ dehꞈ laˇ-euˬ gaˇ kawˆ saˇ kiˇ kamˬ-awˇ, muiˬ dui dui-eu guiˬ lahˬ deuˬ, aˬ yawꞈ maꞈ dawˬ tawˆ luꞈ kʼoeˇ taˆ Miˬyehˇ shehˬ nehˬ lawˇ nehˬ-euˬ meh.

Gʼaˬkʼehˇ 4:4

Ehˇ kʼawꞈ, dawˬ mehˬ mehˬ gaˇ ya gaˬ-euˬ tsawˇ haˬ gʼawˬ mya ni jah laˇ-awˇ, jah-eu tsawˇ haˬ ngaˬ heˇ gʼaˬ byah laˇ-euˬ meh.

Gʼaˬkʼehˇ 5:15

Gʼaˬ kʼehˇ deuˬ-euˬ mˇ myawˬ shaˇ kawˆ-ahˇ aˬ cawˬ ya mawˇ ngeh, naˇ-eu gawˇ-eu tsawˇ haˬ deuˬ-ahˇ gaˇ ma-ahˇ baꞈ doˆ leꞈ-awˇ, gawˬ pu hawˇ-eu yuꞈ zaˇ kʼoeˇ taˆ bi jawˇ-awˇ, Beˬtuˆluˆ oe tsehˆ ngeh, aˬ yawꞈ-euˬ gʼawˇ mawˇ-euˬ naˇ shmˇ bi zaw le-eu gʼaˇ duˬ loꞈ luꞈ-eu meh.

Gʼaˬkʼehˇ 6:7

Kʼoeˇ loꞈ-ehˇ jahˇ-eu laꞈ kʼoeˇ, Miˬyehˇ-euˬ dawˬ kawˬ mehˬ hu paw maˬ naˬ leˇ ni gaˬ doe-iˇ luꞈ-eu meh. Yeˬluˇsaˬlehˬ meuˬ laꞈ kʼoeˇ zaˬ lahˇ deuˬ tiˬ jawˇ saˇ-iˬ tiˬ jawˇ myaˬ laˇ luꞈ-awˇ, piˇ ma gʼawˬ mya gʼaˬ jah-eu tsawˇ haˬ pyeuꞈ laˇ-euˬ meh.

Gʼaˬkʼehˇ 8:7

Tsawˇ haˬ gʼawˬ mya gʼaˬ laꞈ kʼoeˇ uˇ-eu nehꞈ yaw jawꞈ deuˬ guˇ guˇ-ehˇ doˆ-iˇ-awˇ, kuiˇ shiˇ laꞈ shiˇ shiˇ-eu tsawˇ haˬ gʼawˬ mya ni taˬ leˇ-euˬ meh.

Gʼaˬkʼehˇ 9:34

Beˬtuˆluˆ aꞈ yawꞈ-ahˇ ehˇ nehˬ-eu, “Ehˇneˬ-oˇ, Yeˬsuˇ Ka li nawˬ-ahˇ bi muiˬ laˇ-euˬ meh. Tuˇ-awˇ nawˬ-euˬ yuꞈ zaˇ laˆ luiˆ-awˬ.” Kʼoeˇ ngeh, Ehˇneˬ ja pyuˬ ni tuˇ laˇ-euˬ meh.

Gʼaˬkʼehˇ 9:40

Beˬtuˆluˆ-aˬ, aˬ yawꞈ maꞈ dawˬ tawˆ luꞈ-ahˇ laꞈ nyiˇ bi doˆ-iˇ jiˇ-awˇ, pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ meh. Kʼoeˇ naˇ, shiˇ taˬ-euˬ gʼawˇ mawˇ jaˆ gaˇ ciˬ pyawˇ-awˇ, “Daˬbiˇtaˆ-oˇ, tuˇ-awˬ”lehˇ ehˇ nehˬ-euˬ meh. Aˬ yawꞈ myaˆ nuiˆ byeh haw laˇ-awˇ, Beˬtuˆluˆ-ahˇ mawˇ ngeh, tuˇ-awˇ nuiˇ-euˬ meh.

Lormav 15:19

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ nya-eu baoˬ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ mˇ-euˬ jeˬ pyeuꞈ-eu meh. Yeˬluˇsaˬlehˬ meuˬ-ahˇ neh Iˇluˇliˆ miˇ kʼahˬ-ahˇ keuˆ ni iˇ-euˬ gaˇ pehˇ kahˇ li, Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ doe-euˬ ma.